鳳雛燉雞

營業中

休息中

🥜應該係第三次幫襯鳳雛燉雞，對上個次係2-3年前，去完太子始創247，5分鐘內行到去旺角彌敦道726號，個幢野一向多野食，見咁耐無幫襯，一於再回味下🥜2個人叫一個jjimdak，本身包含1人份量冬粉，所以我哋加咗$28嘅年糕，份量剛剛好。鳳雛燉雞（無骨）少辣+年糕 $248+$28🥜俾我對上嗰一次食惹味咗好多，蒜味upupup，好清楚見到d蒜茸🥜辣度方面還好，辣味主要來自辣椒，唔係辣粉，所以愛辣嘅朋友仔可以挑戰一下勁辣🔥🥜入面包括無骨雞件、洋蔥、薯仔、紅蘿蔔、青瓜、辣椒、冬粉。🥜MVP一定係冬粉，吸曬所有湯汁嘅精華，Q彈，小心夾嘅時候彈汁😂下次可能追加一份冬粉

我想同你一齊食…韓式芝士燉雞🥰仲有韓式海鮮煎餅🤭最近天氣都好唔穩定，差唔多落足成個禮拜雨啦！放假唔可以影響心情同朋友行完街之後，梗係要醫醫肚唷！朋友帶我嚟到旺角呢一間由韓國人主理嘅韓式芝士燉雞店！果然冇介紹錯，每個人嚟到餐廳都係必點韓式芝士燉雞😎估唔到咁大份兩個人食真係啱啱好!!! 韓式芝士燉雞一盤有無骨燉雞、一大份半溶芝士🧀、仲有非常入味嘅冬粉😍韓式芝士燉雞口味，比較重同濃，如果配埋白飯一齊食啱啱好，但就飽到唔使食宵夜😂眼闊肚窄嘅我哋仲想食韓式海鮮煎餅😝呢塊煎餅一片未剪開上我哋自己剪返開佢🤣夠晒大塊裏邊仲有魷魚海鮮嘅配料🥰 #韓式芝士燉雞 #旺角美食 #芝士燉雞 #旺角韓國菜

Bongchu Jjimdak 鳳雛燉雞 地址：旺角彌敦道726號10樓第一次試韓國風味既燉雞，同我地中國既燉法好唔同！又比想像中好味，無骨燉雞係依間店既招牌菜！雖然睇落黑蚊蚊，但食落絕對有驚喜，唔係講笑！啖啖都係肉，無骨，就連小朋友都肯定啱食😆😋今次就帶個女過黎食，佢都大讚好味☺️👍順便加多個魚蛋魚糕俾佢！咁就夠晒飽～鳳雛燉雞（無骨）韓式無骨鳳雛燉雞，肉質嫩滑又鮮嫩！而且蔬菜入味鲜甜，湯頭濃郁湯汁滑順，搭配埋飯食真係特別美味！係傳統既韓式家鄉菜，加上碟菜無骨，特別啱小朋友食😊😊魚蛋＆魚糕 Fish Cake $28韓式口味既蛋與魚糕，內餡彈牙富有口感層次。醬料微甜，與魚餅既味道好夾😋。咬落去能感受魚肉的鮮甜，口感軟糯，的確令人難忘呀！😆

呢度成棟幾乎都係食肆鳳雛燉雞봉추찜닭 相信韓國🇰🇷迷都唔陌生但我就第一次食😆燉雞有3款～辣度可自由選擇基本款｜芝士燉雞｜豬手芝士燉雞除左燉雞，大聚偏愛嘅炸雞，韓式小食如蛋卷，韓國卷物都有點左小辣基本款燉雞～溫馨提示🔔我地點左個小辣都覺得後勁好厲害燉雞係無骨架，而且材料好多有薯仔，紅蘿蔔，青瓜，薯粉同蔥等～ 一上枱就聞到香噴噴～雞件偏向有口感，整體調味甜甜辣辣～ 個人認為煙煙韌韌嘅薯粉吸晒汁好好味🤤份量二人食都夠，怕唔夠食都可以加配薯粉，飯，魚糕年糕🍽️

餐廳名字係 봉추찜닭 BONGCHU JJIM DAK 原來喺2000年創立，佢哋嘅網站寫住：We create value that does not change over time 😁$248「鳳雛燉雞 순살봉추찜닭 제화핫 (클) Bongchu Original Braised Chicken (Boneless)」：餐牌話「基本包含1人份量冬粉」🤣「鳳」係傳說中嘅百鳥之王，「雛」係小雞，「鳳雛燉雞」有百鳥之王有小雞又有燉雞，個名真係幾得意😊，大大碟味道辣辣哋甜甜哋🤣$98「海鮮煎餅 Seafood Pancake」：煎得脆脆哋幾香口🤣

朋友之前食過呢間鳳雛燉雞覺得好好食，今日放工我哋約埋一齊去試下。💡🛋️ 「鳳雛燉雞」位於10樓，窗邊卡位可以睇到旺角繁華嘅景色，店內環境寬敞光亮，裝修同餐具都好有韓國傳統風格 🇰🇷 食材醬汁由韓國直送，以做到原汁原味😋招牌菜「鳳雛燉雞」，有細、中、大辣可選，可供4-6人享用👅⋄⋄====—====—====—====—✦ 𝑩𝑶𝑵𝑮𝑪𝑯𝑼 𝑱𝑱𝑰𝑴 𝑫𝑨𝑲 ✦🐥鳳雛燉雞（$248） 鳳雛燉雞係餐廳主打，燉雞配以洋蔥🧅、青瓜🥒蘿蔔🥕薯仔🥔及一人份量嘅冬粉，亦可以加其他配菜，仲有得揀辣度，分左勁辣，小辣同無辣🌶️我地揀左小辣😝⋄😝份量超大，無骨雞件同及配菜十分足料，一人份嘅冬粉都唔少，醬汁咸咸甜甜又濃郁，少辣令整道菜昇華😍所有食材都燉到非常入味，雞肉嫩滑，好好味🤤所有食材都索晒醬汁，冬粉浸在醬汁度裡Q彈且煙煙韌韌，口感超好👍🏻⋄配菜有幾款選擇，分別有飯焦🍚（$38）、菇🍄（$28）、冬粉🍜（$28）、年糕（$28）、魚蛋&魚糕🐟（$28）及白飯🍚（$10）🍚加飯焦（$38）飯焦賣相好吸引🤩外層烘得脆脆的，內裡軟腍，配上紫菜及泡菜作點綴，非常吸睛👀 飯焦沾在燉雞裡非常入味，香脆的口感配上濃郁的醬汁

之前一直超大愛嘅餐廳依家太多餐廳忽略咗佢，突然心心念念好想食，呢間真係好出色，到而家都冇失色包咗前菜青瓜芽菜同埋泡菜豬手芝士燉雞（無骨）個人認為呢個燉雞真係必食，一定要加芝士超級邪惡芝士勁多，一大條拉絲🫣 香濃分量足，芝士味濃郁除咗芝士燉雞之外仲有豬手，真係第一次食佢嘅豬手，又唔會話好肥，薄切味道都唔錯入面仲有薯仔，紅蘿蔔，青瓜同冬粉一定要叫辣，食得好過癮佢仲可以加唔同嘅配料，佢最特別嘅係唔知點解有飯焦，應該幾香，但係我都係比較鍾意食冬粉

今日突然好想食韓式燉雞 喺旺角揀咗一間好多人介紹嘅舖頭試 值得推薦！店舖環境舒適 座位寬敞 餐廳食物份量偏大 適合一班朋友叫唔同菜式一齊分享 朋友聚餐最啱餐廳除咗燉雞 仲有好多唔同款式嘅韓國菜 當中唔少得韓國菜經典嘅炸雞、炒年糕、泡菜剪餅 仲有燒酒點完菜之後職員會上一碟韓式前菜 一碟有三個款式 三樣前菜都好好食 個人最鍾意係豆芽 麻油味好香口🔸鳳雛燉雞(無骨) - 小辣口味燉雞份量好大 我同朋友兩個人share都食唔晒 燉雞入面除咗有雞做主菜 仲有薯仔、蘿蔔、青瓜 同薯粉等配料 各樣配料都非常入味 味道有少少似韓式炸醬 鹹甜剛好 雞肉嘅份量好多 食落嫩滑 雞肉味濃 另外薯粉吸晒醬汁嘅味道非常惹味 好值得推介🔸青提梳打食辣野一定要叫飲品！ 青提梳打口味清新 配個燉雞食一流

🍗芝士燉雞 $278雞塊選用無骨的，唔洗怕吐骨，芝士是拉絲質感，配菜有紅蘿蔔、薯仔、青瓜，加上很多大蔥，所以好香， 還有冬粉墊底，足夠兩人二得飽飽的，冬粉質感煙煙韌韌、唔痴牙，吸滿了汁，挺好食的🍓士多啤梨梳打 $32香甜可口，有士多啤梨味，士多啤梨粒粒也很新鮮💎卡位有大玻璃可以睇倒街景，有usb插頭和蘇位💎服務員唔多識廣東話，落單可以講英文/韓文或者手指指💎大廳有大電視播放住韓語歌曲MTV💎水仲有醬油、餐巾、小碗都是自助取的

❝鳳雛燉雞❞由韓國人主理的燉雞店，隱身於旺角商廈，唔太顯眼，本身擔心中伏，點知意外地高質，特別是招牌燉雞，價錢亦唔算太貴，值得一試💯࿐🐣鳳雛燉雞 $𝟐𝟒𝟖💫醬汁濃稠，附上的冬粉吸滿醬汁超好食，主角燉雞肉質嫩滑，份量都算幾多，無骨更易入口，另外亦搭配紅蘿蔔、薯仔等蔬菜，索滿醬汁超入味😋🦐海鮮煎餅 $𝟗𝟖💫外表望落平凡，不過味道幾出色！煎餅外皮香脆、薄身，唔會太厚及油膩，夾雜海鮮粒粒都幾足料🍶水果米酒套餐 $𝟏𝟐𝟖可以自由搭配三款米酒，揀咗青提、草莓、西柚，酒味唔會太濃烈，容易入口，不過建議快手飲，免得等冰融咗後溝淡晒😖

第二次來到門口裝修放了很多綠化植物 喜歡♥️鳳雛燉雞燉雞的烹調過程很講究需選用優質的鳳雛雞肉慢火燉煮3-4小時或以上充分提取雞肉的鮮甜並使冬粉徹底吸收湯汁的香氣燉雞還會加入多種配料為口感增添層次如馬鈴薯、胡蘿蔔、洋蔥等,增添甜味前菜的泡菜和青瓜等韓式小菜則為主菜增添清爽的辣味鳳雛雞肉本身的鮮嫩多汁冬粉徹底吸收雞湯精華燉雞的湯汁濃郁香醇冬粉軟糯可以一口吃到滿足的食感是燉雞的亮點所在韓國家常美食中的一絕慢工出細活的烹飪過程再配上精心挑選的食材♥️牛肉紫菜包飯韓國的包飯真的太美味了！ 非常充實的一個飯卷入面包的配料亦非常新鮮可口🤤食一啖冬粉再加一杯apple cider人間樂事🥰

男朋友超鍾意食呢間，今日就再嚟食$278 芝士雞淨係一碟嘅份量都好夠兩個人食，而且配埋邪惡嘅芝士冇得頂。雞份量超級多，仲要係冇骨添，啱晒我呢啲超懶嘅人。雞就煮得好滑溜，而且個汁好入味，配料仲有冬粉，洋蔥，薯仔。個薯仔都炆得好入味，軟糯適中。芝士好澎湃，勁邪惡，每一啖都一定要加埋啲芝士。而且仲有通粉，佢似係細條啲嘅紅薯粉，扁身嘅，煮到好煙靭，又係朔晒啲汁，超正。下次可以多啲人， share嚟食，仲可以嗌多啲嘢添前菜有芽菜，青瓜，泡菜。每一樣都醃製，好好食，配搭住芝士食，可以解膩。店員真係係韓國人嚟㗎！

#20240513 📝📍 鳳雛燉雞 旺角彌敦道726號10樓➖➖➖➖➖➖➖➖➖➖➖➖➖➖➖➖➖#前菜 💭 原來韓國整雞既方法唔係淨係得炸同人參雞，仲有燉雞，第一次試😂叫完野食會有啲前菜，都係一貫韓國餐廳做法，有芽菜、泡菜同泡青瓜🥒啲咪唔濃抵讚，唔會食完就想飲水💧.#鳳雛燉雞 #小辣 $248💭 用得舖頭名做餸名就必定招牌菜啦😏燉雞有少少中菜既感覺，啲雞去晒骨啖啖肉好user friendly，而且燉既時間夠長所以啲雞都變晒色好入味🐔碟野唔係淨係得雞，紅蘿蔔🥕青瓜同薯仔都有啲係入面，有菜有肉好均衡🥔仲有大約一人份量既冬粉，煙煙韌韌又索晒啲味好正🤤加加埋其實都夠兩個人share食，本身諗住叫個白飯最終都食唔落無叫，大家都記得要食得晒先好叫，唔好做大晒鬼呀😜.#梨汁 $18💭 韓國罐裝野飲當中最鐘意就係飲呢個有果肉既梨汁🍐如果尼呢度食野推薦坐卡位，佢地每個卡位側邊都有插頭可以叉電好高級，坐得又舒服加分🔌

🐽好耐之前去韓國食過幾正😎最記得個汁同冬粉😆有啲掛住個味就係香港食下過下口癮先！。👅鳳雛燉雞（$248）好多汁浸住大大碟咁好吸睛！開頭都驚會唔會食唔哂😂簡左小辣岩岩好，個汁開頭食係幾惹味，但食到後尾愈食愈咸😗全部都係無骨雞肉，雞肉好入味👌🏻但無想像中咁滑，有幾舊有啲嚡口，份量亦唔算好多🤔入面仲有薯仔、紅蘿葡，冬粉都係重點🤓有少少煙韌口感！加左魚蛋同魚糕（+$28）又係索味之選😌

再次嚟食鳳雛，之前都係食炸雞，今次一於試吓佢哋嘅招牌燉雞。鳳雛燉雞份量非常大大一碗，內裡配料除咗無骨雞塊之外，仲有青瓜🥒、紅蘿蔔🥕、薯仔🥔、洋蔥🧅、同埋冬粉🥢。因為有咁多配料同埋叫咗小辣嘅關係，成碗燉雞都非常之濃味，配以冬粉咁吸收哂啲汁嚟食非常之夾。燉雞咁濃味又辣，當然要叫番杯飲品送啦，叫咗呢杯藍檸梳打，正正常常甜甜哋，打卡一流。🍹前菜有青瓜、芽菜、泡菜。店員見你食哂仲會自動幫你免費Refill架🙂👍🏻