鳳凰燒臘飯店

營業中

休息中

好味！真心好味！是兒時的味道！呢間位於黃大仙銀鳳街既鳳凰燒臘飯店，出品真係一流，仲送個老火青紅蘿蔔豬手湯，好味好飲！燒鵝、油雞同燒雞膶都係兒時味道，一種好熟識既味道。燒雞膶軟硬適中，燒得唔燶仲好入味，入口有種軟糯糯既口感，$10蚊3粒燒雞膶，$45蚊碟双拼飯，一共$55蚊，特價比好高。口味：🥚🥚🥚🥚🥚环境：🥚🥚🥚服务：🥚🥚🥚🥚性价比：🥚🥚🥚🥚

身為燒臘飯的忠實擁躉，我每月總會前往香港黃大仙的這家燒臘店一兩次。毫不誇張地說，燒臘飯對香港人而言，是怎麼吃都不會膩的存在，而這家店，絕對是燒臘飯愛好者的天堂。店舖空間不大，略顯緊湊，店內座位有限，大概只能容納10個人左右。所以，想要堂食享受美味，最好避開午飯時間，不然就只能像非凡哥一樣，選擇外賣飯盒啦。在眾多菜品中，乳豬油雞飯和叉燒燒肉飯是我的最愛。每次來，我都要點上一份，那味道，至今想起來都讓人垂涎欲滴。乳豬皮烤得金黃酥脆，咬上一口，「嘎吱」作響，油脂瞬間在口中爆開，卻絲毫沒有油膩之感；雞肉鮮嫩多汁，皮滑肉嫩，油香與雞肉的鮮美完美融合。叉燒色澤紅亮，肉質軟嫩多汁，甜而不膩，獨特的蜜汁風味讓人回味無窮；燒肉則是皮脆肉香，肥瘦比例恰到好處，每一口都充滿了濃郁的香味。這家店的燒臘飯不僅味道絕佳，價格也十分親民，完全是大眾能輕鬆接受的消費水平。在保證價格實惠的同時，還能始終保持菜品的高品質，真的非常難得。每一份燒臘飯都分量十足，食材新鮮，看得出店家在用心經營。如果你也是燒臘飯的粉絲，一定不要錯過這家位於香港黃大仙的燒臘店。相信我，只要嘗過一次，你就會像我一樣，成為這裡的常客！

最近做嘢好忙又多嘢諗 同事就就特登帶我嚟呢一間傳統嘅燒味舖頭食燒味飯 一睇到門口就已經有一種舊式燒味舖頭嘅感覺 而且行到入去仲吊住左一隻隻嘅燒乳豬 原來佢對面有個工場係負責燒乳豬 好多人都會嚟落訂送去公司聚會我揀咗我最鍾意食嘅油雞燒鵝飯 呢間餐廳好有人情味可以嗌多飯少飯 跟湯或者跟嘢飲 今次對住隻乳豬食燒味 真係另有一番風味🤣🤣🤣油雞燒鵝飯 - 油雞非常入味，而且入口嫩滑 佢嘅嗰種豉油味 食得出真係落咗功夫燒鵝食落啲皮好脆 鵝味都好新鮮 真係食過翻尋味 🌕🌕🌕🌕🌖例湯 - 可能我平時唔係食開重口味 對我嚟講就偏鹹咗少少 但係整體上非常之好 🌕🌕🌕🌖🌑

8月2日揾食肥華，心血來潮想食燒味飯及燒鵝瀬粉，所以就同靚媽，選擇咗呢間，位於鳳凰村内，據聞呀姐，汪明荃出外景，都係食呢間燒臘飯店飯盒，嘅老牌名店，食，燒肉切雞飯一碟及燒鵝瀨粉一碗，而肥華和靚媽今日有食神關照，食到脆皮嘅燒肉及燒鵝，而兩者肉味都濃郁，加上肥華指定要食嘅，啖啖肉切雞胸肉，呢餐燒味晚飯真係食得滿意，再飲埋碗隨飯奉送嘅，老火例湯，真係大滿足，最難得此店趷立鳳凰村多年，門面至室内陳設及食品味道始終如一，真係值得一讚👍👍👍

買個切雞燒鵝飯走翼，個阿姐收錢果陣去喺度講33蚊，咁我俾100蚊佢啦，問我有冇3蚊散銀我就話冇啦，跟住自己岸膠膠咁俾左70蚊我，再問我拎多次3蚊，都話左冇啦點比呀？跟住有發曬老皮咁，態度極度惡劣，唔知係死老豆定係殺左佢全家。問佢拎梅醬，佢又話比左，結果又係無比到，返到屋企先知無，食燒鴨燒鵝呢d無梅醬差好遠都眾所周知架啦。呢個呀姐真係好有問題，D野幾好食都無用啦，跟本就趕客。

呢間都食咗好多次了，見水準都keep到下，基本上每樣燒味都食過咁濟，不過最中意食都係依次食呢個叉燒鴨，基本上叉燒係標配每次都有，因為佢真係半肥瘦唔係每一間都做到呢一樣野，希望keep到

睇到其他食評，都話依間店服務態度差，對客人好晦氣，唔憂做你生意。當日個呀姐就態度好少少，上一次另外一個就真係唔太好禮貌。30元一個外賣飯盒，是買得過。而且，這間的燒臘係好味，但單買價錢不算太平，所以買飯盒著數多。當日我買了半斤叉燒$45，但師傅卻斬了瘦叉，早知一早單聲要半肥瘦肉質有D都淋，蜜汁調得好!我覺得如果佢地列晒所有價錢，客人就唔會問來問去，問左唔買好易比人話，呀姐們態度會改善一點吧!起碼唔會覺得煩...

本人第一次寫食評，就係呢間幫襯多年燒味舗。呢間鋪D阿姐出名態度差，之前已受過幾次氣，但今次真係忍唔到。話說我打算訂乳豬，入門口問個阿姐有冇得訂乳豬，佢一句得埋來‘唔知有冇喎’，跟住又大大聲話‘你幾點要呀’我心諗即有啦，跟住就即刻叫我俾＄。態度差到極點，以後都唔會再幫襯呢區又唔係得佢呢問燒味鋪，佢咁樣根本就係倒自己米。以前D燒味都幾好，呢一兩年越來越差，水準下降，沒有服務可言，咁樣做法只會失去客人。

唔係第一次食，食物水準雖然近年差左之前撞手神食到靚嘅叉燒乳豬真係唔錯但係亦試過幾次中伏 啲燒肉燒到乾曬 叉燒瘦到不行今日去食，碟叉燒飯問心唔係太差只係店入面兩個大牌阿姐啲態度真係世界級一坐落去對其他人客「喂」前「喂」後都算，問大牌阿姐一號一句「今日有冇燒肉」好似殺佢全家咁，呢個阿姐勁串咁答「一睇就知冇啦！」之後佢又問要唔要湯，我唔知佢同我講，未應得切佢已經比佢大聲喝，隔離大牌阿姐二號仲正，串爆話「可能人地聽慣英文呢！」我心諗黎食餐飯姐洗唔洗咁你間鋪開係屋邨做街坊生意都做到咁晦氣，真係好令街坊失望，我知你唔憂做，但再係咁嘅服務態度真係冇人會幫襯

For years, I was fed food from here which I didn't even know.At that time, I didn't really explore Chinese BBQ meat so didn't realize I was having such delicious food as I took it for granted.Every location and time we had these faan hups, the food was hot and the meat tasted fresh.Often, the faanhups would be waiting for a while before we ate them but the rice and meat would still be hot and there wasn't any polystyrene odour in the food.I only made an effort to find the source when I was leavi

竹園燒味檔麻麻地，大三元直情難食，所以行遠啲去買，之前買過切雞，覺得唔錯，今次幫襯買左叉燒，太瘦同乾身喇，嗌時師傅已經手起刀落，可能因為唔夠快指名要肥叉吧，下次要第一時間講，如果有下次

今時今日有得堂食嘅燒臘舖買少見少，就算有都係一啲連鎖嘅食肆，今日就開車經過環豐街見到呢間燒臘店就俾佢長長嘅人龍吸引住。坐低之後叫咗個肉鴨飯，坐低之後侍應好快就俾咗碗湯我，今日例湯係紅蘿蔔豬展，湯好鮮甜冇味精，後來飯亦都到咗，燒鴨燒得好靚，食落去好脆口，冇肥膩嘅感覺，好好送飯。燒肉亦都燒得好靚。盛惠＄40

幫襯多年，常吃乳豬燒鵝生腸飯，公司喜慶大食會一直有買全豬燒鵝雞滷味，雖然大家都同意水準日走下坡。25.5.2016 中午幫襯，有一位伯伯吃完後付錢時嘮叨搖搖頭說 "好似我的身體般日走下坡"，阿伯走後事頭婆即以頗尖酸的語調說 "如果斬雞比比你就唔會話我日走下坡啦，廢話！"今日，我又來吃 "乳豬燒鵝生腸飯"，說真的，10 年前是 90 分，今天是 70 分而已。 25.5.2016 來吃 "乳豬燒鵝生腸飯" $54，今天 $60。 不過錢唔係問題，$60 只夠我平時去 "板長" 吃兩碟壽司，而是遇上了好恐怖的事 : 食完飯去廁所碰到一個燒臘刀手喺廁所出嚟，佢唔知開大定開小，冇洗手就埋位繼續斬叉燒。 我素來信納眼不見為乾淨，今次好不幸比我見到。No more next time !

每次一肚餓，我第一時間就係佢。每次都唔洗等，每次都一定有得食！雖然店舖比較細，清潔唔係太好，不過入面既燒味就真係無得頂！但係最特別係燒肉，好難見到係燒得完美！完美既燒肉係明顯分三層:第一層皮連肥膏 ，第二層係網狀組織 ，第三層係肉 。咁既燒肉食落香,脆,滑,口感十足 而且價錢便宜，一碟雙拼燒味飯加汽水或湯水都係$35。絕對係信心之選！

呢間同英都響慈雲山已立足很久, 小時候英都的叉燒確實很吸引, 但易手後已此情不再, 相比鳳凰一直是價廉物美的選擇, 而且質素始終如一!這日特意回來叫了叉燒燒鵝飯, 連例湯. 叉燒不用叫已斬了半肥瘦給我, 另加燒鵝槌一只, 叉燒很軟諗好吃, 調味只吃到有果皮香, 怒小弟不懂描述, 好吃的東西始終要親自吃過才明白, 但這裡能吸引小弟每星期特意來一次, 燒鵝普通, 若果不是即燒出來味道很難特別特出, 但這裹好的地方是自由選擇部位, 當然要肶就要加錢, 例湯應該不是味精之流, 和再興相近.