鳥貴族

鳥貴族 @ 屯門日本大阪人氣鳥燒店由日本開到黎喺香港都一段時間…而家連大埔分店都開埋。 其實我日本同香港都未試過。 既然未有機會飛日本…咁就試下香港分店睇番資料…香港當然無日本咁平啦…不過大部分串燒, 食物都係$29.9兩串，香港黎講食串燒算係性價比極高。見咁抵…真係點左好多串燒…有雞中翼…雞肉丸…雞胸軟骨…雞趐根…雞爽肉…雞皮…貴族系列同炸串等等。串燒當然要飲下野…點左兩杯sour…一杯係mega…呢杯好大杯好抵飲。串燒方面，調味有鹽燒, 秘製醬汁揀。有d仲可以配個辣醬。試完咁多款…個人比較鍾意汁燒多d…感覺惹味d除左串燒…原來呢度炸串好好味 我地點既雞肉炸串 絕對成晚既MVP 熱辣辣, 外脆肉嫩 仲好juicy 炸串配既汁甜甜酸酸好夾另外雞趐根配既秘製辣醬都好好味…無論係秘製醬汁, 鹽燒定辣口味都各有特色, 串燒都做到外皮微焦香, 肉質嫩滑多汁。dry食串燒硬係爭少少…所以點左釜飯同一碗拉麵釜飯店員話要等到熄火先得…大大話話都等左成20分鐘先熄。睇番介紹…釜飯用左特製雞湯, 加入赤板魚蛋, 雞肉, 甘荀同牛蒡慢煮。米飯吸收晒湯汁精華，粒粒分明又充滿香氣，配料豐富，口感層次分明。雖然需時約20分鐘，但都值得等下既拉麵就正常發揮咁啦餐廳裝潢以木系設計為主，配上日式紙燈籠…感覺都幾舒服整體而言, 食物唔錯, 舒適環境同埋合理價錢…成晚都坐無虛席係有原因…查看更多

禽日收工同姑媽去屯門搵食見再呢間排晒長龍～前菜只係$19.9🐙山葵八爪魚粒粒 ～ 好攻鼻既wasabi味，八瓜魚粒粒同貢菜，呢個爽脆組合，就咁食或送飯都一流柚子醋枝豆伴小貝柱呢個真心抵，第三款驚喜，小貝柱份量十足，枝豆好新鮮，柚子醋好清爽串燒、飯、麵大部份都係$29.9 好抵喎🫑釀青椒 ～ 魚肉份量十足，蘸埋黃芥末一流🐣雞心 鹽燒 ～ 都幾入味，有肉汁🍤炸蝦 ～ 外脆內彈牙🐖燒豬腩肉串 ～邪惡得嚟又幾好食🧀🐤芝士雞肉丸 ～ 雞肉丸有咬口，比成塊芝士包住，奶咸香味提升🐤貴族雞釜飯 ～ 呢個幾有驚喜，雖說等既時間比較耐，但d飯吸晒雞湯，仲有飯焦鐵板烤山藥蓉 ～ 熱辣辣，沙律醬同鵪鶉蛋黃mix埋山藥蓉，好順喉🐤雞皮 秘制醬汁 ～ 唔會太乾，幾有咬口🐤雞胸脆骨 鹽燒 ～ 唔會好硬，幾脆口🐙章魚燒配脆蝦餅 ～ 章魚燒入面既章魚幾大粒，粉漿唔會太厚，蝦餅好有兒時回憶🐮蒜味果香燒牛肉串 ～ 呢款係第二驚喜，牛味好濃郁，果香吊起牛肉既甜🥗明太子薯仔沙律配溫泉蛋溫泉蛋十分流心，mix埋明太子薯仔真係大癲飲品＆甜品混合果汁 $19.9 ～ 酸酸甜甜，解膩一流，姑媽自己飲左兩杯🍶松竹梅豪快純米清酒 冷 $29.9酒精濃度15度，幾易入口，米味香濃，夠晒凍🍫🥛濃厚朱古力北海道牛乳 $29.9杯底係濃濃既朱古力醬，面頭有Cream，搞均真係奶香味十足，十分濃厚巨蛋雪糕 (士多啤梨醬) $29.9幾特別有塊片包住，好似雪糕三文治咁上菜速度好快，店員都幾nice，怪不得咁多人排隊…查看更多

日本連鎖串燒店鳥貴族自從上年登陸香港後，一直以性價比超高串燒同飲品保持高人氣：所有串燒、特色菜、飯麵及酒精飲品都只係$29.9，點餐完全唔使睇價錢咁🤩今次同老公到訪仲撞正鳥貴族40周年特別餐牌，帶來各種大阪美食，唔使飛都感受到關西熱鬧氣氛！🎌🔸章魚燒配脆蝦餅 大阪祭限定menu之一✨章魚燒內餡軟嫩，搭配彈牙章魚粒同埋濃郁醬汁，神還原大阪本地風味！仲伴以脆蝦餅，蝦味同酥脆口感同章魚燒味道好夾！🔸炸串（牛肉、豬腩肉） 另一大阪祭menu！兩款炸串炸粉好薄，香脆但唔會有油膩感；牛肉味濃帶嚼勁，而豬腩肉就滲住微微油脂香滑口感，送酒一流🔸雞腿貴族燒（秘制醬汁） 雞腿肉質柔嫩有肉汁，搭配秘制醬汁鹹甜適中，配上鮮甜京蔥，每一啖都回味無窮🤤🔸貴族雞釜飯 釜飯係生既狀態上枱，店員會教客人調理方法，等20-25分鐘就食得喇！米飯吸滿特製雞湯既雞肉鮮味，配上鮮嫩雞肉、赤板魚蛋、甘荀及牛蒡，令整個釜飯口感層次豐富，暖胃又飽肚🥰🔸明太子蛋黃醬燒雞胸肉串 雞胸肉燒得剛剛好，肉質唔怕鞋口，加上滿滿明太子蛋黃醬，鹹香鮮味為雞胸肉味道加添層次🔸鹽燒雞中翼、秘製醬汁雞肝 鹽燒雞中翼外皮香脆，鹽味恰到好處，唔會蓋過雞肉本身味道；雞肝口感滑嫩，同秘製醬汁味道完美配合，話咁快食哂成串！🔸芝士雞肉丸 雞肉丸口感柔軟，上面鋪滿濃郁芝士醬，每一啖都係滿滿鹹香…查看更多

鳥貴族以親民價錢提供高質串燒，今次試左多款招牌料理，性價比極高，串燒只係$29.9，可以試多種唔同款式。明太子薯仔沙律（配溫泉蛋），綿密既薯泥拌入明太子鹹香，溫泉蛋劃開後蛋液增添滑順感，開胃十足。南蠻炸雞外脆內嫩，酸甜塔塔醬解膩。脆炸雞皮就好似日式零食，酥脆惹味，佐酒一流。醬燒風味的雞腿貴族燒肉厚嫩滑，秘製醬汁甜鹹平衡。鹽燒系列火候精準，雞中翼外皮烤至金黃微焦，咬下時「咔嚓」脆響，內裡雞肉仍保持嫩滑多汁，簡單鹽調味帶出雞肉鮮甜。雞心處理得乾淨無腥味，口感彈牙有嚼勁。雞胸軟骨部位爽脆有咬口，鹽燒後帶微微焦香，咀嚼時脆感十足。雞皮烤得極致酥脆，像薯片般輕盈，入口即化，油脂香氣濃郁卻不膩。明太子燒雞胸肉串，雞胸不柴，明太子奶香濃郁。炸串（蝦），炸粉輕薄，蝦肉鮮甜。雞肉白湯拉麵湯頭溫潤，麵條彈牙。甜品推薦抹茶蕨餅配雪糕，蕨餅Q彈配抹茶雪糕苦甜交融。朱古力芭菲層次豐富，西班牙油條蘸上巧克力醬邪惡又滿足。飲品選擇多元化，推薦可爾必思柚子梳打清新解膩，熱情果果茶酸甜果香突出。…查看更多

日本過江龍鳥貴族都係屯門插旗半年啦是晚特登夜啲去希望過左咁耐又夜唔使排咁耐七點多來到目測排十個人左右🤪等左一陣就有枱用qr code下單為確保食物質素每次只能下五樣⭐混合果汁 & ⭐凍咖啡本來串燒真係應該配啤酒不過聽日要開早會還是免了就點了混合果汁同凍啡果汁香甜凍啡奶糖另上⭐章魚燒配脆蝦餅⭐大阪風味鐵板烤山葯蓉⭐貴族雞釜飯先來的非串燒系列釜飯要燒到熄火先可以食大概20分鐘左右好果想食記住第一時間落單⭐牛肉&豬腩肉炸串炸串勁香口又唔油膩⭐鹽燒雞心⭐秘製醬汁雞肝⭐鹽味麻油燒雞肝⭐明太子蛋黃醬燒雞胸肉串⭐鹽燒雞肉串配芥茉醬⭐鹽燒雞爽肉⭐蒜味果香燒牛肉串⭐秘製醬汁燒雞肉丸叫得鳥貴族主打梗係雞肉啦點了一系列雞串燒其中雞肝最有驚喜醬汁香口入口軟嫩雞心有咬口都正雞肉本身較淡但醬汁撘救出品有質素上枱亦快⭐脆炸雞皮傾偈其間用的香口小食炸得十分脆！⭐多彩脆脆雪糕⭐醬油甜醬巨蛋雪糕最後仲食埋甜品前者淋左果汁好香甜後者個醬油甜醬好得意入口又甜又鹹又幾好味噃所有食品劃一價$19.9/$29.9價錢都幾親民吖😋…查看更多

鳥貴族就是個「吃粗飽、求過癮」的好地方，如果你只是想找個地方大口吃肉、大口喝酒，跟朋友暢快地聊天，那鳥貴族絕對是首選之一。一進門，那種熱鬧的居酒屋氣氛馬上就來了，串燒菜單上全部均一價 HKD29.9，點起來完全沒壓力，味道就是標準連鎖店水準，不要期待有職人級的驚豔烤功，雞肉算嫩，不會乾柴，我個人偏愛鹽燒，能吃到雞肉本身的香味。…查看更多

叫左雞白湯拉麵，入面得兩小舊雞同一塊雞皮，成個面4啖就食完，問左職員係咪正常份量，職員話係咁架，我知個面係$29.9，但份量太少，壽司郎炸蝦天婦羅烏冬都係$28但份量就多好多，另外仲叫左醬油鮑魚，切開得五小片，同餐牌圖片差太遠，感覺上好似俾人當水魚咁，鹽味串燒味道好淡，鹽燒雞皮燒到好燶，苦苦地，但後面張枱就投訴雞皮串燒唔夠脆，反映串燒質素非常參差，凍水同熱水要落單先有，加埋其他串燒冇嗌嘢飲，最後埋單兩百幾，唔怪得中午12點幾都冇乜生意，反而其他餐廳就排緊隊…查看更多

鳥貴族喺香港都開咗一段時間，但係一次都未試過。今日下午見竟然冇人排隊，要入去試吓同日本分別大唔大啦😂😂🍡雞肉丸- 表面燒得有啲乾，可能佢想做到少少香脆口感嘅感覺？🫑釀青椒- 成個底燶哂，成餐飯都有燶味。避雷！🫀雞心- 粒粒飽滿，值得encore。🥘🍽️鹽味麻油燒雞肝- 靠葱，蒜同麻油吊味，雞肝本身好乾。🐣雞爽肉- 平時都好鍾意食呢個部位，肉質好嫩，少少爽，但無乜味。🐂蒜味果香燒牛肉串- 唯一值得再叫的。牛肉燒得啱啱好，再配埋好香口嘅蒜汁。吃鳥的地方居然牛肉比較出色。🫓鐵板烤山藥蓉- 其實賣相唔係咁討好，好似一pat野咁。但係食落去口感極好。綿綿滑滑，有蛋香又有醬汁既香。不過真係要鍾意食淮山嘅人先識得欣賞。🍼飲品方面我叫咗一個士多啤梨牛乳，極度唔推薦！大家千祈唔好叫！一入去個口感已經好奇怪，𠎀到好似奶昔咁，甜到苦，好似未溝好就拎出嚟俾人飲咁。我自己溝咗成杯水落去先正常返少少。下次我應該會叫混合果汁，我記得上次喺日本飲過係幾好嘅總括而言，無論飲品定係食物嘅質素都係同日本爭好遠。好耐冇去過日本嚟感受一下氣氛係可以嘅，但係真係對食物方面唔使抱有期望😂😂😂…查看更多

之前去親日本都會去呢間串燒店食嘅嘢而家喺香港都開咗分店啦食物飲品都只係$19.9-$29.9食到飽個荷包都唔會肉赤🤣🍢 串燒超驚喜- 雞腿貴族燒（鹽燒）：招牌必點！雞肉嫩滑多汁，鹽燒簡單但超鮮味 - 雞胸脆骨 (鹽燒)：脆脆哋又有咬口，鹽香十足，送酒一流- 雞皮 (秘制醬汁)：外脆內軟，秘製醬汁甜鹹適中，食完一串仲想再食- 明太子燒雞胸肉串：明太子微辣惹味，雞胸肉出奇地嫩，完全唔乾，大推🍚 主食 & 小食好出色- 貴族雞釜飯：即場點火炊煮，飯粒吸盡雞湯精華，鮮味爆棚，等30分鐘都值得 - 章魚燒配脆蝦餅：大阪祭限定Menu之一，章魚燒軟嫩，蝦餅香脆，原來都幾夾 - 炸炸雞皮：脆到似薯片！邪惡但超級好食，配啤酒絕配🍹 飲品甜品- 混合果汁：酸甜清新，解膩一流- 士多啤梨巨蛋雪糕：奶香濃郁，士多啤梨醬酸甜平衡，食完超滿足 ✅ 串燒水準極高，味道接近日本本店✅ 環境充滿日本居酒屋風情，打卡一流 ✅ 價錢合理，性價比高，絕對值得再訪💡小貼士- 人氣爆棚，建議早少少去拎位…查看更多

講左好耐要約屯門朋友食嘅日本串燒終於試到，之前黎嘅時候多人到連飛都拎唔到，白行一趟，今次派朋友預先排隊，成功入座😚串燒、主食同飲品大部分都係30蚊一款，連lemon sour同生啤都係呢個價錢，性價比幾高，以雞為主，牛豬都係得各一款▪️雞腿/雞胸貴族燒呢兩款都係呢到嘅招牌菜，雞腿肉較嫩，中間串住大蔥，推薦試秘制醬汁，食落幾juicy，味道較濃郁▪️雞肉丸雞肉丸口感較乾，啱晒鍾意啖啖肉嘅人▪️雞翅根同朋友都認為呢款係咁多款入面最好食，肉質爽嫩又多汁▪️明太子燒雞胸肉雞胸肉本身冇乜調味，完全靠晒個醬，正正常常▪️貴族雞釜飯釜飯飯量都有2-3碗，睇個樣冇乜顏色但原來都好重味，飯粒軟糯，入面有啲紅薑、甘筍絲同雞肉，煮到個火熄左就食得，仲帶少量微脆飯焦仲食左雞翼、雞爽肉、雞胸脆骨、雞皮、炸雞等等～30蚊一大碟，抵食…查看更多

去日本旅行時已經成日幫襯鳥貴族，屯門分店平時都好多人，今晚特登早啲（六點半）去，終於唔使等位，可以慢慢試下。前菜方面，山葵八爪魚粒粒好開胃，八爪魚爽口，山葵唔會太嗆，幾夾。柚子醋枝豆伴小貝柱都幾清新，小貝柱新鮮彈牙。大阪風味鐵板烤山藥蓉熱辣辣，口感滑溜，幾特別。串燒全部即叫即燒，有炭燒香味。雞腿貴族燒係呢度的招牌，雞肉大蔥的組合無得輸，加上秘制醬汁，還原日本的味道。雞肉丸鹽燒簡單但好味，肉汁豐富。明太子燒雞胸肉串鹹香惹味，估唔到咁好食。蒜味果香燒牛肉串有蒜香同少少果甜，牛肉唔會太韌。雞中翼用秘制醬汁，燒得啱啱好，我地既首選。主食方面，貴族雞釜飯用北海道米，米粒分明，加上雞湯煮成，食落超鮮味。貴族雞湯燴飯都唔錯，湯底香濃，飯吸晒精華。小食方面，炸法式芝士餅外脆內軟，芝士味濃，仲可以配埋芝士醬。貴族秘制炸雞雖然其貌不揚，但外皮香脆，雞肉超多汁。炸蝦串新鮮彈牙，炸漿酥脆。飲品方面，生梳打微辣帶薑味，好推介。混合果汁酸酸甜甜，小朋友至愛。甜品方面，多彩脆脆雪糕上層cream,下層雪糕，加上混合果汁，好有層次。冰凍巨蛋雪糕配士多啤梨醬，外層的麻糬皮包住雪糕，食落似雪米糍。呢度款式超多，價錢合理，食物質素有水準，好適合同朋友聚會，飲返杯。…查看更多

終於朝聖到大阪超人氣燒鳥店喺香港開分店！🍗 全場菜式統統最貴都係$29.9，性價比爆燈！💥平日夜晚都大排長龍！😋 適逢40周年，仲有大阪主題特別餐牌，款款都吸引！✨ 🌟前菜：開胃小品！📌味付玉子🐣半熟蛋黃流心，入口鹹香軟滑，簡單但好滿足！📌柚子醋枝豆伴小貝柱🦪枝豆清新爽口，柚子醋酸香醒胃，仲有小貝柱提鮮🌿📌日式雞肉薯仔沙律🐔🥔🥗薯仔蓉軟綿綿，混入雞肉碎同少少芥末，味道濃郁又唔膩 🍚主食：貴族雞釜飯必點！🐔🍲🍚📌貴族雞釜飯呢個真心係全場MVP！🍚入座即落單，店員會點火慢煮20分鐘！🔥一開蓋雞湯香氣撲鼻，米飯吸晒特製雞湯同雞肉精華！😍仲有赤板魚蛋、甘筍等配料，口感豐富$29.9咁高質，真係估佢唔到！✨ 🍢小食：串燒炸物樣樣掂！📌炸串（雞胸肉）🐔雞胸肉炸得外脆內嫩，簡單鹽調味就帶出雞肉鮮甜！🍗 📌炸串（蝦）🦐整隻鮮蝦炸到金黃，蝦肉彈牙，點啲檸檬汁提鮮📌炸串（牛肉）🐮牛肉炸串肉汁鎖得好，咬落 juicy 又香，啖啖肉📌炸薯條🍟即炸薯條金黃香脆，送酒一流！🍻📌雞胸貴族燒 (秘製醬汁)🐔雞胸肉嫩滑，秘製醬汁鹹甜交織，烤到微微焦香！😋📌雞中翼🐔秘製醬汁外皮酥脆，醬汁入味🍗📌明太子蛋黃醬燒雞胸肉串🐔明太子同蛋黃醬嘅組合，鮮、甜、鹹、奶香一應俱全，味道層次豐富！🔥📌雞天婦羅配梅子醬🐔雞肉炸得輕盈，梅子醬酸甜開胃，食落完全唔覺得油膩！😍📌章魚燒配脆蝦餅章魚燒外脆內軟，每粒都咬到彈牙章魚粒！🐙配埋脆蝦餅一齊食，雙重口感好過癮！📌釀青椒🫑青椒釀入肉餡，烤到微甜多汁，肉香同青椒清香好match，健康又好味！🌶️ 🍰甜品：甜蜜收尾！📌 朱古力芭菲配西班牙油條🍫濃郁朱古力芭菲配酥脆油條，甜而不膩，朱古力控必試！📌抹茶蕨餅配雪糕🍵🍡🍦蕨餅Q彈軟滑，配抹茶雪糕清香撲鼻！🍵 🍹飲品：解渴又好飲！📌SUNTORY 三得利角瓶威士忌 Highball🍺清爽氣泡配威士忌，飲落順喉又夠勁，配燒物簡直係神仙組合！📌SUNTORY 三得利角瓶威士忌加冰🍺濃郁威士忌香，慢慢淺酌，夠chill！❄️📌士多啤梨牛乳🍓🥛香甜士多啤梨撞濃厚牛乳，甜而不膩，小朋友同女仔一定愛！ …查看更多

日本過江龍以親民價格重現地道居酒屋的熱潮，裝修主打木色系餐檯。串燒和大部分食物全部劃一$29.9 ！➰串燒 - 極邪惡之選 $29.9雞皮（秘製醬汁）燒到脆卜卜，仲擦滿甜醬油，罪惡感十足；鹽燒雞皮鋪滿薄鹽逼出雞皮的油脂香味，送酒必點。雞胸脆骨食落鹽燒爽脆；雞腎食落彈牙無腥味；雞翅根外脆仲好多肉汁。燒豬腩肉肥瘦甘香；而雞腿貴族燒醬燒嫩滑仲帶炭香；炸牛肉串食落輕脆不乾柴。南蠻炸雞以厚切雞肉配搭酸甜醬，性價比好高。貴族雞釜飯慢煮後，等2分鐘揭蓋再攪拌，蒸氣撲鼻日式雞肉薯仔沙律綿密薯泥混合雞絲飲品方面叫左柑櫥甜橙果酒、牛乳Cassis甜酒、濃厚朱古力牛乳、混合果汁（$19.9）最後，仲叫左麻油醋汁椰菜（$19.9），能中和串燒油膩感。…查看更多

Torikizoku, Japan’s nationwide izakaya chain restaurant, has opened their first flagship branch in Hong Kong that situated in Tuen Mun Town Plaza; known for its affordable prices, cosy atmosphere, and freshly prepared yakitori skewers.-Highlighting some of their signature skewers like Salt-Grilled Pork and Lychee Skewers, a delightful must-try fusion of savory and sweet, with its tender pork perfectly seasoned with a hint of salt, pairs beautifully with the juicy lychee; Caramelized Grilled Pineapple for its caramelized exterior that adds a delightful crunch and with a subtle smokiness; Chicken Meatballs for its classic and succulent texture; as well as Salt-Grilled Chicken Cartilage, and more.-📍 𝐓𝐨𝐫𝐢𝐤𝐢𝐳𝐨𝐤𝐮 (𝐓𝐮𝐞𝐧 𝐌𝐮𝐧)Shop 1108-1111, 1/F, tmtplaza Phase 1, 1 Tuen Shun Street, Tuen Mun, Hong Kong.-ʙs-ᴍᴍᴅ-ᴄᴄ-ᴅғɢ-sᴄɴ…查看更多

天氣咁熱，屯門市廣場發現一間大排長龍嘅串燒店，原來係日本過江龍鳥貴族，即刻同朋友排隊去食一食🤣鐵板烤山藥$29.9入邊係淮山日本嘅無菌雞蛋攪勻一齊食好香好似食緊薯蓉咁🤣貴族雞釜飯$29.9外型獨特，有個小燭台煲緊啲飯，要等大約20分鐘後燭台熄咗火先至可以開，返入邊充滿咗雞湯嘅香味，撈埋啲配料，雞絲，魚蛋一齊食好惹味，仲採用咗日本北海道嘅口感煙銀😋雞腿腿貴族燒$29.9今次分別叫咗秘製醬汁，鹽燒同香辣味！秘製醬汁好惹味，令人食到停唔到口！鹽燒相對嚟講就淡口啲可以食到雞髀嘅新鮮！香辣味好適合鍾意食辣嘅朋友仔！雞腿肉好鮮嫩，啖啖肉同埋香蔥一齊食，簡直正雞腎（鹽燒）$29.9脆卜卜，有咬口。芝士雞肉丸$29.9我最鍾意食呢一樣，雞肉丸好軟糯，芝士配埋一齊食好夾，不知不覺食晒三粒🤣雞肉丸（秘製醬汁）$29.9雞肉丸真係超級好食🤣配埋佢嘅秘製醬汁，簡直絕配😝雞心（秘製醬汁）$29.9秘製醬汁好香，雞心係脆卜卜，外脆內軟，燒得好惹味🤣章魚燒配脆蝦餅$29.9好特別嘅一個食物，兩塊蝦餅夾住張魚燒一齊食，卜卜嘅蝦餅配埋章魚燒軟身嘅口感，好想encore🤣蒜味果香牛肉串$29.9蒜味好重，牛肉肉質好滑，牛味好濃😋鹽燒麻油燒雞肝$29.9鍾意食豬潤嘅朋友仔唔可以錯過，口感同豬潤好相似，用麻油燒，係令人上癮嘅一個串燒。明太子雞胸肉串$29.9明太子真係好正，配埋雞胸肉，係絕配嘅配搭🤣炸雞軟骨$29.9炸得好香口，軟骨脆卜卜。抹茶蕨餅配雪糕$29.9抹茶餅煙煙韌韌，雪糕係焦糖口味嘅雪糕上邊仲有一層cream口感好滑😻。混合果汁$19.9入邊有唔同嘅生果打果汁，分別係蘋果，啤梨，香蕉🍌，口感清新。蜜桃果茶/荔枝果茶 $19.9很推薦嘅一道飲品，🍑果茶好香濃嘅蜜桃味，荔枝果茶亦係很香荔枝味，有特色，而茶底就用上烏龍茶可以中和返本身嘅甜味，好解渴！鳥貴族 (屯門)屯門屯順街1號屯門市廣場1期1樓1108-1111號舖…查看更多