影片
港鐵灣仔站 A3 出口, 步行約6分鐘
繼續閱讀
電話號碼
23661332
營業時間
今日營業
11:30 - 15:30
18:00 - 22:00
星期一至日
11:30 - 15:30
18:00 - 22:00
*截單時間: 14:30(午市); 21:30(晚市)
以上資料只供參考, 請與餐廳確認詳情
❰鳥華亭❱ 海之幸蛤湯拉麵🍜+ 香酥炸蠔🦪📍灣仔交加里22-30號華都樓地下15號舖星期五晚上，剛响銅鑼灣收工，一早同家人講好左食埋先返，盤一盤食咩好，諗吓諗吓，都係最想去食❰鳥華亭❱ 。未講食評之前，先講講，如果計酒精類飲品，呢間店算比較多選擇，可能因為定位係居酒屋。咁啱又係星期五，仲諗乜呀，未食野之前，叫定杯芋燒酎先！《海之幸蛤湯拉麵🍜》香味 (3.5/5)蛤湯多數用清湯呈現，而唔會額外加香油或醬油調味，香味不嬲都會淡d，呢碗亦唔例如，唯一特別少少就係有片青檸，增加左清香味，加返少少分。湯 (3.5/5)以蛤湯來講想幾好味，清澈透明，鹹度適中，同個麵幾夾。小扣分係唔太夠熱。麵條 (4/5)食過呢間店嘅朋友都知，呢道有兩款麵揀，直麵同捲麵。雖然從個menu，同我對拉麵嘅理解，我都認為蛤湯係要配直麵食，不過交紙時我都係照選擇”大廚推介”，結果佢一如所料，都係配左呢款直麵比我。口感爽滑，高加水，而因為個湯較清，所以麥味好明顯。配料 (2.5/5)兩好一壞。先講好，赤甘鯛同蛤嘅味道都相當好。赤甘鯛口感香脆，味道清甜，肉質嫩，而蛤就非常鮮味。唔好呢，咁嘅，menu上清楚地寫左麵入面有帆立貝，而相中嘅料亦明顯係帆立貝冇錯，我點餐時，職員亦冇講d乜，結果碗麵一上，帆立貝就唔見有，只有一堆小貝柱。貝柱嘅數量算多，不過唔算好鮮只係一般，不過最大問題係，店家如果賣晒帆立貝，當我點餐時，係咪應該同我講聲，等我決定照叫定叫其他呢？呢吓真係要彈，都幾離譜。可惜我係食食吓先為意，咁碗麵我都食左一半，所以冇開口問店家。另外我叫左《香酥炸蠔🦪》，炸得香脆，蠔都係明顯急凍貨不過都幾夠鮮，幾好食。不得一提，呢度嘅免費辣芽菜相當美味，我都唔客氣地食左頗多。最後都係完食冇難度 。整體 - 值得小推薦 👍 說真的，呢一餐我係食得幾開心嘅，碗麵係幾好食，炸蠔又幾好，加上有杯燒酎配住食。赤甘鯛同蛤嘅質數係好，而小貝柱雖然唔太鮮味但數量搭救，所以小推可以大推就唔啦。不過縱然係咁，佢都係久我一粒帆立貝。
繼續閱讀
鳥華亭, 位於灣仔交加里, 店子不大, 感覺好像去了日本新宿的居酒屋,門外掛滿日式燈籠, 帶著日本濃情. 師傅勤力地工作, 食堂內氣氛熱鬧.店員安排給我們的座位頗好, 臺上有冰壺, 抹手紙, 調味粉, 好方便.看看彩色照片, 點品清晰無難度. 小食以雞為主, 款式不少, 配拉麵至夾. 店員提供落單紙, 大家填上喜好便可, 簡單快捷. 我們一起點麵. 麵條, 可選擇種類及軟硬度. 另外辛辣麵, 可分少辣, 中辣, 大辣.我 點了 至極雞白湯拉麵 $99熱熱的送上, 先吃片 低溫慢煮的雞胸肉, 入口綿滑.伴有炸蓮藕片, 香口爽脆. BB 蘆筍, 鮮嫩 . 最開心有溏心蛋, 蛋黃半熟成膏狀. 麵條揀了捲麵, 較粗身, 口感爽滑. 奶白色高湯用雞骨熬成, 呷一口湯, 湯味濃 , 超正 ! 朋友叫了 魚介白湯拉麵 $93 湯頭以豚骨及鰹魚熬成, 濃 陏綿密, 帶海鮮風味, 配上幼身直條麵, 慢煮雞胸肉及蘆筍, 相當可口.追加小食, 叫了 明太子雞翼, 及每月推廣: 任何拉麵 +$28 有 Uni Cream 流心忌廉餅明太子雞翼, 雞翼的皮烤得香噴噴, 肉質滑嫩鮮甜, 裏面更是裝滿了明太子, 味道濃郁香口 又帶些小微辣, 人見人愛Uni Cream 海膽流心忌廉餅, 即叫即制, 上檯熱騰騰. 入囗 酥香又不油膩.師傅專業有水準, 煮出正宗日本濃湯拉麵, 值得推介.下次有時間來嘆 Sake 食串燒也好.
繼續閱讀
鋪頭位置比較隱蔽，午飯時間要等一陣位，入到去有拉麵店嘅風味。不過環境有啲迫，今次坐bar枱，枱面清潔度一般店舖主打雞白湯拉麵，而家仲期間限定出咗檸檬雞白湯拉麵，兩碗都加咗溏心蛋，糖心蛋味道正常。
繼續閱讀
自少在灣仔區長大，每一個隱閉的角落都知道如何行走，有朋友告知，這裏有間美味的拉麵店，雞湯為主打，今晚便專程來到。內店內都有日本和風特色，專門吃拉麵的裝修設計。至極雞白湯拉麵$99，濃濃的雞湯，雞味十足，喝得出是用雞隻熬製多個小時的湯底，加上選擇了掛湯能力十足的麵條，每一口面都帶着雞湯的鮮味。溫泉蛋帶點酒的香氣和醬油的味道，生熟程度適中，值得推薦。枱上有用麻油醃製過的芽菜，帶點微辣，混合在湯麵內，層次感豐富。檸檬拉麵$99，在濃濃的雞湯內加上秘製的檸檬醬汁，如果在混合新鮮檸檬，這個湯底便去除油膩感，增加了炎夏的消暑感覺。對拉麵師傅最尊敬的方法，就是把面和湯清空。有味荀$20，爽甜可口，醬油味道香濃。可樂$15 。
繼續閱讀
🍜【鳥華亭】至極雞白湯拉麵($99)✔️ 10小時熬煮雞白湯：濃郁而不膩，充滿骨膠原✔️ 慢煮雞叉燒：顛覆對雞胸肉嘅印象✔️ 招牌炸蓮藕片：爽脆無油膱味✔️ 蘆筍：鮮嫩清甜✔️ 溏心蛋：半熟溏心✔️ 紫菜、洋蔥絲：提鮮解膩重點推薦慢煮雞叉燒！肉質嫩滑唔柴，同濃湯完美融合，絕對係呢碗麵嘅亮點。如果覺得湯底濃厚到有啲漏嘅話，枱上有提供免費辣芽菜，微辣爽脆，加入湯中瞬間釋放味蕾！飲晒成碗，碗底仲有「完食！」嚟話你知可以買單啦！😂📍 地址：鳥華亭（灣仔）灣仔交加里22-30號華都樓地下15號舖🕒 營業時間：11:30 - 15:30、18:00 - 22:00💰 價格：至極雞白湯拉麵 $99⚠️ 注意：只收現金／八達通
繼續閱讀