影片
-張生早排出咗trip，去咗成個月🇯🇵，返到嚟成日話好掛住日本嘅居酒屋同串燒🙃 （我日日做到得返半條命，連腳毛都冇去到🇯🇵…-今晚同佢去咗深水埗新開嘅日式串燒專門店：鳥久🐥 佢哋集團引入過唔少嘅日本餐廳，好似拉麵同一人燒肉等，今次就試吓佢啦💗-店內主打所有嘢一律hkd 29😬 立即叫返杯生啤同sour，咁嘅價錢飲啤酒係幾唔錯🫶🏻-串燒我哋試咗幾款，全部都即叫即燒🤓 個人比較鐘意鹽燒系列，牛舌真心唔錯，燒得啱啱好，好多肉汁，我忍唔住encore😆✌🏻-佢哋有唔同嘅雞串燒，好似雞軟骨同雞心、甚至雞pat pat都有🫣 不過個人都係鐘意雞肉同雞軟骨多啲😬💗-最後我哋仲要咗個燒飯團打底❣️ 我覺得飯團燒到脆卜卜咁好好味，而且微甜嘅醬汁超開胃，如果多啲醬汁會仲好💖 -解吓鄉愁，佢嘅位置確實都幾方便，而且坐得舒服，好適合放工去chill❣️
繼續閱讀
啱啱開嘅時候去過幾次， 今日再去已經唔係即刻燒， 叫咗之後唔夠十分鐘已經有得食， 但係啲串燒全部都係唔熱， 只係微暖， 有冇求其咗少少？ 食咗一轉已經即刻想走， 調味偏鹹， 同啱啱開嘅時候爭好遠。
繼續閱讀
係社交平台留意到開左間新野，老細講到好重視質素，就去試下。椰菜$29，以為圖片show原個椰菜以為想好睇d，點知真係成舊上，未見過日本料理會咁，成塊好難入口 （要自己搣散）😂雞肉棒係少數好食既，但份量好唔平均，差成倍有多😥😥😓雞胸肉同雞正肉就燒得好鞋，雞胸肉都可以整得好好食同juicy，但呢間就一定唔係。大蔥雞肉可以見到正反兩邊燒得唔平均燒到咁好差，見到有一邊係燶哂😓😓兩邊燒既時間差咁遠，控火failed，當然都唔會好食得去邊。總結： 比三舊幾水食咁既質素，又少，不了，中伏😥😥
繼續閱讀
原來深水埗有一間專食日式雞串燒嘅小店，價錢唔貴，每款兩串都只售$29，感覺有D似日本鳥貴族，平平地嚟呢度過下口癮都唔錯😏。掃QR CODE落單後，職員會送上椰菜沙律。我地兩個人食左12樣野，最推介係鹽燒豬豚肉😋，豬味甚濃，加上部分油脂已經燒左出嚟，入口唔會好油膩，而且肥膏同豚肉分部好平均，所以依然食到彈牙嘅豚肉。汁燒大蔥雞肉同汁燒雞肉棒都唔錯，前者雞滑，連同清爽嘅京蔥一齊食有兩種口感；後者外皮燒到微焦配埋生雞蛋黃，蛋香濃，唔錯。自己一直都中意食爽脆雞腎，每次食串燒都一定會叫，呢度都唔例外。不過一粒粒嘅雞腎唔夠爽。第一次食雞心，爽彈口感僅次於雞腎。當晚豆腐轉左魚肉豆腐，我麻麻地呢個軟淋淋、鬆泡泡嘅豆腐口感，而且調味略鹹，但男友好中意😯。比我揀多次，一定唔會點山葵雞胸….. 山葵醬好鹹，撥走哂D醬，雞又無調味，唔好食….😥雞軟骨來貨無乜特別；雞翼汁燒同鹽燒都點左，兩款都OK，但又稱唔出嫩滑多汁，後者就雞皮乾身微脆好食D。在場9成食客都係串燒配啤酒，我地都跟風點左杯生啤😌，易入口，300毫升對我地嚟講啱啱好。當晚共消費 $351，我地特登唔食飽，大概七八成就停手，因為我仲有另一間餐廳想試~🙊
繼續閱讀
好有心機整。裝修亦都唔錯有鹽燒有汁燒，全部都係即叫即燒，可以話係色香味俱全。去深水埗難得有一間咁嘅串燒店，雖然價錢有少少貴，但係叫佢哋咁有心機整，絕對值得一試。
繼續閱讀