鱻屋 (已結業) 查看

今晚又OT，又去太安樓揾下有乜野好食。太安樓的食店大都是經濟實惠，又間日本料理店就非常例外。食店名字同樣特別，叫「鱻屋」。"鱻" （xiān) 有“鮮”的意思。古代指生魚；新鲜、明麗的、味道美好、鮮美應時的食物。食店非常細小，只能夠容納十多人。食店裝潢簡約，有點深宵食堂的味兒。店主以往從事吞拿魚買賣，因此能夠進口便宜又新鮮的吞拿魚，最後再索開一家海鮮丼專門店。大拖羅: 屬魚腩位，因此運動量少而積聚不少脂肪 ， 是整條魚最肥美的部分。中拖羅: 屬魚腩中部至尾部位，纖維不及大拖羅細密，顏色粉紅得來較暗淡 。入口無筋，尚有少許油分，但當然不及大拖羅肥美。中拖羅食到的是拖羅的清甜味。大筋拖羅(估計): 位於肚腩位置，看到清晰大横間紋，油脂含量多。赤身: 魚背位置，脂肪軟少， 肉質爽而結實， 可 惜魚味較淡 。拖羅魚蓉: 每個部位口感各有不同，不能說那部分最好味。有些人像筆者般喜歡滿口油脂，有些人喜歡有筋魚味重，真的各有千秋。筆者對這個丼評語: 在太安樓中高質素的日式料理店，價格定位進取，勝在刺身新鮮又有厚度，因此客人源源不絕。

鱻屋是品香樓內新開的一家日本料理店主打當然是吃不同魚的料理!午餐時段店提供Lunch set，附送沙律、味噌湯、Lotte罐裝飲品同行友人叫到香蔥吞拿魚腩丼($88)本身仲以為係一片片魚腩咁上添😝點知原來佢係打成魚餅咁睇報導話店主係自己入口吞拿魚而唔係係出面搵人入🐟吞拿魚食落味道鮮但唔算好濃烈要是配上飯的話，果然還是叫濃味一點的魚更好我反倒對Lunch set之外的火炙三文魚丼($58)單點價錢相對便宜但是味道卻更合我口味呢!丼的份量適中上方放了厚切的三文魚，和刻上了「鱻」的玉子燒玉子燒味道一般但重點當然不是它三文魚味道鮮美再加上火炙過的炭燒味配上飯來吃真的令人十分喜出望外

睇OpenRice 周圍搵食, 大家話呢間新鮮就嚟試試，細舖仔，幾張枱，招呼都ok！ 可以自選刺身丼的確唔錯！一碗全蟹三文魚丼（蟹肉，蟹膏，蟹鉗），蟹膏超甜，蟹鉗就迷你咗D。另一碗半板海膽，三文魚，帆立貝丼，海膽都ok。整體唔錯，又無加一，支持小店！

太掛念喺日本食魚生，上網見太安樓有新開日本菜，所以就想去食下。先前喺太安樓食過有賣魚生丼既鋪，但有啲伏，所以今次我都係搏下，起初不敢太大期望。入到去小店有三張4人枱，1張雙人枱。雖然店係細細，但無迫餐死既感覺，好乾淨。叫左魚生角切飯，吞拿魚蓉海膽飯，另外散叫左啲壽司。叫丼飯會送面豉湯，會有魚肉喺湯裏，好好飲。可能你睇manu 覺得“e, 太安樓仲有啲更平啦“但其實當你食過，你明點解佢貴過隔離鋪少少，係因為人地比返靚貨你囉。你食過佢d wasabi 你就明

同朋友黎開呢頭，咁岩經過太安樓睇有咩嘢食，記起有間日本嘢就黎咗呢。雖然店內的座位不太多，但環境都舒適，一人叫咗一個飯，賣相已經好鬼吸引，食落都好新鮮，而家服務態度又好，會好有耐性講解每個飯有咩唔同材料。最後我就選咗圖中呢個飯🤤🤤🤤🤤三文魚又滑又肥厚美味，連平日不太吃吞拿魚的我都覺得這個超新鮮好食😍😍😍😍玉子蛋得一舊唔多夠喉，有多舊就完美😍加上飯的份量適中，唔會太少而唔飽。而價錢又非常合理，勁讚！

一早收藏的餐廳，終於嚟到啦！今日同朋友行完山，在附近落山，所以未夠七點就嚟到，遲多10分鐘就要等位，因為得15個位左右。黎到朝聖梗係要試吓呢度嘅拖羅飯，刺身新鮮，只是小店來講有D 貴，份量不算多。

今次第二次去食，魚生食材仍然保持水準，讚！雖然係一間小店，但係魚生質素真係好好，夠新鮮！今次點左個吞拿魚系列魚生飯，可以一次過試晒吞拿魚唔同部位魚生，誠意推介！另外仲叫左油甘魚、魷魚、馬糞、榮螺、甜蝦壽司等。油甘魚夠新鮮、魷魚係軟綿綿嫁😱😱馬糞又夠鮮甜，最緊要價錢唔算貴，真係好抵食呀😍😍第一次食佢地新返的榮螺壽司，口感脆脆，原來凍食都咁正！原全感受到師傅的用心認真去做好一間食店。十分欣賞認真對待食物的小店！

之前喺網上見到呢間鋪頭，話係平價高質嘅日本餐廳，所以一直都好想去試，今日終於有機會去食啦！佢喺太安樓入面，好細間，但係門面好有日式味道。 我叫左一個吞拿魚飯，比我想像中好味！吞拿魚魚腩油脂分布均勻，而且色澤好靚，好新鮮！放入口，油脂會慢慢係個口入面溶化，好肥美，而且係鮮甜。再配埋豉油同埋芥辣食，就更加突出佢嘅鮮味！另外隔離仲有吞拿魚茸，好柔軟，味道都唔錯。佢仲有一個人有鋪頭名嘅蛋，好鬆軟，食落似食緊蛋糕仔。 碗飯唔單止好食，而且仲擺得好靚！你睇下張相，吞拿魚同埋吞拿魚茸都擺得好整齊，再配埋日式蛋餅，加埋啲配菜，令到碗飯睇落去更加高質素，似係去咗高級料理鋪度食。

第三次光顧鱻，原因好簡單，材料新鮮價錢合理，現在每次當想食壽司和魚生飯一定想起這𥚃，附近暫未有第二間可以取代，是晚8:45比較夜才到達，原來這𥚃是收9pm的，以太安樓的食店起碼收11-12點，鱻是收得很早的一間，坐低基本都知道要點什麼，今次老闆試左🍱🍱本鮪滿盛丼，我就3次都一樣🤭🍱🍱吞拿魚蓉海膽丼加海蝦和馬刀背再加多一件燒三文魚壽司😜😜，味道當然保持一貫水準，非常新鮮好味，另外再值得一讃就是一件燒三文魚壽司只須$9，但燒很很好及再加上芝士蛋王醬，看得出店鋪是很用心對待所有食物👍🏻👍🏻

跟報道去了太安樓試吓呢間專賣吞拿魚的小店，都找了一陣先找到! 太約6:30到，好彩唔駛排隊!店子小小都很整潔，座低立即叫了一個"本鮪中腹丼",出餐速度都算Ok,中吞拿魚腩色澤好靚，夠pink,食落口都好夠油份和魚味，吞拿魚蓉味道都唔錯，冇腥味! 壽司飯吃落口還是和暖的，應該是即日煲的，唔同有D餐廳的壽司飯凍冰冰，很難入口! 直得一讚是他們的芥末是用生磨芥未，不同用粉的得過辣字，配合吞拿魚味道提升了很多，小小的玉子吃落有點蛋糕的味道，很特別!吃了約三十分鐘見店外開始有人等! 整體而言，這間小店用料和店内環境都唔錯，而且價錢唔貴，值得一試!

一向都有去開太安樓覓食, 但通常係去食宵夜。今次出動係為左呢間開左只有2個月的日式小店, 店舖位置不大, 唔想等位最好平日7點前到達, 可以立即入座。四色海鮮丼 $118食材新鮮, CP值好高。其中赤蝦啖啖肉, 鮮甜美味, 吞拿魚入口即融, 好想繼續追加啊啊啊😋😋😋香蔥吞拿魚蓉海膽丼 $128比起四色海鮮略為失色, 海膽及吞拿魚蓉比Menu的份量明顯少, 有點小失望, 海膽味道不錯, 不會很腥, 但也不是太鮮甜, 有進步空間。 吞拿魚蓉混合醬油及真芥末很好下飯, 不知不覺就食到一粒飯都不剩了。每份丼配上麵豉湯, 在某些日本餐廳飲完麵豉湯會覺得好口渴, 好重味精, 但係呢碗唔會, 係真材實料嘅。呢間日本菜可以再encore, 下次要試本鮪系列, 係該店的招牌菜。

呢一間係西灣河著名地標大廈裏面嘅人氣小店， 大約七點三嚟到啱啱入座僅餘兩位， 跟住門外等候堂食及外賣嘅人絡繹不絕， 心諗咁多人幫襯都唔會衰得去邊， 果然有喜出望外之感覺， 小店主力以魚生丼做主打，另有手握壽司及刺身。我們叫咗雜錦刺身丼、海膽吞拿魚蓉丼及加兩件壽司( 因為壽司係每款單件計， 大約十至二十蚊不等)， 各款材料都好新鮮， 赤海老壽司~除咗個身之外蝦頭都有好多肉， 火炙左口魚裙邊有豐盛嘅油脂， 243元埋單以日式食品來說一點都不算貴， 呢間小店可絕對可列入encore之選。

今日同friend打先羽毛球🏸️ 係西灣河想搵間食壽司🍣。上openrice 見到呢間又好似幾好 唔錯就去太安樓。因為佢唔係在當眼位置，所以都搵左一陣。由於時間尚早，唔駛點等就有位了。 睇餐牌都有唔少選擇。款款都想試就點左個特選丼。好味指數好豐富啊！賣相已經好正。海膽超多色擇新鮮。一口放些少魚子落口。停左兩秒。因為個味道好新鮮，好有海水既鮮味。有鮑魚！味道鮮甜又夠‘林’。海膽份量好多啊，非常新鮮。呢個飯200蚊都唔駛，但食到好高級壽司店既刺身水準。抵食平時係唔會食到咁多飯都因為佢破例了朋友勁鐘意三文魚！點了呢個三文魚肥美到一個點！超多omega3!!朋友話個魚腩就算自已幾肥都好點都要食！食食下出面都有幾個人等緊了。下次我會點下好似食車仔面咁點既車仔魚生飯

極少來西灣河食飯，見到openrice 上都是好評，難得初四都開門就來試試。地鐵站一出就見到太安樓但其實舖頭有啲難搵，問保安先搵到，大家可以去B出口過馬路轉右最遠嗰條走廊行入去就啱啦👍到左先知原來係小店，一眼睇哂得4 張檯左右，六點左右到無咩人所以坐得好鬆動。除左主餐牌有設計好嘅刺身丼, 壽司, 刺身之外，仲可以自選刺身丼，至少點3 款刺身（壽司飯底$10），我點左赤海老+油甘魚腩+蔥吞拿魚+帆立貝（$124）赤海老好大隻，全部刺身都好鮮甜，好欣賞佢既wasabi 同出面既唔同，比較似係磨出黎既wasabi，好香，飯面有芝麻令成個刺身丼更美味👍全日免加一感覺上更加抵

二人行路經見到個招牌有d真正日本餐廳feel ，膽粗粗又入去試吓，叫了吞拿魚腩，帶子，三文魚子壽司先，仲教埋你食由談味先食至濃味，夠細心，雖然好多人都知。帶子夠凍夠鮮，吞拿魚腩入口即浴，魚油滑香，令我想起日本黑目市場的吞拿，三文魚子，原件食，不點豉油芥辣，那海水原鮮魚子味，在香港重未試過，再叫四色壽司飯撈溫泉蛋，正！沒味精麵豉湯咸度啱我，外面飲的通常都偏咸，最遺憾的再想試加拿大海膽的時候巳售完了。舖仔細細想不到有如此的驚喜，價錢合理，一定再試。最好吾好加價住啦。