鰹烏冬 (駱駝漆大廈第三座)

前排同朋友去觀塘搵食，餐廳喺觀塘駱駝漆大廈，工廈風格，地方唔大，裝修簡單有日式 vibe，牆上有啲日系掛飾😎 我哋晚市去到，人都幾多，等咗10分鐘左右有位。最搞笑係食到一半突然停電，全場黑晒，大家即刻「哇」咗一聲，店員好快拎電筒同手機燈應急，氣氛有啲似拍電影😂 好彩幾分鐘就有返電，無影響食飯心情。服務員態度好好，用QR Code 落單，上菜都快，10分鐘內食物到枱，效率滿分👍🏻夏一烏冬夏一烏冬係冷烏冬，賣相清新，上面有紫菜絲、芝麻、青瓜粒同溫泉蛋，望落幾靚🥳 烏冬條煙韌有嚼勁，撈埋蛋黃同鰹魚汁，口感幾滑，啱晒夏天食。不過味道略為淡咗啲，食落普通咗啲，無乜大驚喜👌🏻骨付鳥（跟餐） 骨付鳥真係超級好食！一上枱熱辣辣，賣相好 juicy，灑滿七味粉同蒜蓉，望落已經超想試🥰 雞脾烤得外皮焦脆，肉質嫩滑又多汁，食落好惹味😍 骨肉分離好易，啖啖肉都充滿香氣，係三樣食物入面最出色嘅一個！網上好多食評都話骨付鳥係必試，試完真心認同🫨鍋燒鰹魚湯白味噌烏冬鍋燒鰹魚湯白味噌烏冬一上枱熱騰騰，夏天嗌呢個有啲後悔😂湯面有海苔同蔥，賣相幾吸引🥰 烏冬條同夏一烏冬一樣煙韌，但白味噌湯底味道偏淡，無乜特別😅 湯底偏溫和，鍾意重口味嘅我覺得略為唔夠過癮。份量夠，食完都幾飽，但整體感覺普通，無骨付鳥咁搶眼。大推鰹烏冬嘅骨付鳥，香脆 juicy，食到幸福感爆棚🥳 我地叫嘅夏一烏冬同鍋燒白味噌烏冬就普通咗啲，味道偏淡，無乜眼前一亮嘅感覺。 環境有啲逼，晚市有機會要等位同搭枱，但服務快，食物質素整體OK。骨付鳥價錢稍為高少少，但真心值得試！經過觀塘又想食烏冬就可以去試下😋 評分：6.0 /10 人均消費：~$50-100不負責個人意見：經過可能會去食吓😬鰹烏冬（觀塘）📍觀塘開源道60號駱駝漆大廈3座11樓O室…查看更多

劣食這碗烏冬實在令人失望。麵條過於軟爛，毫無彈性，入口像是泡水太久的即食麵，完全失去了烏冬應有的爽滑口感。湯底更是淡而無味，像是勉強加了味精的熱水，既不鮮甜也不香濃，喝一口便不想再續。配料方面也乏善可陳，魚蛋乾硬、蔬菜寥寥無幾，整體毫無誠意。本以為能吃到一碗暖心的日式烏冬，結果卻是劣食一碟，令人懷疑廚師是否曾真正品嚐過烏冬的靈魂。若你對烏冬有基本尊重，這碗絕對不值得一試。食物不僅是填飽肚子，更是對味道的尊重——而這碗，連基本的敬意都欠奉。…查看更多

呢間餐廳我之前已經食過好幾次。尋晚我同朋友兩個人大概晚上八點到去食，見到我哋後面都有另一對兩人客人排隊。嗰陣餐廳明明有幾張吉枱（冇人坐），我同朋友以為我哋排先，應該可以唔使搭枱。點知侍應竟然帶我哋去同人搭枱，而我哋後面嗰對客人就俾人安排坐咗一張吉枱。對於呢個安排，我同朋友真係唔明白，點解座位唔係先到先得？有咩理由我哋排先反而要被迫搭枱，後面排嘅仲可以坐吉枱？我覺得呢個情況係不公平對待，亦唔覺得有必要再幫襯一間服務態度咁差嘅餐廳。因為咁我哋都即刻起身走人冇再留低食。唔講食物質素同價錢，呢次嘅bad experience 已經令我永久blacklist呢間餐廳。…查看更多

📌觀塘平民食堂 脆友推薦篇平民食堂最近，就系社交平台上面招募餐廳自薦，自費去支持下，畢竟香港其實有好多小店需要大家多多支持。今次並吾系餐廳自薦，而系社交平台既脆友推薦，系一間位於觀塘駱駝漆既人氣手工烏冬 一 鰹烏冬 @udon.hk🐤骨付雞鰹魚清湯烏冬 $90雞脾扒都幾大塊，雞皮煎得微微焦脆，食落甜甜辣辣，靈魂湯頭鰹魚清湯飲得到鰹魚清香，而佢地自家每日新鮮現製既手工烏冬的確做得到爽滑彈牙😋👍🏻👍🏻整體而言，雖然小店位於工廈入面，仍然人氣爆燈，嗌完餐平均要等15分鐘左右，而定價以工廈黎講稍微進取，不過勝在招牌烏冬系每日即埸手現製，值得支持📍鰹烏冬地址：觀塘駱駝漆大廈第三座11樓O室#觀塘 #鰹烏冬 #烏冬 #撐小店 #駱駝漆 #骨付雞 #平民食堂 #平民美食 #手工烏冬 #脆友推薦 #自費食評 #工廈美食 #觀塘工廈 #星星帶你食 #骨付雞烏冬 #駱駝漆三座 #觀塘食咩好 #骨付雞鰹魚清湯烏冬 #foodie #hkfood #hkfoodie #foodiehk…查看更多

-見到佢又出抹茶烏冬，所以特登預訂試吓，口感好煙韌係好食嘅，味道唔係個個接受到，骨付雞作為招牌一定要叫，好容易骨肉分離，仲有大量七味粉嘅味道，一個字正-▶︎抹茶烏冬 | $57▶︎骨付鳥 | $37-📌#sorriso_觀塘 #sorriso_觀塘區-🏠【鰹烏冬 Katsuo Udon】 📍觀塘開源道60號駱駝漆大廈第三座11樓O室🕑星期一至五 11:30 - 21:30 星期六至日 11:30 - 21:00-…查看更多

呢間隱藏喺觀塘工廈嘅日式小店，唔單止以手打烏冬聞名，更以溫暖嘅待客之道令人印象深刻。店員會親切噉向熟客打招呼，耐心介紹每日推薦菜式，上菜時仲會貼心噉提醒「烏冬要趁冷快食先夠彈牙」。 這家位於觀塘工廈區的日式小店，主打手打烏冬是區內難得的隱世美味。冷烏冬絕對是招牌必點 - 麵條粗細均勻，咬下去彈牙爽口，帶著小麥的自然甘香，搭配冰鎮過的鰹魚冷麵汁，清爽中帶出深邃的鮮味，最適合夏日享用。 熱食方面，鹽燒鯖魚展現了師傅的功力，魚皮烤得金黃酥脆，用筷子輕挑即能聽到"咔嚓"聲，內裡魚肉卻依然保持濕潤多汁，擠上新鮮檸檬汁後，酸甜與魚油的豐腴完美平衡。 雖然店家以烏冬聞名，但刺身壽司也不容忽視。當日精選的油甘魚腩油脂豐潤，入口即化；赤身則鮮甜無筋。可惜醋飯稍嫌黏口，米粒之間欠缺空氣感，若能調整醋飯比例會更完美。 …查看更多

路過觀塘，大鄉里出城，唔知食乜好，就問吓姓谷個位哥哥(谷哥 - google)觀塘美食四隻字出到D乜，見到駱駝漆大廈有咖哩烏冬，就上去試吓。 首先等𨋢上2樓, 見到條龍已經係一個災難。 想去咗廁所先食，點知3樓同8樓先有。 呢間叫人門口用QR code落定單先入座，不過電話網絡訊號勁弱，收到但勁慢，到最後link去payme俾錢個一步，仲係咁圈都過唔到版，最後都係要叫人幫我人手落過單，俾八達通。佢地店內有wifi，周圍都見到密碼，但係店外落單位置就完全見唔到。 第一次嚟, 第一印象係感到unwelcomed😒據聞D烏冬係佢地自家製既, 非常彈牙, 名晒爽滑, 連鐘意拉麵多過烏冬既我都覺得好食😋 佢地好多花樣, 有D名仲好抵死, 例如五十鰹😅 唔知係咪會好食到腰酸背痛呢? 我係咖哩迷，當然係叫咖哩鰹魚湯烏冬啦，55蚊，咖哩烏冬都預咗係無餸架啦，我揀咗加流心蛋(14蚊)，都好「流」，如果再入味D就極品啦👍 講返個湯汁先, 咖哩味好香, 好標準既日式咖哩風味, 我估計辣度係中辛, 怕辣既朋友都食得到, 如果可以杰D就更好啦, 令D烏冬更掛湯。食咖哩湯烏冬始終怕一件事發生, 就係D湯汁越食越稀, 始終撩嚟撩去, 如果佢用錯粉就反硬。 呢件事並無發生👍 食到尾都無變水汪汪, 食完麵淨飲湯都仲維持到稠度。紙巾提供: 無廁所狀況: * (衛生一般, 好很遠! )溫飽指數: ****回味指數: ****翻兜指數: ** (係食都唔去呢幢工廈!)…查看更多

「鰹烏冬」「鰹烏冬」～呢三個字成日在小妹腦海中浮現，身為烏冬愛好者的小妹，終於有時間去食番餐啦，午飯時間去到要排隊等入座😋 小妹睇見烏冬款式都好多選擇😍排咗約5分鐘就入得小妹揀咗雞扒湯烏冬配關東煮，烏冬即叫即製架，由落單到上枱要耐心等候約10-15分鐘就有得食❣️喜愛食烏冬嘅小妹下次會再嚟幫襯🫶🏻雞扒烏冬▫️雞件有兩大件，係放大又美味版吉野家雞扒烏冬🤭▫️自家手打烏冬，煙煙韌韌，仲有外賣裝烏冬可以購買▫️湯底滾熱辣，仲好大碗添關東煮🍢▫️食材豐富、每件都大大件，仲有入晒味嘅蘿蔔鰹烏冬除了有湯烏冬、冷烏冬外，仲有好多特色烏冬，呢啲烏冬仲要好快賣晒🥹，例如有咖啡烏冬、綠茶烏冬、海苔烏冬、柚子烏冬⋯別有風味㗎！你地又會想試邊款烏冬呢🤔？…查看更多

清新美味夏日之選#夏一烏冬淡淡嘅鰹魚味，配埋芝麻、紫菜絲同埋青瓜粒，口感上好有層次。再撈埋隻蛋，食落去好fresh，啱啱好適合夏天，特別係天氣熱嘅時候！同埋，不得不說，自家製的烏冬真係好彈牙，啖啖都好有咬口感！#燒鯖魚魚皮煎得幾香，外面口感脆脆，肉都唔會煎得好”鞋”，但味道就冇咩特別。如果想要一啲簡單嘅配搭，呢個都可以考慮，但就唔係必試。不過，如果要排隊等好耐就唔太值得，雖然烏冬唔錯，但等得太耐會影響心情🤣建議避開多人時間！…查看更多

好耐冇食過呢間烏冬，印象中味道係幾好食嘅，六點前入座，有學生證嘅話仲有優惠，平咗幾蚊入到去叫咗個鰹魚半湯烏冬，係凍凍地嘅，烏冬嘅口感真係同平時食開嘅有啲唔同，幾高質，非常之彈牙同埋爽口，唔會腍啤啤，亦都唔會好難咬或者好難消化頂住個胃嘅感覺，普通嘅份量都幾多下，雖然冇乜特別嘅餸菜，因為我冇加到，但係食完個烏冬已經好飽，甚至我都唔係完全食得晒，上面亦都有好多蔥同埋姜蓉，但係早知就走咗啲薑佢，唔係好啱我口味…查看更多

位於官塘駱駝漆3期的樓上食肆鏗烏冬，每次在lunch時段經過都總是人山人海的，lunch hour最好早點過去，12:30開始便要排隊了。烏冬選擇多，有冷烏冬和熱烏冬選擇。烏冬看來是人手自家生產的。這次點了四川麻辣冷烏冬，烏冬的調味不錯，帶點麻辛辣🌶️，上面似是金針姑，又似是芽菜，很惹味的，冷冷的，在天時暑熱時吃的確很開胃！ 烏冬口感非常彈口，不過有點粗和硬，吃是要好好咀嚼。不過烏冬的份量很足，一碗烏冬足以令人很飽很滿足！…查看更多

個個都話觀塘工廈多嘢食，講到我心郁郁，即刻約埋三五知己去咗駱駝漆冒險😂😋 明太子微辣冷烏冬最後兩碗好彩比我試到！烏冬口感好煙韌，明太子味好濃厚，加埋青瓜粒同埋蘋果粒，感覺好清新，好啱夏天食🥳😋 三文魚子醬油冷烏冬配料配搭完美😍蟹籽加埋三文魚子充滿咸香，魚乾仔脆卜卜，加埋煙韌嘅烏冬成個口感勁豐富🤩😋 骨付雞用蒜油加上七味粉一齊焗😆上枱個陣勁香！雞皮夠薄唔會有肥膏，切開勁多肉汁流出嚟，啖啖肉好滿足😙舔舔脷指數👉🏻6😋/10😋滿分 可以一試😋…查看更多

我自己本身係有食過其分店 覺得係好食，但呢間真係好失望。😅🥲🥲🥲🥲🥲叫咗呢碗咖嘢烏冬味道有啲一般，完全冇令我驚喜。咖喱香味仲可以，但就有啲平淡，唔係真係好夠味。面條煮得太軟，咬下去冇乜嚼勁，影響咗整體口感。😢😢😢今次嘅咖嘢烏冬有啲失望，特別係面條嘅口感需要改善。如果你鍾意有嚼勁嘅面條，可能要再搵其他選擇。希望下次可以試到更好食嘅版本！有見到其他評論話太硬，可能水準有啲一時一樣😣…查看更多

最近朋友生日，佢想食烏冬所以就介紹咗我嚟鰹烏冬食晚餐首先講講環境先座位係幾闊落，不過就冇乜裝修嘅樣，見到嘅只係普通房四四方方嘅餐廳如果你要求好有格調，好有feel嘅話，就冇嘅價錢就真係好抵，60幾蚊嘅烏冬已經好大碗但係如果你話味道好唔好食我只能夠話一般首先，味道唔夠濃郁，唔會係嗰種令你食到嘩嘩聲嘅味佢嘅料亦都係好普通，無乜特別勝在真係好抵食所以我覺得，如果想快，想平，呢間烏冬係不二之選但係如果你想好有feel，食碗靚嘅烏冬，呢間就唔需要考慮啦…查看更多

鰹烏冬由得長沙灣一間店開始食，食到依間觀塘都有，仲要網購平台都有佢嘅烏冬賣，證明佢啲烏冬真係好高質，好多人欣賞。今日第一次食呢間分店，質素保持不變，佢嘅鰹魚湯咖哩烏冬，咖哩湯底好濃夠杰身，掛上烏冬度，啖啖都滿滿咖哩。另外叫多個天婦羅，呢個相對就冇咁出色，炸衣唔夠脆，不過入面嘅蝦唔會乾，都仲彈牙。鰹烏冬相對較貴，因為烏冬同其他餸係分開叫，但如果淨食烏冬就太過dry，建議2個人嚟，可以叫個餸share 食就最抵。…查看更多