55
14
4
港鐵鰂魚涌站 B 出口, 步行約3分鐘 繼續閱讀
電話號碼
26182696
營業時間
今日營業
11:00-22:00
星期一至日
11:00-22:00
付款方式
現金
座位數目
45
其他資料
電話訂座
外賣服務
加一服務費
食評 (82)
魚湯湯飯不是新鮮事, 但真係未食過好似今次咁, 極足料之餘又極豪華既魚湯湯飯!! 位於鰂魚涌的鯛魚魚湯專門店~ 絕對令人一試難忘! 主打其人氣鯛魚魚湯, 奶白色的新鮮魚湯, 入味又鮮濃, 不加味精! 健康有營養, 怪不得平日都100%入座率~~ 日式風格門口~ 入到去都好日本風, 除了2-4人檯外, 最內仲有大檯架! 超多人來吃東西呢, 由我們入座到離座, 都是滿滿的狀態!! 就知佢真係好受歡迎~~~ MENU, 除了主打的魚湯湯飯之外, 仲有湯烏冬、拉麵、定食, 小吃等等! 選擇都好多, 仲要樣樣都好吸引添! 我們第一次來, 當然要試左必吃之選先啦! 就係用上豪華食材的湯飯~~ 皇帝蟹腳海膽湯飯 $168 跟圖片100%相符!!!! 有圖有真相!!! 個海膽真係好大片~~~~~ 皇帝蟹腳也是非常大份同新鮮, 蟹肉可以一絲絲拉起, 非常鮮味! 旁邊仲有魚糕、木耳絲等配菜, 絕不吝嗇呀! 加上奶白色既濃味鯛魚湯, 真係好鬼正呀!!!!! 同埋, 佢係用鐵鍋上, 底下仲有蠟燭KEEP住溫熱, 吃到最尾都是熱的! 鮑魚花膠魚肚魚湯烏冬 $138 女生的人氣養生之選呀!!!! 我身為大肚婆, 當然知道花膠魚肚好養胎, 但自己唔想煮花膠, 又要等又要浸水又要發, 我就會選鯛魚既呢一款烏冬! 每片花膠都又大又厚, 入口軟綿綿, 就算唔係大肚, 女生都要吃多點!!! 皮膚都可以滑一滑呀! 鮑魚也比想像中的大隻, 魚肚吸了大量湯水, 好好味!! 魚湯一D都唔腥, 非常健康! 強烈推介~~~ 另外, 我們再點了小吃, 餃子雞翼 $38雞翼去骨, 入便釀了餃子料, 再拎去煎香,非常好吃!!記得要早點下單, 因為會好快賣晒XD果日我地食緊時, 另一檯客想點已經賣完了! 吉烈炸豬扒 $58薄切豬扒, 炸得金黃香脆, 點上沙律醬, 就變成美味的小吃!! 我們真係將成碗湯飲晒!!! 不加味精, 100%足料鯛魚湯, 無理由唔飲晒佢~~ XDXD 一定會再來開飯~~ 繼續閱讀
(以上食評乃用戶個人意見 , 並不代表OpenRice之觀點。)
真的愛妳 焦點食評
等級4 2017-05-14
1565 瀏覽
5月14日在我心目中算是一個大日子, 不是我的生日, 也不是自己什麼記念日, 而是母親節, 大家記得嗎? 的確是大日子, 因為是我敬愛的媽媽日子。每年也會為她準備小禮物, 當然亦不少得抽空吃餐飯, 不用吃得很昂貴, 亦不用大魚大肉, 因為我知老媽並不是追求這些, 她只想我的陪伴, 簡簡單單一餐也會滿足。她是一個很貼心的媽媽, 說跟她吃母親節飯, 她卻也主動話要先來我家一趟打點,無時無刻也為我操心, 真是「養兒一百歲, 長憂九十九」。既然來到, 便精心挑選了一間岩晒慶祝母親節的餐店, 點解? 有滋補養顏的花膠鮑魚喎, 是女士的恩物, 而最重要它是魚湯專門店, 見到魚就雙眼發光, 不單止岩老媽, 當然也岩晒我, 哈! 店子門面裝潢帶有和風的色彩, 門口正中央掛上刻了店名的木板招牌。走進店內, 地方小小, 兩邊均設有兩排軟墊座配二及四人枱, 亦有一排面向牆的單人座和兩張二人枱,  再走入一點, 還有一張六人的馬蹄座和一張四人枱, 枱與枱之間空間唔多, 大家都要坐得親密一點呀!每枱都放了一本餐簿和一份餐牌, 馬上細閱, 選擇不算很多, 分五大類, 主要集中在魚湯菜式中, 有鯛魚湯系列、鯛魚湯料理麵系列、鯛魚湯飯系列和鯛魚定食系列, 還有限量發售的皇帝蟹腳海膽湯飯。除鯛魚湯外, 亦有幾款小吃和飲品。***************************明知店子是魚湯專門店, 當然不會錯過鯛魚湯系列。共有十五款選擇, 而每款均已有黃菜絲、木耳絲、京蔥、油湯絲和海草 作為配菜, 另外還有十二款食材可追加, 而麵底亦可選羽衣烏冬、素麵和稻庭手打烏冬, 真係要慢慢揀下先得。******************************一早已諗了用花膠鮑魚賀母親節, 當然向老媽推介一碗鮑魚花膠魚肚魚湯羽衣烏冬 Abalone, Fish Tripe & Fish Maw with Soup Udon ($138), 還要她大滿足, 加多兩隻帶子 ($18/一隻)。老媽分享了一隻帶子 給我, 大大隻, 味道鮮味, 裙邊煙煙韌韌, 挺有嚼勁, 但可惜不夠肉嫩。羽衣烏冬 真係聽都未聽過, 樣子扁而闊身, 口感滑嘟嘟, 沒有稻庭手工烏冬那份彈牙, 有些似河粉, 哈! ******************************我也是女士, 當然也看中花膠鮑魚, 同樣要一碗鮑魚花膠魚肚魚湯稻庭手打烏冬 Abalone, Fish Tripe & Fish Maw with Soup Udon ($138), 但就追加了我喜歡的鯛魚片 ($18/四片)。趁熱先呷一口奶白色的魚湯, 稀稠度適中, 但每喝一口都滿有鮮甜的魚味, 相信用足料熬成, 令人喝得滿意。滿滿的稻庭手打烏冬 上放滿食材, 有兩隻彈牙的原隻鮑魚、三至四大件柔軟鮮香的花膠, 還有四大件最討我喜歡的魚肚, 索盡魚湯, 鮮上加鮮, 鮮味爆燈。而追加的鯛魚片, 肉質潔白鮮味, 但不算嫩滑。稻庭手打烏冬 幼長扁身, 口感滑兼帶點彈牙, 伴上鮮甜的魚湯 同吃, 正! 而配菜也挺豐富, 有吸收了魚湯的油湯絲、爽口的黃菜絲、木耳絲 和海草, 還有清香的的京蔥, 不錯!***************************小食也很吸引, 在九款選擇中揀了一客明太子沙律 Mentaiko Salad ($45), 青綠的雜沙律菜 上放了一大堆明太子沙律, 拌入甘香的胡麻醬。沙律菜 新鮮清爽, 明太子沙律 緊緊沾上沙律醬, 份量剛好, 沒有漏滯之感, 咬下去有爆脆的口感, 而鹹鮮的味道配上清新的沙律菜, 配搭簡單而美味。***************************跟餐特飲有半價優惠, 當然不能錯過。特飲有四款, 我倆都看中了蜂蜜桃園 Honey Peach Garden ($12/跟餐半價), 就要兩杯。以白桃果醋 加晶瑩剔透的蜂蜜分子珍珠 製作而成, 酸咪咪的味道中帶淡淡桃香, 甜度岩岩好, 而最有趣是每啜一口都有蜂蜜分子珍珠 在口中爆出滋潤甜美的蜂蜜, 為酸咪咪的桃醋添些甜美, 又特別又好飲, 半價真超值, 正!------------------------------今年的母親節, 跟上年一樣, 只送上一頓晚飯和一份不值錢的禮物, 但今年有點不同, 為她揀選了滋補養顏的鮑魚花膠作為晚餐, 女士的恩物, 當然喜歡, 但我知她最開心是我陪伴了她一個晚上, 還有那份不值錢的禮物也是我小小的心意, 希望她會感受到我「真的愛妳」。    繼續閱讀
(以上食評乃用戶個人意見 , 並不代表OpenRice之觀點。)
等級4 2017-05-07
855 瀏覽
一向都認為鰂魚涌冇咩美食可言,所以都好少呢呢啲地方。但係經過今次美食之旅,發覺呢條街有好多隱世美食。當日見呢間係食日式湯飯,圖片好吸引,價錢亦合理,所以我哋就去咗呢間。除咗泡飯,呢度亦有居酒屋常見嘅小食,包括一些炸物,見到呢度有吉列蠔呀一定要試喇!吉列廣島蠔$58@3隻睇落都幾大隻,重點粉漿唔厚。外皮炸得脆卜卜,能夠做到金黃色確實不易。一咬之下,發覺原本的蠔也很大,蠔肉飽滿,而且蠔味很重,十分好吃。皇帝蟹腳海膽湯飯$168 這是全店的皇牌湯飯,沒有不試的理由吧!上面鋪滿海膽同埋皇帝蟹腳,都幾多一下,好似唔洗錢咁。我試咗幾啖,鞋腳味道非常鮮甜,海膽味道尚算鮮,跟生海膽的味道不是相差太遠,朋友真係識揀。而當日凍凍地,都想食下呢個進補,想不到這裏有這麼養顏的食物,這就是鮑魚花膠魚肚魚湯湯飯$138.份量超多,好似唔使錢咁,魚肚花膠大約有四至六嚿。兩舊的鮑魚非常清甜,雖然細細隻,但好有口感,飽滿彈牙。魚肚就發到好大,體積非常之巨型,索哂d湯,感覺有啲豆卜,海綿口感,無咩味。花膠還可以,黏性不算很高,煮得很林。用來養顏簡直是一流。飲品方面是同午餐晚餐跟餐半價,我點了熱飲沁甜花園$20 這是柚子和玫瑰的組合,底下有些玫瑰花瓣,帶有蜜味。再配上清新嘅柚子,味道非常清新。朋友則點了蜂蜜桃園$24蜂蜜分子+白桃果醋。她的凍飲底下有些蜂蜜爆爆珠,我試咗一啖,味道係蜜糖味。平時飲開都係草莓珠或者芒果珠,呢杯真係特別。飲品嘅base係白桃果醋,酸酸哋有助消滯,味道非常清新。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-04-30
361 瀏覽
之前去咗旅行,好耐冇同屋企人去食晚飯,所以就收咗工去附近食下飯啊。最近有一間魚湯泡飯好似好紅,我哋都慕名而來,果然真係有啲人排隊,要等下位。皇帝蟹腳海膽湯飯$168呢個係成間餐廳做主打,啲海膽唔會有一浸韓國海膽嘅花生怪味,幾香。皇帝蟹腳吃起來啖啖肉,而且帶少少鮮甜香味。而且份量都好足!湯底係魚湯,味道清甜而且新鮮。仲有一啲昆布同埋木耳配料,吃起來更加有口感,食完都幾飽。煎餃子魚湯烏冬$72魚湯烏冬嘅湯比起湯飯更加濃郁,超級好味。烏冬大概是稻亭烏冬,口感特別彈牙有韌勁。旁邊的餃子有五隻,肉香十足,有辱有才,外皮也不厚。蒜片牛粒$78每一粒都做得剛剛好,調味適中之餘,裏面還帶點粉紅色,不會過數,能夠保持水份,口感軟熟。鱈魚魚腐$38@5件第一次吃,咸中帶甜,外皮香脆,裏面的口感比較有彈性,比平日吃的更加特別。蜂蜜桃園$24蜂蜜分子+白桃果醋蜂蜜果園$24蜂蜜分子+蘋果果醋看起來其實好相似,裏面的爆爆珠爆了之後就是蜂蜜的味道。主要是其中一款是白桃香味,另外一款是蘋果香味,真的很大杯!一個人要喝很久才喝完XD 繼續閱讀
(以上食評乃用戶個人意見 , 並不代表OpenRice之觀點。)
魚湯出色 焦點食評
等級4 2017-04-26
1660 瀏覽
鮮魚熬製出來的湯會呈奶白色,味道鮮濃,用作做湯底的話更分分鐘會由襯托品晉升為主角﹗今天晚上我就來到鰂魚涌的鯛魚魚湯專門店,一試湯底是否真功夫。 這晚雖然下著雨,但入座率也算不錯,店內一角橫放了張長檯,應該幾適合平日Lunch時間多人一齊食。 Menu中的主菜大約分為4類:鯛魚湯、鯛魚湯料理麵、鯛魚湯飯及鯛魚定食,但萬變不離其宗,一切都離不開鯛魚。 吉列豬扒魚湯烏冬 $85奶白色的魚湯無花無假,甫上檯已聞到其魚香足以蓋過炸豬扒的酥香,先喝一口魚湯,味道既鮮且甜,真的會令你自動自覺將每條烏冬都以湯送入口。配料方面份量頗多,木耳及海帶的爽口,跟幼滑烏冬相映成趣。至於吉列豬扒,單看顏色已知火候還差了一點點,炸得略嫌未夠金黃,而且粉漿較厚,顯得本來已屬薄身的豬扒更加薄。 餃子雞翼 $38我眼中的功夫菜,師傅要先將雞翼去骨,中間再釀入餃子餡料,過程中絕對不能將雞翼外表弄至有任何破損。所以不要以為$38/兩隻雞翼便等於所費不菲,技巧及心機差了一點點便做不成這個菜。雞翼漲卜卜兩邊都燒到有點焦香,食落亦覺飽滿,充滿油香。 蜂蜜桃園 $24飲落不太覺有蜂蜜的味道,反而蜜桃味很突出,原來蜜糖味是蘊藏在爆珠之中,每一口都覺香甜。總括這一餐也挺滿意,除了豬扒失色了點之外,或許下次我會來試試炸蠔。 繼續閱讀
(以上食評乃用戶個人意見 , 並不代表OpenRice之觀點。)