鯊魚皇冰室

營業中

休息中

連續兩日呢間鋪頭 中午去食煲仔飯啲餸食落好味 豬潤食落果時會化杞子雞塊豬潤煲仔飯 呢款相對滋補，雞件嫩滑配上明目嘅杞子，為傳統煲仔飯增添一份養生嘅雅緻。飯粒吸收晒雞汁同藥材嘅清香，味道層次豐富，暖胃又暖心。豬潤食落果時又化wo 正啊 除咗煲仔飯，佢哋嘅炒粉麵都唔可以睇小，「肉絲炒麵」，不過當日見到嘅版本似係雞絲。無論如何，呢碟炒麵鑊氣十足，麵條炒得乾身彈牙，芽菜、紅蘿蔔絲、雞絲（或肉絲）掛滿醬汁，色香味俱全，簡單就是美！早餐個煲仔豬潤通粉加薑酒底 都係一絕個人而言 好食過煲仔飯

咁岩經過發現原來lunch都有煲仔飯，見涼涼地就入左去試下。一坐低未叫野食就上左碗湯先，趁熱飲就唔記得影相🫣碗湯都幾足料，有紅蘿蔔、冬瓜、雞腳、瘦肉，飲完唔口渴。個飯一上枱，個職員就幫你開蓋先，俾你落豉油之後焗3分鐘先好食，3分鐘後一開蓋就滿滿既臘味香，有臘肉，臘腸同潤腸，份量都幾多。職員就教快d撈勻佢，等d飯索曬d臘味香。個底都易畢到飯焦，略嫌飯焦太多，食到個口有啲攰🤣豬潤滑雞煲仔飯，職員就教先食咗豬潤先，費事個豬潤硬左，食落個豬潤都幾新鮮同厚，口感唔錯。滑雞食得出有先調左味，有滿滿既酒香，但嫌佢太碎，易咬到d碎骨。整體黎講都唔錯，應該會再去試埋其他焦仔飯🤩

一次過點左四款所有配料可以用到咁低質素真係好少見收得呢個價錢但只係比到三十蚊既品質打開個鳳爪排骨飯真係比啲排骨嚇親無骨細細粒既豬肉粒黎鳳爪無炸過豬膶雞，塊豬膶正正常常但啲雞瘦到不能成煲淨食骨同皮毫毛雞味既零碎雞件吊桶排骨一樣可以碎碎上煲仔飯真係食過無數咁多間如果花時間去排呢間真係浪費時間個煲仔飯size係偏細份可以食唔出飯香煲仔飯重點既豉油都煮唔出香味真心一次無回頭做生意可以賺但唔係去到咁盡唔明讚既位邊度黎忍唔住要寫出黎。

早排見天氣凍凍地，又見到呢度有間餐廳食煲仔飯，又有好多人排隊，所以上次經過就特登又去排吓試吓好唔好食佢個排隊都幾混亂嘅，因為個舖位非常之細，入去拎飛都有啲難度咁我上次一個人，好快就俾我搭到張枱，都唔使等好耐，但係由於個舖位好細，完全冇位置俾我擺背囊，一直要攬住食都好麻煩咁我就叫咗個鳳爪排骨煲仔飯，加潤腸一條$10$90嘅煲仔飯同潤腸啱啱好$100 等咗10分鐘左右我個煲仔飯就上菜，佢聞落非常之香，但係一打開蓋呢就見唔到條潤腸，我同佢講完之後，叫個老細取消咗個價錢，但佢竟然話唔使取消啦，佢想條潤腸係另上俾我，但完全唔係嗰回事囉，潤腸原煲煲上去，啲潤腸油香就會落咗煲飯入邊，另上俾我有咩意思呢？我煲飯都唔會有嗰個潤腸油嘅香味！我完全覺得佢對飲食冇乜要求，當然我都拒絕咗直接叫佢取消返個$10

舊舖食已經小料，以為跳出來自己開舖，多人幫襯會改善。 但估唔到打開煲蓋，只能用細粒來形容吊桶排骨飯 2cm 排骨，橡筋圈吊筒。豬潤雞飯加潤腸， 豬潤剛熟真心好食，潤腸正常，雞有部份比雞腳棍（骨），無幾多間做得出。總結： 座位迫，性價比低。排隊長時間，這價錢有更多選擇。

白鱔臘腸煲仔飯.正.等煲仔飯時間也不久.等候時間叫左碟朱頸肉食.朱頸肉也煎得很香.1路食1路等.等煲仔飯的時間便過得很快.因為去的時間比較晚.8時後.不用等位可以直接入座.

見comment見有人話安排座位既問題，今日去試冇遇到呢啲問題，睇來已經改善咗好多，食物除咗煲仔飯都試咗佢地推薦既炸雞翼。質素竟然出奇地好，好脆雞翼好juicy，煲仔飯就絕對冇得頂，冬天食到咁好味既煲仔飯真係此冬無憾。

18:15等到19:25都算，食野係要排隊，但門口帶位嘅女士，胡亂安排坐位，冇寫底票號同人數都已經搞笑，每次有人埋完單，走出嚟逐個逐個問幾多號，幾多位，第一次見人咁樣安排

鯊魚皇冰室 (元朗)元朗元朗安寧路138號紫荊樓二期地下H號舖喺元朗行過好誇張，見到超多人排隊，冬天就梗係要食煲仔飯，咁多人排隊就肯定好食啦。臘味煲仔飯濃郁嘅臘味煲仔飯，每一粒飯都吸收咗臘味嘅精華，飯香四溢，尤其係底部嘅焦香脆飯，香脆可口，令人難以抗拒。再配上香脆嘅臘腸、臘肉，每一口都係極致嘅享受，絕對係冬天暖胃嘅最佳選擇。窩蛋牛柳粒煲仔飯嫩滑嘅牛柳粒配上香濃嘅飯，再加上一隻半熟嘅窩蛋，蛋液與牛肉嘅美味融合，每一口都係豐富嘅口感同層次。尤其係底部嘅焦香脆飯，香脆可口，為整道菜增添咗特別嘅風味，真係令人一試難忘。套餐免費送上每日例湯真係爽到爆🚀

🔹🔹🔹🔹🔹🔹🔹🔹🔹🔹天氣一轉涼就想食個熱辣辣嘅煲仔飯，今日去呢間鯊魚皇冰室食，食飯時間餐廳出邊已經排滿晒人🤣我哋叫咗兩個煲仔飯，吊筒排骨煲仔飯同窩蛋牛柳粒煲仔飯，仲加左個油菜同小食香煎檸檬雞扒。煲仔飯一嚟到已經香噴噴，吊筒排骨有陣鹹鮮味，排骨都好滑，而窩蛋牛柳粒啲牛柳粒又係好嫩，完全唔會韌，仲加咗臘腸，成個煲仔飯個臘味即刻升華哂🤣另外個香煎檸檬雞扒都好好食，雞扒又係煎得好好，唔會燶又夠滑😋

之前喺某餐廳已經聽過基哥嘅大名而且已經食開基哥嘅煲仔飯㗎啦點知有排見到佢冇做以為佢退休以為以後都冇得食啦最近聽到原來另起爐灶由基哥有開餐廳主打煲仔飯特登去翻尋味結果比以前更加好食趁佢未排隊之前好快啲去食如果唔係第日有排等鍾意煲仔飯嘅你一定啱食！今次因為太耐冇食過煲仔飯唔記得影相就已經嗱嗱聲係咁食建議大家未試過基哥手勢可以親自去食一次始終大家口味各有不同畢竟依家好食嘅煲仔飯買少見少尤其是冬天越嚟越凍就越想食煲仔飯

這間位於元朗的【鯊魚皇冰室】，主打煲仔飯，天氣開始轉涼，最適合食熱辣辣的煲仔飯。這裏的煲仔飯全部都是即叫即做，新鮮熱辣，而且做到每煲都有飯焦，香噴噴的飯香離遠都聞到。店員先送上無味精例湯，紅蘿蔔霸王花味道清甜。臘味煲仔飯煲仔飯有臘腸、臘肉、潤腸，白飯吸收了臘味油香，每粒米飯都有光澤，加上香脆飯焦，更添風味。窩蛋牛柳粒煲仔飯牛柳粒飯油脂不及臘味，但加上窩蛋後，米飯比較濕潤，各有風味。脆爆檸檬雞扒另外加$48可配特價小食，雞扒炸至金黃香脆，肉汁豐富。菜心$20都很大碟。

今次我去咗一間專賣煲仔飯嘅餐廳，真係食到心滿意足！鹹蛋銀魚仔肉餅煲仔飯份量真係超級足夠，飯粒粒分明，中間仲有啲香脆嘅焦香，食到一口口都好滿足！鹹蛋銀魚仔肉餅味道濃郁，咬落去有啲韌性，配上飯食，真係好正！窩蛋豉汁白鱔煲仔飯白鱔細膩鮮嫩，豉汁嘅味道剛好，唔會太鹹，仲有個窩蛋，蛋黃溏心，拌埋飯食，簡直係人間美味！芥蘭，加上，鴨香油，味道一流，芥蘭保持住脆口感，鴨香油嘅香味令整道菜更加升級！再者，蠔油菜心都係好味，搭配鴨香油，真係唔可以錯過。霸王花紅蘿蔔泥湯，份量大大碗，湯底清甜，紅蘿蔔泥滑滑地，飲落去好舒服，非常適合配合主食。整體嚟講，呢餐真係抵食到爆，食到心滿意足，真係值得推介！

今朝返工路過安寧路見到新開嘅冰室 去打包咗杯凍奶茶嚟試下 20蚊價錢合格嘅好似話個老細煲煲仔飯喺元朗好出位曾經有一間佢煲咗十幾年咁十幾年嘅煲仔飯師傅啲公價應該唔會差掛等我下次休息落去試下佢嘅煲仔飯先得