鮮芋仙 (荃新天地)

營業中

休息中

我order布甸Q麻糬牛奶冰, 我落完單問過布甸可否另上, 我驚會壓扁, 布甸同雪糕基本上唔可以壓, 職員回覆唔可以, 我以為佢無裝布甸外賣盒, 之後發現佢都係用膠盒裝, 再倒入放外賣盒, 加埋雪糕, 跟住一手拎起外賣蓋就壓, 未壓之前我見住雪糕仲突出盒面. 回家打開雪糕完全唔係球狀, 賣相好差.建議大家唔好叫外賣.

每次夜晚經過荃灣呢間鮮芋仙都超多人等，今次預早d黎到，等左一陣就有位！兩款麻糬牛奶冰都好吸引，最終揀左「布丁Q麻糬牛奶冰」，估唔到係超大份超級大碗，就算同另一個朋友share黎食，都好慶幸食晚飯時有食少d留肚黎食配料有球雪糕，仲有兩大舊布丁，杏仁味同原味，布丁口感好滑溜，不過略嫌奶味唔係好夠，另外仲有好多細細粒既小芋圓同埋冬瓜凍，當然仲有個人最鍾意既麻糬，好煙韌軟熟，兩隻黑糖同牛奶味都好正份量好足之餘好好味，而且好抵食，一定會再幫襯！

今日放假決定放縱下自己，下午去到荃灣行街，行過鮮芋仙，睇到冇人排隊，於是乎就去食芋圓了。其實自己對芋圓並不是十分喜歡，但係鮮芋仙的芋圓係出名的，所以就決定食佢。我要咗個芋圓一號，入面有綠豆、蓮子同珍珠，因為有啲頸渴，於是乎就要咗個凍嘅芋圓。其實碗芋圓都算係大碗，啲珍珠同芋圓都煙煙韌韌，幾有咬口。至於碗糖水我嫌佢太甜，如果淡番啲會比較適合我。間餐廳對着整個中庭，室內光猛，感覺十分舒暢。只要唔係人多嘅時候，不失為一個可以休閑享受美食的地方。

唔知點解隔一排就好想食鮮芋仙，但次次見到門口排哂長龍就放棄。 難得當日好早食完晚飯， 大概排兩三枱就有位，就去試一試！ 每次兩個人都係唔洗望menu， 一定係嗌芋薯圓Q 麻糬牛奶冰， 有齊哂我想食嘅配料，正啊！ 不過連夏天食，食到最後都係會太凍，凍到頭都痛😂牛奶冰份量除咗一如既往地大碗，芋圓口感非常煙韌，無論係芋頭抑或地瓜嘅味都好重，唔會好似出面嗰啲食緊擦膠咁👍沙冰上面淋滿煉奶，就算食到最尾都唔會話好寡或者剩係得返啲淡淡嘅冰味，而且每一款配料嘅份量都啱啱好，可以一次過試晒咁多隻味又唔會太漏😋喜愛程度： 🍨🍨🍨🍨🍨

今日同女朋友去荃灣睇戲，睇完戲之後好肚餓，女朋友想食甜品，見到平時好多人排隊嘅鮮芋仙，比起夜晚少好多人，就決定食佢，我哋拎飛等咗半個鐘就入得。芋薯圓Q麻糬牛奶冰評分: 7.5/10一上菜就覺得真係好大好大碟，其實兩個人好難食得晒，最後我哋食唔晒，我哋見隔離枱對情侶都食唔晒。佢入邊有芋薯圓Q，即係外皮係橙色用蕃薯做，好似平時嘅話番薯圓，但就大粒好多，入面包住左紫薯蓉，另外仲有麻薯，有牛奶同黑糖味，但我覺得味道一般，除此之外仲有細粒嘅芋圓。

涼涼地食碗冰都幾過癮🤣🤣凍到牙都震😂芋薯圓Q麻糖牛奶冰 $52+$7追加芋頭。呢碗配料好豐富，一個足夠2-3人食。d冰多到成座山甘多🤣冰既口感都好好咬，凍到牙都震😂😂配料：-黑糖&原味麻糬：麻糬既口感很煙韌，不黏口，亦都唔會好甜。芋薯圓：蕃薯味外皮煙韌度偏軟，内餡有芋泥。芋圓：很細，無乜特別。冬瓜凍：好似啫喱，但冬瓜味道不太明顯。雲呢拿雪糕：很濃味，很甜，但配冰食好適合。👍🏻👍🏻👍🏻

個碗得個大字，但8成係糖水，得果3片仔豆花 + 芋頭，成 $42。要飲片糖水，$10一大包自己慢慢煲。外賣中伏，無得搵員工對質，無仇報。呃錢都唔係呃到咁離譜掛？$15都唔值，絕無下次。

布丁麻糬牛奶冰🍮🍧之前次次經過都勁多人排隊，淨係試過買芋圓takeaway，一直都好想試下佢嘅刨冰，咁岩經過難得冇人等位就即興堂食🤣🤣呢排咁熱最適合食刨冰🍧個刨冰超級大碗，要3-4人先食得晒😂😂配料方面有雞蛋布丁、杏仁布丁、芋圓、冬瓜凍、麻糬，好豐富😍😍我本身就唔太鍾意杏仁味，後尾先知可以轉做兩個都雞蛋布丁🥺🥺不過牛奶麻糬口感好煙韌，甜甜地好出色🤤🤤刨冰上面仲有牛奶味雪糕好正❤️❤️

之前一直聽唔同朋友講好好食但要排好耐，今次難得下午時間經過荃灣分店，見冇乜人排隊就決定試下，等左20分鐘左右就入得。因為我同朋友都食左野，所以決定叫一份再加個湯丸試下，落單同執枱員工都幾有禮貌。叫左個芋圓餐（唔記得左係第幾號），佢啲芋圓係比較淋，我個人喜歡有咬口果隻，中間啲冰好凍，不過冇乜味，我估係有啲蜂蜜水之類既野浸住，如果係唔喜歡食太甜既朋友我覺得ok,但因為我食得比較甜所以覺得冇乜味。其他配料（紅豆芋頭珍珠）都係正常發揮。至於另加果兩粒湯圓，食完之後有啲後悔，因為個皮有啲厚😖 總結以上，我未必會再食第二次。

🥸呢到堂食要叫左野食先可以入去坐，限食45分鐘） 🍧芋薯圓Q麻糬牛奶冰 $58-台式剉冰都係冰碎較粗（食過氷屋既日式刨冰真係番唔到轉頭🙈不過價錢都差好遠😅）✨呢碗配料好豐富，樣樣口感都好好咬😋，咬到不能自拔🤣，好快就食哂，唔夠送冰食🥲。D冰太多，顯得黑糖醬同煉奶唔夠多，食到底下好似食緊蔗水淡味又甜既冰咁😅，撈雪糕食味道先會冇咁單調！配料如下：🔅黑糖&原味麻糬: 見到個樣令我諗起平時零食店賣一盒盒個D又甜又唔煙韌既麻糬，但原來幾好食！🤭唔過甜，煙韌度剛好又唔黏口。🔅芋薯圓: 蕃薯味外皮煙韌度偏軟，內餡都食得出芋泥甜。🔅小芋圓: 冇咩特別🔅冬瓜凍: 好好嚼既Jelly ，冬瓜味唔明顯🔅雲呢拿雪糕: 好濃味亦都幾甜下，配冰食好適合。 （整體而言係幾抵食嘅！😹咁鬼大盤） 🧋布丁奶茶 $32-唔好飲🤢唔知係咪因為加布丁有影響，飲落似奶粉奶精沖出嚟個啲味🥶。

以前食(講緊兩年前)超多仙草，係用芋泥，多到爆碗，蓋住係會壓住啲料。今日買黎食，同樣係外賣，仙草少到不得了，撩都撩唔到上黎，芋泥變左兩舊芋頭，啲糖水甜到飲唔到，食完啲鮮草都仲有成半碗糖水。

食完米線好飽行咗陣千色之後諗住去食鮮芋仙仲諗緊點解無乜人堂食坐得咁疏 哈哈😆原來已經截咗單！疫情關係早收咗一個鐘九點去到已經冇得坐低食平時都係食開布丁Q麻薯牛奶冰嘅諗住拎走嘅話 方便啲就試吓飲品啦！平時我都會叫奶茶嘅但係今日真係食到好飽所以都係叫返茶底消滯穩陣啲等咗大概10分鐘就有了～而且門口咁啱商場整咗洗手機好方便.茉香綠茶 加珍珠 少冰 少甜嘩 足料到呢 就嚟半杯都係珍珠個人認為其實啲珍珠都好夠甜我唔係好鍾意飲太甜 所以下次會叫半糖至於個茶底唔會好苦 幾好 .小芋圓奶綠 少甜 少冰試埋朋友個杯先本身佢已經同我講啲芋圓應該啱啱煲好因為食落熱嘅 令到成杯野感覺似常溫 有少少怪不過我覺得喺冷氣地方都唔緊要嘅最緊要係啲芋圓夠煙韌

食飯後甜品🍮是常識吧，黎到荃新天地一期地下出名的台式糖水店「鮮芋仙」，平時大排長龍，今日好彩早左，直入有位。🍨芋薯圓Q麻糬牛奶冰 HKD 52:根本就係二人份量，夠曬分享，配料好豐富。分別有黑糖麻糬、原味麻糬、小芋圓、芋薯圓、冬瓜凍、雲呢拿雪糕、黑糖醬。牛奶味的刨冰略嫌碎冰塊太多，影響口感。小芋圓入口煙煙韌韌，好好味😋黑白麻糬有嚼勁，麻糬控一定至愛！而「芋薯圓」，外層皮薄黏韌，內裡還有芋泥夾心，不得了。芋圓一號 (凍）HKD 45:刨冰🍧底加黑糖糖水，係真黑糖味，不是普通糖漿，包綠豆，綠豆吾會死焾，甜度適中，蓮子就真係太甜個人黎講，根本係糖蓮子，甜到打冷震。珍珠就普普通通，煙煙韌韌，無咩特別，至愛一定係招牌芋圓，但都略嫌吾夠芋香。總結：平日吾多人先再光顧大推🍨芋薯圓Q麻糬牛奶冰

🍧鮮芋仙🍧芋薯圓Q麻糬牛奶冰($52):呢碗勁大碗二至三個人食完全可以😋入面嘅配料有好多,最特別嘅係入面嘅芋圓! 芋圓係做到好似湯圓入面有啲芋泥🤤同湯圓唔同嘅係佢個皮比較煙韌厚身同埋佢入邊個餡會係芋泥咁樣結身冰佢寫係牛奶冰🥛🍧不過我自己就食得唔係好出牛奶味主要都係食到煉奶同埋面嗰層焦糖糖漿入邊有啲長條型嘅糯米糍😂黑色係黑糖味白色係牛奶味😋我自己一個食晒😂有啲唔係幾好意思🤤但真係好正🤤🤤🤤—(非專業,完全跟據個人口味☺)食物:8/10環境:8/10服務:5/10人均消費:$50———————————————▪店舖名稱: 鮮芋仙▪店舖地址:🔸 荃灣楊屋道1號荃新天地一期地下G46號舖-----------------------

無得去台灣搵阿婆芋丸就腳就衝入去「鮮芋仙」叫碗芋泥芋圓豆腐花拉近一點點距離。🤣呢個疫情都不知何時才用得著本護照或者回鄉證，還好香港是個美食天堂食盡大江南北菜式都有，今日途經荃灣荃新天地見到 「鮮芋仙」環境恬靜衛生光潔，決定來碗台式甜品苦悶中來一點甜。😋看完餐牌先買票。🥄招牌豆漿豆腐花 $48下面是暖暖的豆腐花和豆漿，很香豆腐的味道，就是不夠滑，芋圓口感煙韌 Q 彈，味道也不錯芋泥有芋香，蕃薯泥也很清甜好食。👍