鮮味道

營業中

休息中

我同朋友喺佐敦附近發現一間餐廳，係賣福建菜嘅。喺香港好少機會食福建菜，所以我地就入去試試啦。我哋揀咗海鮮麵同埋水餃海鮮麵嘅味道還可以，裡面有蝦同花蛤，味道好鮮。水餃就係蘑菇豬肉餡，味道都幾好。海鮮麵嘅味道係ok嘅。麵條煮得啱啱好，有彈牙嘅口感。裡面有鮮蝦同花蛤，而且鮮味都幾足。湯汁唔算太濃郁，但都夠鮮甜，令人食得開心。整體嚟講，海鮮麵係一個不錯嘅選擇至於水餃，就係蘑菇豬肉餡。餃子皮煮得彈牙，包裡面嘅餡料都幾豐富。蘑菇同豬肉嘅組合唔錯，味道都幾鮮美。餃子煮得好熟，外脆內嫩，食落好滋味。如果你鍾意蘑菇同豬肉嘅組合，咁呢款水餃係一個不錯嘅選擇香港嘅福建菜選擇有限，所以如果你想試下新口味，不妨一試呢間餐廳

我外賣叫了10 隻齊菜水餃 ，打開外賣盒D皮已經煮到爛晒，賣相已經好唔好，買了冇理由唔食，食到一半，發現有一條長長嘅硬物，似鹹水草，好後悔冇影相留底，味道更差，非常難食，我已經俾咗三次機會佢再去幫襯，但係以後都唔會去，因為實在難吃！轉咗手都係咁差

天氣熱，無乜胃口食嘢，食晏行行吓見依間聲稱「傳統工藝，手工制作」刀削麵、腸粉店，諗住簡單要個蝦仁蛋腸粉外賣，一眼望去收銀機後的大燈箱餐牌，方便、清楚啦卦，寫住$30，好，落單。俾錢時，收銀員話$40（！？😳😳😳）我好驚訝，指住燈箱問：「唔係$30咩！？」，佢好細聲話：「舊價。」再指吓枱面大過A5 size少少的過膠餐牌⋯⋯ 算，我俾。之後返到公司打開盒腸粉，中晒伏！！應該係粉漿太稀/蒸太耐，十分淰⋯⋯ 沒有下次了。🙄🙄🙄

今日突如其來好想食炸醬麵，見到樓下新開一間，就打算試一試，好等之後可以多一個地方食下麵。滿心歡喜叫左個外賣炸醬麵返去食，打開後我已經面有難色，因為碗野係黑色 好可怕好污糟既黑色我心諗 無野既 有啲食物係樣唔得 但可能內裏有驚喜呢～食左幾啖 講真 好想嘔 好油 好怪 難食到係好難形容 好似煙熏過既梅菜味？花生係好似過期花生咁 潮哂我再撩下個底 嘩 全部都係油 啲油係浸住個麵😅 我好奇地想睇真啲到底係用咩黎整炸醬我只能理解為 一堆黑色既乾物？我再禁其他分店既相 出黎既炸醬麵絕非如此 我呢隻係成個墨黑色既麵老實講 啲野食係放入口 將心比己 你地點可以咁樣都賣比客人食 係咩做生意既手法？呢間野 絕無下次 大家想試就隨便。真係食到好谷氣 心情好差

食得返以前內地做野食食嘅味道。喺上海做嘢嘅時候第一次食小雲吞，嗰陣時已經覺得驚為天人，因為做到個皮超級薄，個餡就好似好大咁，一啖食落去非常之滿足。呢度嘅質素就類似以前喺大陸食嘅味道，大約有八成似！可惜唔知係咪太夜過去，全家福小雲吞淨係得返粟米，蝦同原味

今日本身開開心心諗住食個餃子放題。去之前睇片見有2個選擇。一 $68餃子加可樂二 $88 同上加湯本身唔想飲湯諗住直接68 ，點知一去到話一定要食$88 ，講明唔飲湯都唔得！跟住開始食比左一碟韭菜同菇豬餃。然後再上一碟韭菜！我問點解唔係粟米。佢依家先講話無貨！無貨！又唔一早講！另外佢啲所謂既鍋貼，係拎啲餃子炸左佢！結果出到黎超級油而佢啲皮其實好厚，食到超唔想食。佢一黎到上既份量完全無問你，一次比勁多，食唔哂佢就指住張紙話一隻$5😵超差體驗！