鮮丼家

營業中

休息中

在旺角想找一家性價比高的丼飯是十分困難，多是價錢貴但刺身新鮮程度較低。以前的鮮丼家價錢相宜，刺身份量亦不算少。我亦光顧過不下十次。最愛的還是他家的壽喜鍋。不過昨天再次光顧時，發現壽喜鍋已經沒有了，多了燒物選擇。我便膽粗粗地點了五色丼飯、汁燒茄子及蔥雞肉串。燒物完全讓人失望，沒有必要再試一次。先說說汁燒茄子，茄子皮全部去掉，燒物未完全燒好便上碟，完全像蒸茄子一樣，亦無醬料淋在茄子上。而蔥雞肉串更是過份，大蔥根本還沒完全燒好，感覺像吃生蔥一樣。我還是建議取消燒物，還我壽喜鍋吧！另外丼飯的刺身並未像以前一樣覆蓋整個飯，份量看上去比較少，新鮮程度亦大不如前，尤其是拖羅，吃下去苦澀的。如果是食物成本上漲了，我寧願他們加價也不要因價就貨。

很久沒來吃丼飯，今晚過來緬懷一下。看過餐牌後，我們還是點了以往的套餐。三文魚腩，比以往薄了，但算新鮮。角切魚生飯，魚生比例較多，飯吃完了還有魚生沒吃完，而飯是溫熱的，有酸醋香。海膽拖羅飯，是友人最愛！價格不算貴，性價比高。

同事推介鮮丼家，今日終於有機會食到喇店舖細，坐位唔多，好在一個人食有位。Lunch set：魚生飯。$52。有麵豉湯、3粒螺肉、一罐飲品、魚生飯。老老實實，我覺得係幾抵食！因為三文魚真係切得夠厚，好過食爭鮮嗰啲🤪！同埋都有好多片但就無乜三文魚味。可能我本身食得濃味，要加好多豉油先夠味。但啲飯真係好食既，好明顯係珍珠米！ 麵豉湯內面無湯料，得湯，普普通通，無乜特別。蘆薈汁，應該係韓式飲品，得個甜字。總結：呢間可以有下次既

係旺角嘅日式餐廳一直有幾個大問題、連鎖丶貴又唔飽丶仲要收得唔便。其實大家肯走多10-15分鐘、已經有好多選擇。呢間開左一段時間、有一個舖位到隔離都攞埋做。難得中午經過唔駛排隊、坐係對窗bar 位。佢哋menu 都算簡單清楚、order 魚生丼、即叫即做、等十分鐘不到。份量足夠丶新鮮材料、另外餐包嘢飲。唯一地方偏少、不過都適合一個人食。埋單$140，算中上CP值。下次可以試試熱食、好似$50-60就有得食。

鮮丼家係我係勝利道其中一家最愛的餐廳之一, 因為可以遠離西洋菜街的人群, 又無gam 逼, 但係野食有得選擇之餘質素又比女人街果D好, 價錢又唔算貴, 性價比係幾高。而餐廳係近培正果邊, 所以如果撞正佢地放lunch 時間, 都要等下位。而我最喜歡食的係三文魚丼, 一個set 有汽水有湯有碟前菜 (通常係墨魚咀, 爽爽的)重點係有8片厚切的三文魚, 鮮丼家一片厚切的三文魚等如「爭X」的4、5片, 要買4、5舊「爭X」的三文魚壽司先等如佢一片, gam 我不如食呢到啦,反正都要買番夠4、50蚊先夠飽, 而且質素真係差好遠。所以我一想食壽司/三文魚之類我就會2話不說落黎勝利道開飯。

放工黎到，時間尚早，又唔洗等位，係門口見到餐牌，價錢相宜，就去試下。叫咗滑蛋鰻魚丼飯，無記錯係 $55 ，男友叫咗五色魚生丼飯，好似 $7x，仲叫多咗個小食芝士年糕。每個丼飯包熱茶，麵豉湯同前菜 (胡麻醬菜沙律)。嘢食好快送到，等咗只係5分鐘，麵豉湯好濃味，啱晒重口味嘅我。滑蛋鰻魚丼飯，d蛋好滑，仲有金菇，鰻魚份量都唔少，個汁甜甜地，d飯都幾多，整體好好味。芝士年糕啱啱炸起就上枱，好熱辣辣，d芝士"必"晒出黎，不過食一件就夠，有少少漏。最後埋單三樣嘢加埋 $200 到，係附近好難搵到咁抵食喇宜家👍

自己一個在旺角放工，最近興起食海鮮丼，行到勝利道，見到呢間小店，便衝入去餐牌上寫可以自己揀喜歡的魚生作海鮮丼，又或者選擇set 都得，除了魚生飯，都有熱食，但我無影全部餐牌添我選擇左角切魚生親丼飯，賣相不錯，55元但用料分足，魚生佈滿了一整碗。雖然係角切，但魚生並不是切頭切尾。飯也是暖暖的，配合wasabi 一齊食，滋味無窮。做野壓力大，追加油甘魚到海膽。油甘魚鮮味，厚肉。加埋海膽，絕對抵消本周的工作壓力

鮮丼家💲: 65HKD評分:6/10 三色丼飯舖頭細細 平日夜晚去一去到就有位 又無人龍 靜靜地傾下計唔錯 可以慢慢食 坐一晚價錢算唔太貴 晚市都大部分七十蚊以下 就連魚生飯都有一兩款揀下 貴d 嘅可以食鍋 等再凍d可以一試可惜😢隻甜蝦有d腥 三文魚都幾厚切 蟹子都新鮮 朋友叫左個滑蛋鰻魚好大碗 d蛋好靚 不過都係鰻魚腥跟餐送沙律菜幾條 同有好多昆布嘅miso soup Service 就麻麻 落單個陣一個字佢都無講過 又掛住玩電話 嗌埋單都要親自行過去叫佢出單 Anyway 勝在夠平la

7點半經過時門口有人等位，店內坐滿一家大細，店內只有大約10-12個位。10點做完野再嚟就冇哂人，兩個人點咗角切魚生飯、三文魚拖羅蓉飯、三文魚腩刺身同芝士年糕，太餓都冇影到相。兩碗飯都幾大，飯係暖嘅(我喜歡食暖飯)，但又唔會太熱令到魚生都暖埋。魚生都新鮮，而且有前菜同麵豉湯跟上。最有驚喜係三文魚腩原來係厚切，而且夠新鮮，60蚊6件都抵！芝士年糕就有小小失色，唔夠煙韌，不過38蚊3塊，比大部分日本餐廳平。兩個人賣單230蚊倒，抵食小店，一定會再嚟

到醫院探望朋友，順路來一來這間轉工後很少食的餐廳。一的人坐坐對街的吧枱位置，還好。店員殷切的奉上熱茶。點了個角切魚生飯，定食配麵鼓湯和小小的沙律菜。麵鼓湯不會很咸，夠熱，開了胃口。中等碗的壽司飯帶點暖，醋味稍淡，面上的魚生粒沒有剛開店時那麼澎湃，但仍然滿滿的。三文魚魚油夠多，還分到幾粒腩位，非常肥美，伴著青瓜，玉子，蟹子，呑拿魚和少量三文魚子，雖然不是頂級的質量，以$50 整餐的價錢，已沒有要求了。

何文田勝利道一直都有唔少特色食店，星期五晚就諗住去附近搵下有咩好食！見到呢間食魚生飯、丼飯、鍋物，價錢由$48起覺得都算幾平於是就入去試下。成間店地方唔大，一眼睇哂啊！有3個Bar枱位可以望住街出面，入面座位大概只有10個，加埋鋪出面2個。雖然地方細，坐埋一齊會覺得有小小小迫，不過呢個價錢完全可以接受！2個人唔洗等好快坐低咗，睇下個menu叫左一個牛肉壽喜鍋同埋一個五色丼飯。大概等左一陣五色丼飯連前菜同埋麵豉湯有得食喇！前菜係沙律分量唔多，同麵豉湯一樣普普通通無咩特別。（1）五色丼飯$78 有三文魚、甜蝦、蟹籽、北寄貝、油甘魚刺身係面，賣相幾靚！每款大概有2件左右，連埋飯份量都算OK，男仔食都夠飽！幾款刺身食落都夠新鮮，呢個價錢真係幾抵食！（2）牛肉壽喜鍋$78等咗大概15分鐘左右，壽喜鍋熱喇喇上枱！雖然個賣相麻麻，但趁熱第一啖飲咗佢個湯先，好鮮甜！入面有肥牛、娃娃菜、蛋、獅子狗、金菇、嗚門等，再加碗飯，份量都算幾多！我覺得呢個壽喜鍋幾有驚喜，由於個湯實在太鮮甜所以我連湯都飲哂，食左半碗飯已經飽到上心口！唔怪得有唔少客人都叫左呢個！總括嚟講咁嘅價錢仲要唔洗加一，食到咁嘅質數真係抵食！其

嗰日落勝利道搵嘢食，想食日本嘢，不過有幾間都好似好貴，所以入咗呢間試下。價錢唔太貴50至100內，嘢食質素唔錯，最鍾意食個八爪魚配菜同麵鼓湯(好清甜)刺身份量都唔輸泄，份量竟然拍得著銅記大x屋午餐(80 幾蚊不過多好多配菜呢...)不過52蚊又唔駛加一仲想點，我見下面話份量貨不對版，真係好想知佢食咗幾錢先。

週三喺旺角未食晚飯就已經去食左大熱嘅梳乎厘pancake，當然係唔會飽啦，都要搵餐正餐食~向勝利道出發，又順便飲埋丸茶手作。原來勝利道都有幾多野食，我已經好耐冇黎~揀左呢間喺當眼處嘅鮮丼家，店內位置不少，裝潢簡單，雖然已經9點幾鐘，都有幾枱客人。呢類丼飯，價錢唔會太貴，但質素又比外賣壽司店嘅好，所以都有唔少一個人食。餐單選擇都唔少，除左魚生飯，仲有熟食丼飯、鍋物、刺身、壽司、小食，平過元氣、和民少少。魚生飯有8款固定款式，$50-$120，另外可以自選，按份量收費。我同男朋友一人一碗最平價嘅，生熟丼飯都一律包括前菜、麵豉湯。前菜弱弱的，只係普通沙律菜，不過送嘅本來就冇乜期望。麵豉湯基本夠熱。角切魚生飯丼飯 $50 (碎三文魚、碎吞拿魚、青瓜粒)賣相比想像中好，畢竟都係50蚊，魚生粒嘅份量都幾多，唔會好孤寒，而且唔係餸頭餸尾，仲有幾粒三文魚籽~當然咁嘅價錢，唔能夠話期望係好靚嘅魚生，但起碼都夠新鮮！飯嘅份量適中，唔會太少，男朋友食都夠飽。不過醋味較弱，黏性唔強，比較乾身。三色丼飯 $60 (三文魚、甜蝦、蟹籽)我點嘅係三色丼飯，賣相都唔錯，見過有評語話比以前「縮水」，三文魚細舊左。不過因

三文魚腩以前不嬲食開六片全部大細一樣，最近兩次一D大一D細，欺騙顧客，本人還是熟客每周幫襯兩至三次，仲要話買一磅通常會有十三塊但又係得12塊，最衰格係唔熟唔食，縮唒水想點先，每次返到屋企開先見到又是有三件得一半size ,正常嘅一半，不想打食評都要我打，真的覺得佢地好要不得，欺負顧客對店一直以來的信任

呢間係一間平價又好吃既魚生專門店放假既午餐，佢一定係其中一個選擇佢地係幾個後生仔一齊做既今次介紹一個午餐比大家叫做角切魚生飯聽個名就知道魚生切到1粒粒啦～三文魚、呑拿魚、再配青瓜、蛋、紫菜⋯⋯因為不停都會有人排隊所以食材都好新鮮仲有一個麵豉湯一個人份量岩岩好而且因為魚生既份量好多絕對足夠你食晒成碗飯仲有一個新鮮甜蝦飯有4隻大大隻既有頭甜蝦蝦既肉好軟，但有新鮮既甜味真係好鬼正下次再推介其他比大家