118
3
4
餐廳: 鮨金和食料理
優惠: 食飯可賺里兼用里?立即訂枱吧!
星期一: HKD1 = 1里數,星期二至日: HKD2 = 1里數 (埋單前記住講聲「我要賺里數」!) 優惠受有關條款約束。
條款及細則:
  • 會員惠顧滿認可消費額(最低300港元,最高10,000港元)可賺取「亞洲萬里通」里數。
  • 會員在星期二至日 (星期一除外),每消費HKD2可賺1里數。
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
  • 額外「亞洲萬里通」里數將於餐膳後7個工作天內存入會員賬戶。
須受其他「亞洲萬里通」條款及細則約束
港鐵銅鑼灣站 F1 出口, 步行約5分鐘 繼續閱讀
電話號碼
31889908
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
付款方式
Visa Master AlipayHK 支付寶 現金 AE 銀聯
座位數目
50
其他資料
網上訂座
Wi-Fi
酒精飲品
自帶酒水
切餅費
賞訂座積分
外賣服務
加一服務費
當面支付
有關獎賞計劃
優惠
餐廳: 鮨金和食料理
優惠: 星期一: HKD1 = 1里數,星期二至日: HKD2 = 1里數 (埋單前記住講聲「我要賺里數」!) 優惠受有關條款約束。
條款及細則:
  • 會員惠顧滿認可消費額(最低300港元,最高10,000港元)可賺取「亞洲萬里通」里數。
  • 會員在星期二至日 (星期一除外),每消費HKD2可賺1里數。
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
  • 額外「亞洲萬里通」里數將於餐膳後7個工作天內存入會員賬戶。
須受其他「亞洲萬里通」條款及細則約束
食評 (132)
等級4 2021-07-03
340 瀏覽
相識紀念日,先生定好枱食Omakase,這晚來到銅鑼灣開平道食廈 Cubus的『鮨金』晚膳,餐廳的金漆招牌好金呀~~室內貫徹金碧輝煌的日式設計風格,座位簡約又舒適。經理介紹『鮨金』除主打Omakase 外,也引入日本不同產地的最優等和牛,所以我們決定點2 個套餐,分別是廚師發辦 < 彩霞 > 和 <茶梅>, 一次滿足兩個願望。廚師發辦 - 彩霞 $1680/位 前菜:蝦夷螺 >粟米凍 > 水雲 粟米凍最特別,入口即溶, 好似飲緊栗米湯。水雲都唔錯,有三文魚籽同山芋蓉, 酸酸甜甜好開胃。 刺身拼盤:伊勢海老 > 石垣鯛 響螺 > 油甘魚薄切石垣鯛,好爽口!響螺,口感爽脆又彈牙,超鮮甜 !!龍蝦,肉質透亮有彈性,正正正!!! 鹽水海膽,有金箔玫瑰好靚靚,超鮮甜。刺身拼盤:金目鯛 > 池魚配三星漬 梳子魚 > 左口魚海膽卷金目鯛, 色澤紅潤,香滑夠厚度。池魚,肉質細膩甘香,令人齒頰留香。 梳子魚,炙燒過,帶些微焦香脆口。海膽卷,左口魚薄切,透亮清鮮, 海膽份量多,唯開始溶化及微腥。極品拖羅,配金箔魚子醬, 油脂甘香,入口即溶。壽司+卷物 6貫 : 赤身 > 喜之次 > 赤貝 赤睦魚 > 銀鱈魚 > 黃瓜卷喜之次, 肉質晶瑩透亮, 嫩滑又爽甜, 油脂豐富,完全無腥味。 赤鯥魚,魚皮輕炙燒過,入口即溶。銀鱈魚,刺身級別,柚子胡椒帶微辣, 鮮甜且入口即溶。燒吞拿魚下巴, 香噴噴, 肉厚嫩滑, 骨位仲燒到脆卜卜添 !和牛餐同樣吸引 ~~廚師發辦 - 茶梅 $1080/位整個套餐都是A4,A5 頂級日本和牛,仲有安格斯牛小排坐鎮,有圖有真相,和牛色澤粉紅,霜降飛花,油花細密,真係好想快d 再去一次 !!!重點: 先食和牛,再食蔬菜 !!!套餐有6 款唔同地方的和牛,每款都柔軟嫩滑,原本想試真d 邊款最美味, 但真係每款都好驚喜,油香四溢,個人認為A5 的飛驒牛是當中的表表者, 無論油花, 軟滑度,牛味方面都非常出眾,做到入口即溶既效果。和牛輕滾幾秒,沾上醬油同食,肉質好柔嫩,入口慢慢融化,煮完牛肉,成煲湯甜到不得了,再煮蔬菜和讚岐烏冬,很讚。在『鮨金』過了一個好開心放鬆的夜晚,整體在服務和食物方面都頗高質素,鹽水海膽和極品拖羅尤為出色,和牛壽喜燒也令人垂涎三尺, 總括來說,所有紀念日,我都想來鮨金慶祝。鮨金地址:香港銅鑼灣開平道1號 Cubus 12樓月光太太🌙 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-25
455 瀏覽
跟朋友閒聊分享上一次食Omakase的經歷,他反向我推介這一家餐廳,說是他試過最完美的,令我心癢癢,最後便預約了和太太一探究竟位置(9/10):位於開平道的Cubus商廈12樓,附近有多座商場,港鐵銅鑼灣站F1出口步行只需5分鐘,地點方便環境(9/10):餐廳裝修貴氣而簡約,有分吧枱及長枱位置,氣氛悠閒,冷氣夠,令人感覺非常舒適服務(10/10):侍應積極幫忙加茶、換碟及收拾,而每上一道菜都會詳細介紹,經理面帶笑容地跟客人談天,毫不讓人感到壓力食物(9/10):與一般Omakase不同的是,他們不會只有一兩款菜單或較單一食材(如刺身),令人驚喜不段,亦有另類的感覺彩雲(24道菜)~$1,680先點了一份常規的Omakase套餐,以下是其中一些重點介紹:前菜粟米凍~用粟米做的果凍,像粟米湯的味道,鮮甜順口水雲~微酸的水雲,配上香滑山芋蓉及魚籽,口感清新開胃蝦夷螺~用上甜豉油令螺味更提鮮,另附上一件香甜蘿蔔刺身石垣鯛~油脂豐富,魚味突出龍蝦~鮮甜龍蝦肉,配有竹炭鹽再提鮮響螺~肉質軟滑,非常新鮮油甘魚~厚切,油脂香而魚肉嫩滑鹽水海膽~來自北海道的鹽水海膽,本身味道相當鮮甜,有海水味,配上岩鹽會更鮮味池魚~肉質鮮嫩肥美,放上香蔥及三星漬,令本身油脂味更香更出金目鯛~魚肉肥美而無腥味,令人滿足梳子魚~由於梳子魚肉油分少,師傅把油脂豐富的魚皮炙燒令刺身充滿油香左口魚~魚肉結實充滿油香,師傅把左口魚卷住海膽成卷物,海膽較濃味,整體味道突出魚鮫拖羅(Kama Toro)~完美嫩滑口感,真正入口即溶,魚肉又香又綿,配上魚子醬及金箔更見高貴旬菜日本白粟米~極甜美的日本白粟米水果蕃茄~清甜而不酸的水果蕃茄壽司赤身~肉質較實有咬口,同時魚味較重喜知次~肉質細嫩,油脂豐富而溶化,肉汁流入壽司飯上赤貝~外爽內嫩,鮮甜味美銀鱈魚~富含融化的油鮨,魚香內嫩,配合柚子胡椒很鮮甜赤鯥~皮下脂肪高,油份豐富而嫩滑黃瓜卷~黃瓜香甜而開胃燒魚一品料理是日用上燒吞拿魚下巴,燒得香而肉嫩,有點微融的感覺,可沾上附上的檸檬或酸汁,去降低油膩感一品料理這款雞肉蛋餅煎得非常香,中間放上一隻鵪鶉蛋,蛋餅可沾附上的生雞蛋食,肉質會更幼滑可口湯品自家製餐湯是立魚湯,非常鮮甜香濃,令人想多喝幾口時令水果來自日本的蜜瓜很清甜味美茶梅~$1,080這是用上店家當日精選牛肉的壽喜燒套餐壽喜燒火鍋湯底~我們選了立魚濃湯湯底,非常香濃及鮮甜蔬菜籃~包括冬菇、金菇、香菇、硬豆腐、皇帝菜及紹菜,新鮮的蔬菜就是好牛肉盤~有美國安格斯、鹿兒島、山形、佐賀、熊本及飛驒六款牛肉,其中五款是和牛,份量不少,非常有誠意,牛肉亦很鮮味稻庭烏冬~幼滑順口的烏冬,是壽喜燒收尾的良伴甜品和太太點了桃味和青蘋果味兩款雪葩,水果味很突出,冰涼消暑亦香甜總結一下,這家Omakase非常高質,無論餐廳位置、服務、環境以至食物都很出色,更重要是套餐選擇多,令Omakase更為多元化🌺鮨金和食料理🌺地址:銅鑼灣開平道1號Cubus 12樓 繼續閱讀
(以上食評乃用戶個人意見 , 並不代表OpenRice之觀點。)
等級7 2021-06-19
626 瀏覽
為答謝XO仔仗義相助,上週C兄特意相約於其相熟嘅「鮨金和食料理」請食廚師發辦晚餐。位於銅鑼灣名食廈內嘅壽司屋佔用面積全層,光線充裕,門面及室內嘅色調同店名一樣咁金黃,就連椅櫈都唔例外。用餐區域嘅左邊有個可容納十二人嘅壽司吧。右邊排出兩行二至多人合併式散座,抗疫期間嘅四人組合以屏風隔開,空間感足。壽司吧位嘅雲石桌上擺有齊備嘅自用餐具及口罩套,衛生企理。飲品餐牌共有十一頁之多。主人家要揸車,小肥就簡單啲飲三得利生啤($70/杯)。晚市厚本餐牌中日對照,首兩頁先道出餐店嘅理念為「金」在矜貴及高質。餐牌上可見多款日本料理菜式,包括涮涮鍋、天婦羅、燒物、丼品等,內附彩圖及食材簡介,相當詳盡。主打魚生項目分為三頁散點項目及廚師發辦套餐。後者共有三款可選,分別為十六道菜嘅「綺羅星」($980/位)、二十道菜嘅「水月」($1,380/位)及二十四道菜嘅「彩霞」($1,680/位)。原來C兄早已安排咗二人一同享用最豐富嘅「彩霞」,實在係太客氣啦!為晚餐作序先有前菜拼盤,建議由左方嘅池魚南蠻漬起,逆時針方向食。雖則師傅話池魚嘅骨咬爛少少就可以吞得,有陰影嘅小肥都係冇膽一試,不用多諗就轉讓咗俾老友記慢慢咬。右手邊隻杯仔入面嘅醃海蜇酸甜醒胃,混入咗青瓜粒即倍添爽脆。最上方嘅汁煮梅貝潤甜有嚼勁,伴配嘅蘿蔔亦清甜討好。接著別緻嘅小碗中有軟滑嫩甜嘅蟹肉蒸蛋。魚生環節開始前,師傅先備好清爽開胃嘅薑片、漬物及山葵,擺放於時尚精美嘅木造壽司盤上。首道岩手県赤崎生蠔肥厚爽滑,以黑魚籽點綴更覺鮮濃。扇形碟上嘅鹿兒島石垣鯛薄切白裡透粉紅,魚肉嘅色調及精美嘅碟盤當真猶如石垣鯛別號「夢幻之魚」般夢幻!於面掃上紫蘇花後捲起黎食,「DIY石垣鯛紫蘇卷」芳香爽實得黎有韌度,清甜細膩得很!銀邊白肉嘅深海池魚刺身為最肥美豐潤嘅腩位,倚在月半彎上流露著嘅詩意相信都可迷倒歌神。不用加上調味,日本白象拔蚌刺身已夠鮮甜爽脆。橙美亮麗嘅龍蝦刺身睇落好似熟咗咁,但其實爽潤彈牙嘅龍蝦肉仲係半透明嘅,只係師傅巧妙地塗上自制嘅龍蝦膏醬令菜式更明亮,味道亦鮮上加鮮。節令嘅日本蕃茄鮮紅多汁,作為間場成功為味蕾洗滌一番。嘻嘻,細佬都好有信心金盤上嘅燒吞拿魚下巴真係冇骨,面層燒焦嘅部份尤其香口,底下嘅魚肉則幼嫩甜濃,送酒極品也!第二節嘅刺身由金光閃閃嘅海膽玫瑰杯接棒,外觀矜貴大方,杯中嘅鹽水海膽量足滑溜,嫩甜甘香,掂呀!兩片薄薄嘅喜之次油脂豐腴,輕輕以火槍炙燒過以逼出魚油,潤澤嘅魚片香甜無比,滋味無窮。睇住師傅成隻鱈場蟹擺上砧板。。。三兩吓手勢就拆咗隻蟹蟹,重組後即任貴客影個夠。放喺面前嘅鱈場蟹啖啖都係肉,鬆厚幼嫩,甜美濕潤,塗點另上嘅蟹醋份外清新。一開三嘅磯煮鮑魚軟腍厚潤中極富彈性,邊邊位就最鮮濃入味。金邊黑碟上嘅吞拿魚魚鮫刺身色澤粉嫩無瑕,頂面伴配魚子醬、金箔及生磨山葵足以增添高貴嘅氣質,入口濃郁嘅鮮味及肥美即化於舌上,如果有得encore就好啦!是日精選一品料理為原條蟶子皇,極富立體感嘅擺盤震撼吸睛!已預先切開嘅蟶子爽彈脆身,黏上鮮美金黃嘅松露秘醬即添上潤滑及芬芳。壽司上場XO仔就會意到晚餐已轉入直路,第一件橙美嘅金目鯛壽司甘香厚潤。牡丹蝦壽司晶瑩爽濃,連同頂面濃甜嘅蝦膏一口食,鮮味迅即洋溢口腔。魚油豐沛嘅火炙赤鯥魚壽司爽嫩香口。深紅嘅吞拿魚醬油漬壽司肉厚鮮濃。個人最鍾情壓軸嘅火炙BB銀雪魚壽司,因其肉質纖幼嫩滑,咬落當中嘅柚子胡椒散發出微微辣勁,相當醒神。呈奶白色嘅自家製鯛魚湯鮮香暖胃,喝畢彷彿肚中嘅魚油已盡燒,腸胃舒暢得很!作結嘅一球桃味雪葩粉白清甜,於炎炎夏日特別爽涼!樓上壽司屋「鮨金和食料理」環境闊落,服務生及師傅們同樣友善專業,晚市廚師發辦用材新鮮高質,彩艷豐盛,美味可口,賣相設計及配備嘅碟盤明顯亦有花下心思,非常感激C兄盛設款待! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-09
500 瀏覽
環境5分:銅鑼灣日本菜餐廳,樓上舖地方又大又見洗,啲散枱都隔得好開,不過Omakase一定要响壽司吧食先最享受同興奮,可以畀五分。衛生5分:地方好乾淨企理,光猛衛生,一樣畀五分。服務5分: 師傅非常專業,睇住佢續樣海鮮慢慢處理,解釋邊樣壽司需要點豉油同邊樣唔需要點豉油。樓面服務員都好好招呼,不斷加熱茶,效率高,服務滿分。5分:(綺羅星:HK$980/位)1)     前菜有池魚,海蜇,同東風螺,全部都好開胃。2)     蒸蛋好滑,一攞出嚟熱辣辣,入面有一絲一絲嘅蟹肉。3)     深海池魚壽司好鮮甜好新鮮。4)     間八魚腩上面有一粒粒脆脆,顏色非常鮮艷。5)     金目鯛壽司連埋魚皮一齊食,非常特別。6)     赤貝壽司非常爽甜。7)     赤鯥魚壽司新鮮好肥美。8)     大大隻蟶子有松露忌廉汁淋上面,食落非常鮮甜,好鮮爽。9)     吞拿魚醬油漬壽司顏色紅卜卜,非常好食。10)  銀雪魚壽司有非常濃烈嘅柚子同胡椒味,配非常肥美嘅銀雪魚,魚身用火槍輕輕燒過迫出好香嘅魚油。11)  蕃茄鮮甜。12)  牡丹蝦大大隻,非常非常新鮮爽口彈牙,上面配啲膏,唔使點豉油都非常鮮味。13)  拖羅上面已經有少少Wasabi,唔需要點豉油,直接食佢嘅鮮味。14)  同樣地海膽壽司上面已經都有wasabi,海膽份量非常充足,配著脆脆嘅紫菜,非常滿足。15)  個湯用左好多魚淆埋好濃嘅魚湯,超級好好飲。16)  生果清甜。17) 青森蘋果雪葩好清新。抵食5分:一千蚊左右食個壽司Omakase晚餐,有成十六道菜真係唔講得笑,樣樣新鮮時令,感覺非常抵食。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-29
584 瀏覽
久唔久食餐好嘅係辛苦工作嘅推動力~ 😁 今日提早放工約咗屋企人食日本菜。 揀咗銅鑼灣利園嗰邊「鮨金和食料理」, 刺身,壽司係非常出名~安排坐喺壽司檯位置, 可近距離睇住大廚炮製各款料理~Omakase 有幾款選擇, 價錢由九百多到千多元, 也有單點, 商量過決定叫廚師發板, 係預算中嘅budget~ 坐定定等師傅發板食好嘢。前菜:支豆豆腐, 好特別有豆香又有豆腐味 。鴨胸,梅貝(東風螺), 自家製醬油煮過, 螺肉 好爽好入味。蟹肉蒸蛋, 蟹肉個汁令蒸蛋好滑, 蟹味豐富濃郁。一系列自家製渍物, 有心思,味道獨特。綠色嘅係日本炸菜, 好特別好爽,冇中國榨菜咁鹹, 還有新鮮菜頭嘅味道。 還有紫蘇葉蘿蔔卷, 牛蒡蘿蔔卷, 爽脆口感,味道超豐富!醃漬過嘅蒜頭完全冇蒜辣味,爽口清新,酸酸地好開胃!《紫霞》這款廚師發板,有近24道菜, 應該係我人生中食過最多款及最頂級刺身的一次~油甘魚鮫薄切真幸運,飛機貨啱啱返, 坊間比較少有, 唔係用嚟燒, 專業大廚在這刁鑽矜貴嘅部位薄切出油甘魚, 呢個係極高難度。 入口香甜, 啖啖回甘, 肉質柔軟冇筋,完全唔似食緊魚肉, 絕對有驚喜!日本武士蠔有手掌咁大, 目測已經垂涎三尺, 肉厚肥美, 入口是絕對creamy, 有海水味, 鮮甜回甘~~螺片就喺魚缸撈上嚟, 生猛仲識旭~好爽,充滿濃郁嘅貝類鮮味!龍蝦刺身也有很久沒有吃龍蝦刺身, 差點忘記佢嘅味道同質感。 咁啱可以同喺魚缸撈出嚟嘅龍蝦影相, 即劏即做刺身, 非常新鮮。  師傅準備了一人份量填滿龍蝦殼 。肉質爽爽地, 味道好清, 也可以蘸師傅準備嘅竹炭鹽提升鮮味。深海池魚背, 深海池魚腩有幸今晚師傅準備了深海池魚, 是我的最愛~ 完全唔腥, 精瑩通透, 柔軟又富彈性的肉質,魚油極之豐富, 每一口都感受到魚肉嘅香~ 深海池魚腩肥美更上一層~吞拿魚下巴也是比較罕有部位, 燒過嘅吞拿魚下巴更凸顯魚肉嘅鮮香。池魚他他這是细條品種嘅池鱼, 肉質軟身少少, 魚味好重,以薑蔥蓉醬油拌勻是另一種風味。左口魚包吞拿魚蓉卷把左口魚薄切包著吞拿魚蓉, 雙重口感。 左口魚肉質較結實, 吞拿魚唔使講都係高質油潤 入口即溶。鹽水海膽杯以海水浸著密封包裝的日本馬糞海膽, 味道冇咁濃郁甘甜,另一種食法。防腐劑較少保質期較短所以成本會較高!白貝燒得啱啱好, 白貝肉質好爽好鲜甜,完全唔韌。黄魚師傅興之所至, 預備了傳統的黄魚~  肉質較鹹帶酸,魚味極濃郁所以感覺到有點腥, 也正是這品種令人愛極之處, 師傅仲話會食上癮!墨魚壽司極度推介, 厚厚的墨魚竟然有入口即融嘅感覺。大拖羅最終也現身~那種肥美, 柔潤嘅口感味道, 係冇其他嘢可以代替~ 入口瞬間融化~滿口魚油香, 還加上魚子醬點輟,絕對係極品中嘅極品!左口魚裙邊炙烧炙燒過的左口魚裙邊逼出少少油分依然肥美, 質感軟熟弹牙。最後以鯛魚湯作結尾, 奶白色嘅魚湯清甜無比~吃了很多道刺身, 竟沒有重複嘅感覺, 經驗豐富的師傅巧妙地安排每道菜的鋪排, 不時也講解做法及食材嘅由來~ 又長知識了~飯後嘅時令水果, 當然也是日本直送。 哈密瓜和梨子。 味道濃郁的蜜瓜甜到融化。再來一客飯後甜品, 開心果雪糕, 絕對滿足的一餐~無論食材質素,新鮮程度,口味,賣相,餐廳環境,都值這囗價錢~ 繼續閱讀
(以上食評乃用戶個人意見 , 並不代表OpenRice之觀點。)