鮨賀日本料理

今日得自己喺灣仔食Lunch，行行下見到有間日本菜，餐廳環境帶點地道日式小店嘅溫馨氣息，木質裝修同簡約設計好似日本街頭嘅隱世餐廳，枱面乾淨整齊，仲有幾幅日式畫掛喺牆上，氣氛好chill。🍽️日本花魚一夜干定食花魚一夜干係用新鮮花魚經過一晚風乾，然後用炭火慢烤，烤到外皮香脆帶點微焦，魚肉嫩滑juicy，鮮甜味爆棚，食落好似喺海邊大快朵頤咁！定食仲有幾款配菜，包括一碗熱騰騰嘅味噌湯，湯底濃郁又有海帶同豆腐嘅清香，配上幾片新鮮海苔，飲落暖笠笠；另外有小份沙律，配上日式醋醬清新開胃；仲有白飯粒粒分明，吸咗少少醬汁同魚汁後更加香口。花魚一夜干本身用咗簡單嘅鹽同醬油調味，保留咗原汁原味，咬落有少少嚼勁但唔會硬，份量啱啱夠一個人食飽，仲有少少意猶未盡嘅感覺。…查看更多

好味，有驚喜，可以再來。價錢有點貴，想食日本料理，這𥚃可以一試。師傅做得很好，用心用功。好吃之道，清楚了解，常樂客也。優質雅座，食得開心，酒食物鮮，滿意合心。…查看更多

嗌咗壽司set，包茶壺蒸蛋，沙律甜品及一碗迷你烏冬，壽司新鮮海膽唔算好甜，但有海水味，啲白生魚每舊都有唔同嘅味，建議可以上菜介紹吓，相信有啲客人都想了解吓邊舊係用乜嘢魚整…查看更多

新鮮日本食材，師傅用心製作，隻生蠔甜到唔識形容，魚生同壽司都非常好食，其實冇一碟菜係唔好食嘅😆 🤤仲有一碟好特別嘅燒魚鮫，期間限定，唔係次次食到，唔好睇佢個樣黑蚊蚊咁，燒得非常之好食，魚味一流一啲都唔腥，用嚟送酒係一流。舖頭裝修沒有不必要嘅奢華，裏面充滿人情味，主廚文師傅風趣幽默，員工招呼服務又好。去呢間餐廳食飯，除咗可以食到好嘅日本食物，仲有一個好開心嘅環境，真係好難忘，食完一定要再食！支持支持小店💪🏻…查看更多

很多人食omakase都會很著重(甚至追求)和師傅的交流，這不是吃omakase的店，但我覺得這裏的體驗是有温度的。食刺身、壽司最重要的是新鮮，這方面是完美的，黑板上的選擇也足夠多，但最讓人驚喜的是，交流的流暢和彈性，熱情禮貌、但也保有適當距離，澄師傅和文哥對顧客口味的掌握程度非常高，新客也能推薦合適口味的魚類、宜人的做法，餐廳氛圍輕鬆又舒適，而不模式化，這是很難得的。其實我也有一段時間沒去這裏吃晚餐了，很開心的發現還是能保持水準，但也明顯感覺人流比以前少很多了。這幾年結業的餐廳實在不少，很多餐廳的我都覺得很可惜。話說回來，文哥這兒的貨源仍是非常新鮮，黑板仔上的選擇亦沒有減少，非常推薦大家試一下刺身、壽司類，也可以和澄師傅溝通下口味、戒口之類。前菜、水果也是毫不馬虎，絕對是水準之上。因為沒有酒單，所以自帶酒水也是ok的。…查看更多

餐廳裝修非常漂亮 環境非常良好 很有日本特色我們有不明的問題 師傅都會細心解答我們的問題 亦會推介我們初次嘗試食什麼好 服務人員態度很好 師傅風趣幽默 食物味道和在日本是吃的味道一模一樣 刺身非常新鮮好味 非常推薦大家來嘗試 會有下一次的光顧 之前亦有來吃午餐 午餐有套餐 非常抵食 我吃了三色丼 是裏面有三碗不同口味的丼 非常值得一試 亦是我認為當中最值的套餐 而當中亦有包括蒸蛋和麵豉湯 飯後亦有甜品服務周到非常好 已經推介了很多朋友來嘗試 …查看更多

Lunch 誤打誤撞搵咗呢間，食咗一個壽司Set，有烏冬、蒸蛋（兩樣都非常滑）壽司Set個拖羅同海膽非常新鮮同好味食到好滿足，非常飽。最驚喜係個lunch set加埋一都只係$220…查看更多

唔少好味小店餐廳都隱藏係灣仔，今晚就俾我發現原來係普樂里小街有一高質日本料理餐廳！詣樂舖面已經日系濃濃，雖然話係小店，但內部非常寬敞乾淨，坐得寬敞，適合三五知己把酒聊天。原來仲有兩間房間，如果多人or想要私隱度高d就最適合不過！首先由開胃沙律打頭陣，鮮甜番茄伴隨住白色粟米粒新鮮生菜，食完特別開胃Menu菜式五花八門，有刺身、壽司、天婦羅、熟食，我地一行四人就叫左一下菜式，白蝦唐揚蝦非常大粒，炸完好可口！推介！不知不覺食sai中拖羅刺身 （$280 3件）你見顏色就知非常新鮮，非常肥美吞拿魚蔥小卷看得到滿xie油甘魚壽司 （$80 2件）非常新鮮！脊燒左口魚壽司 （$60 2件）燒過ge魚油融入壽司飯度！一流！雜錦天婦羅 （$180）有蕃薯、茄子、冬菇、大蝦等，非常豐富！粉亦中厚適中美國牛肉薄燒 （$200）每塊牛包住蒜片同青蔥，一d都唔油膩，反而帶出左牛味！即使伴碟的薯仔沙律亦毫不馬虎！非常綿滑！千萬不要錯過煎時令魚鹽燒雞全翼味醂魚乾（$110）仲有甜品紅豆及芝麻雪糕想係灣仔不限時gathering又食到好味日本嘢不二之選！…查看更多

早幾個月之前到餐廳吃晚飯，但太忙現在才有時間補回美食紀錄。這餐廳位於灣仔普樂里，較為隱蔽，裝修頗為傳統日式風格，有吧枱看到師父處理刺身壽司，有些熟客會跟師父飲兩杯。環境氣氛挺好。重點是食物非常高質，價錢合理。當晚有時令原隻響螺刺身，即點即開，刺身相當新鮮，味道鮮甜帶爽，其中兩片做壽司上枱，味道也很好，這是我最愛吃的一客料理。大拖羅壽司：拖羅鮮甜魚香、入口溶化，是每次都會點的。🥰🥰三文魚腩壽司：魚腩肥美肉甜，好吃之選。海膽軍艦：海膽味道香濃滑溜，紫菜夠脆，高質！蟹子蟹柳沙律、鰻魚飯、金龍卷都是應有水準，味道不錯。喜歡吃刺身的一定來試試！…查看更多

又係Farewell 同事既一餐之前食過，個個都話好食，甘就揀返呢間食啦之前一路想試下比目魚，所以今次我叫左西京比目魚定食份量十足，有驚喜入口味道好鮮甜，油脂豐富，送飯一流，唔會失望…查看更多

之前同事話食過好好食，推介呢間餐廳甘岩要揀餐廳食飯Farewell 同事我揀左迷你3色丼定食1.帶子甜蝦丼 ，味道鮮甜2.咖哩豚肉丼 ，咖哩味好香3.北海道豚肉丼，燒肉款式，味道濃郁，配飯一流定食跟沙律，味噌湯，茶碗蒸…查看更多

米奇老豬Vol. 256 🐷［鮨賀］老豬最愛嘅菜式應該係日本野 🤭（雖然泰、中東、台、韓、京滬、西都好愛🫠）今次老豬同事帶路搵食估唔到呢間喺灣仔普樂里巷仔嘅鮨賀又幾有驚喜啵 🤩樓上仲有包廂位 勁有日本味！平日中午完全唔洗等位 可以直入午市套餐有包沙律、茶碗蒸同埋雪米糍今次老豬試嘅呢個就係迷你三色丼 盛惠💰 $158 💰（要加一）作爲每日嘅lunch 的確幾貴 🤑但間中過來happy下都唔錯嘅迷你丼有1⃣️2⃣️款可以揀香蔥吞拿魚碎、帶子甜蝦、油甘魚蟹籽、醬油漬吞拿魚、三文魚親子、雜錦魚生粒、咖喱豚肉、鰻魚、溫泉蛋冷烏冬、燒汁牛肉、北海道豚肉、蝦天婦羅.🐖🐖《沙律》🐖🐖 🛑 7.9/10 🛑 第一次去係黑醋 酸酸地好開胃而且有爽甜嘅白粟米所以真係好深刻印象 🤤第二次就係芝麻醬 就係普通粟米、沙律菜成件事就無咁吸引😅.🐖🐖《茶碗蒸》🐖🐖 🛑 8.3/10 🛑蒸蛋熱辣辣 入口嫩滑 🥚有d 綠葉、魚板、菇呢個意外地高質！.🐖🐖《麵豉湯》🐖🐖 🛑 7.7/10 🛑正常發揮 有豆腐、腐皮、昆布.🐖🐖《醬油吞拿魚丼》🐖🐖 🛑 8/10 🛑有3塊超長嘅赤身 有d蔥碎提味 醬油味重 略鹹 所以一定要配飯 🍣仲有d蛋絲、子薑 （我係子薑愛好者😜）.🐖🐖《帶子甜蝦丼》🐖🐖 🛑 8/10 🛑帶子比較薄身 🫣 但鮮味👌兩隻甜蝦就正常size 蝦味都👌.🐖🐖《雜錦魚生粒丼》🐖🐖 🛑 8.4/10 🛑呢個係老豬最愛！雖然其實都唔知食左d咩魚😂認得嘅有三文魚、蟹籽、油甘魚、八爪魚但就真係好鍾意一次過食到曬唔同魚嘅味道同口感有d魚味濃 有d爽脆 有d稔滑啱曬貪心嘅選擇困難人士🤭.🐖🐖《芒果雪米糍》🐖🐖 🛑 7.2/10 🛑係批發散包裝（日式放題老是常出現果d）都係d假假地嘅芒果味🫣.❣️🐭總評分🐷❣️味道：8/10服務：8/10環境：8.2/10 （如果可以坐2樓會舒服d）CP值：✴️ 中 ✴️ ENCORE：✅ （帶子甜蝦、雜錦魚生粒）.自費️⭕/試食.📍 鮨賀日本料理 📍灣仔普樂里2號地舖#米奇老豬_灣仔區#米奇老豬_日式#鮨賀 #灣仔美食 #灣仔餐廳 #銅鑼灣美食 #銅鑼灣餐廳 #杉玉寿司居酒屋 #壽司郎 #日本餐廳 #日本菜 #甜蝦 #帶子刺身 #吞拿魚丼 #日式丼飯 #吞拿魚蓉 #角切魚生飯 #魚生飯 #茶碗蒸 #吞拿魚刺身 #壽司外賣店 #灣仔外賣 #銅鑼灣外賣 #刺身丼 #鰻魚飯 #天婦羅丼 #金子半之助 #板神鐵板燒日本料理 #幸屋 #日式咖喱…查看更多

灣仔性價比日本餐🍱鮨賀日本料理地址: 灣仔普樂里2號有冇人好似我咁 食親日本嘢 又鍾意食刺身又鍾意食壽司你又鍾意食熱食 總之就係貪心😬性價比嚟講我推介大家依間，如果係中午時分一定要打電話預約！又係灣仔精選，灣仔返工揮手區😛舖面坐嘅位置都算寬躺 食物選擇非常豐富 午餐定食大概有25種！叫左食物大概需要等大概10分鐘時間左右就上菜✊🏻首先佢會上一個沙律，叫任何套餐都會有。今次我嘗試咗香蔥吞拿魚丼同埋牛肉烏冬定食加壽司，份量非常大，食日本嘢最重要係新鮮依樣佢地做到 佢係烏冬味精多咗少少。香蔥吞拿魚丼定食有買蒸蛋同埋麵豉湯，新鮮！睇睇隔離大部份都係同小編一樣嘅上班旅 係忙碌嘅工作裏面 同同事或者朋友食一餐灣仔比較少的高質日本菜。整體嚟講，推介！5分滿分💛味道 4環境 4服務 4性價比 4…查看更多

我和以前一班舊同事一向有定期聚會，可以說是敘舊/慶祝生日/或純粹食好嘢。以前是同事現在已變成好朋友。😁 今天來這間日本餐廳晚餐，就是其中一位朋友介紹的，因為她以往在這附近工作時，都會經常和同事前來這間日本餐廳吃午餐，朋友極力推薦這間日本餐廳午餐的質素非常之高，而且價錢不貴，但她也從來未有在這裏吃過晚餐。我看過OpenRice內的食評，看見有很多上班一族都非常推介這裏的午餐好味而且CP值也很高，不過好像晚餐的食評就很少，也沒有發現相片有晚餐的餐牌，也有說到女侍應嘅態度有問題？🤔 所以我就問朋友要不要試一下距離這家日式料理不遠的「家賀屋刺身壽司專門店」？ 因為OpenRice內好像有5佰幾個好評，相比「鮨賀日本料理」只有10個好評，好像太懸殊。不過朋友個人認爲「家賀屋」麻麻哋而且座位坐得好密。我很清楚佢對飲食同樣很講究有要求的，既然她對「鮨賀日本料理」信心十足，我們一行六人就決定來到這裏晚餐。餐廳位置是從莊士敦道進入灣仔道第一條橫街轉彎的普樂里，位置不難找到；現在很多餐廳都已經轉到樓上舖，能開設地舖的都應該有一定的實力吧！這間日本料理門面設計非常地道日式，外牆黑色瓷磚，白底深棕色直紋木條趟門。趟開大門進入餐廳右邊靠牆擺放了一些有日本特色的裝飾在木架上，而面向大門玄關位置有一道由地面至天花的屏風隔開，所以即使趟開大門也是不能看見餐廳內的環境！餐廳客人私隱度甚高！👍餐廳的裝修是傳統的日式裝修，全餐廳內燈光明亮，並非如其他一些日本餐廳的燈光昏暗帶浪漫的環境；近門口和靠近餐廳盡處有兩個較為獨立的部份， 也有大約五六個位是對着廚師的吧枱，可以在這裏坐高櫈欣賞廚師的廚藝和刀工。我和兩位朋友先到達，進入餐廳後我們被安排坐在靠近門口左邊的一個較獨立的位置，兩張四人枱，中間分隔開一條通道，店內唯一的女侍應 (相信就是其他食評內的不太有好評的那位) 跟我們說你們六人分開兩邊坐，中間通道就可以出入。我當時真的莫名其妙，跟她說為何要我們分開坐?🙄 女侍應回答說如果合併這兩張枱那麼出你們出入就不太方便了，你們自己決定 (果真是冷漠😒)。 我不想和她討論這麼簡單的問題，天氣悶熱先唞唞氣，等待其他朋友到達才算。當介紹這餐廳的那位朋友(這家餐廳的熟客)到達後，也即時要求要轉到餐廳其他住置。剛好大堂所有客人也已經全部結帳離開，餐廳內的一位廚師(可能是老闆)二話不說立即幫我們轉到大堂的半卡座位置，左右兩邊均可以出入的，還多加一張枱在我們旁邊讓我們可以坐得較寬鬆一點，這才是服務呀！👍因為朋友還未到齊，我們就先點了一個味醂魚乾作為餐前小食，一邊吹水邊看餐牌，等齊朋友才下單。~ 味醂魚乾 (單點) ($100)不錯的餐前/下酒小食，魚乾燒得剛剛好，不會過硬，入口鬆軟味道甜又香，口感像燒魷魚但更有鮮味。另外單點的餐牌選擇也非常之多，包括有: 刺身/壽司/卷物/手卷/炸物/燒物/小食/沙律/飯面類/湯類/甜品。晚餐餐牌有五款套餐，所有套餐包: 日本水菜蕃茄沙律/刺身三種(除了刺身套餐)/茶碗蒸/白飯/味噌湯/甜品。我們點了三個套餐再加另外一些單點的食物。~ 日本水菜蕃茄沙律 (跟套餐) *有驚喜的沙律*😍我們雖然只點了三個套餐，但我們六人都有這一盤日本水菜蕃茄沙律。沙律前菜都是所有日式餐廳套餐內的指定菜式，一般在其他同類日式餐廳吃的沙律前菜，大都用一個普通小碗盛載著一些普通沙律菜、車厘茄和粟米粒，偶爾還會發現一些帶有生銹顏色的沙律菜，表示這些沙律菜已經放置了一段時間，不太新鮮。 但「鮨賀」的這一盤沙律前菜用料特別之處是採用日本水菜作為沙律菜；伴以已去皮的切片大蕃茄及含最多花青素/抗氧化物最多的紫洋蔥絲；驚喜的還有奶白色的北海道白粟米刺身；加上酸酸的沙律汁 (估計是用蕃茄鰹魚汁/柚子醋汁/檸檬汁自家調製而成) ，令這一道本來很普通的沙律前菜變得高貴。更驚喜的是盛載沙律的碟子非常精緻漂亮有質感，白底藍花碟邊有造型瓷碟襯托着紅紅綠綠的沙律，光看已感覺非常高級。單單看這一盤沙律，還以為自己去了高級的/或酒店內的日本餐廳呢！🥰整道沙律配合沙律汁的味道口感清新脫俗，最特別是白粟米粒帶著濃厚粟米味，粒粒飽滿多汁像在吃水果一樣。北海道白粟米有「珍珠粟米」之稱，因為佢既鮮甜度係最頂級，而且無渣，所以當刺身食就可以食到最天然既清甜粟米味。我自己也是第一次在本地普通日本餐廳內吃到北海道白粟米做沙律。這道高級的沙律作為整個晚餐的頭盤， 令普通變成不普通，相當有驚喜之外，更感朋友的推薦一流。🙏~ 軟殼蟹沙律 (單點) ($80)沙律底層就是加大份量的日本水菜蕃茄沙律，再加上軟殼蟹和大量的蟹子， 相當好味。 單單是襯底的高貴沙律已值5星星。~ 野菜豆腐沙律 (單點) ($60)大致與軟殼蟹沙律一樣，不過豆腐代替了軟殼蟹。這兩個沙律提供了足夠本餐的蔬菜給我們。~ 牛油果軟殼蟹卷 (單點) ($100)牛油果一片疊著一片密密的，最上面鋪上橙色的蟹子，賣相漂亮。牛油果口感軟硬適中，包住軟糯的米飯中央是脆口的軟殼蟹，六件每人一件剛剛好。~ 壽司拼盤10件+卷物6件 (單點) ($380)有貴價既海膽，拖羅，帶子，卷物都係用吞拿魚蓉，同埋我最鍾意嘅燒左口魚裙邊。晚市套餐共有五款，我們選了以下三款:~ 特上刺身套餐/六種 ($380)魚生共有9件，同埋一小碟海膽/魚子/；魚生包括有貴價既拖羅，帶子，牡丹蝦同灰黑色皮嘅唔知咩魚？有兩片橙紅色魚皮嘅魚未知是否是赤鯥魚剌身？雖然是和朋友分享，但肉眼看整盆剌身都非常新鮮。👍~ 季節燒魚套餐 (馬友魚) ($300) *超級推介*👍😍今日嘅季節燒魚係採用左馬友魚，我也是第一次在日本餐廳吃到燒馬友魚。 谷哥說馬友魚脂肪厚度超过10%，而它含有的脂肪多是不飽和脂肪酸，能降低膽固醇，預防高血脂；也含有DHA促進腦部發育；馬友魚的營養價值能滋補身體；還能促進消化。我家中老人家就很喜愛吃馬友魚，差不多每餐都會吃，馬友魚在街市上也很容易購買得到但價錢也不便宜。因為馬友魚脂肪高出一般鱼类甚多，燒過的馬友魚，豐腴香口，肉質鮮美細膩而爽口，即使放涼了也沒有魚腥味，我們差不多連骨罅的魚肉也吃光，這是我吃過最好吃的燒魚。 如果你來這裏晚餐，又看見有燒馬友魚套餐而又有喜歡吃魚的，請不要錯過囉。~ 美國牛肉薄燒套餐 ($280)牛肉薄燒分成八件，一口一件但不會太細件，牛肉包裹着滿滿的蔥粒和蒜粒，好味既。伴碟既係薯蓉同車厘茄，薯蓉做得很好吃，整體唔錯。~ 刺身三種 x 2 (跟套餐)每碟有大蝦/油甘魚/赤身各2件，兩份共有12件，刺身新鮮。 同埋留意所有刺身/壽司都沒有包括較便宜的三文魚。~ 茶碗蒸/白飯/味噌湯 x 3 (跟套餐)我們六人分享，非常足夠， 白飯還有剩呢。~ 甜品 x 6 (跟套餐)本來套餐只得三個甜品(雪糕)，但我們也有每人一球，雪糕有豆腐味和綠茶味，我自己就選了綠茶味。~ 日本酒-北秋田純米大吟釀 300ml ($250)~ 三得利生啤 ($58)總結，呢一餐日本餐確實係食得開心，食物新鮮有水準，餐具精美，其實除了沙律碟外其餘盛載食物的碟子都很地道日式和很漂亮。今天不是weekend，客人不多， 看見廚師有幾位朋友到來捧場作客，想必這位廚師 (可能也是老闆之一) 開設這一間日本料理並非只為賺錢，可能搞日本餐廳是興趣？有個地方與朋友聚腳？喜歡日本料理並且對飲食是有要求的人？ 不理種種原因，我們這些對飲食有要求的食客就是喜歡這樣的餐廳， 舒適的環境又能和一班朋友飲酒作樂，我這位識飲識食的朋友真的沒有介紹錯。😍另外對於那一位態度有點冷漠的唯一女侍應，雖然經常在看電話，但她的服務沒有不合格，而且整頓飯時間也很主動的幫我們斟茶。有一個事實是很多人都對澳牛的企堂的服務很有意見，但我每次去澳牛都要排隊，想想原因？哈哈，你明白的！👍…查看更多

終於有機會比我試到呢間小店😊 平日記得一定要訂位，尤其是lunch😊 Lunch set好抵食，點了一客特上魚生套餐，各款魚都好新鮮，又有海膽，又有大蝦🍤 套餐還有麵豉湯及蒸蛋。另外中午我有單點特價魚生，亦都好抵食👍🏻 可能我哋早去，唔係太多客人，所以服務尚算可以 (只有一個服務員)…查看更多