鮨處松戶 (彩星集團大廈)

營業中

休息中

貓貓食左間好靚好高級既日本餐。入到去餐廳，貓貓發現餐廳好有古式日本又高貴既氣氛。好似去左日本既高級餐廳咁，個氣氛一模一樣。前面擺住係日本見到新鮮既刺身，貓貓見到都覺得好震撼。貓貓既前菜就係日本凍蕃茄。想食日本蕃茄好耐啦，個味道係好甜好濃郁。點解日本既蕃茄都可以咁唔同，味道真係好好又新鮮。貓貓食一啖就濕左個嘴。貓貓食左個雜錦天婦羅。嘴刁既貓貓食天婦羅都有少少研究。用新鮮既油炸既天婦羅，食完係唔會留低層油係個口度。呢個天婦羅用新鮮油炸，蝦同魚都好新鮮。蔬菜又炸得香口又甜。綠色既辣椒仔帶住少少辣，好開胃。鹽燒雞翼燒得出邊乾身爽脆，入邊香滑。雞骨好易去，成舊雞翼去骨直接大啖食，個口感真係超好。檸檬汁可以令雞翼更加甜，味道好唷！牛肉烏冬湯底清甜。淡淡既昆布香味。加埋烏冬質感彈牙。出邊滑到似薯粉，入邊彈牙，口感好正。原汁原味燙熟既牛肉，新鮮又肥美。呢碗簡單既烏冬都令貓貓濕左個嘴。餐廳既野食真係好好味，貓貓最後食左個荔枝雪糕。好清香，真係好享受，貓貓好鍾意呢度啊！

星期一夜上約左朋友一齊食飯，今次黎到廣東道apple store隔離既大廈入面食日本野，食物幾特別同有特色。首先食係刺身拼盤，刺身款色多而且富有光澤證明十分新鮮。拖羅無根，入口即溶，重魚脂香。赤貝爽脆大隻，好滿足。海膽色澤鮮豔味濃，食完口腔仍然停留海膽香。油甘魚厚切，新鮮。燒雞軟骨相比平時餐廳食比軟骨比例較大，連帶小小雞肉，燒得剛好脆卜卜，榨上檸檬汁減去油膩感。汁煮豬腩肉用日本味噌醬醃好豬腩肉再慢煮，令味噌汁精華被腩肉吸入，腩肉同豚脂一層層相隔，肉質淋，咬落口充滿豚脂香。配菜波菜鮮嫩。唔知點解突然想食香腸，估唔到日式餐廳小食有西式雜錦腸食！見到挑起香腸癮，雜錦腸仔幾驚喜，腸仔有3款，外皮脆身，沾上西式芥末將甜甜辣辣好味。炒麵用日式炒麵醬汁加上大量蔬菜，大大份好夠飽，蔬菜以椰菜，青椒，洋蔥為主，炒麵上灑上木魚碎飄下飄下添加份視覺同咸香味。整體餐廳坐得舒服可以同朋友慢慢品嚐美食。

福福郎老師今日要教大家「見微知著、近廚得食」。正所謂 :「以銅為鏡，可以正衣冠；以古為鏡，可以知興替；以人為鏡，可以明得失。」 「兼聽則明，偏信則暗」！好深喎！福福郎老師今日要難道要「趕客」？ 所以用文言文寫稿？？非也！非也！ 老師今日其實想介紹一間「隱世」日本小店給大家！ 傳說中的它。。。雖然座落於尖沙咀廣東道這條名店大街， 但是由於它是樓上餐廳，而且還要轉兩次𨋢才可以到達。。。 所以知道的人不多， 佔了一半的顧客都是日本熟客， 靠的是用口碑口耳相傳。是城中 best keep secret，大家捐窿捐罅搵好嘢食的好地方之一。多得日本通朋友的好介紹，剛過去的星期三，終於有幸來到這裏，一試它的隱世美食！難得來到，懂得吃的福福郎，當然是要ⅳ「廚師發板」，吃大廚推介的美食啦！ ！先來的就是前菜孖寶：日本凍蕃茄($70）日本的蔬果，品質果然是有保證！蕃茄肉厚鮮甜，咬落去很多汁，十分味美！豆腐沙律（$68）這個豆腐的質感很綿滑，配上沙律醋和脆脆蔬菜，不知怎麼形容，就是好吃。再來就是三個小熱葷，分別是：舞茸tempura（$75）炸得脆脆的舞茸，味帶甘、又帶香，一點點的苦澀味，令人回味再三。是要

尖沙咀彩星集團大廈一向多好野食，之前有黎呢座大廈食過另一間日本野都係屬於高質素的，今晚食呢間餐廳叫鮨處松戶，位於呢座大廈的8樓，樓下就係apple store，地理位置算係幾方便。餐廳環境:餐廳環境好有日本餐廳既感覺，店員衣著打扮，even講野都係講日文，入到餐廳我見到有D枱係要除鞋，不過全部都係客人自己選擇，我同朋友就揀左張卡位。另外有個area係比師傅切sashimi，會親眼睇到佢地慢慢切。餐廳餐牌:呢間地道日本餐廳食物選擇算幾多，刺身、壽司、手卷、小食、揚物同甜品等等都有，除左刺身同壽司既價錢算比較貴小小之外，其他都唔算貴，我覺得幾抵，都值得推介。鮨處松戶雜錦沙律 $95呢個海鮮沙律我係極度推介，$95呢個價錢絕對係勁抵食，底部全部都係沙律菜同醋，菜夠新鮮醋夠香，另外甫滿唔同種類既刺身包括三文魚、海蝦、吞拿魚、玉子同三文魚子等等，重點係全部都好好味，食得出係好新鮮，一啲腥名都無，好難得呢個價錢食到咁高質既沙律！雜錦刺身(上) $380刺身盛有分幾款，我地只有兩個人就叫左最平果款，價錢貴唔貴就見人見智，$380我同朋友就覺得還可以，刺身盛(上)包括 吞拿魚、油甘魚、三文魚、帶子、甜

同朋友聚下舊，相約呢間日式餐廳食飯，之前食午餐試過都唔錯，今次一於試試佢地嘅晚餐!!! 餐廳空間都幾大，有日式房間，當日見到唔少日本人幫襯，好正宗呢!!!!門口設計都幾日式。餐廳提供唔少菜式，由新鮮刺身，壽司到串燒等等，都真係令人心大心細呢。首先食下佢地嘅海鮮沙律，用料好豐富呢!!! 有唔同嘅魚生粒，醬汁酸酸甜甜，夠哂開胃，而且蔬菜好新鮮，特別一讚係加左天婦羅碎碎，增加口感，好味!!!同朋友心大心細，點指兵兵之下，決定叫特上雜錦刺身!! 上枱賣相好吸引，有好多唔同刺身。吞拿魚腩相當厚切，肉質入口便化開了!!! 魚油味相當濃郁，真係好好味呀!!!海膽味道鮮甜濃郁，冇異味，想一食再食呢!!!!自創刺身，將牡丹蝦，海膽同三文魚子組合，口感非常豐富，牡丹蝦嘅爽甜彈牙加上海膽鮮甜，三文魚子嘅魚油就錦上添花，連朋友都讚不絕口呀!!!見到人地日本人叫左炸雞好吸引嘅樣子，二仔底跟到底，叫返一碟試試。果然冇跟錯，炸雞份量都唔少，即叫即炸熱辣辣，炸雞外皮香脆內𥚃肉質嫩滑，而且有汁，好好嘅下酒菜。食完炸雞，當然要試埋串燒喇，點了我最愛的燒牛舌!!! 牛舌屬於厚身的，調味剛剛好，唔太咸而且好惹味，牛舌爽口，好

見今日收早，約咗個好耐無見嘅好朋友一齊食晚飯。今次朋友想食日本菜，我就揀咗位於尖沙咀嘅鮨處松戶，呢間餐廳好易搵，就喺中港城附近，Apple Shop 隔離。食完搭車走都好方便。我今次book咗8:00，上到去未算多人，侍應安排咗卡位俾我同朋友，坐得算舒服。一入到去，侍應會奉茶同小食，感覺貼心。上菜速度適中，唔會一次過嚟晒或要等好耐。整體而言，唔錯啦。清清哋點咗個開胃前菜食住先，日本凍蕃茄 $70食落好鮮甜，底部有生菜做沙拉，清甜爽口。梅子大葉免治雞肉棒 $68，賣相都唔錯，但梅子醬好酸，雞肉肉質還可以。燒牛舌 $68，每串有4件，口感爽口，鐘意餐廳用嘅調味粉，加埋一齊食好夠味。帶子牛油燒 $85大概有5隻左右的帶子，size夠大，口感豐富但有少少靭。但兩個女仔食就有d飽。錦刺身（上），份量都十足每款都有三片，款式都十分多而且十分新鮮，刺身厚度剛好又帶點魚香，蝦鮮甜，八爪魚夠彈牙又吾鞋身，海膽味道都吾錯新鮮吾會有腥味。酒醃螢光魷魚，味道幾特別仲要可以令到魷魚味提升不少，作為前菜都幾開胃。韓國泡菜豬肉火鍋黎到已經十分香泡菜味，沒想到一夾起份量意外地多，湯底味道剛好，豆腐夠滑，豬肉夠薄身，泡

這間日本料理在公司附近，同事說很多日本人會去食，想必是很地道，這晚就來食。裝潢很有日式風情，已經有幾台日本客人我們先點了個刺身，相當新鮮，厚切之外味道鮮美，最喜歡牡丹蝦膠質而飽滿大隻，帶子鮮甜。日本人必點的枝豆，撒上了鹽，幾香口燒雞泡魚乾，燒過後一點都不乾不硬，而且有甜美，愈嚼愈香天婦羅，蝦已經有3隻，還有魚和不同的疏菜，炸得香脆而不油，脆皮入口即化炸雞份量十足，炸得很外層乾身但內裏保持肉汁、十分香口豚角煮相當入味，味道偏甜京燒銀鱈魚，肉質滑溜不過稍為偏咸，如果當是配酒小菜應該不錯，可惜這晚我們沒有喝酒。

開係尖沙咀Apple store樓上既日本餐廳，朋友都係同日本客人食飯先知道呢個地方，唔係朋友帶路都蕩失路，搭上到五樓見到大大隻忍者龜再轉去八樓就到達鮨處松戶，六點半到達已經聽到門口傳嚟日本客人熱鬧聚餐既聲音雜錦刺身上（$380）三文魚、鯛魚、八爪魚、甜蝦、帶子、海膽，其中一款係白魚，口感軟滑，回味無窮第一次食海膽天婦羅（$120）紫菜包住大量海膽，炸過後仍然軟綿綿味醂魚乾（$90）朋友去日、韓旅行都會買雞泡魚乾返屋企加熱做小食，當然唔夠師傅燒得咁好心機，啱啱好唔會燒焦或太乾蘿蔔煮鰤魚（$85）壽喜燒既味道唔單止配和牛，同鰤魚一齊煮都可以好夾，魚頭部位比起魚身更加滑溜，蘿蔔吸收精華，可惜只有一件

今晚同老公二人又想食日本菜，諗起之前朋友推薦過既鮨處松戶，係尖沙咀又就腳坐底後，店員奉上開胃小食，酸白蘿蔔、青瓜及海帶。我地點左兩個頭盤小吃，柚子汁拖羅及芥末魷魚仔，見到有一個大大既開放式刺身廚房，師父都忙碌地為客人安排，黑板上寫上當日新鮮刺身，我地點左一客刺身拼盤，赤蝦大隻鮮甜，拖羅不會太油，油脂分佈平均，油甘魚新鮮，海膽很鮮甜熱食點了煎油甘魚餃及唐揚炸雞，要讚一讚個煎油甘魚餃，入口融化及滿口油香，厚肉。唐揚炸雞都唔錯，粉薄香脆🤤老公食食下話唔夠喉再點左軟殻蟹蟹子卷、炸魷魚鬚同炒什菜，食到肚都脹埋最後點食埋個芋頭及芝麻雪糕，畫上完美句號。另外，店員每一個都很有禮貌，細心留意我地有乜需要，而且不時加茶很好抵讚朋友果然無介紹錯🎉

尖沙咀廣東道Apple Store 上面樓層，有不少高質食肆。今日來到鮨處松戶，午餐價錢由一百至二百多不等，有壽司、刺身、定食、鍋物供選擇。最後點了牛肉鍋，份量偏大，牛肉多，另配上菠菜、娃娃菜、冬菇等蔬菜，減輕牛肉油膩感，鍋底用上壽喜燒，味道好。

之前來過一次祝生日 今天碰巧去尖沙咀港威商場辦點事 對面大廈便是鮨處松戶 6人行點了4個不同的set lunch, 單點刺身拼盤（$550原價）及sushi 拼盤半價 所以也點了分享！刺身拼盤半價後 有齊tuna, urchin, yellowtail, salmon, etc...又新鮮種類繁多。其他人點了日式牛肉鍋定食、炸雞定食、壽司烏冬定食等，有面鼓湯/小食/日式蒸蛋/雪糕或咖啡送 大眾化價錢! 若在海港城附近，絕對是值得來！

即興嘅日本料理,立即book位！到逹地點樓下有人派優惠券,非常lucky! 一出lift就見到大門,非常日本氣派。門口有三至五間私人房，若要三五知己齊食飯要及早卜位。也可以選擇在吧枱看着師傅整理料理來進食。雖然我都有卜位但係就坐唔到卡位啦...可能book位之前要講定...基本setting有前菜(要收費的)前菜都特別.係個青瓜,魷魚,海草加上Wasabi醬嘅冷盤.不會太辣太攻鼻,爽口加上趙口,係幾好食嘅.燒牛舌-燒得好香! 左手邊係芥茉醬,加上檸檬汁就唔會覺得好膩,不過個人覺得係有啲咸.壽司set- 因為有優惠券就叫左呢個set (後來付款先知道原來呢個set係用唔到張優惠券...) 小卷看來沒有什麼特別,結果好驚喜嘅係Wasabi好多,食唔到要事先同店員講海膽同魚子幾新鮮,第一次食魚子係唔腥既軟殼蟹卷-呢個就普通左少少...感覺軟殼蟹唔係即炸..奶湯-杰撻撻,可以話足料...不過就個人就唔多推介..海膽魚子吞拿魚茸箱壓壽司-追加！海膽魚子無得輸

因為星期一至五工作於尖沙咀區，因此間時都會explore一下周邊的美味lunch 專食日本餐的我，想來這間試很久了，午餐的range都百多，如果質素好其實會好抵。先睇睇呢個update既餐牌先:由於之前好想來食，但open rice好似很久無人upload，所以心諗一定要post返俾大家睇！等尖沙咀區返工既朋友仔都可以參考一下！我就揀選左 "刺身•壽司定食"其實出到來同餐牌中的圖不同，款式不符，其實要喺餐牌寫明會好一點。見到有咁多三文魚有點卻步(平時我少食三文魚)每人口味不一，如果憑圖揀餐最後不一樣，都會有少少諤然！不過好彩佢都有拖海膽呢d貴價及高質的款紅身呑拿魚比我想像中好食同新鮮，唔係平時果d咁乾乾的，十分有鮮味而拖羅都唔錯，十分肥美，百幾元既餐有拖羅的確已經幾厚道😆😆海膽！新鮮！顏色鮮亮，有海水和甜味，好幸福三文魚不是本人之選，但都食左舊，都新鮮的。甜蝦略嫌細隻，不是特別評價高。油甘魚反而都ok，厚度適中，但希望可以再感受到更多魚的鮮味。食物:整體價錢合理，都算值回票價服務: 服務員都很有禮貌的，耐心serve客人環境:充滿日式風味，仲有流水淙淙既聲，優雅既氣氛增加食慾，好想坐耐

要返工的星期六早上,緊係諗吓放工邊度lunch啦~  最後去左廣東道既彩星大廈, 好耐無去原來門口都比Apple 用埋, 要轉先上到去。到達8樓先見門口位置有幾間房,轉入有D卡位同埋見到師傅喺壽司吧, 感覺幾闊落。 看過餐牌,點左13貫壽司, 同埋3色丼定食待應先給茶碗蒸, 蒸蛋有木魚味, 好滑。三色丼有海膽,三文魚籽 , 松葉蟹腳  . 分量十足 至於13貫壽司,係喺張紙度自選既, 有D仲係時令魚, 而同款最多選2件 ,當中選左白子,海膽,吞拿魚腩, 平目,師魚, 小肌,海鰻,深海池魚,三文魚子,帶子 。每一件都好鮮, 最令人回味係白子,入口即化的口感，一試難忘。據知白子有豐富蛋白質、維他命D，有滋陰養顏既效果,好啱女性。最後可以揀雪糕或茶, 我地揀左咖啡 , 我地以為即磨之際, 鄰桌又同待應講咖啡幾好飲 , 我又忍唔住搭訕 ,得知係用UCC咖啡~ 我下次long week放工會再黎呀 ~

十分抵食！十分抵食！十分抵食！好重要，所以要講3次！🙈🤣🤣🤣一間位於尖沙咀，但以HKD100便可食到一個新鮮有質素既日本料理，真係值得一去再去成日去😂我叫左一個5貫壽司+烏冬lunch set! 態度有善既waitress落完單後，就到熱辣辣既日式蒸蛋上場！一邊食一邊發現d料好充足，冇令人失望。然後就係主菜登場啦- 壽司🍣🍣你睇下 $100 但都有海膽、toro、帶子同赤海蝦，絕對係貨真價實！最重要係佢好新鮮！好鮮甜呀！最後最後重有甜品😍 係濃郁既綠茶雪糕呀😍😍😍