2
0
0
食評 (2)
等級3 2021-02-12
14 瀏覽
知道元朗開左一間新的Omakase已經急不及待訂位 想過年前同媽媽去食😋已經十幾年沒有踏足元朗,地理位置對駕車朋友來算方便易搵,門口就有錶位👍🏻餐廳始終新開不久,環境舒適乾淨,店員亦態度好好、溫文有禮👍🏻當店員循例問完我地有咩唔食後,師傅也再問我地鍾意食咩,鍾唔鐘意食濃味魚、內臟等等用餐前與師傅有更多溝通,這點很好。很多師傅只了解你有咩唔食,但這裡是店員了解你有咩唔食,師傅是想知道你有咩喜好。【Premium Lunch Course】$580【先付】蕃茄鮮甜、麻醬開胃、薄荷葉清新,但不會太濃味搶去豆腐應有的清淡,作為一道打開味蕾的前菜,非常適合😋【茶碗蒸し】充滿蟹肉,味道清淡【刺し身 4種盛り合わせ】1)金目鯛肉質鮮嫩爽彈不乾身,包著幼蔥(似係?),清新白身魚配搭很開胃2)赤貝厚身彈牙,口感好正👍🏻3)岩手縣真蠔鹹味突出,啖啖肉👍🏻4)沙甸魚個人好鍾意食銀身魚,過左秋刀季節,有沙甸食都唔錯😋魚味濃郁,如果多點薑容就更好😍【握り 8貫】1)鮮帶子師傅先將帶子在檯上撻一撻令帶子收縮,肉質更爽彈。加柚子皮,是我喜歡的食法。2)拖羅正常拖羅該有的油脂,美味3)赤身加上魚子和山椒粉,第一次食這樣的配搭,一試愛上😍在口腔的味道很有驚喜,和平時食的赤身不同,喜歡😍4)汁煮鮟鱇魚肝鮟鱇魚肝是我的最愛🥰汁煮比平時多數用蒸的做法,口感更更更嫩滑入口即溶很好吃,再多一點蔥花就prefect😍5)鯖魚又是我喜歡的造法😋鯖魚經火炙後逼出油脂,食到講唔到野😋6)鰹魚忘記了上面是用什麼調味,但很好吃😋7)煙薰鰤魚個人對煙薰不算鍾情,不過也是好食的8)甜蝦蝦肉豐厚、重膠質,好味道 蝦膏若用火炙,我會更喜歡😍【ミニ丼】到了最期待的海膽!師傅拎左一盒鹽水海膽出嚟,然後問我地鍾意食咩海膽,媽媽話馬糞海膽,師傅立即換左馬糞海膽俾我地🥰丼裡仲有炙燒魚邊,極重油香,塞飽肚位😍由於媽媽唔食魚子,師傅換上了鯵(池魚)【吸い物】【デザート】麵豉湯正常,甜品稍為失色。【總結】師傅細心且照顧客人,每道菜都詳細介紹,態度friendly👍🏻店員態度好,環境舒適衛生,用餐節奏也不錯。新張期內免加一好抵食! 繼續閱讀
(以上食評乃用戶個人意見 , 並不代表OpenRice之觀點。)
元朗新開omakase,位置都算方便搵😋 一收到風就即刻book定位試啦!限聚令關係每2人一台,但吧台都滿坐!同朋友都叫左個Premium Lunch Coruse,包括有前菜、茶碗蒸、4款刺身、8件壽司、迷你魚生飯、麵豉湯及甜品。用料新鮮,份量又夠,如果晚市時段開反會試埋夜晚!最重要係師傅好岩傾,仲會照顧我呢個平日好少食廚師發辦既人,介紹每一種食材,剌身食法順序,體驗100分!🤣 如果要彈的話,只能說佢個甜品不是太吸引,係一個類似紅豆抹茶奶凍咁,真係太甜啦~ 繼續閱讀
(以上食評乃用戶個人意見 , 並不代表OpenRice之觀點。)