影片
以上資料只供參考, 請與餐廳確認詳情
啟德商場周圍都係人，尤其是有演唱會嘅日子food Court爆棚。 見到呢間個名好似幾好聽就入去，唔使排隊坐得好舒服，兩人坐梳化座位好多空間。如果我個區都有間就好啦，價錢便宜，而且質素OK新鮮就可以啦。 下午茶系列有三件三文魚一個丼一份沙律有兩件吞拿魚腩同吞拿魚蓉都好新鮮，有味道的，不會雪到沒有味，沙律好食，仲有隻鮮蝦😗好味三文魚壽司一般朋友嗰啲都唔錯，好新鮮吉列炸蠔，裏便勁鮮嫩有汁好好食外賣咗兩杯嘢飲，朱古力個杯勁好飲，士多啤梨嗰杯比較酸
繼續閱讀
🥢在大型活動舉行期間，啟德地區附近嘅食肆都非常爆滿，甚至乎等位都趕唔切開場前醫好個肚。搵下搵下去到 #airside 呢一間壽司店🍣 ，壽司同炸物燒物甚至熟食都應有盡有，價錢都幾合理，快捷方便嘅選擇 。.———————————————————————————.🥢隨便點咗幾款壽司🍣，貪心嘅有軍艦5点，有齊晒咁多款不同口味，三文魚子、海膽、甜蝦、吞拿魚、三文魚，都幾開心。另外，仲有軟殼蟹壽司、鰻魚壽司、火炙牛油赤海蝦，賣相都算吸引 。
繼續閱讀
【超抵食！日本下午茶輕食】 係airside附近做嘢做到過晒午飯時間。一於去食我最鍾意嘅日式下午茶套餐「極上吞拿魚+吞拿魚蓉甜蝦飯」： 吞拿魚超新鮮，赤身夠晒甜，魚蓉撈埋彈牙甜蝦，啖啖都係海鮮鮮味！醋飯軟硬適中，撈埋一齊食真係冇得輸～ 「3件魚壽司」： 每件都係時令魚生，厚切夠大方，魚油香，飯粒ok新鮮！ 我本身麻麻地魚壽司，如果可以將其中一款轉蝦或帶子就更好「沙律」： 蔬菜爽脆，日式胡麻醬撈勻，清新解膩，食完魚生再食佢就啱啱好！ 總評：$70有找，日式海鮮下午茶套餐，ok抵！下午茶時段食呢個set，大滿足又唔會太滯。#日本嘢 #吞拿魚控 #平靚正下午茶
繼續閱讀
每次經過鮨点，都想入去試下，今次終於有機會，位於香港九龍城啟德協調道2號AIRSIDE 5樓L504-L505號舖FOODMUSE內 。餐廳主打日本料理，款式多。點了多款壽司，水準都唔錯，而我喜歡口感豐富的海膽吞拿魚蓉鱈魚脆、鮮甜美味的明太子帶子壽司和肥美的大拖羅壽司。整體價錢經濟，就是店舖比較細，等位的時間較長。🏷️溫馨提示～ 整個用餐體驗均屬個人分享意見， 只作參考😊。鮨点(香港)地址: 香港九龍城啟德協調道2號AIRSIDE 5樓L504-L505號舖FOODMUSE內
繼續閱讀
小弟第一次食灸燒壽司面層係凍嘅，擺明一早燒定擺咗好耐之後一次過出，三文魚條筋硬個擦子膠，入邊廚房成班架車開武林大會，聽到都冇晒食慾，係得個烏冬算係正常，請我都唔會再食，另外唔會提供牙籤放喺枱度，同埋淨係會提供抹手紙俾你抹嘴。
繼續閱讀