鮨樂 (D2 Place ONE)

營業中

休息中

💮幸福滿滿海膽祭💮 今次一次過要食齊咁多款‼️（海膽一品料理仲低至 6 折，真喺超值）🧡 海膽玉子燒🧡 海膽三文魚子三色迷你杯飯🧡 海膽蟹肉海鮮蒸蛋🧡 海膽蔥粒吞拿魚脆脆手卷🧡 原板海膽 50g因為喺日本🇯🇵直送，海膽真喺新鮮到不能形容！入口即溶，由其喺原板海膽，就咁食/用紫菜包嚟食已經鮮甜無比🥹🥹🥹海膽蔥粒吞拿魚脆脆手卷都喺神級之作！外脆嘅外層配上肥美蔥粒吞拿同海膽，口感超正☺️仲有粒粒晶瑩剔透嘅三文魚子迷你杯飯，配埋超新鮮嘅海膽，淡淡滋味！登記成為會員更可享以下$18優惠試食海膽火炙壽司😍我同朋友仔即刻登記一次過試曬三文魚🐟墨魚🦑同赤蝦🦐 海膽火炙壽司🍣全部都超新鮮🥹 上面仲有埋我最愛嘅海膽都只喺$18 ！性格比超高！如果仲想食多啲，仲可以用61 折追加原板海膽 250g（原價: $1,440，優惠價: $880）#鮨樂 #Sushiraku #海膽優惠 #時令海膽 #原板海膽 #日本料理 #香港美食 #香港餐廳

返工咁辛苦要間唔中獎勵下自己，所以決定試試「鮨樂」D2 Place ONE店！呢間餐廳由日式餐飲集團(原來係板X果個)經營，質素穩定，價錢中等，主打手握壽司🍣。午餐有多款定食選擇，今次就揀咗最豐盛嘅「豐洲壽司盛御膳」試試。💰💰💰💰💰🍣豐洲壽司盛御膳 $188套餐包含多款壽司，包括拖羅、海膽、帶子、油甘魚、三文魚、三文魚籽、吞拿魚蓉軍艦、玉子燒、卷物🌊等等，選擇豐富，睇落已經相當吸引🤩！ • 拖羅🐟油脂豐富，口感柔軟，但魚味未算超濃郁 • 海膽🦀帶甜味，無異味，食得出質素不錯 • 三文魚籽🐟鹹香十足，但口感偏軟，唔算爽脆 • 帶子🐚新鮮甘甜，口感嫩滑 • 油甘魚🐠油脂適中，同樣魚味唔夠濃郁 • 吞拿魚蓉軍艦🐟口感綿密，配上蔥花增添層次感 • 玉子燒🍳微甜鬆軟，食到高湯既味 • 卷物🍱內餡有蟹柳、雞蛋、青瓜同醃蘿蔔，味道清新解膩其他魚壽司唔逐一介紹，整體黎講都算新鮮。另外，套餐仲包括魚湯底麵豉湯🐟，湯底帶魚鮮味，飲落幾有誠意👍！仲有稻庭烏冬🍜，口感煙韌滑溜，食埋就剛剛好，非常飽肚💯。「鮨樂」環境唔錯，壽司係即叫即整，食材新鮮，整體味道穩定✅。午餐選擇多，今次試咗最貴嘅set，都覺得值得👍。

路過呢到食左呢間，本身對係D2食飯無希望，因為之前食過1次好難食既餐廳，間餐廳仲未執🙂原來D2仲有好野食😋😋抵食+好食，暫時係我食過最好食既餓肝飯😋下次再過來食😋極上海膽刺身丼 $208香煎鵝肝配泉蛋丼 $138湯+沙律

咁啱午市過後經過見到無人，打算一試，點知鵝肝太油，仲要連少少調味都無，實在係好難食。麵豉湯太鹹，沙律更加不值一提，食完冇下次。七折只限指定食品，所以訂位時請注意。

第一次食天婦羅入面仲有啲粉😅塊茄子好硬好難食，天婦羅啲皮淋淋地唔夠脆，好似已經放左一陣咁，真心求奇搵間日本野都好食過呢到其他食物味道正常一般但價位高又細份，性價比極低(晚餐時段)整體店員態度正常但其中一個店員態度有待改善😥過黎斟茶嘅時候唔出聲，正係拎壺茶過黎望住個客，隔左幾秒等我地留意到佢之後主動講唔該先斟？？一係直接過黎斟，一係問洗唔洗加茶，行過黎望住唔出聲係咩事？我為左留呢個評論登入openrice，食物品質同服務態度不佳，性價比低，冇咩事唔好食呢間委屈自己🙏🏻

🍤天婦羅壽司御膳 $148天婦羅外層的面衣輕薄而酥脆，內里的海鮮和蔬菜保持著恰到好處的嫩度，搭配上特製的醬汁，沒有一絲油膩感。🍣豐洲壽司盛御膳 $188色彩鮮艷，品種豐富的手握壽司：肥美大拖羅、海膽、帶子、海蝦、三文魚腩、三文魚子等等。肉質，壽司的醋飯恰到好處地襯托了口感細膩的鮮美魚生。此外，御膳中的其他小菜，如味噌湯和沙律菜，也是精心製作！🐷滑蛋吉列黑豚極上刺身御膳$148黑豚肉外層的吉列炸得金黃酥脆，內里的肉質鮮嫩多汁，搭配上滑蛋的細膩口感，口感層次豐富。刺身部分同樣出色，新鮮的魚片切片均勻，口感鮮美甘甜，讓人難以忘懷！

呢日響D2place 度行完市集，都差唔多7:00啦！個肚打晒鼓，好肚餓唔想行咁遠周圍搵食，最好就響番D2place度開餐啦😉想食日本野，就揀咗鮨樂，以前食過灣仔分店覺得都唔錯今次點咗兩個Set，附沙律，味噌湯，茶蒸碗另外再單點幾款食物，食得好滿足呀😋🌀香煎鵝肝配溫泉蛋丼$138有三大件鵝肝架🤩好肥美，鵝肝煎得外脆內軟，都幾香，呢個價錢來講都算係ok啦！珍珠飯再拌埋溫泉蛋黎食都幾唔錯架😋🌀十貫豐洲壽司御膳 $198有10件壽司，每款都幾新鮮👍🏻其中吞拿魚、中拖都唔差，仲有個甜蛋我都好鍾意😋配埋沙律，茶蒸碗，味噌湯，價錢算親民，食完好滿足不過呢度個醋飯就真係冇灣仔做得咁好🙄🌀蟹肉海鮮沙律🥗清新之選，材料好足，有蟹肉、豆腐、魷魚、北寄貝，車厘茄、青瓜、蔬菜新鮮爽甜，配埋個酸酸甜甜嘅沙律汁，又開胃又好食😋🌀櫻花蝦吉列壽司卷$55呢個我好鍾意，好多櫻花蝦鋪響面好香呀🥰吉列蝦炸得唔錯，食嘅時候都仲好香脆，呢個下次可以再點

今天午餐去了D2 Place One鮨樂🐟，和朋友各點了一個午餐set。香煎鵝肝配溫泉蛋丼 $128角切刺身丼 $983件鵝肝，份量大件，幾香口，加埋溫泉蛋漿送飯，十分滿足🥰。另外$36加左2樣小食~lunch黎講都係個幾好嘅選擇👍🏻。

之前其實去過荃灣嗰間分店享用晚餐，今次就嚟到D2 Place。公眾假期夜晚入座率大約七成，無需等位，服務態度其實還好，環境衛生都令人滿意。我同另一個人就嗌咗一個壽司拼盤套餐，一個海膽特上魚生飯套餐，同埋一客北海道原隻海膽，每份套餐都會附送一客沙律同埋味噌湯。個魚生飯就係我食嘅，有吞拿魚、帶子、甜蝦、海、蛋、油甘魚，賣相就請參考我附送嘅圖，味道就還好嘅。但係我哋額外嗌嘅嗰份海膽係我食過有史以來味道最差嘅，非常失望。最後係驚喜地每人有一個免費嘅朱古力雪糕，某程度上為呢間舖頭挽回咗少少分數。

D2冇去一陣子, 食肆開唔少, 太為食唔知點揀, 最後揀左鮨樂.因為店外食物圖吸引吧!沙律: 新鮮的.味噌湯: 過得去.香煎鵝肝配溫泉蛋丼: 都唔錯的, 飯量配合得好.都見餐牌多選擇, 只是我想食的"某"串燒冇貨, 

由中環店，已經幫襯這品牌，之前，只有三間店、直到現在開到已十間店，我家住九龍，那就試吓其他分店，第一次吃荔枝角分店，挺有驚喜，點了北海道刺身 6 點盛、原隻毛蟹、極上海膽刺身丼、本鮪三色丼、梅酒（剛有折扣 30%），視覺效果一流、挺新鮮，剛剛還有特價，勝價比挺高 。日本菜，基本上睇相大概能知道好味與否，這餐廳品牌，主打拖羅素質高，值得一提，師傅刀功了得、擺盤精緻能刺激食慾，希望，能保持水準、及優惠，將來會繼續幫襯～

今晚係鮨樂食晚餐，其實嘢食嘅話雖然唔係特別好，但係認真唔差嘅，係可一嘅餐廳黎嘅。之不過但係，我嗌咗個海鮮蒸蛋，但俾咗一個人地食完嘅蒸蛋俾我，打開個下我係真心shock嘅。呢個唔應該係一間餐廳應該犯嘅錯誤？你可以話餐廳忙，但係今日嘅餐廳得4成滿，而且忙並唔應該係一個藉口？ 咁樣會令到人地點樣諗你地嘅食物質素？ 雖然餐廳有講唔好意思但係成個體驗好差。我冇影低到相，因為上黎過下見到咁，已經即刻同佢講，換個個，所以冇影。

同尖沙嘴分店對比下有所失望第一次食鮨樂係尖沙嘴分店，諗住今次近近地揀荔枝角呢間，雖然兩間食物質素都係咁上下，係好食嘅，但服務質素相當大分別。對比起尖沙嘴分店，荔枝角好明顯不夠貼切，換碟收完隻舊碟侍應就企左係度，一直無卑新碟。當時係好多侍應返工，而且店內未係好多客，但完全唔係太顧到我地嘅檯面服務®我地嗌左支清酒，侍應無乜點幫我地倒酒係嗰勺度，自己服務自己心有對比情況下荔枝角分店服務質素真係差距很大，應該不會再揀呢邊分店進食

今日經過，見個餐牌野食幾啱食，價錢ok,就就左入去食，叫左兩個壽司盛，牛舌串燒，白鱔串燒，燒粟米，三文魚牛油果沙律，牛肉他他，白子鍋，茶碗蒸，牛肉烏冬，吞拿魚卷，生蠔仲叫埋甜品，埋單都係每人400蚊度（已經飽到要夾硬食晒啲嘢食）。職業服務態度又好，不停幫你斟茶，本身坐普通四人位，一有卡位，職員主動問我地想唔想轉去卡位，幫我地攞晒d茶去新位個度，舊位個d碟同筷子雖然未用過，但因為我地坐過張枱，個d餐具佢都收晒去洗，十分衛生

最近好想食日本菜 本身諗住平平地食個壽司郎就算 但實在太多人 所以就搵下附近日本菜 見到佢有幾款指定食品半價都岩食 就呢間啦👐🏻岩蠔🦪 之前因為唔食得好耐好耐冇食生蠔 隻生蠔又大又鮮甜 觸發了我想再食生蠔既慾望鱈魚の白子鍋 本身見到以為係鱈魚 但黎到之後覺得唔係平時咁 上網查先知原來白子係鱈魚雄性的生殖腺 不過我只係食左一細啖見到餐牌有茶碗蒸 即刻叫左一個比個仔食 首先佢好鍾意食蛋 入面有三文魚籽 不斷追住食 差唔多成杯都比佢食哂叫左兩款炙燒壽司🍣 有三文魚腩 厚鰻魚 燒到恰到好處 三文魚燒完之後鎖住到油脂 一咬落去果個感覺十分好 鰻魚好林 好似入口即溶咁刺身就叫左三文魚同三文魚腩 個賣相好靚 三文魚切開左好似雕花咁 而且仲好厚好肥美三文魚芝士卷 炙燒三文魚同芝士係冇得輸既配搭 而鰻魚卷入面有鰻魚 玉子燒 蟹柳 青瓜 一個卷物就有好多唔同既層次軟殼蟹手卷🦀 黎到即刻有軟殼蟹香味 炸得好脆 軟殼蟹中蟹同壽司飯既比例岩岩好最後仲有個牛肉拉麵 配菜有菇類又係好岩我個仔 食完呢個就飽哂了成餐飯都係圍繞鰻魚同埋三文魚 覺得好滿足🥰