鮨樂 (加連威大廈)

營業中

休息中

4月1日晚上到尖沙咀鮨樂晚膳'，坐在吧枱，對面有一對夫婦（應该是熟客）。因為招呼相對地殷勤。他們叫了兩客海膽脆脆。老婆見分量很足。亦叫了兩客。來到時，很不高興的事情發生，我們的海膽份量只是那些所谓熟客的一半。我立時問经理，是否熟客的份量是加錢加底。我亦有錢，我們出來消费是花開心錢。他说對不起。如果不要可退。老婆吃了，我未吃。便退一件。這間鮨樂。。。不去也罷。

我之前有食呢間既其他分店水平我覺得幾好。今日突然間好想食銀雪魚就黎左呢間食啦。個銀雪魚皮唔脆都算啦，個飯有洗潔精味；跟著我就同waiter講啦～佢地都好快幫我換左樣鵝肝飯。鵝肝飯上到黎，個鵝肝無味我要點醬油，個飯甜過食甜品，好似車咗幾匙羹糖落去～跟住冇聽錯，佢就話送咗杯咖啡俾我，但係後尾我發覺我俾埋錢～我食咗兩啖就去咗埋單，可能係我錯覺啦，我覺得waiter俾我個感覺，我係喺度搵緊佢地麻煩。成個體驗真係好差，第一次寫評論，大家斟酌住去食啦。

本身因為今日心情好，想食個豐富Lunch，到店後想食$188/ Sushi Lunch set，但本人不食三文魚，問可否轉其他，店員說要轉其他要加錢，我表示如果轉番同等價值，店員說只能轉玉子燒😂即時已經打消咗我食個好少少嘅Lunch嘅念頭，就選擇一個較經濟嘅豚肉生薑燒，個飯可以講係凍嘅！其實既然選擇放喺一個黑色嘅鐵鍋，都係想保溫，但個鐵鍋冇加熱，咁同放喺一個碗有咩分別？其次個飯係凍嘅，不會再想食下一次！

星期日下午茶時段 全場好似得我依台客有好多唔同嘅set餐平均價嚟講大概$200-$300左右一個套餐視乎你叫幾多件壽司或者高級材料，例如海膽套餐包括前菜 沙律，麵豉湯，蒸水蛋蒸水蛋係魚子蒸水蛋 十分之鮮甜裏面仲有蝦同菇 而且都好有雞蛋味唔係好淡的一般好少蒸水蛋會用魚子，所以值得一食沙律同麵豉湯都正常的叫咗兩個套餐分別係12件同10件餐牌冇寫明每個套餐包含什麼壽司所以我都唔肯定有啲款自己食緊啲咩餸如果餐牌可以列明清楚會更加好左口魚 海膽 魚子 吞拿魚 三文魚 玉子壽司等等都好鮮甜 呢個10件壽司就偏多吞拿魚所以視乎睇你自己個人口味選擇但呢間店係值得一食

鮨樂 (加連威大廈)地址: 尖沙咀加連威老道12號加連威大廈地舖這家餐廳的高級新鮮刺身真是令人驚艷！每一片刺身都非常新鮮，口感滑嫩，讓我每一口都感到幸福！🍣😍海膽的味道特別鮮美，入口即化，海洋的鮮香讓人一試成主顧，絕對是海鮮愛好者的最愛！🦪✨這裡的刺身種類多樣，無論是三文魚、鮪魚還是其它海鮮，都讓我陶醉，搭配醬油的味道更是絕配！🐟❤️餐廳的環境也非常舒適，讓人可以靜享美食，優雅的氛圍讓用餐體驗更加分！🍽️🌟服務人員的態度也很好，熱情且專業，讓我感受到賓至如歸的感覺，非常滿意！👍😊整體來說，這裡的高級刺身絕對值得推薦，是個聚餐或慶祝的理想場所，強烈建議大家來試試！🎉🍶

性價比好高嘅日本菜！百幾蚊一個lunch set入面有沙律麵豉湯壽司天婦羅同蕎麥麵！壽司好厚切好新鮮，天婦羅亦都唔會油淋淋仲要有三大隻蝦😋！最後仲有甜品送添☺️值得一提嘅係啲侍應好Nice好有禮貌仲要好醒目👍🏻，只係叫咗一次斟水，之後一見到我哋飲咗一半就會自動自覺加水唔需要再叫，離開嘅時候又會提你門口有梯級，好細心🥰！最重要係冇限時唔會趕你走，可以慢慢食傾吓偈～bookmark定下次要再幫襯！

已經幫襯咗呢間壽司店好多年，不過喺唔同分店。市道低迷，尤其食肆首當其衝。要做好服務，唔單止要有口號，實際行動非常重要！今日要讚吓一個叫做Katung嘅女侍應，演繹咗「行多一步」❤️❤️❤️（唔知點解啲侍應冇名牌）話說本人要減肥，不能同時進食烏冬和壽司，所以要求侍應將烏冬改為沙律。第一個侍應揸唔到主意，所以要問Katung. 佢話可以，然後話：「你介唔介意嗰沙律有芝麻醬?」我話：「可以啊！」然後佢話：「因為我見你都係好注重健康飲食，所以問吓你！」我忍唔住話：「你真係醒目呀!🥗🥗🥗🥗呢件事對於其他人嚟講可能係小事一宗，但係對於我嚟講係好窩心，由於佢可以行多一步，主動了解我嘅需要👍👍👍真係抵讚！希望所有香港人都可以正面咁樣鼓勵吓所有有水準嘅前線服務嘅人啦！所有人生活都不易呵😝希望呢間店舖可以一路keep住食物同服務嘅水準，就算係咩市道都可以屹立不倒！🙏🙏🙏🙏

之前在中环店吃过，觉得出品非常不错，这次在尖沙咀算是踩大雷。三文鱼籽军舰可能因为不是应季食材，冻货口感差很多，腌渍的非常咸，几乎没有鲜味。海胆甚至是臭的，巨臭无比的下水道味儿，服务生态度很好的换了一个，但是依旧有点臭味，应该是这批货都很不新鲜。串烧没拍，火候也差中环店很多，吞拿鱼和海胆都比较寡淡，两个人随便吃了一点花了1100，如果是这种食物品质的话真就没什么理由来。最后附上2月在中环店的三文鱼籽

話說本身係等隔離嘅壽司郎😫但太遲攞位要等90張檯，見到隔離有另一間壽司鋪睇落都唔錯就入去試一試。入到去店內左手面係bar檯，有師傅直接喺面前整壽司（無詳細睇係咪有omakase)，我地兩個人就坐左店內另一邊嘅小卡位。朋友點左一份松壽司盛合，我就點左個角切櫻花丼。壽司🍣盛合賣相都唔錯，朋友話食落都鮮甜，但份量黎講就有少少偏細，男士食嘅話就要再單點其他野。而我點嘅角切櫻花丼份量就大好多，性價比比較高，以百幾蚊嚟講味道都算唔錯。整體嚟講，如果你喺尖沙咀區想搵最平百零蚊可以落到樓嘅壽司舖選擇真係唔多，鮨樂都可以算係一個唔錯嘅選擇👍🏻

餐廳定期有時令食品推廣半價至七折都有🫢不過我食嗰期同宜家又唔同左menu了😆✨香煎鵝肝配米紙黑醋✨$34💓呢個真係必食🥹我見宜家都有做緊半價優惠(原價$68架)睇相都覺得香啦🤤不得了🤤✨軟殼蟹沙律✨ $98🦀都幾大碗🫢比d汁又夠哂多！軟殼蟹好香脆好味✨炙燒三文魚芝士卷✨ $58 🧀好好食呢個😂再一次係無得輸嘅組合值得一讚係三文魚好肥美好正！✨北海道帆立貝刺身✨ $45超級新鮮！食落好鮮甜🥰✨自家制免治雞肉串✨ $34 🐤估唔到喺到食串燒都不錯😳合格有餘呢個串👏🏻

同兩老一齊食咗餐好正嘅日本菜食物質素高、又唔貴、魚生好新鮮、而且有啲係半價十分超值、兩老高度評價鰻魚飯、非常肥美、另外串燒牛舌亦好juicy, 食到捧住個肚每人都係三百零蚊、真心覺得好ok.但令我驚喜嘅係佢哋侍應嘅服務，真係另我好深劇，一班年輕服務員的服務真係好到不得了，成晚不斷主動行嚟加茶，聽到我哋話搵紙巾就主動遞上紙巾，臨走時幫我哋開埋門仲要㩒住掣hold住道門，抵我額外畀多少少貼士👍🏼尖沙咀好多日本食肆，要突圍而出並唔容易，希望呢間keep住水平，下次會再嚟幫襯！

話說今次我就試咗間鮮味爆炸嘅日本餐廳，啱哂愛試新嘅食友。首先，八貫壽司一出場，就已經覺得好震撼！吞拿魚咬落去滑溜溜，油甘魚真係入口即溶，北寄貝又甜又彈牙，衛生紙都咁厚。墨魚嘅鮮味就囉嗦啦，嚟咁橫滑過去咸嘥水！赤蝦相信我，透明得嚟真係跟住彈出嚟咁新鮮，玉子燒出奇地軟滑，風味絕佳，就連平時唔太注目嘅鯛魚，今次都讓我記住佢，鮮甜嘅味道真係一絕。而池魚，簡直是整個海洋嘅味道呀！跟住，我地嘗咗雜錦天婦羅，講真，每件炸得啱啱好，外層金黃香脆，內裏嘅食材新鮮美味到暈。尤其係炸流心蛋，炸到外層香口，入面嘅蛋黃卻剛好流心，相信我，你會想為佢拍手叫好。天婦羅配上既清淡既沙律和麵豉湯，海鮮味同日式清新感覺嘅完美平衡。喺咁正宗嘅日式食物以外，仲有驚喜甜品 — 紫薯雪糕同柚子雪葩。紫薯雪糕口感綿滑，甜而不膩，柚子雪葩酸酸甜甜，清新提神。這次嘅日本美食之旅，有驚喜，有美味，真係食完都仲掛住，質素一流！下次再去，我一定重溫舊夢，不用再提食過啲咩，直接點過😋🍣👏🏼

琴日老公同我去廣華覆診，嘩！而家廣華醫院勁靚，靚過私家醫院呀！覆完診就去搵食，本來打算去食韓國菜，點知去到門口，又覺得佢流流哋，仲要入座後得40分鐘，野食都未揀到就夠鐘啦🫠，所以打算去打邊爐，又點知，經過間日本菜，見到鵝肝溫泉蛋飯，有3塊鵝肝，都只係$128，咁就比佢吸引左😍。入到去，店員首先提醒我哋，舖頭唔收現金，可能上次遊客事件😂。餐廳裝修感覺舒服，有吧檯或普通檯選擇。我哋叫咗2個set lunch，一個係豐洲壽司盛御膳壽司拼盤、一個係香煎鵝肝配泉蛋丼，再加$28要咗個茶碗蒸。豐洲壽司盛御膳壽司拼盤+稻亭素麵 $188壽司🍣上面嘅魚生每一件都好新鮮、好肥美，共有12件加一件玉子燒，我最鍾意就係海膽壽司同吞拿魚壽司。海膽壽司嘅味道好鮮甜、吞拿魚好香魚油味。咪有件玉子燒嘅，其實我係一個好唔鍾意食玉子燒嘅人，但我老公食咗半嚿，話好好食，同出面嗰啲唔同，我就即管試吓，又真係幾好食喎，唔係死實實咁，唔錯。而稻亭素麵，湯底清甜，麵質有口感。面鼓湯（跟餐）我本來係勁鍾意飲面鼓湯嘅人，但呢碗面鼓湯，唔知點解覺得怪怪哋，佢又甜又咸，可能係我唔識嘢，放棄咗😂。沙律菜（跟餐）沙律菜好新鮮，配上麻醬，好好

- 壽司盛御膳：魚生都幾新鮮，而且好大片重點係每舊壽司都得好細舊飯，所以唔會食到好滯個餐仲包一碗仔烏冬，個湯係鰹魚湯烏冬係幼細版，都幾滑 - 江戶前丼：啲飯嘅份量有啲少，不過魚生都幾多其實魚生款同壽司盛嘅款都差唔多🤣 2個餐都包埋沙律同埋麵豉湯作為一間連鎖店，坐都坐得幾舒服嘅😌大家lunch想坐得舒舒服服都可以嚟呢間Btw, openrice訂檯叫某啲食物可以有半價 菜式：- 壽司盛御膳：$108- 江戶前丼（雜錦海鮮丼）：$118 味道：🤤🤤🤤🤤/5性價比：🤤🤤🤤🤤/5

本身嗰個牛肉紙火鍋，點知落單話無貨。唯有轉食9件壽司午餐。食物立即上枱，但好似一早已經擺好，魚生表面已風乾。麵豉湯偏鹹，沙律新鮮但冇味道。食正黑芝麻醬都係無味，唔係好明白點解？ 🤔🤔唯一可以欣賞就係就壽司飯比較細，同埋喺紅醋飯，比較在香港少見。可惜呢個門面，加呢個價錢，冇理由件卷物可以散到咁。見到都覺得質素一般，有點失望。好在無叫$238的壽司午餐。不收現金💰，一入門口不斷提醒。過程中侍應亦都好快手，有禮貌。