影片
開飯介紹
由日本豐洲市場每日直送時令食材，製作價錢合理的壽司及和食，新鮮足料。餐廳牆身以不同的日本魚市場商標作裝飾，座位舒適，讓你和家人及朋友好好享用佳餚。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
相關文章
Happy Friday同朋友去咗尖沙咀嘅鮨樂食晚飯，環境帶有日式感覺，舒適又唔失氣派，適合同朋友輕鬆聚會，食材新鮮度高。🍴 原隻海膽海膽鮮香滑嫩，保留咗海水嘅自然味道，口感細膩，加埋三文魚子一齊食，好滿足。🦪 岩蠔岩蠔肥美軟滑，無腥味，入口即化，質素出色！🍣 原條伊佐木刺身伊佐木刺身切得厚實，魚肉鮮甜帶油脂，口感彈牙🦀 北海道毛蟹毛蟹肉質鮮嫩，蒸得入味，蟹膏濃郁，啖啖肉嘅享受🤤🍲 清酒煮日本大蜆大蜆煮得開殼，湯底清酒香氣突出，蜆肉鮮甜👍🏻鮨樂嘅海鮮食材新鮮，環境舒適，係尖沙咀搵日式料理嘅一個唔錯選擇，期待下次再嚟！
繼續閱讀
鮨樂係間我幾鍾意嘅日本料理店，佢哋嘅食材大多都係由日本豐州市場直送，空運直接到港最新鮮，海膽、生蠔、刺身都有，最近仲有優惠，北海道原隻海膽做緊7折優惠；購買720ml原枝清酒，即可以6折價錢食岩手縣生蠔▪️北海道原隻紫海膽好少係香港食到咁樣原隻海膽，海膽好肥美，口感creamy又鮮甜，配搭大大粒鮮甜魚籽，鮮味再升級！▪️岩蠔蠔身飽滿，質感爽口，蠔味好重，加上柚子醋啫喱食，入口感覺清新，鮮甜美味▪️原條伊佐木刺身份量超級之多，師傅將成條魚嘅肉起晒出嚟，仲排列得好有心機，肉質柔軟，肥美甘香，配搭柚子汁，食落味道更清新▪️北海道毛蟹懶人必食！成隻蟹嘅蟹膏同蟹肉都起晒出嚟，超級方便，份量超級多，成個蟹殼都充滿着蟹肉！蟹膏都有好多，味道非常濃郁，啖啖滋味！▪️清酒煮日本大蜆蜆肉超巨大，肥美又鮮甜，洗得好乾淨，完全冇沙，浸係清酒昆布湯度煮，食完蜆再飲幾啖湯夠哂暖胃
繼續閱讀
今次去咗尖沙咀嘅「鮨樂」試吓佢哋嘅招牌菜，真係有驚喜！ **雜錦刺身飯** 超足料，三文魚、油甘魚、帶子全部厚切，魚油香濃，醋飯微酸開胃，食落啖啖都係鮮味！ **吞拿魚壽司拼盤** 師傅手勢一流，赤身、中腹、大腹三種部位，中腹油脂啱啱好，大腹入口即溶，加少少山葵更加提鮮，正！ **串燒拼盤** 燒得剛剛好，雞肉嫩滑多汁，豚肉蘆筍卷爽口，燒鰻魚外脆內軟，醬汁甜鹹適中，送酒一流！ **炸軟殼蟹** 係全晚最驚喜！外皮脆卜卜但一啲都唔油，蟹肉鮮甜爆棚，點蛋黃醬更加惹味，連蟹腳都炸到香脆，好想再encore！ 整體嚟講，食材新鮮、價錢合理，服務又細心，係尖沙咀食日本菜嘅好選擇，鍾意刺身同串燒嘅朋友一定要試吓！
繼續閱讀
4月1日晚上到尖沙咀鮨樂晚膳'，坐在吧枱，對面有一對夫婦（應该是熟客）。因為招呼相對地殷勤。他們叫了兩客海膽脆脆。老婆見分量很足。亦叫了兩客。來到時，很不高興的事情發生，我們的海膽份量只是那些所谓熟客的一半。我立時問经理，是否熟客的份量是加錢加底。我亦有錢，我們出來消费是花開心錢。他说對不起。如果不要可退。老婆吃了，我未吃。便退一件。這間鮨樂。。。不去也罷。
繼續閱讀
我之前有食呢間既其他分店水平我覺得幾好。今日突然間好想食銀雪魚就黎左呢間食啦。個銀雪魚皮唔脆都算啦，個飯有洗潔精味；跟著我就同waiter講啦～佢地都好快幫我換左樣鵝肝飯。鵝肝飯上到黎，個鵝肝無味我要點醬油，個飯甜過食甜品，好似車咗幾匙羹糖落去～跟住冇聽錯，佢就話送咗杯咖啡俾我，但係後尾我發覺我俾埋錢～我食咗兩啖就去咗埋單，可能係我錯覺啦，我覺得waiter俾我個感覺，我係喺度搵緊佢地麻煩。成個體驗真係好差，第一次寫評論，大家斟酌住去食啦。
繼續閱讀