影片
港鐵銅鑼灣站 F1 出口, 步行約3分鐘
繼續閱讀
電話號碼
31877389
67984438 (WhatsApp)
開飯介紹
主打高水準的廚師發辦和壽司定食，結合嚴選食材與超過25年經驗的主廚精湛技藝，為顧客呈現充滿驚喜的佳餚。加上席前吧台座位，食客可以近距離欣賞師傅展現利落刀工及製作壽司的精湛手藝。
繼續閱讀
營業時間
今日營業
12:00 - 14:30
18:00 - 22:30
星期一至日
12:00 - 14:30
18:00 - 22:30
以上資料只供參考, 請與餐廳確認詳情
有關獎賞計劃
因為Man C Fu回歸銅鑼灣 我又有好野食啦上個月同另一半黎過食生日飯 呢次到我同朋友食生日飯食完大家都係開心滿意咁笑住走餐廳喺銅鑼灣嘅渣甸街 地鐵出閘之後行唔使十分鐘就到睇餐牌佢嘅午餐最平二百幾蚊已經有交易點師傅發板嘅壽司omakase最平都只係348蚊今次點咗佢588蚊一位嘅12件壽司餐前菜係茶碗蒸跟住開始入直路到壽司佢用料好新鮮 感覺師傅既技術又更上一層樓壽司中好鍾意碎嘅甜蝦加上紫蘇花佢個帆立貝壽司亦都好新鮮燒過既鰈魚邊又香又軟個沙甸魚磯邊卷食落係滿滿幸福感好多人食壽司要有既海膽同拖羅都同樣食到（個人認為整得好食比食貴食材緊要）海膽鋪到滿滿一件中拖羅入口即溶蛇腹拖羅滿口油花 （師傅話緣份到就會有）仲食到鎮店打卡孖寶あん肝造型最中餅碎吞拿魚金箔手卷係幾浮誇但係又係好打卡同埋個形象夠晒鮮明最後仲有甜蛋，湯，咖啡或甜品食完飽到不行食餐晏588+10%唔係平但其實食おまかせ呢個價錢都真係好抵食做野辛苦要獎下自己 呢間既出品都真係好高CP值下個月番香港會再黎食
繼續閱讀
644 瀏覽
龍年忙於為東京之旅規劃行程，心血來潮想食壽司，好即興咁就上網訂咗間新開嘅「鮨月」。壽司屋佔用面積全層，簡樸大方，光猛企理。用餐大堂一邊為壽司吧，共約十六個吧位，靠窗一排卡位，露台仲有幾張散枱，不過XO仔掛住玩酒酒，唔記得咗影環境相（酒相中個背景係室外座）。午市套餐共有十一款可選，話哂今年第一次食魚生，所以決定食豪啲，點咗包羅萬有嘅「板前廚師發辦」（$1,180/位）！師傅真係細心，為怕大家空肚飲酒，專登整咗啲巧薄香脆嘅鱈魚乾俾大家送酒。廚師發辦午餐正式由前菜拼盤揭序，當中小屋仔入面嘅白醬菠菜同紫鉢中嘅醬油漬茄子清爽惹味，右邊嘅魚肝豆腐好絲嫩。以靚靚蟹碟上嘅北海道香箱蟹賣相實在吸睛！蟹蟹已預先拆好，分成色澤分明嘅蟹籽、蟹膏同蟹肉，份量絕對足！雪白嘅蟹肉清甜幼嫩，中間橙黃色嘅蟹膏厚實鮮香，啡啡嘅蟹籽則幼小帶脆，唧入滴管中嘅蟹醋再撈勻哂黎食，口感豐富得黎十分清新。原隻北海道生蠔拼鱈魚白子可以話係兩種不一樣嘅肥嘟嘟同滑捋捋嘅組合。前者厚潤鮮爽，後者則柔軟滑溜，一濃一清，簡單以酸汁及碎蔥蘿蔔蓉點綴，實有提鮮及消滯之效，極品也！極富立體感嘅花花碟上有兩片被煙燻過嘅平政魚，建議點用另上嘅鹽粉或山葵豉油。個人覺得平政魚肉偏咗少少乾，唔夠魚油，所以點豉油好似適合啲，夾埋塊紫蘇葉黎食即倍添芬芳。用紫菜包住嘅帆立貝肉厚甜潤。小盅內橙亮鮮美嘅北海道海膽砌到成座小山丘咁高，睇頭十足！軟嫩甜美嘅海膽有青瓜絲墊底，清脆健美，唔夠味仲可以加塊紫菜捲住。轉入壽司環節時竟然有特別嘉賓登場，幻彩小熊仲要一家五口出齊，可愛得好震撼！熊仔最中餅鬆化薄身。暗藏背面嘅鮟鱇魚肝壽司香濃甜美，同塊熊仔餅一齊食口感好有層次。銀光閃閃嘅針魚壽司鮮爽潤澤。輕輕燒過嘅喜之次壽司油滑細膩，鮮甜無比。成張被咁嘅赤身壽司脂肪唔多，食落軟腍得黎魚味濃郁。粉嫩潤澤嘅中拖羅壽司半溶喺口，鮮香肥美。網燒中拖羅壽司厚潤嫩滑，鮮味濃郁，唔洗用力咬已化於舌上，！金箔碎蔥拖羅手卷集爽脆鮮嫩香甜於一身，陣店招牌名物果然閃得有道理！成餐飯比較失色嘅就係廚房入面燒嗰件銀鱈魚，魚魚厚身得黎啲肉偏實，感覺好似啲油份流失哂咁！食完咁多飯後，一碗鯛魚濃湯尤其暖胃。結尾嘅士多啤梨清香爽甜，綠茶蕨餅亦Q彈香潤，芬香輕盈。銅鑼灣樓上壽司店「鮨月」環境優雅闊落，服務生及師傅們均好客周到，廚師發辦料理用材高質，刺身壽司均可口美味。
繼續閱讀
好耐都冇寫食評喇！前幾日同好朋友慶祝生日，終於有機會試吓銅鑼灣一間隱世日本餐廳嘅omakase，真係驚喜連連！因為工作關係，好耐冇出銅鑼灣，原來銅鑼灣有間咁高質嘅日本餐廳 !!!一坐低，侍應先送上配酒前菜小食, 應該係用魚肉魚漿壓成薄薄一片焗成嘅薄脆，入口勁香脆，海鮮同魚肉香氣四溢，點啲沙律醬，鮮味更突出，配香檳及白酒簡直絕配, 超夾，開胃到不得了！ 來自北海道嘅白粟米，生食好清甜爽脆及多汁，帶天然玉米香，完全無渣，好像吃水果一樣，鮮味突出，咬落去有微微奶香。配埋磯燒大花螺，螺肉彈牙，帶淡淡鹹香，肉質厚實，鮮味濃郁，已經打開味蕾。 而緊接係小帶子配三文魚子海帶，帶子鮮甜彈牙，三文魚子鹹香爆汁，海帶爽口清新，層次豐富。 超大隻日本生蠔：蠔身肥美，入口爽脆，蠔味濃郁但無腥味，帶少少奶香，鮮味持久。 加入日式醬汁，實在回味無窮！再嚟係松葉蟹肉蟹膏冷盤，蟹肉絲絲分明，鮮甜細膩，蟹膏甘香濃厚，配點蟹醋，令味道更清新。 鰹魚刺身厚切， 魚肉切得夠厚，外皮微焦，魚味濃郁，鮮度十足，入口滑溜，帶少少煙熏香，爽!!汁煮大鮑魚厚切真係不得了，鮑魚煮得非常軟熟又入味，鮑魚汁係用鮑魚肝臟熬製出來的，鮮味極致，鮮味提升咗幾個層次，回味無窮。北海道帶子壽司, 巨型帶子大過手掌，片成薄片，入口滑嫩又爽脆，甜美無比，帶有淡淡奶香，口感一流。沢蟹（炸小蟹）炸得酥脆，連殼都食得，香口又唔油膩，鹹香味濃。三文魚筋位炭燒後出奇鬆軟，魚油香氣撲鼻，入口即溶。炭燒後外層微脆，內裡鬆軟多汁，油脂分布平均，吃一口你就會知道什麼是齒頰留香！大拖羅壽司，入口即化，油脂豐盈，魚肉入口即溶，甘香濃郁，餘韻悠長，真係壽司之王。瀨尿蝦壽司鮮甜彈牙，非常矜貴，肉質細嫩，鮮味濃郁，帶有海水鹹香，口感特別。北海道余市海膽壽司，入口即溶，海膽甘甜濃厚，入口即化，帶有淡淡海水濃香，回甘特別明顯，滿口幸福感！北寄貝壽司爽脆鮮甜，貝肉彈牙，鮮味突出，咬落去鮮甜味爆滿。牡丹蝦壽司非常出色，牡丹蝦鮮甜到爆，蝦肉爽彈，帶有靚蝦應有的鮮甜味，真係一試難忘。蝦肉晶瑩剔透，超級鮮甜，蝦膏黏稠帶香，層次感非常強烈。最後，師傅更親自為我哋加添炮製了日本斧飯（乳鴿煲仔飯）：乳鴿皮脆肉嫩，肉汁滲入米飯，配搭多種菇類，飯粒吸盡精華，層次豐富，香氣四溢。師父先用慢火煎香新鮮乳鴿再放入煲內，米飯吸盡鴿肉香及雜菇香，每一啖都令人回味。 整體而言，呢間餐廳無論食材、刀工、火候、環境，都係超級一流，師傅手藝真係冇得頂，係喺香港難得一遇嘅omakase體驗，絕對絕對值得推介！希望大家都可以去試下，喺香港乜嘢叫做一餐大滿足！！特別多謝擁有超級廚藝的文師傅及其他師傅的熱情獻藝！！鮨月Sushi tsuki 銅鑼灣渣甸街66號 AURA 亨環6樓☎️+852 6798 4438https://www.facebook.com/share/1C5HrYWDWW/
繼續閱讀
家姐不嬲喺omakase愛好者 今次帶細妹嚟見識見識😎估唔到呢間餐廳位於銅鑼灣地段 都可以有最平$400有找嘅廚師發辦lunch set！餐廳主打和式風格，環境相當舒適Bar枱大約有8-15個座位，可以近距離睇師傅表演🤣主廚仲要有超過25年經驗🍣手藝同食材都相當高質！我哋今次試嘅壽司12貫定食($568)，都有得食大中腹同海膽，真喺超抵！⭐️前菜—鱈魚乾 × 小銀魚茶碗蒸本身以為會係普普通通嘅蒸蛋⋯但打開蓋當刻已經覺得好香！！嫩滑蒸蛋加入高湯一同烹調，味道更濃郁！小銀魚仔嘅鮮甜滲透蛋香，整體相當開胃😋鱈魚乾更加喺送酒no.1之選，見隔離枱客人都對佢讚不絕口⭐️壽司漸進式🍣同一貫omakase做法一樣前段主打簡單醬油調味，主要食壽司本身嘅鮮味後段就係師傅特製嘅食法，例如加上柚子皮、辣醬或魚子醬為壽司嘅味道加添層次，口感更加豐富特別impress佢加辣醬，出奇地夾之餘仲好惹味！！另外師傅送咗好特別嘅鰻魚骨乾作為小食我哋兩個都係第一次食🫣食落都幾香口～⭐️細妹のMVP—雙層海膽軍艦呢件相當有驚喜！見住師父拎咗兩款海膽出嚟搭完一層又一層海膽本人仲高過個軍艦，喺落重本😍😍一啖放入口，海膽嘅濃郁鮮味喺個口渡爆開嘩食到我哋唔捨得飲茶 所以細妹要揀佢做MVP！🩷⭐️家姐のMVP—中拖羅 家姐選擇嘅MVP，佢形容喺佢食過好食嘅拖羅🤩魚味同油香完美balance滿滿嘅幸福感湧出嚟，家姐超鍾意💜⭐️鮟鱇魚肝配最中餅特別介紹下熊仔最中餅，🐻熊仔造型特別可愛外脆內軟，再另外搭配經鮟鱇魚肝壽司兩樣一齊食味道意外地夾！家姐評分💜：9/10細妹評分🩷：7/10綜合評分：8/10評語：雖然係12貫，但食到超級飽🤣 而且食材新鮮，師傅用心製作同介紹，整體嚟講好抵食🤍
繼續閱讀
早前朋友介紹了這家新開的日料餐廳，據說老闆亦是一位高階美食家和日料愛好者，因而對餐廳的出品要求極高。餐廳位於銅鑼灣核心位置，但勝在鬧中取靜，仲有好大一個露台可以一邊吹晚風一邊嘆美食。當晚的廚師發辦餐單十分驚艷，每一道食物送到面前都好似一件藝術品，美到有些不忍心吃掉。不僅食材新鮮，而且餐具精緻，食物配伍也十分考究，從各種細節中足見店家的用心👍非常美好和值得回味的一餐😋期待下次同朋友再來嘗試其他菜式！
繼續閱讀