19
1
2
港鐵上環站 A2 出口, 步行約1分鐘
繼續閱讀
電話號碼
91753990
營業時間
今日營業
12:00 - 15:00
18:30 - 23:00
星期一至二
12:00 - 15:00
18:30 - 23:00
星期三
全日休息
星期四至日
12:00 - 15:00
18:30 - 23:00
以上資料只供參考, 請與餐廳確認詳情
😱 近期工作瞎忙, 返 6am 放零晨12am, 第二日又返 6am, 仲有一晚 2am 離開公司, 6am 返到公司, 剩抵半條人命, 與老友 “意大利長介” 約定嘅 “廚師發板” 由復活節改到中秋節, 又由中秋節改到聖誕節.🥰 忙完, 就緊係病, 同埋還飯債, 今日帶病上陣, “長介” 選址 “鮨定山”.🥢 餐廳位於上環商廈一樓, 主館設一張正L型十人壽司吧枱, 裝修格調和諧舒適, 另設一間細房. 晚餐一款 $1,788+10%, 包括 6款刺身, 11貫壽司, 卷物, 湯, 甜品. 另加清酒 $680+10%. 今晚 Bxx 師傅一打四.🐟 刺身秋刀魚海鰻魚香箱蟹鮟鱇魚肝生蠔剝皮魚剝皮魚肝🍣 壽司石鯛金目鯛赤貝中拖羅車海老鰤魚海膽O-toro喜之次鯖魚太卷玉子燒🦀 大閘蟹焗飯🐟 魚湯☕️ 咖啡🍪 鱈魚乾. 佐酒小食, 夠乾夠脆, 配屈機醬, 食唒!🐟 秋刀魚. 非常肥味, 魚味濃郁, 以細切蔥粒調味, 絕配秋刀魚, 又冇薑蓉版本咁搶味, 有今生冇來世, 出色!🐟 海鰻魚. 魚皮燒脆, 肉質唔夠爽彈, “長介” 解釋: 海鰻係咁㗎喎! 🦀 香箱蟹. 賣相攪笑, 蟹肉蟹籽冇乜味, 要撈埋蟹膏一齊食, 調味偏弱, 相對失色.📖 翻查資料: 香箱蟹即係松葉蟹乸, 主要食內子同埋外子, 內子即係蟹膏, 外子即係蟹籽. 傳統懷石料理中, 師傅先取下內子外子, 再連同蟹腳蟹身嘅肉一併釀回蟹殻供客人享用. 由於貌似寶石箱, 取名香箱蟹.🤗 鮟鱇魚肝. 忌廉口感, 味道濃郁, 配酸醋啫喱, 冇咁腬, 結合芥茉, 加咗層次同埋複雜性, 驚喜之一.🦪 生蠔. 中度蠔味, 冇乜海水金屬味, 唔係大隻, 但夠厚肉, 一咬落去, 嘩! 非常清爽, 口感細緻, 十個讚!🐟 剝皮魚剝皮魚肝. 據師傅介紹, 剝皮魚即係沙鯭, 本身冇乜味. 剝皮魚滑捋捋, 黐唒魚肝, 味道豐郁, 一流.🍣 石鯛. 少少膠口, 煙煙韌韌.🍣 金目鯛. 油香油脂非常豐富, 咀嚼時慢慢滲出, 十分精采.🐚 赤貝. 大隻厚肉, 口感澎湃, 一陣海水鮮味, 不俗.🍣 中拖羅. 柔潤肥美, 醬油甘香, 魚味濃郁, 我鍾意!🦐 車海老. 半生熟, 火候啱啱好, 表面係生蝦滑捋捋嘅口感, 咬落爽身彈牙, 一啖入口, 非常澎湃, 蝦味湧出, 贏晒!🍣 鰤魚. 微微炭燒, 香味撲鼻, 油脂滿溢, 入口略帶酸味, 有趣喎! 係我食過最好食嘅鰤魚版本. 師傅介紹: 食鰤魚就係要食呢種酸味.🐚 海膽, 北海道黃馬冀. 份量慷慨, 忌廉口感, 冇怪味, 哈.🍣 O-toro. 野生拖羅, 熟成處理. 出奇地, 雖然脂肪多, 魚味唔弱, 又唔肥膩, 十個讚!🐟 喜之次. 師傅話喜之次冇乜魚味, 主要食油脂. 係喎, 經過炭燒, 魚油豐富, 肉質嫩滑, 真係一件夠了, 多件搞唔掂.🍣 鯖魚. 超級厚肉, 魚多過飯, 唔玩醋漬, 玩炙燒, 逼出油香, 魚味突出, 原來鯖魚可以咁肥美.🦀 大閘蟹焗飯. 大閘蟹季節, 以公蟹膏肉焗飯, 誠意之作. 一路食一路懷念 “成隆行” 嘅 “禿黃油撈飯”, 鮨定山嘅大閘蟹焗飯調味簡單, 有飯香冇膏香, 比下去了.🍙 太卷. 鮨定山招牌太卷, 材料多樣豐富, 京蔥味道跑出. 🍮 玉子燒. 口感軟綿, 正常發揮.🐟 魚湯. 遠距離已經聞到魚湯味, 少少渴身, 呈奶白色, 熱辣辣, 飲落超強魚味, 掂!☕️ 咖啡. 完美的結束!🤗 總結: 今晚兩枱客, 服務貼心到位, 感受到誠意同埋溫度. 魚料食材新鮮高質, 調味烹功一流, 某幾道菜唔識欣賞, 但多款驚喜菜式, 包括 鮟鱇魚肝, 剝皮魚, 中拖羅, 車海老, 鰤魚, O-toro, 鯖魚. 上菜節奏舒適, 師傅有問必答, 用餐體驗愉快.
繼續閱讀
假期上環餐廳好少開，所以比較少去上環食，但今次係朋友介紹話一定要試下呢間omakase!!!環境寧靜舒適，一間房serve兩組客人，店員亦好主動叫我放隨身紙袋及遮交俾佢放好。$788+10% 十款壽司同甜品，相對午餐omakase都算ok，當然其他餐廳有平啲啦。壽司裡面，好鐘意有款太卷，入面有瀨尿蝦、蝦、魚生、蛋等等，望住師傅卷起咁多材料都咁輕鬆，好似睇表演咁。👏👏👏其他魚生壽司，味道濃郁。反而前菜嘅八爪魚片，經過醃製過，食落去有啲似鮑魚。另外配菜任添嘅竟然唔係生薑，而係酸蘿蔔淮山等等，好有清喉嚨嘅作用😋😋😋甜品一定要食，絕配嘅綠茶同紅豆仲要加埋糯米糍，味道一流。
繼續閱讀
在上環一間不太顯眼的Omakase常常行過，所以跟朋友試試$788 +10% 午餐性價比算是高的亦非常之豐富，壽司算是新鮮，但壽司的飯有待改善飯有些太濕潤，其中一件壽司的飯我吃到了中間硬了一塊🥲原本整體還是可以的直到甜品環節🥹原本我選擇了開心果雪糕但因為同時間還在上壽司發覺真的太飽了所以過了兩三分鐘，我問到其中一位侍應*不好意思，我真的有點飽了可以跟我朋友一樣不要雪糕要咖啡嗎？*她當時也答應我可以的但後來有另一位侍應上了雪糕給我然後我們也說，剛才是不是說可以轉咖啡嗎？她的語氣非常差說*我整左啦，一系你下次早啲講*😅我還是要了雪糕的最後，因我只是問一下也不想麻煩人，但不需態度這麼差吧本來整體還可以，也打算帶其他朋友來的，但不會了🥹
繼續閱讀
公司午市時間，請同事一齊食廚師發辦，先有機會享受到一餐性價比高嘅午餐。地點喺上環地鐵站附近，大約$600多左右，就食到有10幾件壽司，加埋甜品嘅廚師發辦，都算係一個好抵食環境方面，分為兩間房，我嗰間房得五個人，所有嘢都做得好足，真係有少少賓至如歸嘅感覺講返食物，食材都好新鮮，拖羅脂肪飽滿，如果多啲貝殼類嘅食材更加鍾意，最後與好好味嘅自家製甜品作為最後一道茶式，食完之後，好想帶屋企人嚟食呀，可惜真係返工時間先有依個價錢咋。
繼續閱讀
Sushi Sadayama 🍣.🍣 Lunch omakase HKD 588.1. 深海池魚 2. 千葉縣平目魚 （燒魚邊）3. 醬油漬帆立貝4. 獅魚💜5. 牡丹蝦 （with 燒蝦頭膏 inside)6. 醬油漬吞拿魚赤身 💜💜 7. 秋刀魚 💜8. 中拖羅9. 鯖魚（微燒）💜 10. 喜之次 （微燒）11. Sushi roll.🥢日式蜆肉蒸蛋 (had a piece of mochi at the centre😂)🥢燒玉子 (had a sponge cake like texture🥰)🥢海鮮麵豉湯🍧 香芋/培茶雪糕.Genuinely enjoyed watching how each and every piece of sushi was prepared with great skill and care🥰 Food was great though I must mention a rather funny encounter I had at the restaurant. They presented me with this beautiful plate that says happy birthday, and after a short while, the staff asked me to switch off the fairy lights because the battery would use up very quickly😂 Then she came with the bill while I was opening my birthday gift 😂😂 She was actually quite nice, so I don’t think she had any bad intentions, it was just kind of awkward😂
繼續閱讀
您可能會有興趣的...