影片
港鐵上環站 A2 出口, 步行約1分鐘
繼續閱讀
電話號碼
91753990
營業時間
今日營業
12:00 - 15:00
18:30 - 23:00
星期一至二
12:00 - 15:00
18:30 - 23:00
星期三
全日休息
星期四至日
12:00 - 15:00
18:30 - 23:00
以上資料只供參考, 請與餐廳確認詳情
提早同老公慶祝紀念日, 去左上環食日本菜, 一早訂左位準時晚上7點開門入座, 場內只有大約10個位左右, 同場已經有一半以上坐滿餐廳只有一個餐單, 所以唔洗煩揀邊款, 見到師傅準備緊食材, 店員都問我地想要凍茶定熱茶, 非常窩心, 等候既時候店員送上小食鱈魚片, 炸得幾脆口, 啱啱好開左個胃之後就係前菜六品, 順序既第一道淺漬蝦姑即係有膏瀨尿蝦, 醬油醃到個半熟瀨尿蝦幾入味, 食落帶微爽口感, 蝦膏濃郁飽滿, 好有心思同超鍾意!紫菜包中拖羅配紫蘇葉, 拖羅油香幾突出, 紫菜非常脆口, 配埋紫蘇香氣加拖羅入口即溶既口感, 邪惡之極北海道毛蟹拆左肉再半左蟹膏, 食落鮮甜啲, 蟹味濃郁, 蟹肉依然帶有爽既口感太刀魚配炸無花果, 魚肉輕煎過, 入口滑嫩且燒得幾香, 配生洋蔥汁一齊食非常夾, 無花果外層炸得酥薄, 果肉帶啖啖甜香, 食完全重蔥味既汁再食返啖無花果清一清味蕾強烈味道, 剛柔並重秋刀魚刺身既魚油味道好突出, 而且超級鮮甜, 爽滑質感配左薑蔥一齊食, 同本身魚油香好夾, 食完依然徘徊係口腔之中兵庫縣真蠔幾鮮甜, 蠔味適中 , 細心切半, 底層放左水髮菜, 食落爽口得黎帶酸酸地, 開胃解膩食完六道前菜, 就到壽司10品啦石垣鯛食落質感有咬勁且帶爽富山特產白蝦, 蝦肉入口軟嫩甜滑醬油漬赤身係紅肉部分, 醬油漬調味較得非常好, 完全無平時食到既血腥味春魚食落煙薰香, 輕燒過而且質感好軟淋地蛤 蜆既第一口有陣清新, 鮮甜得黎帶粘口, 係絕不抗拒既味道大拖羅係必食item, 油脂同魚味溶合一起咁放入口中, 豐富十足海膽極之鮮甜, 入口回甘赤睦魚輕輕火炙過, 油脂味好突出醋鯖魚卷製成半熟, 魚肉帶啲實, 醋味比較強, 入口幾開胃太卷係咁多款之中最精彩, 當中有山藥, 花竹蝦, 青瓜, 蛋, 呑拿魚蓉等食材, 味道清新帶甜味, 口感相當豐富食完壽司已經飽了, 最後送上鯛魚湯, 極之奶白濃厚味道, 忍唔住成碗飲哂暖返個胃最後甜品有雪糕或咖啡選擇, 分別叫左提子冧酒雪糕同焙茶雪糕, 當中有紅豆蓉、抹茶嶡餅同密瓜, 超完美既終結! 價錢合理, 性價比同食既感受非常值得, 可以慢慢咁品嚐師傅每道精心而製既前菜同壽司, 環境舒適, 店員亦有效率不斷加茶同開始食之前都會細心問每位客人有無啲咩唔食, 非常周到!
繼續閱讀
🌟今次嚟到上環食Omakase，揀咗鮨定山。地點超方便🚇，地鐵站出口過條馬路就到。入到去已經感受到貼心服務，幫你收袋、推座位，細節位做到足👏。餐廳環境簡潔舒適，吧枱位只有10個，師傅可以逐一照顧每位客人，氛圍一流✨。午市Omakase只需要$588，算係相當親民價。🐡 雞泡魚乾餐前小食已經有驚喜，比一般食過嘅更香更脆，嚼勁十足。🥚 日式蒸蛋入口超滑，淡淡蛋香自然流露，好清新。🐟 一夜干馬友魚配洋蔥汁魚肉嫩滑，魚皮香脆到似薯片般🥔，火炙香氣加埋酸酸洋蔥汁，味道層次豐富。🦪 兵庫室津蠔及沖繩水雲蠔鮮爽肥美，配柑橘酸汁同水雲，整體口感清新解膩。🍴 昆布漬石鯛淡雅昆布香味，帶出石鯛嘅鮮甜本味。🦑 魷魚帶點黏口，卻意外甘甜，咬落有驚喜。🍤 車海老肉質爽實彈牙，淡淡蝦香好鮮明。🔥 鰆魚魚味濃郁，好有深度。🐚 赤貝超爽脆，鮮味爆發。🐟 拖羅油香同吞拿魚味完美融合。🐟 鯖魚完全無腥味👍，油脂豐富，用紫蘇葉中和，更加突出鮮味。🌊 紫海膽甘甜濃郁，份量慷慨，一口大滿足。🌯 太卷用上兩款蝦同多種配料，口感層次豐富。🍲 蝦味噌湯明顯飲得出用咗大量蝦熬製，鮮香濃郁。🍵 焙茶雪糕大福焙茶雪糕甜度適中，大福煙煙韌韌，配埋抹茶蕨餅同紅豆，日式茶點感覺滿分，作為結尾非常有儀式感。鮨定山位於上環核心地段，交通超方便。以$588就食到咁高水準廚師發辦，性價比極高💎。食材新鮮高質，師傅亦非常熱情，逐一介紹每道料理。相比起坊間其他同價位嘅廚師發辦，呢度質素同服務真係喜出望外！👍
繼續閱讀
發現到鮨定山有個超抵食$ 588 15品lunch omakase😂即刻趁住放假同爸爸黎chill下我地被分配左入四人廂房初時得我同爸爸兩個感覺超有privacy 👍食壽司前就食住前菜先鱈魚乾香香脆脆幾鮮味一夜干馬友魚魚皮燒得香脆魚肉結實味香入骨面上仲有洋蔥汁用微辛提鮮蟹肉茶碗蒸滑到好似布甸咁加左蟹肉更添海鮮鮮味兵庫縣室津蠔一眼望落去以為細細隻原來係XL size 剪開一半可以食得更elegant室津蠔爆汁肥美鮮甜到好似啜左一啖海風配上酸酸滑滑沖繩水雲感覺開胃！壽司鹿兒島石鯛 — 魚肉爽口，淡淡甜味好清新車海老 — 蝦肉彈牙鮮甜四國淡路島炙燒鰆魚 — 師傅用炭火燒到香氣四散，入口煙韌帶焦香❤️❤️❤️醬油漬赤身 — 醬香滲入魚肉，鮮味🆙🆙大分縣赤貝 — 爽脆多汁，齒頰留香中拖羅用 —比大拖更得我心，油膩感中上，但魚味keep到，好好味！北海道馬糞海膽 — 甜到心都溶埋，creamy到不得了😍鯖魚卷 — 炙燒過嘅鯖魚油香滿溢，配醋飯簡直係天作之合太卷 — 入面爆晒料：青蔥、穴子、蝦蛄、干瓢、玉子、小肌魚、芝海老、長芋…每啖都有唔同口感同驚喜！食完壽司飲返個熱辣辣嘅赤麵豉湯特別濃郁惹味最後食埋焙茶味雪糕完結今次嘅lunch omakase鮨定山呢個午市Omakase價錢親民魚料全部超新鮮炭燒鰆魚同中拖羅真係回味無窮我同爸爸都超滿意想少少錢可以食到高質鮨呢度必試！
繼續閱讀
🥨餐前小食 鱈魚乾🍳蟹肉茶碗蒸茶碗蒸好滑😋👍🏻🐠台灣馬友魚一夜干魚煎得好香，魚皮超脆，魚肉就好嫩滑🤤🦪兵庫縣真蠔真蠔加上柚子醬汁好清甜，好開胃🤤壽司🍣之後就開始食壽司喇🤤 總共有八件壽司同兩件太卷，每件都超好食🤤💖鹿兒島石鯛呢個用昆布漬嘅石鯛鹹香十足，油脂豐富🤤💖沖繩赤蝦赤蝦好大隻好彈牙😋💖宮崎鯖魚鯖魚油脂豐富，好香🤤💖醬油加拿大鮪魚天身💖長崎縣赤貝💖加拿大中拖羅師傅話夏季嘅日本拖羅冇咁靚，所以就入咗加拿大嘅拖羅😋 拖羅超厚身，好好味🤤💖馬糞雲丹師傅將馬糞海膽疊成三層高，超級唔吝嗇🤤 海膽係俄羅斯產、日本加工，入口好creamy好似食緊雪糕咁🤤💖愛川縣黑鯥💖太卷太卷入面有芝海老、蝦蛄、干飄、長芋漬、千本漬、淺月蔥、胡瓜、玉子、鮪魚碎😚有爽口嘅亦有香嫩嘅食材，一啖食晒勁豐富🤤 🍲 麵豉湯🍦焙茶雪糕甜品可以揀唔同味嘅雪糕或者咖啡，我揀嘅焙茶雪糕有一層糯米皮包住，另外仲有抹茶蕨餅同紅豆🫘 甜蜜煙韌☺️
繼續閱讀
今餐體驗好好 ，已book位返頭再食Lunch Omakase😋位於上環站約1分鐘路程，石木系裝潢+柔和白燈光，開放式壽司吧枱，環境舒服；食材全部新鮮時令，開席前侍應貼心地再次確認有無任何食物敏感。Ben師傅專業友善，壽司捏得啱啱好👍🏻如有約會/慶祝特別紀念日，呢間夠晒穩陣🥂⭐️餐前小食 鱈魚乾🩶つまみ［6品］｜赤蝦（沖繩縣/爽彈）+ 金目鯛（靜岡縣/ 魚味濃）｜北海道毛蟹（肥美）｜太刀魚 + 天婦羅無花果（配洋蒽 蘿蔔苗)｜鮟鱇魚肝（似食緊軟綿綿嘅慕斯蛋糕，配醬油啫喱解膩）｜兵庫縣真蠔（口感脆口🦪配沖繩水雲酸酸地非常開胃，食刺身同海鮮之前食一杯就最啱）｜秋刀魚 又到早秋又到咗秋刀魚好季節，Q彈軟糯，好似食緊棉花糖咁柔軟🩶壽司［9貫］｜魷魚｜深海池魚｜富山縣白蝦｜醬油漬赤身（入口軟綿綿，鹹味可以）｜小肌(油脂🤤）｜北寄貝（北海道噴火灣/厚肉爽甜）｜紫海膽（疊成三層高，豪快🎉入口好creamy似食緊雪糕，味道甘甜）｜中拖羅（油份高，入口溶化）｜赤鯥 （長崎縣/ 魚皮輕輕火炙過，迫咗啲油份出嚟更香口）🩶卷物｜壓軸出場🔥有車海老、蝦蛄(瀨尿蝦)、玉子、青瓜、蘿白、山藥等，靚！啖啖爽口）🩶是日甘味可自選曲奇/焙茶雪糕，配抹茶蕨餅同薄脆香口嘅最中餅
繼續閱讀
您可能會有興趣的...