9
1
1
港鐵中環站 D1 出口, 步行約6分鐘 繼續閱讀
所有分店 (2)
電話號碼
28150455
開飯介紹
日本高級壽司店由來自北海道札幌壽司善的佐瀨聡主理,菜式以海產及手釣魚類為主,壽司吧枱後的木箱為擺放大冰塊的天然冰櫃,把魚冰鮮保持鮮味。另外VIP房亦設壽司吧座位,設最低消費。 繼續閱讀
營業時間
今日營業
12:00 - 14:30
18:00 - 23:00
星期一至日
12:00 - 14:30
18:00 - 23:00
付款方式
Visa Master AE 現金 銀聯
座位數目
36
其他資料
酒精飲品
VIP房
電話訂座
加一服務費
食評 (11)
等級4 2019-01-25
1362 瀏覽
今日同女友慶祝我地甘多年既拍拖紀念, 我一定唔會HEA左佢既..今日BOOK左間高質日本料理去到外面裝修已經好正, 好有FEEL, 果然冇去錯地方不過提提大家, 唔好行錯位置啊, 因為佢有分團體BOOK同普通BOOK位架每日招呼既客人唔會好多, 因為坐位唔多, 為左可以保持質量.右: 希靈魚籽 中:汁煮蠔 左:山葵菜希靈魚籽有吠口, 好脆卜卜, 咸味亦剛好汁煮蠔較硬身少少, 但燒汁味就好濃, 好食山葵菜我第一次食, 凍食, 幾爽, 菜汁豐富左口魚刺身經理介紹( 昆布的日語發音跟「喜悅」相似,寓意吃了每天笑聲不絕)所以有用昆布包左口魚刺身食既慣例配上蔥辣汁蘿蔔, 酸醋汁食, 帶出魚既鮮味, 魚本身夠滑, 少少淡蟹加左少許蟹醋調味, 有蟹膏在內鮮甜,溝溜, 冇任何腥味唔新鮮, 好驚喜`鯖魚油脂感強, 有用炙燒過, 帶出魚既滑溜, 但同熟食係2個口感, 估唔到, 可以用嫩口去形容加醬油都唔會蓋過魚既味道白子唔識形容既口感, 超滑溜, 味道有少少甘, 有少少煙燻既味道鮟鱇魚似食緊膏一樣, 味道幾鮮, 呢道菜係祕製, 內有紅酒柚子葉去製作係心機菜拖羅有油脂, 不過唔會好似大家諗既入口即溶, 反而佢幾有口感, 因為要咬幾啖味帶啖啖地熱食鰤魚滑身又腍身已經唔駛講, 汁唔會搭左魚既味道, 咸味亦剛剛好, 配上少許菜可加強口感好食好食清湯有雞肉, 日本年糕味道較啖, 但雞肉超有雞味最後食個甜品抹茶奶凍估唔到有驚喜因為奶好滑, 甜度亦岩岩好, 抹茶唔係太濃呢餐好值得, 下次會再去 繼續閱讀
(以上食評乃用戶個人意見 , 並不代表OpenRice之觀點。)
等級3 2019-02-22
390 瀏覽
呢個晚上終於去食一間約左好耐既中環高質日本餐廳,呢間日本餐廳係朋友介紹,好似話係搬左位置,不過都仲係中環入面,而呢間日本餐廳鮨佐瀬主要係食廚師發板的,位置大概離地鐵站6分鍾左右,行過黎都還好。餐廳門口都幾靚,幾日本風,同埋感覺到呢晚要食既餐廳係間高質野。餐廳餐牌:餐廳餐牌主要係呢張,咁就比客人揀返食葵set定係櫻set,咁櫻set就係$1380,主要包括前菜、湯、甜品同15件壽司,至於葵set則係完完全全既Omakase,咁我地難得黎到都唔爭在叫埋葵set,同埋價錢真係唔差得遠,情願比多小小食好d,葵set既價錢就$1680。首先黎既係前菜,有三小碟上,左邊係昆布菜,中間係宮魚,右邊係希靈魚子,前菜功用主要用黎開胃,味道幾特別幾開胃,個人覺得三小碟之中希靈魚子較為特別,平時係其他日式餐廳比較小見真材實料既希靈魚子,通常係都加工過的,但係呢到既希靈魚子係食到鮮味,唔算腥,但口感同味道都特別。另一個前菜小食係炸鰻魚魚面,幾條脆卜卜咁,好似食緊細細包果d零食咁,不過你會食到小小新鮮油炸既味道,唔知點解食果陣令我諗起平時係中式酒樓會食到既脆魚花生果d小食,但不論味道定係感覺,呢到真係高質好多。下一款黎既已經係刺身,呢一款係左口魚刺身,上面放左小小青蔥同小小spicy既蘿蔔蓉,配上小小酸汁,我個人覺得呢個酸酸辣辣既味道幾特別,同埋覺得真係好開胃,味道好新鮮。呢一小碗係北海道蟹肉 蟹膏加小小lime sauce,味道好清,蟹肉同蟹膏食得出係好fresh,睇住廚師即場現開一隻鮮蟹,雖然份量唔多,但真的好滿足!之後再黎既係煙燻鮫魚,呢款煙燻鮫魚點左sauce之後更好味,主要食到既係煙燻既味道,肉質好特別,味道還好。呢款鰹魚刺身同上面一樣,都係配上sauce之後味道更佳,外脆內軟,魚肉鮮味完全鎖住肉裡面,外層既脆特顯層次感。之後呢款係我個人覺得幾特別同幾好食,呢小碟上既係魷魚卵同安康魚肝,我先食左安康魚肝,魚肝入口即融,突如其來既柚子味配上秒速融化既魚肝,應該係我人生中暫時食過最好食既魚肝。魷魚卵刺身我都係第一次食,但味道其實同熟既好相似,鮮味得黎味道好好,可能係因為配上左鰻魚燒汁既關係,呢一小碟係好好味既配搭。之後仲有最後一款刺身係超級拖羅,入口即融,味道新鮮好味,我地都覺得呢款新鮮既超級拖羅真係食完都仲想再食,不過廚師發板就係太多材料,所以只好繼續等下款。之後廚師比左一碗食物,如果我無聽錯既話係叫「飛龍騰」,佢係一碗蒸物,侍應有提醒我地連湯都可以飲,肉係用蝦肉整,湯好清好鮮甜既味道,另外蝦肉係真材實料,味道好!之後黎既開始到壽司了,第一款係鯛魚壽司,味道好特別,味鮮肉質好挺身,但咬落口係軟糯既感覺,配上指定既醬油真係好好味。下一款係日本貴族魚Kinki fish,味道特別,鮮味入口即嘗到,但唔重味,肉質軟既程度有小小似蟹肉,但味道幾好,個人幾鍾意呢款魚。經典三文魚壽司應該係最多人食過既壽司,但呢到既三文魚壽司特別好味,可能因為新鮮既關係,油味唔重但香,味道好!春子鯛壽司皮爽肉嫩,鮮味同鯛魚非常相似,味道都係好好。池魚 吞拿魚壽司都係屬於比較普遍既日本壽司,呢到既都同平時食到既差唔多,但絕對係更新鮮更好味!之後黎左一小碗飯,呢個Mini Don係我認為全晚最吸引既食物,食材有海膽同三文魚子,兩個都係我極為喜愛既日本食材,完全唔腥,味道又香又好味!炙燒拖羅係我地認為最好食既壽司之一,本身食拖羅都唔係平,但呢到炙燒既程度真係岩岩好,入口感覺好特別,先有輕量既煙燻味,之後肉質好快就半融狀態,真的是人間美食!海鰻壽司都係入口即融,本身唔鍾意食鰻魚既我都完全唔驚,真係完全食唔到有骨,反而鰻魚醬既味道真係好好味((燒汁完全蓋唔住海鰻既鮮味,正!),另外本身極度喜愛玉子既我都真係好小見到呢類玉子,口感外型都好似蛋糕咁,甜甜地好好味!最後既係甜品,可選水果雪糕是但一種,我揀左水果,決定清清地完左呢個OMAKASE。 繼續閱讀
(以上食評乃用戶個人意見 , 並不代表OpenRice之觀點。)
Weekday嘅晚上,與友人相約共進晚餐,提早book咗呢間性價比頗高嘅日本料理,由廚師發辦,我同友人就摸住茶杯底傾下少女心事。🥳一坐低店員就幫我地鋪咗塊餐巾係大脾上,之後我地揀咗$1680嘅set,店員問有無食物敏感或者有無咩係唔食,之後就幫我哋同師傅講,十分細心👍🏻前菜就有柚子香嘅醋面豉點海帶😋陣柚子味好清新即刻開哂胃啊😋之後就係左口魚刺身,連埋葱同辣汁蘿蔔食,令魚鮮味更突出😋下一道菜就係北海道毛蟹,蟹肉連蟹膏一啖過擺落口,係幸福嘅感覺啊😍唔會腥唔會膩,意味住新鮮嘅程度💯仲有深海池魚手卷,飯同魚生嘅比例啱啱好,配埋脆卜卜嘅紫菜一齊食,諗起都流哂口水啊🤤最強之選就係佢地嘅中拖羅😍油脂多、無筋,反面唔係入口即溶咁樣我更欣賞,可以係口腔入邊停留多一陣😋回味無窮😍壽司🍣方面,分別有魷魚、北海道三文魚、鏗魚、沙甸魚同埋燒拖羅,師傅同我哋講壽司都已經有醃製過,唔洗點豉油食,食第一嚿嘅時候都半信半疑,點知食落口第一個感覺,要升仙啦🤩如果無聽師傅講點咗豉油真係會浪費哂😣最後就係海幔壽司同埋雞蛋🥰師傅叫我哋一定要趁熱食🙊呢個海幔壽司作為最後真係令成件事勁滿足👍🏻最後最後就到甜品🍮可以三揀一:綠茶奶凍、柚子雪糕同日本水果🤩我就揀咗柚子雪糕嚟做個首尾呼應🤤值得一提係店員KEEP住幫我地換茶,抵讚👍🏻 繼續閱讀
(以上食評乃用戶個人意見 , 並不代表OpenRice之觀點。)
等級3 2019-02-18
243 瀏覽
情人節前夕,平時食黎食去都通常都係放題,今次食反餐好既!對自己個胃好d先🤭💓今次黎到中環既Sushi Sase,Dinner Menu有2種,$1380同$1680,而我話明食好d!就簡左$1680。一坐低就會幫我掛起我件褸擺好袋,而且倒上熱茶拎條熱毛巾俾我地,呢到服務真係好好,坐低左就如皇帝般既享受😛之後就介紹Menu 2個餐有咩分別拉!仲會問下我地有咩唔食/敏感,好貼心❤️首先黎左三碟既前菜,主菜陸續有黎🤪黎個左口魚上面配上蘿蔔蓉、蔥同酸汁,左口魚配蔥好夾,加上酸汁成件事好醒胃,已經喚醒了!!北海道蟹肉好有海水味道而且好多汁,上面仲會有埋蟹膏添🥰鏗魚唔會有筋!加上小小Wasabi好正!魷魚頭配鮟鱇魚肝 入面有好多魚卵不過小小腥味都冇,由於我對腥味好敏感,呢個魷魚值得推介一下!魚肝加上wasabi入口即溶阿🤤拖羅好肥美,咬落去簡直就好邪惡好滿足!爆脂❤️飛龍騰 佢係蝦肉加豆腐做成,好重既蝦味配上春筍食有咬口!佢既汁好鮮,海帶加上佢既汁,100分阿!仲有海膽飛魚籽,好新鮮!一啲都唔會腥,底下加小小飯,從來未食過咁好食既海膽!黎到壽司推介拉,第一款魷魚,中間夾小小wasabi加埋青檸汁,有咬口好清新!第二火灸拖羅,微微焦味好香口,油脂感..好強!第三海鰻配玉子,玉子好似食緊海綿蛋糕、你,燒過既海鰻好香而且冇骨,好厚身咬到有口感!最後黎到甜品,我簡左柚子雪糕,有碎碎的柚子皮,有淡淡的柚子味,唔係死甜假柚子味,好清新好香,我覺得食完個雪糕覺得好似食左個柚咁😂😂總括黎講呢個服務呢個食物,我願意繼續反黎試佢新野❤️ 繼續閱讀
(以上食評乃用戶個人意見 , 並不代表OpenRice之觀點。)
等級3 2019-02-15
263 瀏覽
今天去左中環度食飯,平時自己都鐘意食日本菜,不過廚師發辦都係第一次。一入到去就聞到好香既綠茶味,充滿日本既味道。餐廳座位唔多,而且我地附近全部既客都係講日文,可能呢間餐廳係日本都好出名!今次係朋友介紹,所以等佢同經理傾好之後就有得食喇!(其實實際有咩食我都未知嫁!哈哈!)前菜黎左三小碟:菜之花配昆布,菜之花鮮甜、多汁當中帶有小小芝麻香,好開胃;宮魚涼涼地,有豐富既魚肉甜味,有陣微香,亦有小軟骨,魚肉當中亦有魚籽,有咬口;希靈魚籽配木魚碎,魚籽脆口,帶小小咸味,同木魚味好夾;炸鰻魚魚苗,脆身,易入口,係一道開胃菜,炸魚苗可配柚子醬,配搭清新。整體黎講,成份前菜都好開胃! 左口魚配辣蘿蔔蓉、青蔥、酸汁左口魚可以捲住黎食,蘿蔔蓉小辛口,蔥好香,酸汁亦好醒胃。整個組合好有條理,食落有層次。北海道蟹肉蟹肉鮮甜、多汁,中間亦都有蟹膏,配埋薄薄一片青檸,做到提鮮既效果。鰹魚咬落係意想不到既脆皮魚皮,好香口,而且魚味鮮,食果陣亦都唔會有筋。魷魚頭配鮟鱇魚肝魷魚頭入面有滿滿既魷魚卵,個外表似小米粒,咬落剝剝聲,但又唔腥。鮟鱇魚肝入口即融,面頭有小小柚子,成個感覺清新哂!拖羅毫無懸念重油脂感,係口腔果陣,佢果陣油香完全佈滿成個咀,又做到入口即融既效果!飛龍騰呢款蒸物個名好特別,當中既蝦肉真材實料,配料春筍有咬口,食苫唔會話太腍,而且吸到湯汁味。湯汁鮮甜,不過唔太多,店員亦有細心提我地可以飲埋啲湯汁,好體貼!鯛魚佢係入面放左芥末,不過唔太多的。肉質呈挺身,特別欣賞壽司飯,經過調味之後帶微酸,同魚肉好夾!日本貴族魚 一夾起已經聞到陣焦香味,咬落個質感似蟹肉,味道唔太濃。魚肉面頭仲加左特製醬汁,豐富左個層次感。三文魚腩同青蔥蓉夾得幾好,雖然蔥味濃,但都冇喧賓奪主,搶左魚肉既油香,恰到好處。春子鯛配埋酸汁,幾開胃,佢既肉質偏厚實。有別於三文魚腩。池魚肉質咬落已經覺得非常新鮮,醬汁處理得岩岩好,面頭既芝麻碎昇華層次,唔單止係有麻香,放入口果陣亦有軟硬之別,好欣賞!迷你丼配拖羅雙色呢個組合係我成晚最鐘意既!海膽同三文魚子一啲都冇吝惜,每一啖都食到呢兩樣野既鮮甜。海膽冇腥味之餘,亦有淡淡既甜味,好高質!三文魚子亦係粒粒飽滿!而拖羅雙色都冇任何問題!幾近完美!經過火炙既拖羅油脂感更強!未放入口已經好香!大蜆清湯與海鰻配玉子蛋味唔太濃,而且腸住佢個貌相黎食,真係似食緊蛋糕,中間部分非常鬆軟。海鰻好香,面頭帶有小小焦味,咬落冇骨,肉質厚實,唔會太薄。清湯真材實料,蜆肉粒粒分明。水果甜點士多啤梨好甜!大大粒!完全冇令人失望!最後,值得欣賞既係,店員對客人非常貼心!只要一見到我杯茶有飲過,或者涼左小小,就即刻幫我換過杯,將茶既熱度保持最高,唔好比客人飲「涼茶」,呢個位置真係好令人欣賞!唔係間間都做到! 繼續閱讀
(以上食評乃用戶個人意見 , 並不代表OpenRice之觀點。)