鮨亭 (已結業)

屯門隱世居酒屋，今次位於屯門置樂區，餐廳出面用仿木牆壁，掛住日式燈籠，十分有夏日祭典感覺，和風氣氛濃厚🏮🎏餐廳入面十幾張枱唔會好窄，見到吧枱位置有空位就叫店員安排，旁邊還有魚缸，景觀不錯。角切刺身和風沙律叫個沙律做前菜開下胃，沙津份量好多，有甜蝦、劍魚、三文魚、魚子籽，沙津菜伴以意大利小蕃茄伴酸酸甜甜柚子醋，十分開胃啊精選火灸壽司拼盤（9件）九格九宮格放左12件壽司，用泥打下卡好正☺️壽司方面有三文魚、海膽、帶子、赤身、金目鯛、赤蝦、魚籽、深海池魚同劍魚腩，色彩鮮艷刺身都好新鮮，飯既溫度岩岩👍🏻其中最鐘意係海膽，份量好夠又鮮甜👍🏻👍🏻👍🏻日式鰻魚蛋包飯份量好足，鰻魚唔係切件上，而係原條比你，二個女人食都好夠！滑包都尚算滑，送飯好好日式餃子（6隻）餃子煎得好靚，粒粒金黃，咬落有爆汁👍🏻去得居酒屋一定叫番二杯酒小呷一番，分別叫左自家制梅酒同柚子生啤，梅子唔會好甜，但酒度數頗高👍🏻柚子酸甜清爽，放工同朋友食下野飲下少少酒又度過一個滿足和風夏夜。📍 鮨亭 (屯門)屯門青善街22號康景花園地下3-4號舖#屯門美食 #居酒屋

去開屯門就近近地試吓呢間日本野🇯🇵門口已經有打卡位，我6點去到天未暗哂，影咗幾張靚相，再晏就要打燈啦。店內全木色裝修，日系feel濃！前菜叫咗個涷蕃茄，酸甜夠冰涼，熱天食好爽！🍅試咗柚子生啤🍺生啤加柚子皮的柑橘香，清新怡人，微甜易入口，適宜少酌。🍻再來個芝士海膽沾麵🍜 芝士香氣撲鼻，同海膽融為一體，個醬睇落好濃厚，食落又唔會太濃味，啱啱好！😋季節性嘅*時令薄切 擺盤好靚😍當晚係「珍鯛+深海池魚」🐟兩款都鮮甜味美😋 池魚質感爽脆，魚油甘香細膩。珍鯛肉質粉紅清透，比較清淡優雅。正！👍🏻分別叫咗芝士蟹皇甲羅燒 和 蟹皇甲羅燒🦀充滿好濃郁蟹膏香，啖啖蟹肉絲，喜歡食蟹朋友必叫！

今次黎到屯門一間高質既居酒屋，餐廳係傳統居酒屋既木系裝修，户外有兩張木枱，坐户外可以有另一番風味。主要做街坊生意，所以價格也很親民。職員安排我地坐bar枱位，座位對住個魚缸，可以一邊睇一邊食，魚樂無窮，簡直是味覺同視覺的享受。角切刺身和風沙律魚生切成細細粒，伴蕃茄仔、沙律菜同三文魚籽，三文魚籽晶瑩剔透，粒粒飽滿，口感一流。日式餃子餃子皮好薄，煎得好香脆，一口咬落去，肉汁四溢，肉質嫩滑鬆軟。本手返·手握壽司選用時令新鮮食材，魚生口感肥美，再加上有九宮格既加持，份外吸晴。鰻魚蛋包飯原條鰻魚夠曬吸引，入口細嫩肉滑，雞蛋口感嫩滑，仲有落左芝士，拉絲效果十分邪惡。自家制梅酒梅酒酸酸甜甜，容易入口，冇苦澀感。凍檸檬綠茶檸檬味不會很重，帶微微蜂蜜的味道

鮨亭 屯門罕見高水準日本餐廳🇯🇵嚟到屯門置樂除咗有泰國同印度菜可以選擇之外 日本菜都係一個唔錯嘅選擇 今次就決定食得豪華啲🤪黎到鮨亭食個晚餐🫶🏻精選火炙壽司拼盤打卡真係唔少得😆見到每枱都會例點😌最令我印象深刻嘅 係黑松露帶子壽司🍣黑松露係高級個隻 唔係d cheap料😗配埋厚切嘅帶子 簡直令人一試難忘🤤原隻北海道海膽如果你坐喺吧枱位 師傅會喺你面前即刻開海膽 海膽肉非常大隻 海水味都幾重 好新鮮😍芝士海膽沾面初次嘗試以芝士做底既沾面 一啲都唔流 有驚喜🥳而且份量都幾多 2個人share 完全冇問題👍🏻蟹籽沙律🥗新鮮蟹肉配大量嘅蟹子 口感豐富入味☺️沙律汁唔會太甜膩 非常適合做開胃菜🥰柚子檸檬梳打凍檸檬綠茶

因為今日放假，所以入左屯門同朋友聚會，之後就順便食埋晚飯，所以係附近揀左一間日本餐廳👭餐廳店面唔算太大，但我地黎到時都已經有幾批客人食完飯係道飲下野，傾下計，感覺好適合同朋友黎聚會一番🍻🍻打開Menu 見到有個築地刺身盛 5点 ($328)，覺得幾好就點左黎到後賣相不錯，包括有大吞拿魚腩、海膽、池魚、油甘魚同埋火灸銀鱈魚。大吞拿魚腩非常鮮甜，油脂非常多，唔會有根。海膽亦好甜，好Creamy，香味濃厚。最喜意想不到既係火灸銀鱈魚，油香甘甜，魚質份外滑溜，魚味亦重，好正。之後我地亦點左一個芝士蟹皇甲羅燒（$88）同普通的蟹皇甲羅燒（$68），兩款既味道都好濃，蟹鮮味充足，而且食到好多一絲絲既蟹肉，份量算係多。我覺得兩款都好味，只係芝士既話會令蟹肉味道更香濃，更多層次。而單純鐘意食蟹味既揀返普通即可。日式鰻魚蛋包飯（$128）真係一個不錯既選擇，事關非常大碟，鰻魚亦都係特盛size，又大又厚肉，係鰻魚既上面更有少少三文魚籽。另外，個蛋包飯亦唔係咁普遍，入面仲包有芝士，簡直係非常邪惡既蛋包飯。味道亦相當唔錯，一個人食既話的確會好飽同埋都幾膩架。鐵板和牛粒（$118）就正常發揮，牛肉粒好腍，蒜片

位於屯門嘅三聖邨附近，康景花園嘅🌟鮨亭🌟，為屯門街坊提供日式料理！🇯🇵🐟時令刺身薄切 $288（左起）深海池魚油份足、伊佐木白裡透紅、真鯛爽甜淡雅，最緊要切得夠薄，配酸汁食真係幾開胃！😘🦀蟹皇甲羅燒 $68🧀芝士蟹皇甲羅燒 $88原味同埋加咗芝士嘅都一樣咁香郁！😇🍅和風凍蕃茄 $48蕃茄用冰水浸住，夠晒冰涼！❄️✨海膽忌廉汁沾麵忌廉汁夠熱夠杰身，烏冬咁粗嘅麵都可以掛住啲汁！🍺巨蜂生啤 $60🍇巨蜂乳酸 $48同時提供有酒精及無酒精飲品！

🚩鮨亭今個月係生日月，所以男朋友都keep住帶我食好西😋今日放工就嚟咗呢間位於屯門比較隱世少少嘅小店😌喺門口望入去已經好似去咗日本咁，掛滿左日式嘅燈籠🏮超級有氣氛〰️〰️〰️〰️〰️〰️〰️〰️〰️〰️〰️〰️〰️〰️〰️🌈牛油果三文魚沙律 $88三文魚用咗魚腩嘅部位，厚切油脂味好重🫶🏻而且加上大量嘅三文魚籽，我發現三文魚夾住三文魚籽一齊食特會鮮甜😆三文魚嘅甘甜加上三文魚子嘅鹹味，簡直係錦上添花🌈鮪魚壽司拼盤 $268拼盤有六件吞拿魚蓉小卷，吞拿魚份量比得超級多，而且卷左青瓜喺入面，入口好fresh！之後就係灸燒嘅中拖羅同大拖羅，火槍輕輕帶過，更加帶出咗吞拿魚油脂嘅香味，昇華咗個層次～值得一提嘅係佢嘅赤身，一直都以為紅卜卜嘅吞拿魚會好鞋好多筋，但原來只要處理得好，真係一啲筋都冇😋🌈鐵板牛舌 $158上枱標晒煙，仲有好香洋蔥嘅味道～牛舌爽口得黎唔硬，仲keep住好多肉汁🫶🏻🌈蟹黃芝士石鍋飯 $128塊面鋪滿左芝士，撈勻啲飯全部都係拉絲嘅😆飯入面有好多蟹黃同埋蟹籽，配搭埋芝士，整體好鮮好creamy～食到最底仲有我好鍾意嘅飯焦💯🌈巨峰梳打 $48依杯梳打好大杯，由頭飲落尾～而且好夠氣，夏天飲真係一流🌈日本三得利啤酒 $

居酒屋系列賣點是壽司拼盤，居然是由廚師發板的壽司拼盤！打卡一流！以九格的木盒盛裝著12件高質的壽司！《本手返·手握壽司》$380由廚師發板的，在九格的木盒上放滿了12件壽司，包括：海膽、三文魚子、牡丹蝦、大拖羅、中拖羅、帆立貝、油甘魚、鯛魚等等，相當豐富！小食和沙律方面也有心思、精緻。《雙色玉子棒》$58兩支玉子燒，包括有龍蝦沙律味和帆立貝沙律味，有炙燒的味道，好吃！《和風凍蕃茄》$48以日式的方法烹調的和風凍蕃茄，清新，爽甜的味道融入心中。《鐵板牛油帆立貝》$158共有六件特大的帆立貝，鐵板的吱吱聲相當吸引，牛油的香味香濃撲鼻，很好吃！飲品方面，餐廳也有自製的飲品。《凍檸檬綠茶》$13餐廳自家製作的凍檸檬綠茶，很清甜美味，解渴一流。《自家製梅酒》$58同樣是餐廳自家製的飲品，梅酒很鮮甜美味！總結：打卡一流的壽司拼盤，更是廚師發板的，無得輸！

出左糧當然要對自己好一啲，一直都知道屋企三聖附近有間高質日本料理店———鮨亭。飲返杯梅酒同啤酒真係一流。呢度雖然有bar枱，但相對比較似係居酒屋feel，而非食omakase嘅鮨店。6點刺身盛盒 $388三文魚、油金魚、赤身、真鯛、帆立貝、海膽，每款起碼3切，大件肥美，其中真鯛甚至乎係見住佢原條咁切，一定夠新鮮😳蟹皇甲羅燒$68 芝士蟹皇甲羅燒$88呢2個甲羅燒其貌不樣嘅，竟然意想不到的香濃，而且有足夠嘅蟹肉，非常好食，中意食蟹嘅人一定唔可以放過🤤另外嘅仲加左芝士以及魚籽都冇得輸！鐵板和牛粒$118日式鰻魚蛋包飯$128主食就叫左呢2樣，價錢分分鐘平過一般cafe，而且質素有保證🥹如果多d汁可以撈埋成個飯就perfect，不過都已經好飽🤣

本來係想食隔離嘅小曼谷，但唔知係咪搬咗見唔到，就去咗旁邊嘅日本菜松葉蟹肉蟹子沙律 $88真蟹肉仲有蟹柳，朋友話第一次食味道唔錯，由於一直都超大愛既我表示佢第一次食我好愕然，咁好食嘅嘢竟然第一次食🤣原隻北海道海膽 時價 $218輪到我第一次香港食即開海膽，香港真係冇咩地方有即開海膽食，多數都係一板，海膽上面仲加咗啲三文魚子，而我就拎咗旁邊嘅紫菜包埋海膽同埋三文魚子一齊食，個味道幾特別同平時食嘅海膽有少少分別精選火炙壽司拼盤9件 $268九件壽司因應師傅當天嘅材料去選擇邊9款，所以同一日食都有機會唔一樣食材帆立貝黑松露令我最深刻，因為真係好香嘅黑松露味配上鮮味嘅帆立貝，唔錯芝士海膽沾麵呢個餐牌未有，係店員推介俾我哋食嘅新野，好驚喜嘅係芝士海膽汁可以掛到落個麵到，好濃郁。沐浴都我自己食晒成碗🤪自家製檸檬綠茶$13感覺到清新，唔係就咁檸檬加綠茶咁簡單，消暑解渴一流櫻花可樂 $28個樽好靚，啱晒櫻花季節嘅時候，粉紅色嘅可樂真係第一次飲店舖環境都幾唔錯，如果唔係落雨嘅話仲可以坐喺出邊好有感覺，壽司吧旁邊仲有一缸魚，點解我會同朋友喺度睇魚😂😂但佢嘅魚真係好靚

早排碌IG見到有人推薦呢間餐廳，趁呢日去屯門接媽媽收工，順手去試下先😄餐廳有供應刺身、壽司、燒物、丼飯、鍋物+燒物等等，有好多選擇，海產都係日本直送，非常新鮮，而且價錢合理👍🏻>築地刺身盛：由師傅揀出5款時令食材，果日有海膽、拖羅、鰤魚、甘鯛&鯛魚，魚生全部都係厚切，每款有成3片咁多，仲要有比較少見既甘鯛😍食落鮮嫩軟滑，少少黏口，鮮甜又好味。拖羅魚味濃香持久，有天然魚油既甘香味。海膽口感奶滑濃郁，鮮甜得黎又入口即溶。>芝士蟹皇甲羅燒&蟹皇甲羅燒：蟹膏份量多到就黎瀉咁，未上枱已經傳黎一陣誘人香氣，鮮味濃郁仲要好鹹香。芝士果款有得拉芝，味道濃一d；想食到蟹膏原味就點蟹皇甲羅燒啦！>鐵板和牛粒：和牛粒肥膏唔多，帶有油脂香，牛味濃郁，咬落柔軟不失嚼勁，就咁食唔洗點醬汁都好好味。>日式鰻魚蛋包飯：原條鰻魚好吸引，肉質厚實肥美，蛋包飯個蛋口感滑溜，一切開入面有熱溶芝士，好拉芝，視覺效果一流，呢個飯好大份，夠兩個人食😆>巨峰乳酸&梅酒：巨峰乳酸酸酸甜甜，媽媽都幾鐘意，我就飲梅酒，有梅既香味+酸甜味，酒精濃度唔太高，女仔都岩飲。

本身住附近 屬於街坊 晚飯得閒落左去食，老實講餐牌咁既價錢而開係置樂應該絕對可以叫做高級餐廳，所以本人承認寄望可能有點過高。叫左幾款菜，其中鐵板厚切牛舌 上台時見到薄到紙咁，當然很失望，馬上找侍應了解，得到回應：係咁架。。。 味道是可以，但肉質很韌，夾埋侍應的態度，確實是完全不值這個價格。另外分別叫了，松葉蟹肉炒飯味道不錯 份量比想像中大碟 推薦的蟹皇甲羅燒 及 三色刺身飯（海膽 帆立貝 活赤貝）是女友指定要食的 事後問佢 佢表示不錯另外 openrice上見到餐廳有 清酒煮蜆 牛舌串燒 等，現實是在menu上，是沒有的。環境 有不錯裝修，但有好多蚊烏蠅飛來飛去，嚴重影響心情。剛好去的時間客人不多，夠安靜。總結：唔會再去，唔會推介朋友，如果有朋友話想試我會叫佢唔好，希望以上食評幫到大家。

繼上一次介紹屯門置樂隱世小店今次又有介紹係鮨亭🙈唔知大家有冇食過🙈係彩華花園C座 對面 入到去🙈叫左2杯飲品一杯係巨峰乳酸 一杯檸檬綠茶2杯都正常發揮 無咩特別 但食物嘅部份very good👍🏻分別有沖繩海葡萄凍豆腐同朋友分享 介開唔會一介就爛 重要都Ok 滑👍🏻芝士蟹皇甲羅燒同蟹皇甲羅燒都好好食 好重蟹味 如果有個白飯會👍🏻👍🏻因為有小小鹹 重點芝士可以拉絲🙈刺身一盤有好多片重要係唔同部份切出黎 有爽身有結實 有油脂 唔同嘅部份食用👍🏻最後個沾麵就正🙈係日式海膽沾麵👍🏻佢個汁👍🏻👍🏻好正 一到食一到話如果有個飯用黎撈 甘就更好 🙈沾麵粗身 彈牙有咬口👍🏻食物就非常好 環境都唔錯 甘岩坐bar枱 睇住d魚游來游去👍🏻好舒服

好少踏足屯門區 上網見到有朋友食過好吸引約咗好耐冇見嘅朋友一齊食飯呢間居酒屋有溫馨嘅感覺環境好舒服 整個感覺好有美感仲有小魚缸養緊啲魚仔 餐廳擺設擺滿左酒同埋影得好靚嘅食物相睇見menu 就已經帶動到食慾店員一樣一樣咁樣端上食物食物嘅選擇多樣化 好鍾意下次一定會再嚟我哋兩個女仔食咗呢啲♥︎牛油果三文魚沙律 $88新鮮好食 做得出色 沙律新鮮 調味剛好 ♥︎鮪魚壽司拼盤$268每一片刺身刀都非常之好 放入後都是滿滿的滿足感油脂充足 壽司飯超好食🍣 ♥︎松葉蟹肉炒飯$128清清地淡地嘅蟹肉味 用石鍋飯端上有芝士嘅拉絲 好邪惡 仲有飯焦 推薦♥︎鐵板牛舌 $158用上大量嘅洋蔥🧅切條墊底 牛舌份量都幾多 肉質比較林又有彈性 抵食又好味♥︎柚子檸檬梳打 $48夏日透心涼嘅飲品 清香柚子檸檬 fresh♥︎柚子生啤 $60推薦必飲 甜甜的 完全沒有柚子嘅澀味卻充滿柚子香味 會再次回味嘅一杯啤酒

平日放工去搵屯門牛朋友，book左呢間居酒屋🍶。店家位置雖然比較偏僻，不過其實唔難去。店內環境好日系，bgm成日播YOASOBI😍🎵，好似去左日本咁。座位唔逼，菜一道道上可以慢慢同朋友傾住計食唔使趕😌。如果坐吧枱仲可以望住師傅握壽司😚。🔅角切刺身和風沙律 ($88)份量都唔少，和風沙律醬酸酸地又好fresh，幾開胃。魚生同沙律菜🥗都好新鮮👍🏻。🔅本手返．12件壽司 ($380)呢個係omakase壽司，每日都唔同😍。九宮格擺放12件壽司，非常精緻🥰。拖羅夠晒肥美，海膽軍艦好鮮甜，日本直送係唔同啲😍。🔅日式鰻魚蛋包飯 ($128)鰻魚入晒味又無骨，加埋滑蛋無得彈🤤。飯上面有層芝士，幾特別。🔅日式餃子(6隻) ($58)典型日式餃子，皮薄煎得好香，唔會太燶，幾juicy😌。🔅巨峰乳酸 ($48)唔係消毒藥水味！好感動，真係巨峰加乳酸😝。🔅柚子檸檬梳打 ($48)柚子味比較出，好fresh 😌。💬整體環境好舒服，可惜唔近市中心，如果唔係應該可以更旺場👍🏻。