魚蛋佬 (旺角中心) (已結業)

聽講白魚蛋係無黃魚蛋咀經油炸過無咁肥🤨呢度白魚蛋都幾彈牙，口感紮實唔會鬆收收咁，配上甜豉油同招牌秘製辣醬更加香口。佢嘅辣醬辣油有少少豆瓣醬香味，唔算抵食但幾好味，次次經過都會幫襯。

😋招牌白魚蛋 $10/7粒，$20/16粒平！快！靚！正！作為魚蛋愛好者，可以稱之為滑過剝殼雞蛋嘅初戀魚蛋🤤💕比起平時食嘅魚蛋更嫩口，爽口，亦十分有魚味。行開旺中嘅你忍唔到口想食d輕小食，一定要試試佢！😻分數（五星滿分）：⭐⭐⭐⭐

之前 去過土瓜灣食過魚旦佬，覺得唔錯，原來旺角開左分店。又試下，發覺多左好多款小食，叫左炸 燒 賣 ， 辣 魚 旦 ，炸 雙 并 。真係幾ok喎，保持到水準之餘 仲升級左。雙并食得好過癮 好爽口-----------，炸燒賣就好脆--------------------， 辣魚蛋竟然食到熱浪味 勁過癮------------------------------。最緊要係-------------食咁多野係40蚊左右，唔知佢賺咩？賺口碑？

Was shopping around Mong Kok the other day and suddenly felt like a light snack, so we tried this place out. We ordered the classic siu mai, and the curry flavoured fish balls. The place wasn’t bad, I just thought it was very average, like any other snack stores serving fish balls and siu mai. I definitely liked their siu mai more than their curry fish balls though. Definitely have tried better curry fish balls before. Overall, its cheap and it’s not bad to try when you’re craving a snack.

諗住搵d輕食小食食下，上左旺角中心逛左一圈，見新開左間香港地道小食，而且見價錢好學生價。旁邊有少少位置，可供立食，有叉及竹簽供應。店內只見得1位員工，但都算快手。今次要左白滑腸粉，再加8粒秘製辣魚旦，加埋都只需$21。腸粉幾滑，而且熱辣辣，醬汁都不錯。而辣魚旦，辣度適中，但略嫌乾左少少，細細粒易入口，$10有8粒，幾抵食。等緊其間，見好多人都order要白魚旦，相信係招牌之一，下次有機會都試下先。

好耐冇行旺角中心啦， 發覺又多咗新嘅食肆進駐，今日就見到間舖頭個名好得意……“魚蛋佬”當中有多款小食，真係花多眼亂，唔知食咩，但舖名叫魚蛋佬，而佢其中一款名叫（招牌魚蛋） 稱用十多款海魚混合而成，好似好鮮咁，就試下啦…………但失望 ， 味道偏淡， 唔係佢講到咁鲜味囉

今日我們去左好耐無去的旺中!!現在的旺中同以前的旺中已經變得好唔同!現在的旺中小左買衫的店舖,但多左好多小食店!因為行耐左,所以開始有小小肚餓,咁岩行到這間小店,門面鋪滿了好多港式小食海報,魚蛋,燒買,墨魚丸,粟米杯,印尼撈麵,撈烏冬等,有單點同套餐選擇,我見白魚蛋係這裡的招牌小食,價錢又唔貴,所以我買左7粒食!<招牌白魚蛋> 白魚蛋熱辣辣放在杯內,方便我們可以一邊行,一邊用竹簽一粒粒咁吉來食!魚蛋非常彈牙,但唔算大粒,再加左d辣油,唔係好辣,食起來味道都算不錯!整體來講,小店的小食選擇多又熱辣辣,最岩喜歡掃街食港式小食的人!!

今日經過旺角，到旺角中心的美食街搵食。見到一間小食店，店名頗有趣的，叫做魚蛋佬。這裡有不少香港地道的，例如有辣味咖喱魚蛋及傳統豬腸粉。見到別人買了一份，實物看似感覺不錯，所以也跟著叫了一份辣味咖喱魚蛋及豬腸粉。魚蛋的口感很實，細細粒容易入口，不過辣味就會比較辣了一點，如不食得辣的朋友我則不建議食這一個魚蛋了。豬腸粉方面，跟外面食的沒有大分別，只不過買四條份量跟其他小食店相比感覺好似少了一點.....

陳皮魚蛋是我兒時的愛好，有一段時間消失了，我四出走訪都很罕見，近年又被追捧了。但要做出惹味又具陳皮魚蛋獨特口感的真是難事！經過這家魚蛋佬，打正旗號，魚蛋專家，當然要會一會他們的辣魚蛋。魚蛋口感算不過不失，而惹味程度，說辣是不錯，若能加點甜，應該會更惹味！

有時平平凡凡嘅嘢就係最好食好鍾意佢椒鹽味手好夠但係可能對某啲人嚟講有少少鹹但係今次已經係我第三次食可能我真係上咗癮見佢好多香港傳統小食下次會想試吓佢個秘製辣魚蛋

落咗成個禮拜大雨,日日都冇出過街咁滯,所以今日收工決定出嚟旺角行街shopping抖下氣,解下悶困嚟到呢個我最喜歡逛嘅旺角中心,當然又要update一下有咩新嘢食啦上到嚟二樓轉角位,見到呢間新開叫「魚蛋佬」嘅小食店,其實隔離都有三兩間係新開冇幾耐㗎,不過見呢間嘅小食比較有地道懷舊風味,仲俾我見到有我至愛嘅咖央多士只係賣$13蚊咁貼地已經開始肚餓嘅我梗係要叫嚟試下啦小店裡面只有兩個叔叔註場打骰,一個喺入面負責煮熟食而另一個就負責喺舖面收錢同埋一啲比較輕巧嘅工作。環顧四周都睇到成度牆都貼滿食物介紹,全部都係香港人至愛嘅地道風味小食例如腸粉啦,秘醬辣魚蛋呀墨魚丸呀燒賣呀粟米呀咁,超多選擇,應有盡有,仲會有啲比較飽肚嘅撈麵餐或者撈烏冬餐咁,全部嘅價錢都好平民,所以呢度有咖央多士食都係一件幾特別嘅事叔叔即叫即整,只需要等幾分鐘,一份熱辣辣烘至金黃色嘅咖央多就到手啦 拎起手咬咗一啖之後都忍唔住要影番張相先,俾大家睇下就算咁平嘅價錢都唔會渣流灘,麵包入面有充足嘅咖央醬仲加咗小小好香嘅芝麻哦雖然一份就不足以飽肚但絕對為充饑幫咗個小忙

同班朋友經過旺中發現開左好多新野，見到魚蛋佬於是入去試下。試左椒鹽炸燒賣，外脆內軟，炸完脹卜卜大大粒。魚蛋佬雲吞，有得揀要椒鹽/泰式辣醬，個餡幾特別，皮亦好脆，聽店員講係自創的。珍寶套餐，有撈麵餐、腸粉餐同烏冬餐，我試左咖哩撈烏冬，原來係稻庭烏冬，仲包埋秘制辣魚蛋、燒賣同墨丸，墨丸係輕輕炸過，美味可口，辣魚蛋係用陳皮魚蛋，出面宜家好少地方係用呢隻魚蛋，而且咖哩醬亦都夠辣，非常抵食！招牌白魚蛋，我咩醬都無落，就咁食都好有鮮味同彈牙！最後仲試埋好少地方有得賣既咖央多，每咬一啖都有咖央醬，甜甜地好正！見到仲有其他港式小食同懷舊小食，食物種類算多，價錢合理，味道一流！原來已經係第3分店，支持港式小店！