魚米 • 湯加

🐾 魚米 • 湯加 (鴨脷洲) 🐾-客家黃酒薑絲煮滑雞✔️麻辣八寶米線✔️唐揚酥炸雞✔️-客家黃酒薑絲煮滑雞:啲雞真係好滑🤣酒味唔會好重，但都食到酒香味👍🏻宜個我係配淮山麵嘅，佢質地好似公仔麵咁🤣都幾得意，但聽講佢冇公仔麵咁冇益👍🏻-麻辣八寶米線:麻辣味好夠，上面重有啲炸菜，好夾🤣宜個個湯底都好好味👍🏻👍🏻-唐揚酥炸雞:份量雖然有啲少，但味道都好食嘅，外層重脆👍🏻👍🏻🥰———————————————(非專業,完全跟據個人口味☺)食物:8/10環境:5/10服務:6/10人均消費:$50-$100———————————————▪店舖名稱: 魚米 • 湯加 (鴨脷洲)▪店舖地址:🔸 鴨脷洲海怡路12A號海怡西商場地下G04B號舖-----------------------…查看更多

一家人去吃早餐，等了25分鐘食物都沒送來，要吹佢幾次佢先終於送來，跟住話俾你知部茶几壞咗冇奶茶飲，咖啡都冇，隔咗一陣，我見隔離枱又係同一情況，其實佢應該落單之前話俾人知壞咗，客戶可以選擇轉食第二間食。 跟住食嘢期間，見到佢個職員同客戶嗌交，最後個客戶攞手機影佢佢先收聲😔…查看更多

It’s actually pretty yummy when they first openedBut getting worse and worse nowThe noodles are more expensive than normal food chain store $35 just one selection of ingredient And the noodle is overcooked so they are all clamping togetherFish soup is really salty and lack of fish taste…查看更多

晚餐去食魚米丶湯加，$105有找，點咗一個豬軟骨菜飯，另一個墨魚卷米線，我改咗做公仔麵，配咗2杯餐飲，熱咖啡同凍檸茶豬軟骨嗰汁，我覺得好好味，酸酸嘅果醋味，好啱呢個悶熱天時食，零舍開胃，淨係用汁撈菜飯，已經食咗大半，豬軟骨反而係配角，肉質同肉味ok，豬軟骨有咬口墨魚卷同街市買嘅冇乜分別，公仔麵同個湯都算合格，冇驚喜但係又冇失望最麻麻係2杯飲品，咖啡冇乜味道，檸檬茶又酸又苦澀，不過送嘅就冇乜所謂，甜品地瓜批，好甜.....以價錢嚟講，呢2個套餐都算係超值…查看更多

每月的深層清潔日定咗喺今日。本來無咩特別的，弊就弊在阿姐會大噴殺蟲水，天拿水、電油味我都唔怕，就係怕殺蟲水味，所以，今日都唔叫外賣了，一於出外吃午飯。去咗海怡西商場的魚米，呢間嘢開咗無耐，趁有位，今次一於試下。叫咗個特餐W8，豉油汁鴛鴦扒飯，即係雞扒加豬扒，跟餐要了杯熱啡。咖啡味道較淡，要加多包糖先得。碟頭飯幾大，雞扒豬扒都幾入味，煎得香。豉油汁調較過，唔太鹹而且帶點甜味。驚啲殺蟲水味未散晒，食完飯，都係去逛番個零鐘先返公司。…查看更多

海怡西商場一向食店唔多，最近開多一兩間了，當中有一間叫做魚米湯加。海怡半島話晒都係籃籌大型屋苑，所以對食店的需求好大，每當午餐時段，食店都數是爆棚的。幸好，一個人來食，都找到位坐。一個人來食，都沒什麼要求，最緊要是快，所以揀咗特餐W14，酸辣腩肉腐皮魚角米線，熱奶茶，$43有交易，都算大件夾抵食。可能此店仍是新開無耐，員工仍是不熟手，所以要等耐啲才有得食。碗米線份量非常之大，酸菜鋪滿上面，湯底都夠辣。魚角皮薄，餡料削咗少少。腩肉切得好薄，唔韌。米線跟譚仔嗰啲差不多。一個字概括晒 “飽”。…查看更多

本來已入座，到揀到食物之前打算落單，但係叫左服務員3到4次左右佢都係應左就算，而且我地已經行出去叫個服務員幫一幫我地落單，但係都係唔想理你咁，之後等左10分鐘左右都係冇人理，都係拎野走人算。…查看更多

海怡終於都開了一些新餐廳，其中魚米是一個非常好的選擇。整條魚的魚湯米線非常好吃，魚的大細適中，價廉物美。湯加的餐可以任加飯，是男仕一個非常好的服務，因為通常他們一個飯太少。可惜其中一個員工的服務態度不是太好，感覺上令其他服務員的心情都不是太好，希望管理層可以改善。…查看更多

之前成日15 16想食魚米原條魚米線但屋企人又想食湯加湯飯唯有求其幫襯一間 知道海怡開左湯加&魚米即刻幫襯下店內都幾光鮮，可能新開無耐係有點人手不足落單同黎食物等待時間比較耐下午茶餐魚腐米線配漢堡扒薯條$41米線幾滑身軟硬度適中而魚湯湯底都幾鮮甜，炸魚腐入面啲魚肉好彈牙波浪紋薯條好香脆，漢堡扒惹味不油膩酸辣蠔仔鮮菇泡飯$49蠔仔份量都算多，湯底辣味較重不夠酸味胡椒味菜豬肚雞湯飯$59飯可以揀白飯或者三色飯，我就揀左健康有益既三色飯，湯好夠熱喝起來有淡淡胡椒香豬肚夠淋雞肉都好多仲配有娃娃菜、木耳，冬天食非常暖身又暖胃一食完整個人暖暖的…查看更多

見餐廳新開，試第一次 落單速度其慢，坐位格局亦相當奇怪且擠擁，而食物鹽份極高丶咸得發苦，可幸的是份量十足，$60多已經足夠二人食用。第二次去 味道仍沒有改善，而且連基本餐廳可以穩定供應的奶茶都無法提供。實在令人失望…查看更多

開咗個幾兩個月,第一次嚟試, 我哋兩個人, 叫兩個早餐, 餐飲叫兩杯咖啡， 竟然只係落咗一個餐同一杯咖啡， 先嚟咗兩杯咖啡，跟住就嚟咗一個餐，發覺等咗好耐， 第二個餐都仲未有嘢食嚟， 原來係漏單， 於是再叫 ，但係，已經冇晒我原先想食嘅雞扒， 唯有轉食第二個餐， 都ok， 食物質素ok！ 招呼都ok ，只係落單論盡啲😧， 仲可以接受！建議……如果你嚟食 ，千奇睇下張單 ，有冇漏單？！…查看更多

新開嘅呢間舖頭，食物選擇係多，味道都可以。但開業至今樓面似乎長期請唔夠人。今晚晚市得一個人落單，我哋都體諒唔催佢，結果等咗45分鐘覺得唔對路，催單又叫我哋等等，我哋忍唔住走去廚房門口追問，職員先肯幫我哋check, 點知原來係冇落過單。結果由入座到發現冇落單決定離開，浪費咗我哋1個鐘。我哋體諒員工同時，食店可否都體諒、尊重食客？…查看更多

「魚米 • 湯加」是近期新開的食肆，以半開放式的設計開業於商場之內。餐廳的招牌菜是一眾魚湯米線，以原條煎魚奉上，對喜愛吃魚的小編而言，富一定吸引力。小編要了一碗「原條馬友魚米線」，原條馬友魚雖不算大條，但個人獨享已相當足夠。馬友上菜前經輕輕煎煮過，魚味鮮甜，肉豐吸引。魚湯米線湯汁呈淡白色，略帶甜味。若以鮮魚肴煮的湯汁評價，這個湯頭只屬一般。另一碗「海鱸魚米線」，海鱸魚應經過炸煮處理，外觀金黃。論魚味，海鱸魚魚味淡薄，賣點是其炸至香脆食感。喜愛吃魚的朋友，比較難感滿足。 「魚米 • 湯加」作為新店，成功吸引大批食客光顧。招牌原條鮮魚米線亦有一定賣點及吸引力，只是湯底方面可多下功夫。另外，或許餐廳還在新張期間，行政安排還是有點混亂。最後，個別店員的態度亦有進步空間，需留意一下。 …查看更多