港鐵深水埗站 D2 出口, 步行約2分鐘
繼續閱讀
營業時間
星期一至日
07:30 - 00:00
以上資料只供參考, 請與餐廳確認詳情
兩公婆是夜探完老爸，順道落到深水埗福榮街搵食，因為眾所周知，呢條街已經變成為食街，短短兩截街，唔使數，食肆都超過廿間。就番佢口味，又想食得清啲，更唔會揀啲要排隊嘅人龍店，所以，走咗入「魚米」，我哋都曾經幫襯過，知道間嘢都唔差。簡單嘅裝修，光猛醒目。時為9:00pm有多，客人唔太多，梗喺揀有張卡位，比起坐二人枱舒服啲。原條鮮魚米線喺佢哋嘅主打，但因為大家都好肚餓，餐牌都無乜點研究，好隨意晌「鮮魚湯自選米線」一欄揀選自己喜歡嘅款式，無論揀咩款式，已附有少量芽菜、腐皮、韭菜、榨菜（餐牌寫咗「炸菜」）。鮮蝦韭菜餃米粉 $37老婆鍾情米粉多過米線，自不然轉食米粉，佢話份量好多，幾乎食唔晒。的確，米線鋪賣嘅米麵比起港式麵檔嘅份量真喺有多一倍。一客有4大粒鮮蝦韭菜餃，粒粒都包得好飽滿，入口味道其實都唔錯，不過，鮮蝦好少，感覺豬肉好似仲要多啲，最弊喺有啲淥唔熟嘅情況，有啲肉喺生嘅。埋單時先同收銀姐姐反映，佢話應該即時同佢哋講，換過一碗，可是因為食咗大半先發現，就覺得無謂搞咁多，結果佢好好人免咗我杯冬瓜茶。帆立具米線 $37做米線嘅通常都唔講賣相，都喺比較粗枝大葉，以下喺送上枱嘅實物模樣。被小弟執番啲帆立貝出嚟，個樣喺味吸引啲呢？雖然叫帆立貝，賣嗰37蚊雞，都有心理準備唔會喺咩高級貨，呎碼比較細粒，但一客有5粒，算OK啦！味道不過不失，算唔上好鮮甜，亦未至於一朕雪味，講唔上好爽彈，但亦無話韌到擦紙膠咁。反而個魚湯底不俗，有份鮮甜，米線亦喺幾滑溜。凍冬瓜茶 $10兩啖熱辣辣米線，一啖清涼冬瓜茶，夠晒爽，冬瓜茶清潤微甜，比起飲汽水就梗喺健康好多啦。整體味道不俗，相信「鮮蝦韭菜餃」喺個別事件。晌服務一欄評分秤高少少，唔喺因為佢免咗我杯冬瓜茶，而喺食物有問題時，佢哋態度喺有承擔，肯負責，就算好似我哋埋單先講，佢哋都會作出補救方案。出面唔少食肆聽完你講就算，話會跟進都喺流流哋，有啲更認為你呃佢想攞着數而話番你轉頭添，查實喺愚不可及嘅取態。
繼續閱讀
放工同老婆去開深水埗黃金買野，咁就諗住簡單快趣咁食啲野啦，見到車仔麵排哂長龍咁唔使諗喇，食前兩步見到依間魚米無咩人唔使等，加上之前係大角咀食過唔錯，咁就即刻入去喇。我叫個麻辣鴛鴦魚餅炸醬米線，諗住依啲野應該好快有既啫，點知我老婆個酸辣酸菜蠔仔香菇泡飯都就黎食哂我都未有得食，追佢地就話幫你睇睇，跟住就無哂回音，你漏單咪漏單囉，一係講聲要等多幾耐等人有個預算吖，啲待應愛理不理咁，見佢地啲單又混亂，成日出錯，都唔知搞咩。就係我老婆食完個下我追咗幾次既米線終於黎到。個味道就無我係大角咀食過咁好，味道比較清淡，米線就幾彈牙，都ok。但我老婆個泡飯就俾啲酸菜搞到成個都得酸味，出哂事。最後講一句，無下次。
繼續閱讀
叫左個豬軟骨菜飯，豬軟骨都好多。順便加個木瓜雪耳糖水，加$ 10 !!!!嘩，我以為係咪倒瀉左，半碗都無！有無搞錯，比得甘少！甘不如唔好整D糖水比人加錢食啦，厄錢！😡😡😡😡😡
繼續閱讀
之前多次經過太子店想進去用餐，前天（30/10）中午約二時十分剛好經過深水埗店，於是跟媽媽一起進入此餐廳打算用餐，卻因此得到一個非常不愉快的經歷 ，此時餐廳內沒有很多顧客，坐了近五分鐘也沒有侍應招待，於是我便舉手並有禮貌地問其中一個女侍應取menu，該名女侍應似不熟識menu存放的位置，當她終於找到menu的時候，她很用力的把 menu 掟在我們的枱面上，我只聽到 ＂砰 ＂一聲，那一刻我真的非常生氣，作為一個客人，我們確實沒有必要受到這種無禮的對待吧！然後我媽媽還打算點餐，最後我跟媽媽說深水埗到處都是食肆，我們沒有必要受到這種對待吧！然後我們就離開了，也改往另一家餐廳用餐，也決定不會再光顧或推介身邊朋友到＂魚家 ＂任何一家分店用餐。我只想說，如果此集團的負責人想賺錢的話，最好還是聘請一些稍為＂有質素＂及 ＂有禮貌＂的員工比較好。
繼續閱讀
雖然晚餐時段吾洗等位，但坐系道10分鐘，大概有3枱客人等超過30分鐘漏單而發脾氣走人除左漏單問題，佢地成日會俾錯野人話明魚米，我覺得呢間系得魚先好食我食既腩肉又厚，而且個味有點怪而豬肚勁大塊，難咀嚼🤦🏻♂️湯底足料，夠大碗個人建議最好要清湯魚湯底整體而言我吾會食第2次
繼續閱讀