魚米家魚湯米線 (已結業)

其實都食過好多次...上水基本上咩都食過...估唔到打佢呢篇食評既時候已經執左其實平時都幾多人黎食....佢D 下午茶都OK既~一碗麵+個小食咁...我D朋友好中意食佢既蜜糖雞翼但係我就一般啦...最難食係佢既米線...過份稔...同埋佢所有既炒河呀果D都唔係炒既!!以前我好中意食佢既3杯雞...味濃雞滑~今次諗住黎食佢...點知退步左咁多..唔知係咪臨收工既關係...雞件大大件有骨既...好多油...又有少少見紅..濃味唔夠..以前一定有啫啫雞咁濃..總之今次覺得唔好食啦~但係佢既哈蜜瓜雪泡好好飲~好似沙冰咁勁解渴~~不過唔知係咪好凍...有陣時食完魚米家都會肚痛...

2個人叫左2個下午茶餐...豬扒米線魚湯底豬扒幾夠份量...但略為粉左d....米線唔錯...個質感岩岩好....唔太硬又唔太林魚湯幾正...味精唔算多...起碼食完唔會好口渴....幾鮮甜雞翼米線魚湯底雞翼都幾入味...個人覺得好食過豬扒凍奶茶落單個陣叫左少冰....點知拎返個陣d冰仲多過平時...真係成杯都係冰服務唔錯....叫人好快就有人應...價錢都好經濟...2個人埋單50蚊到

由於之前係奧海城返工!!!所以成日都幫襯果間魚米家!!!但前兩日放假經過~先知原來自己樓下都有間!!!咁無理由唔試下咖!!!我叫左 魚腐魚湯米線 加 兩隻雞亦 同 可立一杯魚腐炸過 味道一般同其他分店無分別!!米線質地比較 煙韌 唔會太淋可惜係魚湯比較奧海城的為遜色..無咩魚味!!!下次只會在奧海城見!!!!!

tea time食左~羅宋湯牛腩米線, 多士, 杏仁霜羅宋湯牛腩米線羅宋湯底幾濃味, 酸酸辣辣好醒胃, 入面有d椰菜, 紅蘿白絲, 洋蔥粒, 幾足料~牛腩有d肥, 有3大舊, 炆得夠淋多士好脆口, 熱辣辣即烘, 塗牛油之後d牛油溶曬好正~杏仁霜好稀, d粉唔溶, 難飲…..

下午茶tea一tea~豬腸米線, 牛油餐包, 吉列豬扒, 熱朱古力豬腸米線豬腸好彈口, 冇異味, 有3舊, d米線好似阿土咁既, 碎濕濕, 個湯底好重味精牛油餐包可能放得太耐, 一d都唔鬆軟, 硬左….唔好食吉列豬扒d炸粉唔厚, 豬扒唔會乾爭爭, 冇骨好多肉~熱朱古力淡左d, 唔係落左好多朱古力粉, 唔夠熱….

我們三個人就order左一個 "皇子炒飯" 炒飯分量就好多, 但炒方面就, 炒得唔夠散, 幾粒幾粒飯貼成一團團"魚湯雞小籠包" 湯同雞都好入味, 但d小籠包就d皮好厚, 同唔夠味. 食物質素, 真的要改善下 !!!!佢地d waitress,的服務態度差唔在講,仲要罵回你好吹佢,好煩佢,先至最嬲, 全完唔覺得自己有問題, d客走左,佢地幾個waitress,就立即相討那個客吹佢取野, 那個客無道理, 完全唔專重其它客人, 但都有一,二個 waitress,是服務都幾好, 主要系得一個帶位女waitress,非常之有問題,

同daddy tea一tea喇沙雞柳米線-->呃人ge, 一d喇沙味都冇, 依然係魚湯, 不過好鮮甜, 雞柳已經去左雞皮, 米線唔會淋pat, pat蘿蔔牛腩米線-->都係魚湯底, 飲得出冇咩味精, 蘿蔔冇ja, 細細舊, 牛腩有少少肥, 不過好香牛味, 份量唔少ga凍檸茶正常, 杏仁霜就淡如開水, 下次都係叫返奶茶咖啡好d

以前好中意食魚米家, 因為覺得d湯做得唔錯。但呢幾次真係唔可以, 上個月尾同家人去下午茶, 叫左4個餐, 我個餐落完order之後3分鐘同我講冇, 咁我就改啦; 等左8分鐘左右, 細妹個set到左, 但原來落錯左。 落錯單唔緊要, 咁咪換囉! 咁之後我細佬同佢女友d order再十分鐘後到左,食完晒喇, 但我同阿妹份野都未到, 咁就緊係催下佢啦! 之後個waitress就話:"等等啦, 整緊畀你~" 但再十分鐘之後, 又問另一個waiter有冇漏單, 佢話:"整緊畀你喇喎!" fine!!我等.... 再過一陣, 我搵第三個waitress, 叫佢幫我check單, 點知佢話我地之前改單同落錯單cancel左個order就再冇入機.... 佢幫我地即刻落返order, 前後等左四十分鐘....食物黎到喇, 但係賣相就似係人地食剩既野, 個湯底又淡, 好似唔夠湯溝左水咁。細佬話唔會再幫襯。今日年廿八, 洗邋遢, 老公放工買午茶, 咁我就話買魚米家啦, 順便比多次機會佢平反啦~ 點知老公話佢地d外賣打翻晒都唔執, 照拎去counter比客人, 搞到我老公要自己再執過.. 老公話:"以

上水揾食，想輕食，經過魚米家，見有卡位，隨身物件多，放低都仲可以坐得舒適，就入去。記得以前都黎食過，印象唔差。叫左:$36爐燒羊鞍湯米線--上枱見羊鞍黑炆炆，心諗係咪用左老抽"頁"件羊或是焗燶左;賣相先扣分，好彩一啖入口，入口幾淋，有淡淡的羊羶味，份量就有1件大1件小。米線，份量頗多，有3件白蘿蔔。$36香草去骨牛肋骨魚湯飯--冇香草味，牛肋骨，軟硬度剛好。魚湯飯，男仔就會覺得份量少一點。講返魚湯，米線和湯飯，都唔覺腥，但又唔覺好有魚味喎。幾喜歡上枱，材料和米線飯，分開上。等食個陣望下四周環境，裝修其實幾有心意，有4幅梅蘭菊竹裝飾。客人唔多，或者係咁所以感覺闊落。埋單$72，有羊鞍有牛肋骨的米線餐，感覺很不錯，如果包一杯餐飲就更加好啦，下次會再黎。

晚飯時間, 唔想食飯但係又唔知食咩好行行下, 見到有米線食就沖左去叫左個酸辣香茅米線媽咪就叫左蕃茄豬軟骨米線我個米線係小辣, 但係好辣辣GE程度同一般店舖比較, 應該需於中辣但係真係好好味可惜D配棻好少呢又話有肉碎同酸菜媽咪個米線湯底仲好食, 又酸又甜, 正而且D豬軟骨多過我D豬扒

又係得我同媽媽一同食飯 去到「魚米家」都差不多10點2個字...都真係幾晏先食晚飯~~ 原想叫 小籠包雞煲，但媽咪話我剛剛好返，唔好食雞住喎 okok，咁就唔叫住啦..... 問左媽咪想食咩米線，跟住果d就由我黎發板喇~ 奇怪地，媽咪今次居然話要「魚皮餃米線」 乜媽咪唔係鍾意「豬軟骨米線」架咩﹖﹖兩個人，叫左以下既食物share~~魚皮餃米線﹕最先來的食物，我個人覺得d湯較淡...同埋好似唔係好夠熱天氣凍呀...唔該d湯要要熱d丫~ 魚皮餃就...好一般...所以我都唔知點解媽咪話要試呢個...梅菜東坡小卥肉飯﹕跟餐有多一碟灼生菜，$ 42，水準無變，份量夠多，東坡肉依然係咁好味，今次呢d仲係比較多dd肥既，簡直係我杯茶呀 加埋d好好味既汁 & 處理得好好無沙既梅菜，真係成大碗飯俾我一個人清哂咁滯呀!! 當然，我媽咪都有食左一小碗既~ 如果次次東坡肉都係咁靚既就好喇~馬拉盞豬頸肉炒米線﹕跟餐有多一碟灼生菜，$ 42，因為覺得其他食店好少有炒米線，所以係呢度一見到，就緊係要試下啦~ 份量都唔少喎 d 豬頸肉都炒得幾好味喎~ 有少少惹味...好似有..咸魚﹖﹖ 仲同埋d豆苗一齊炒架，唔錯唔

今晚同媽咪返完教會都已9:30，由粉嶺返到上水都差不多10點了 所以我們只好到我和媽咪的另一個「飯堂」---「魚米家」用晚膳本只想叫返我地最愛既「東坡小卥肉飯」+「豬軟骨湯米線」便算，但一看餐牌，推出左新野喎~ 今次既新出品係「暖在你心窩」，有8款選擇，鍋底可選﹕鮮魚湯、麻辣湯or番茄湯。鍋物既選擇就分別有﹕「番茄大蝦海鮮窩」、「娃娃菜魚雲窩」、「招牌魚腐雜菌窩」、「大蝦肥牛窩」，這4款售 $ 59﹔「肥牛菜肉餃子窩」、「南瓜魚片頭千層豆腐豬軟骨鍋」、「小籠包紫菜千層豆腐窩」、「香茜番茄牛腩窩」，這4款索價 $ 49。這些「暖在你心窩」包埋米線一碟or白飯一碗。 睇相都好似幾ok，經過同媽咪的商議後，最後我們就叫了---「娃娃菜魚雲窩」 另外仲有我例牌叫既「東坡小卥肉飯」及「生炒糯米飯」(呢個又未試過，所以就叫來試試啦)「東坡小卥肉飯」﹕呢個東坡小卥肉仲保持到水準真係好好好好味~d東坡肉不會太瘦，又不會只得肥膏，真是我的至愛~ d汁撈勻d飯，真係好食到唔識點講 所以，我次次黎都要食呢一味肥d都唔理啦「娃娃菜魚雲窩」﹕個賣相...ok啦，點都係相片中既靚架喇 魚雲既份量都算ok，但娃娃菜

Went there with my relatives for afternoon snack, before we sat down on the table, i noticed there's a noodle from previous customers sticked on the table!!!!! I told the waiter to clean the table again, but he only picked up the noodle and walked away, bad impression.....we ordered soup rice noodle with mushrooms and dumplings, and red bean ice-cream shake, the food was average, you can get the same type of food at the same quality in many local cafe, nothing special. The waiters/waitress ther

八月廿四日, 跟鴨仔團走咗去大埔影相, 中午時間喺上水放底我哋食飯,遇到幾個啱傾啲既同學仔, 所以一行六人嚟咗《魚米家》食晏。我同老公一人叫咗一個魚米湯套餐,我既係鎮江骨湯米線, 啲骨好腍, 好味喎~~~ 份量仲幾多添!不過個湯就好似淡咗好多, 冇魚味既?!!個套餐小食我叫咗墨魚丸, 嘩! 得果兩粒細細粒..... 味道冇乜特別。老公就要咗東波肉湯米線, 啲東波肉唔錯, 夠味, 又係份量都幾足。跟餐仲有杯嘢飲, 不過特飲要加 $5, 老公杯紅豆冰普通, 我既芒果蜜就過得去啦~呢間既水準 Keep 唔到, 間間質素有啲唔同, 同埋好似比最初開店時差咗...更詳細資料及圖片請看 : http://hk.myblog.yahoo.com/joycewai616/article?mid=10444

星期五差唔多12點同阿媽黎呢到食午飯set lunch選擇係少左D.. 但如散叫, 凍飲只係加$6都OK既~叫左推介o個個豬軟骨米線 + 凍奶茶個湯都算濃味, 都大碗既.. 起麻會吃得飽, 入面有好多件豬軟骨本人覺得唔錯!另外叫左1個set lunch.. 喇沙豬頸肉炒河 + 熱檸茶個炒河好大碟, 有dd spicy.. 好好食呀~! 阿媽話檸茶好飲, 唔苦口既 overall, 呢間魚米家食得過既.. 埋單先$65, 同食大家樂差唔多價錢值得一提, 呢到service唔錯, 上野食都上得快手, 同埋唔駛加一