1
2
1
港鐵黃埔站 B 出口, 步行約5分鐘 繼續閱讀
電話號碼
39973886
營業時間
今日營業
10:30 - 23:00
星期一至日
10:30 - 23:00
付款方式
現金 八達通
座位數目
48
其他資料
Wi-Fi
酒精飲品
加一服務費
食評 (4)
花膠做主題,心想是時侯補一下膠質了。先看午餐牌,套餐有飲品,例如單叫鮑汁花膠撈蝦子麵$58,套餐是$68,多$10一杯飲品,而有些是比開業推廣價多$8至$12不等,才多一杯飲品,是否抵就由你自己決定了。最後單叫了鮑汁花膠撈蝦子麵,有柄鑊仔上枱以為很熱辣辣,咁就錯啦!只是盛器而已,全部餸麵都是微暖,蝦子麵份量不大,麵身都爽,鮑汁唔太鹹太稠 ,帶有少少甜味。其實蝦子麵幾好味,可惜鮑汁是凍的,一撈埋就連麵都涼晒,便大打折扣了。花膠應是碎邊位的貨色,有膠質,咁嘅價錢算唔錯了。川味鹵水五花肉拌麵+熱檸茶,有6片五花肉,拌麵也是涼拌的,據說湯麵才是熱的。拌麵份量多些,麻辣頗惹味。要加一服務費,百多元埋單其實唔多飽,不過有花膠吃吓都算唔錯嘅! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-02
137 瀏覽
因有事在黃埔到晚上9時夠多才有空晚餐,光顧這新開小店,味道也還可以,但可能是新店關係,運作未太理想,我的麵等了不短時間,看其他食客也有漏單情況,希望將來有所改進。*********************雞中翼涼拌麵 (7/10)雞翼味道是甜酸味道。麵夠爽口入味,麻香味充足。五花肉涼拌麵 (6/10)五花肉偏薄又乾,感覺一般,麵身(陽春麵)味道也不夠,偏淋,個人不太喜歡。藍蝴蝶花茶 (7/10)味道清新,沒有太甜,套餐不用加錢可配,值得一試。 繼續閱讀
(以上食評乃用戶個人意見 , 並不代表OpenRice之觀點。)
等級3 2018-09-03
197 瀏覽
新開張,全部新手,錯漏百出。樓面職員有4個,但客不多,幾乎可以一個對一張枱,但都冇咩服務,唔明點解呢種麵店會有加一服務費。叫左個鮑汁花膠撈麵同鮑汁花膠撈飯。等左足足20分鐘先到,啲餸已經炆好哂,唔明點解要等咁耐,而且上到黎啲野係唔熱既,連暖暖地都講唔上,只係不致於凍囉。個汁好稀,似湯水,唔係撈到飯黎食嗰種汁,只係濕下啲飯。花膠係爽脆既口感,唔係淋軟既,呢啲個人口味啦,但我唔鍾意爽脆花膠似食豬皮。有隻好大既冬菇,尚算入味可以。唯一可能係可取之處既係食物一啲都唔咸,但正常呢種炆餸係要咸咸地先好餸飯,又係個人口味啦… 我就覺得太淡。另外,飯就比好多,實飽。不過一個蝦子麵就會好快肚餓。隔離一張枱,叫湯麵就黎左撈麵,另一張枱叫雞腳花膠湯麵就冇雞腳,仲要催左2次先補番隻雞腳,廚房真係好發夢。間舖麵食都冇幾多選擇,主要都係花膠鮑魚冬菇雞腳啫。雖然價錢唔係好貴,但就係麵店要收加一嗰下奇怪。我覺得我唔會幫襯第二次。 繼續閱讀
(以上食評乃用戶個人意見 , 並不代表OpenRice之觀點。)
等級1 2018-09-01
129 瀏覽
因為試業的關係,所以人都比較少坐得幾舒服,但其實原本餐廳的位置都較有空間,唔會有壓迫感,環境有9分!食物我就點咗個麻辣花膠撈麵,川味嘅鹵水雞翼同一個花膠燉蛋,呢度嘅麻辣同鹵水都非常特別,並唔係一般香港人所食的口味,但對小弟而言就唔夠辣,而花膠就好有口感,麵嘅份量對小弟嚟講可能相對性就較多,整體而言性價比幾高個燉蛋簡直就係一流,非常滑,似足豆腐花,好過好多所謂嘅日式餐廳,食物都絕對值9分由於時間關係,小弟趕住上班所以冇影到相,下次再去一定會幫手upload相 繼續閱讀
(以上食評乃用戶個人意見 , 並不代表OpenRice之觀點。)