魚旨 (已結業)

打完波 想食宵夜 見到10點幾仲有開 一於去try try佢見到丼飯既圖幾吸引 價錢可接受同老闆講左要 608號 三文魚蟹籽丼臨走時，老闆仲話下次再黎多多幫襯。最後返到屋企，拆開個外賣！係一堆唔知咩魚生溝埋，扮三文魚！欺騙左我！！！ ！仲點會有下次幫襯你？差評！！！！好伏！！！！唔誠實！！！味道上黎講，覺得魚生都唔係太新鮮，有啲酸！蟹籽份量亦不及圖中既咁多！最嬲係我本身想食三文魚！你比其他魚生我做乜鬼？不推薦大家去呢間野食！！！

那天不知道買什麼外賣的時候,突然發現屋企附近開咗間食日本嘢的餐廳（一眼看到感覺還可以）,看外面的宜傳相很吸引,於是一心試下,所以叫了3個外賣,兩個芝士鰻魚飯（有芝士鰻魚、芝士玉子、芝士蟹子）,一個燒三文魚飯,結果回家打開一看🙄🙄心知不奥妙....😮‍💨😮‍💨賣相不似預期😵‍💫😵‍💫味道更是不對勁🤮🤮🤮甚至坊間的爭x鮮的味道都好過佢十倍以上🤣🤣這刻我知道自己中伏了😱😱😱真係可一不可再的餐廳

今日同朋友經過大角嘴，見到間小店。上網睇留言，好似唔錯，就試下。 老闆服務態度好好，雖然是小店，但是食物質素好好。刺身好新鮮，而且好用心擺盤。 冷泡茶自家調配，十分用心！ 下次再黎👍

話說平時喺大全街嗰邊覓食多，今晚難得陪人黎棕樹街整車，咁就俾我遇到呢間舖🤤身為一個永遠在減肥嘅女孩子，夜晚都盡量以少澱粉為原則😤所以今次試吓佢啲魚生先佢個擺盤夠晒有心思😂出到黎見到啲紋甲墨魚擺到成朵花咁，唔理三七廿一影返張相先🥳（其實唔係好知點解紋甲係點解，是但啦好食就得🙊）三文魚唔洗講🥺片片都好大好厚勁肥美，決定下次試埋邪惡三文魚腩🤪劍魚腩就真係邪惡之最，不過兩個人share，都唔係太過份姐😌甜蝦就係朋友嘅最愛，買完之後佢問我做乜唔買埋牡丹蝦俾佢🙄下次啦好嘛？宵夜輕食就好，食得多就肥㗎喇😤總括黎講，暫時對魚生都好滿意🤤下次再想買壽司返屋企食嘅話，一定會諗起呢間（好食之餘又夠近，贏晒🙊）

刺身好新鮮喎！發現新宵夜地點～近排戲院開返 早兩日同屋企人係朗豪坊睇完戲 夜場之後行返屋企行左第二條小路 見到咁夜呢間店仲開緊 揀左幾款刺身做宵夜 同屋企人都覺得正喎 尤其個甜蝦鮮甜到呢 下次要試埋個海膽先～大角嘴街坊有食神了

今日下晝同班波友係大角咀打完波，本身諗住落旺角吉串魚蛋，煎釀三寶，點知攞車果時見到哩間壽司外賣店，心郁郁又肚餓就走左去買幾件🤤叫左1客火炙三文魚腩，1客火炙左口魚裙邊，再加1個軟殼蟹手卷！三文魚腩夠哂肥美大件厚肉，燒到金黃色剛剛好，左口魚裙邊就夠新鮮，一咬落去d油香必哂出黎，入口即溶👍🏼👍🏼軟殼蟹手卷好足料，隻蟹又大隻又香脆，食到落去原來仲加左蟹柳，d料仲多過d飯👍🏼仲有就係d壽司飯都好正，好岩我口味，如果唔係約左女朋友食晚飯，一定返轉頭再叫多幾件🤣價錢方面總共$62 ，咁嘅質素抵啦😎下次一定會再揸車過嚟買多d返屋企食🤤🤤