48
1
0
港鐵炮台山站 A 出口, 步行約4分鐘 繼續閱讀
電話號碼
35904930
開飯介紹
「魚事者」猶如一位魚品魔術師,為傳統魚品注入嶄新元素、以創新手法製作出多元化的魚品輕食。 繼續閱讀
營業時間
今日營業
08:00 - 21:30
星期一至日
08:00 - 21:30
付款方式
Visa Master AlipayHK 支付寶 現金 八達通 AE 銀聯 JCB Apple Pay Google Pay 微信支付
其他資料
網上訂座
Wi-Fi
賞訂座積分
當面支付
食評 (51)
等級4 2020-10-14
326 瀏覽
其實我都幾鍾意食魚,只係唔識lur骨,魚生固然好食,但作為一個偽潮州人,小妹最愛就係魚蛋類既物體! 還記得我家兩老係我回來既時候叮囑左我3樣野,但但我只有一樣聽話XD 佢地分別係唔準學電單車,買多尐衫同唔好食咁多魚蛋粉~ 好明顯我只係無學電單車!某日,男人send左篇article黎,講呢一間餐廳 ,佢重點推介"炸魚無薯條",咁得意? 但再得意都要做下功課,search左成晚,應該食得XD炸魚無薯條 配 蟹皇醬 $28呢個明顯地係炸魚條,食落好開心,點埋個醬就仲開心! 看似簡單,但又無咩人會咁整! 呢個我食十碟都得!Fisotto 魚麵粒粒扮意大利飯 $101呢個值得一試,真係好得意,口感有驚喜,不過試過,過癮過,下次會叫其他XP佢口感唔似食飯,似食緊好多細粒魚蛋咁,仲要有少少cream底,成件事都有新意!黑白鴛鴦春卷 (跟餐) +$10嗱... 呢個呢... 真心某連鎖餐廳好食好多,什至是旦一間有既粉麵舖都比得上,魚肉唔算好多,炸出黎亦唔飽滿黑色應該係芋頭,可能我個人唔芋頭,但口感ok的白色就係平時食開個隻,但好似食炸腐皮咁,無咩料到芝士魚餅 (跟餐) +$10呢個就魚餅囉... 我同男人都唔多覺佢有芝士,應該話,食得出有但好少... 會expect多尐,濃尐泰式 - 蝦頭油炸蝦球魚麵撈 $63問心,呢個真係好食! 比起Fisotto正好多! 佢仲有其他架,所以會搵日再試其他XD佢個汁好正,加埋個青檸汁,very開心! 而個"蝦球"都好好食~魚湯翡翠苗 $13呢個正常啦 但食咁多炸野,濃味野,呢個係呢餐既"清泉",但個魚湯好好飲,我清底XD凍檸茶 跟餐+$3 另加$16我地見隔離枱個魚皮好似好得,可惜因為我唔食,男人一個食唔到... 你以為佢碟頭好細,但可能因為都有粉都係魚麵做出黎,其實係飽飽的!所以呢餐好開心,好似食左成餐魚蛋咁XD另外佢地場地,枱凳,餐碟同碗玩顏色,所以成件事又再開心尐! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-14
167 瀏覽
最近同家人黎左e 間主打魚主題嘅小店,店面同店內裝修都有d 海洋風格。餐廳座位都幾闊落。睇下餐牌🥰真係有大部分嘅野都係用魚黎做,但係無魚骨嫁😝仲有魚柳扮薯條嘅菜式😆連熱狗腸都係魚做😍我地叫左以下幾款:好多卜卜蜆木魚湯魚麵個碗真係超多蜆,仲有粒粒都有肉🤩湯底飲到係鮮甜嘅魚湯🥰熱辣辣😋仲有魚麵好彈牙,質感好似魚蛋咁🤤Don’t 陰功蝦丸魚皮餃魚麵冬陰公湯底唔係好辣果種,都幾易入口,蝦丸都好彈牙🥰有鮮蝦味😍湯底同魚麵都幾夾🥳同埋出面食得配米線多,好似食魚麵更健康🥰忌廉蘑菇煙三文魚魚麵撈餐廳仲有d 西式煮法🤩通常出面食都係忌廉意大利麵,今次換左魚麵,但成件事又幾夾🥳條條魚麵都沾到忌廉汁,唔會好杰,但建議熱辣辣撈左食左先🥰煙三文魚都好新鮮,仲好大塊😋配埋洋蔥🧅蕃茄粒仲好fresh 添😆3樣加餸(日式餃子🥟,炸蝦卷🦐,炸雞翼🐔)餐廳分開上左比我地🥰好似小食拼盤咁😋日式餃子,煎得香脆,好多汁😆炸蝦卷同炸雞翼都好香😆桂花雪梨綠茶🍵飲落啖啖桂花味☺️仲有少少蜜糖雪梨味,好滋潤😍 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-11
288 瀏覽
剛完成手術要戒口,高蛋白質的魚肉有助傷口愈合,特意到家附近專門吃魚的餐廳午膳廳裝潢走粉色系簡約風,粉藍色牆身配霓虹燈裝飾,適合文青們來一個小休餐牌的菜式取名充滿玩味,先來一杯梳肝花茶,桂花雪梨綠茶!那份舒爽讓人暫時忘記生活上的繁瑣有得揀先至係老闆!羅定魚腐+魚皮鮫*牛丸=由湯底、麵食到配料都可按個人口味和心情搭配,想吃,便吃黑白鴛鴦春卷用上自家製春卷,淺色是墨魚春卷,而深色的魚春卷就特別鮮味。可以選配用魚湯做底的白雪雪魚湯、紅卜卜麻辣湯、黃錦錦咖喱湯或清清地木魚湯,想要清純定惹味都無問題加餸都好喎!每碗麵食都可以優惠價加配炸鷄翼、炸蝦卷、日式煎餃子等小食小食多滋味!魚湯翡翠苗嫩口無腥味炸魚狗腸外層炸得香口,配上蜜糖芥末醬有助減膩沒有魚品的菜式!蒜爆牛油雞翼香脆惹味,最適合無雞翼不歡的我炸魚無薯條你鐘意點就點,蘸以自家調製的松露醬、蟹黃醬或雙子醬!魚肉條入口香脆可口,魚味濃重,口感彈牙,完全不含任何薯仔成份文青又怎能沒有咖啡?凍咖啡為這午餐劃上完美句號 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-10
162 瀏覽
香港作為美食之都,餐廳食肆多不勝數,不過以魚品料理作招徠的店舖,真係少之又少。最近睇雜誌介紹炮台山一間新開嘅港式魚品專門店「魚事者」,據說餐廳除了主打自家魚湯麵外,還有魚麵撈及多款以魚蛋演變出來的魚品輕食。店子位於宏安道威德閣地下,門面光鮮整潔,以柔和的 Tiffany Blue 為主調,令人感覺清新舒服。至於店內裝潢亦甚可觀,用上粉藍色牆身配霓虹燈裝飾,色彩鮮明又略帶工業風,來打卡一流!翻開餐牌,食物分門別類,而且菜式取名風趣幽默,如「有得揀先至係老闆」、「輕鬆 Come 撈魚麵」、「你鐘意點就點」、「梳肝花茶」系列等等,充滿玩味。我哋揀咗三款小食、一個魚麵撈、一客湯麵,另外再加咗魚湯翡翠苗同兩杯飲品。先吃三款小食,齋睇炸魚狗腸 ($28)  嘅外形真係會以為係熱狗棒,但咬開會見到其實入面係用魚滑製成的魚狗腸。魚肉炸得非常香口,面層灑上了煙肉碎和炸脆米,配上蜜糖芥末醬吃,有助減膩。另外呢款炸魚無薯條 ($28)  亦很有特色,客人可以自選一款蘸點醬汁,有松露醬、蟹皇醬和雙子醬三款可供選擇。薯條其實是炸脆至金黃色的魚肉條,食落魚味好濃,酥香富彈性。雙子醬內有明太子和蟹籽,味道濃郁醇厚,入口還能吃到明太子的顆粒,配魚條吃惹味非常。至於呢款扮墨西哥魚皮 ($33)  亦很有創意,將新鮮即炸的魚皮代替 Nachos,魚皮鹹香脆口,以牛油果醬、芝士醬、蕃茄和洋蔥粒伴吃,滋味滿分。魚湯翡翠苗 ($13),翡翠苗鮮嫩兼無草青味,魚湯味濃又唔會過鹹,食落清清地,唔錯!輪到吃麵食,魚麵撈有川式、泰式、西式、港式及日式五款可供選擇,今次就決定試下挑戰味蕾,揀咗川式麻辣鴨絲魚麵撈 ($53)。魚麵果然口感十足,煙韌彈牙又爽身,就算加咗花椒同辣油,亦無遮蓋到魚鮮味。鴨絲帶濃郁的鴨肉香,夾埋蔥絲、紅椒絲、青瓜絲和魚麵一起吃,香辣惹味!要特別一讚店員送上嘅大地魚香辣醬,入口帶獨特鹹鮮,用來拌麵吃,滋味滿溢。至於湯麵就點咗牛魚氏火腿 ($48),湯底有四款可揀,包括白雪雪魚湯、紅卜卜麻辣湯、黃錦錦咖喱湯、清清地木魚湯。平時食嘅火腿都係用豬肉做,不過呢度就比較特別,分別用上牛肉及墨魚肉炮製。牛火腿軟嫩,而魚火腿食落亦充滿魚鮮味,配上彈牙的魚麵和奶白色的魚湯,清甜鮮美。食飽飽再嘆番杯健康飲品,呢兩杯係蝶豆花檸蜜茶 ($18) 同 洛神花山楂雪梨茶 ($18),前者冰涼又帶點蜜糖甜香;而後者亦清甜滋潤,飲完真係好疏肝。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-07
140 瀏覽
是日老公放假 趁閒日去左 北角匯 睇紫藤花 睇完就搭一個站黎炮台山試下呢間先🐟入門自助量體温就揀個卡位入座 店員提供左口罩袋 然後介紹返用相機影低枱面QR Code就可有menu同點餐(睇桌上實體有圖menu都得)最滿意係可以做埋線上payment(櫃台八達通找數亦得)成件事好方便好自閉😍黃金魚彈彈 $63麵同湯底都可以揀 我地揀左爽彈魚麵 白雪雪魚湯 再加左個芝士魚餅(+$10)湯底唔算極濃但帶魚香 配合返啲蔬菜同魚蛋好夾 同埋重點會放返起魚麵既香彈 湯圓妹勁滿意泰式- 蝦頭油炸蝦球魚麵撈 $63賣相有啲散收收 但味道就好集中好正!蝦球外皮唔會過厚 內膽鬆化彈牙 個汁又竟然好夾魚麵 創意但又唔over西式- 忌廉蘑菇煙三文魚魚麵撈 $58同泰式一樣 唯一挑剔都係賣相可以再西啲靚啲😂味道就真係無得彈 煙三文魚厚薄剛好 有埋啲番茄紫洋蔥碎提味 蘑菇唔多見 忌廉味唔會蓋過晒魚麵香 一切都剛剛好新張優惠- 炸魚狗腸 $15店員推介是日優惠 好似平近一半 個樣又幾得意就試下 賣相仿熱狗但又無熱狗咁膩 外皮又係脆度剛好但又同先前魚蛋之類口感唔同 繼續有新鮮感 醬料亦充份搭配炸魚無薯條 配 雙子醬 $28黎晒食物飲品後 見好味但份量唔太多再追加既 呢個真係必點 無薯條咁滿口澱粉 入口要咬但又無洋蔥圈咁嚼嚼嚼 加埋個醬又係無得輸桂花雪梨綠茶 $18清新 桂花味較重 雪梨綠茶味就偏淡 凍檸檬水 $16俾錯左檸茶 講返都迅速換左杯新黎 正正常常 但價格偏貴好遠呀港島區😭 但呢間一定會再黎🐟 繼續閱讀
(以上食評乃用戶個人意見 , 並不代表OpenRice之觀點。)