魚がし日本一 (中環街市)

營業中

休息中

估唔到係中環街市，竟然會有咁高性價比嘅 omakase食🐟火炙漁夫丼 （$208） 兩粒帶子勁大舊，魚生燒得啱啱好，外面微微焦香，裡面保持到鮮嫩口感，外皮俾火炙過之後更加香口，真係無得頂！ 最令人驚喜應該係個醬油飯，醬油味超香，只係食白飯都覺得超好食，軟糯得黎粒粒分明🍣廚師特選Omakase set （$318.4）入面有10件壽司+1件手卷壽司一上枱，店員就會好細心咁介紹每件壽司係咩魚魚生食得出超級新鮮，每件都切得厚薄適中，而且有我最鍾意嘅海膽同蟹肉😍拖羅蓉手卷份量十足，而且拖羅蓉新鮮到有種入口即化嘅感覺，食完仲想encore！🥣鯛魚茶漬湯每個餐都有一碗，個湯超級鮮甜，入面仲有一小片鯛魚片🍇葡萄乳酸（$38） 葡萄味突出，酸甜適中🍑白桃乳酸（$38） 乳酸嘅酸度同白桃嘅甜味平衡得好好，味道好fresh總評：係中環可以用呢個價錢，食到呢個質素嘅omakase真係cp值好高，而且最近逢星期日至四仲有happy omakase hour 嘅8折優惠，岩曬收工都朋友仔一齊黎聚一聚！

同朋友行街後搵野食揀左日本過江龍✨魚がし日本一✨吧枱式設計，日式裝潢好有特式，佢地主打丼飯仲有性價比高既廚師發辦👍🏻 依家仲推出左Omakase hour，星期日至四嘅3點至7點，部分廚師發板套餐有八折優惠🤩廚師特選壽司10貫+手卷海膽、油甘魚、赤蝦、拖羅、赤貝等等...每件壽司上既刺身都係厚切, 新鮮肥美, 油脂豐富，而本身壽司飯都已經有調味，唔需點好多既豉油，所以更加食得到魚既鮮味三文魚親子丼一碗丼飯有5-6塊厚切三文魚，油脂豐厚，配上大大粒勁爆汁三文魚籽,味道新鮮口感好豐富😋鏗魚魚湯，好有驚喜！湯都好有誠意，裏面除左有魚片之外，亦加左泡飯，口感豐富又特別👍🏻另外我地各人嗌左一杯果酒，蜜桃酒比較飲似緊果汁，好而入口，而蘋果酒味道清新但酒味較特出，兩杯都唔錯，推推👍🏻👍🏻👍🏻

開放式壽司吧檯設計，裝潢走型格路線，配上魚形醬油瓶作造型燈飾，相當有特色。除了提供單件壽司選項外，亦有套餐及丼飯，同時配備多元化口味的清酒來配餐。值得一提的是，凡惠顧任何飲品，即享指定廚師發辦套餐8折，差不多相等於飲品免費！三味吞拿魚丼 （$248）一碗有齊赤身、中拖羅和大拖羅，帶來三重吞拿魚滋味，鮮味豐厚。廚師特選壽司（10貫+手卷） （$398）雲集了池魚、深海池魚、油甘魚、吞拿魚、鰹魚、吞拿魚腩手卷、帆立貝、牡丹蝦、蟹肉及海膽，每款都色澤亮麗，可以一次過品嚐到多重鮮味，性價比高！軟綿香滑的吞拿魚蓉配上爽口的千本漬、芝麻和香蔥，油香四溢，帶來多重味覺層次。

朋友大力推薦中環街市一壽司店，決定下班後前去一探環境簡約日式，採用立食吧台設計，木質裝潢乾淨整潔，營造出輕鬆自在的氛圍，適合快節奏的上班族服務員親切專業，迅速解說菜單，動作熟練，像老友般舒適廚師特選壽司10貫加手卷1件外觀精緻，米飯晶瑩，刺身新鮮閃亮香蔥吞拿魚腩丼味道濃郁，吞拿油脂融入口中，微微辣勁提味佐餐真野鶴辛口“鶴”本醸造清酒乾爽順滑，酒體輕盈不黏膩九州甘王草莓乳酸粉紅可愛，甜酸適中，帶來清新收尾

唔講唔知，中環街市地下竟然有間日本過江龍「魚がし日本一」！佢哋嘅海鮮每日由日本漁市場直飛到港🐟✈️，堅持「不時不食」精神，今次試咗兩款丼飯同特飲，真心驚艷到爆燈💥！ Fisherman's Style Seared Rice Bowl呢個火炙漁夫丼簡直係視覺+味覺雙重享受！面頭鋪滿三文魚、吞拿魚、油甘魚同帶子刺身，師傅輕輕火炙過🔥，魚油香即時爆發～刺身新鮮到咬落彈牙，帶子仲係溏心質地🤤！最正係飯底暖粒粒，撈埋蛋黃同醬油，每一啖都海洋感滿滿🌊！ 🐟 Salmon & Salmon Roe Rice Bowl三文魚控必嗌！厚切三文魚刺身疊成小山，加上爆汁三文魚籽🍣，魚籽鹹鮮同魚肉甘甜完美平衡～偷偷講：撈埋wasabi醬油飯一齊食，嗰種黏糯鮮甜嘅口感，真係停唔到口啊😭！ 鯛魚茶漬湯跟丼嘅湯絕對唔係配角！每日用鮮雞+鯛魚熬製，湯頭乳白超濃郁🐔，仲有魚肉碎增加口感，飲完成個胃暖笠笠～ Grape Clapis + 蜜瓜梳打食完丼飯點少得解膩特飲？巨峰提子梳打果味爆棚🍇，蜜瓜梳打就好似食緊北海道蜜瓜咁清甜🍈！兩杯都係冰涼氣泡感，夏日救星啊❄️～ 坐喺開放式吧枱前，睇住師傅即握壽司已經係享受🍣

之前去airside食過呢間覺得幾好食，所以呢日來到中環街市見到就決定入來，呢到只有bar枱，同師傅可以好舒服咁樣有好多交流，用餐體驗都幾好，喺中環街市入面係一個唔錯嘅日式菜嘅選擇。呢度更加有happy hour優惠，所以放工之後記住約埋朋友一齊嚟飲番杯先。鯛魚茶漬湯真係落咗啲心思嘅，好濃嘅魚湯味，加埋入邊有少量飯，好暖胃！主食我地要左三味吞拿魚丼同廚師特選壽司10件，兩個都好新鮮，魚都切得好厚，連我最愛嘅海膽都有overflowing嘅效果，正啊！九州甘王草莓乳酸同埋波子汽水都真係好正，九州甘王草莓乳酸整到成杯Cocktail咁樣，打卡一流，至於波子汽水就真係童年回憶啦！

坐Bar枱睇師傅即場壽司演出🍣🎌 靜靜地坐喺Bar枱前，睇住師傅一刀一握，節奏俐落，手勢優雅，簡直係一場味覺與視覺的雙重享受。🍣 _廚師精選壽司10件_每件都係匠心之作：油甘魚油脂豐厚、赤身鮮味突出、池魚細膩清爽、牡丹蝦甜美滑嫩、海膽如海水般鮮香、墨魚爽口彈牙、赤貝帶微微海味、蟹肉鮮甜細緻。最後油甘魚再登場，味道更濃郁；toro手卷入口即化，脂香滿溢，完美收尾。🍚 _三味吞拿魚丼_大拖羅脂香濃郁，中拖羅平衡鮮味與油脂，赤身則清爽鮮甜，三種層次分明，一碗丼飯食出三重享受。🍵 _鯛魚茶漬湯_鯛魚片薄而鮮，配上熱茶湯，清香暖胃，米飯吸滿湯汁，淡淡柴魚香令人放鬆，是一個溫柔的句號。

可以坐係廚師面前，睇佢即場製作新鮮嘅壽司同丼飯🍣依家仲推出左Omakase hour，星期日至四嘅3點至7點，部分廚師發板套餐有八折優惠廚師特選壽司（10貫+手卷1件），每一貫都係廚師精選時令刺身，所以非常新鮮🤤是日款式有肉質彈牙嘅金目鯛、魚味濃郁嘅油甘魚、味道鮮甜嘅牡丹蝦，仲有蟹肉壽司，蟹肉滿滿，鮮甜嘅日本海膽更係令人難以抗拒！🦀拖羅蓉手卷嘅口感creamy，鯛魚茶漬飯湯底鮮甜好飲🔥炙漁夫丼有炙燒過嘅拖羅、少見嘅右口魚同帶子，配上日本酸蘿蔔同薑，食落好滿足！🍚飲品方面，松鼠檸檬茶酒飲落似檸檬茶，但有酒味，酸酸甜甜非常開胃🤤南都酒造所35泡盛咖啡酒，濃郁嘅咖啡味，適合唔鍾意甜酒嘅朋友☕️ #魚がし日本一 #UogashiNihonichi #CafeDecoGroup #AIRSIDE #sushi #sushilover #aburi #searedsushi #香港日本菜 #中環 #中環日本菜 #香港美食 #香港探店  #香港旅游攻略 

今晚同朋友去咗中環街市嘅「魚がし日本一」食晚餐，真係有驚喜！😍 地點好方便，就喺皇后大道中，入到去即刻覺得自己好似去咗日本咁，裝修好有和風feel，坐Bar枱仲可以睇住師傅即場握壽司，好有氣氛㗎！🇯🇵✨ 我哋叫咗「廚師特選壽司10貫+手卷」，每件壽司都新鮮到爆！🍣 師傅手勢好正宗，魚生厚切又鮮甜，特別係拖羅，入口即溶，油脂香超正！手卷紫菜脆卜卜，入面嘅餡料多到瀉，食到好滿足！🤤朋友叫咗「三味吞拿魚丼」，賣相已經贏晒！💯 有三種唔同部位嘅吞拿魚，鋪滿成個碗，撈埋wasabi豉油一齊食，鮮味層次豐富到震！丼飯嘅醋味調得啱啱好，唔會太酸，同魚生好夾～🍚另外仲試咗「茶漬湯」，清清地好暖胃，食完壽司飲返碗真係perfect！🍵 飲品方面，我哋叫咗荔枝酒同水蜜桃乳酸，荔枝酒香甜易入口，水蜜桃乳酸就酸甜解膩，兩杯都超推介！🍹🍑整體來講，呢間餐廳性價比高，食材質素對得住價錢，服務又好好，師傅會同客人互動，環境又舒服，絕對會再encore！👏 如果你係日本料理fans，一定要嚟試下！記得bookmark低地址啦～📍

𓆹 廚師特選壽司 (10貫+手卷1件）8折後$𝟹𝟷𝟾.𝟺*壽司擺盤精緻, 款款食材都好新鮮。池魚同鰂魚油脂豐富, 魚身細緻嫩滑。金目鯛甘甜, 肉質彈牙。油甘魚魚味濃郁, 口感柔滑。帶子鮮甜, 爽脆彈牙。牡丹蝦晶瑩剔透, 味道鮮甜。吞拿魚赤身肉質柔軟。鰹魚帶一點炙燒香氣, 魚味突出。蟹肉甘甜, 一梳梳嘅蟹肉令人滿足。北海道海膽質感細膩, 入口即溶, 鮮甜十足。𓆹 三味吞拿魚丼 $𝟸𝟺𝟾三味吞拿魚丼包括大拖羅, 中拖羅同吞拿魚赤身。大拖羅肥美, 脂肪含量高, 口感順滑, 入口即溶。中拖羅脂肪與魚肉比例恰到好處, 肉質細膩, 口感嫩滑彈牙, 味道清新。吞拿魚赤身質地扎實, 口感相對輕盈且帶有彈性。每個套餐都附有茶漬麵豉湯, 麵豉湯裡面有魚肉, 非常鮮甜。𓆹 荔枝酸乳 $𝟹𝟾𓆹 水蜜桃酸乳 $𝟹𝟾*於星期日至星期四15:00-19:00, 點選任何飲品就可以8折優惠享用廚師發辦套餐。

我約好友去位於香港中環皇后大道中93號中環街市地下G12號舖的<魚がし日本一>食魚生及壽司，環境舒適，裝飾富日本風格，吧檯係可以睇到師傅製作的過程！我哋點咗：🥢Fisherman's Style Seared Rice Bowl with Soup 火炙漁夫丼、鯛魚茶漬湯 $208漁夫丼賣相繽紛吸引，丼飯面頭係新鮮刺身，有三文魚、吞拿魚、油甘魚、帶子..等，刺身款式多，口感豐富，味道鮮甜。鯛魚茶漬湯鮮甜好飲。🥢Sushi Omakase Set (Sushi 10pcs + Handroll 1pc) with Miso soup 廚師特選壽司（10貫壽司 + 1款手捲）、鯛魚茶漬湯 $398十貫壽司有蝦、油甘魚、鰹魚、銀雪魚、蟹肉、海膽...等，最欣賞拖羅蓉手捲的肥美新鮮嫰甜。茶漬麵豉湯搭配鯛魚和米飯，湯底鮮甜好飲。🥢Melon Clapis Soda $38蜜瓜味濃，梳打清爽。🥢Lychee Clapis Soda $38荔枝味清香，梳打清涼。

慣咗一個人食lunch，間唔中想食下中價位日本嘢，又唔想等位，就會嚟中環街市地下food court 呢間魚がし日本一食刺身丼或者壽司定食。今次叫咗「雜錦角切魚生丼」，定食包埋茶碗蒸、沙律同味噌湯。丼飯面頭鋪滿角切魚生，有三文魚、吞拿魚、蝦同其他鮮魚，魚生質素唔錯，味道新鮮、唔腥，size都合理，唔會切到太細粒或者淨係俾啲邊角料你食。我唔食薑所以夾走晒飯上面啲酸薑😂 但配醃蘿蔔都好開胃。整體嚟講，定食份量足夠，味道都唔錯，如果可以平少少/免加一價錢會更加有競爭力。

去開附近簡左間食壽司既日本餐廳，見評價唔錯就去試下。整體ok既，不過啲紫菜唔脆之餘有啲難咬得開。覺得講到咁好既日本餐廳但基本既都好似未做得好好。壽司整得好好，而且都好新鮮咁。只是因為當中有個海膽壽司有紫菜，因為紫菜質素麻麻以致整體感覺麻麻。另外有些細節位睇下可否做到，例如每個位放一張消毒紙巾，這樣客人方便些用手食手卷。另外也沒有位置比客人放物件，不過這很少事，只是有這些簡單安排會更貼心。哈哈哈哈哈。

嚟自日本嘅過江龍秉持不時不食嘅宗旨✨ 餐牌會因應季節食材變更而有所調整 漁產仲每日新鮮由日本當地市場直送到🐟 除咗單點壽司刺身 唔想煩仲可以揀廚師發辦 中環嚟講性價比唔錯 幾啱放工食吓嘢飲番兩杯🍻  為慶祝中環店開幕 🎊 三月底前會提供Sake Flight清酒品味體驗 用優惠價HK$88就可以試到以下三款清酒🍶  🔸新潟縣嘅*真野鶴純米吟釀* 口感順滑 有細緻果香 酸度平衡😌  🔸兵庫縣嘅*福壽純米吟釀* 小編三款酒之中嘅最愛 帶淡淡烤栗子香🌰 原來依個酒釀曾多次喺瑞典諾貝爾獎酒會宴席上嘅佐餐酩酒  🔸山梨縣嘅*七賢風凛美山純米* 💰:  - 廚師特選壽司丨$398 p.p. - 魚がし日本一 Sake Flight丨$88 p.p. 

呢間東京過江龍魚がし日本一出名性價比高，最近喺中環街市再開咗香港第二間分店，佢地有好幾款set ，我地揀咗中間既omakase 10 貫壽司 set $398另外再加 $88 試埋sake flight set 3 款 sake 佢地係bar枱setting 大家可以睇到師傅手勢omakase set $398 有10貫壽司，1 款手卷同埋茶漬麵豉湯📍10貫壽司有中拖羅/池魚王/鰹魚/油甘魚/真鯛/左口魚/銀鱈魚/蟹肉麵豉/螢光魷魚/海膽。當中最鐘意係螢光魷魚鮮味十足，口感爽脆，另外中拖油脂豐富入口即化，仲有蟹肉麵豉有滿滿蟹肉極之鮮甜📍拖羅蓉手捲既拖羅蓉肥美鮮嫩，搭配醃蘿蔔、芝麻和蔥花的香氣，口感味道豐富。📍茶漬麵豉湯麵豉湯鮮搭配米飯同鯛魚，變成一碗茶碗漬，飲完十分暖胃📍Sake Flight清酒品味體驗三款清酒各有特色: 十四代本丸：口感醇厚、細膩，帶有淡淡的果香和花香/福祿壽純米吟釀口感清爽、甘甜，帶有淡淡的蘋果和梨的香氣/真野鶴純米吟釀：口感柔和、順滑