鬼金棒

暗黑系裝修，牆上掛滿裝飾，播住日本搖滾，氣氛營造似東京街頭拉麵店。座位偏窄，大隻d可能會有小小坐得唔舒服。是日主角：辣麻味噌拉麵🔥 揀咗「中辣中麻」🍜 湯底： - 豬骨湯混入自家製辣麻味噌，一上枱就聞到超濃辛香味！ - 第一啖飲湯：辣度直衝喉嚨，麻感後勁好強，食到流鼻水🍖 叉燒： - 兩塊厚切慢煮豚肉，唔柴，應該炙燒過咬落有gas燒過味🍜 麵條： - 粗身麵，咬落煙韌但食食下可能耐咗會變淋 嗜辣者可以一戰， 但有機會食到身水身汗，冷氣開大d會好d，同埋味精偏重，會好口渴。店員服務態度一般，諗住映下環境映下食物打下卡，會好似CCTV咁係咁望住，唔好意思映落去，一路食一路覺得比人望住咁。…查看更多

食過好多次鬼金棒辣麻味噌拉麵嘅豬肉版本，見到銅鑼灣呢度有牛肉就諗住試試佢，友人嗰款湯拉麵好似唔錯，我就好耐冇食沾麵所以就揀咗呢款：嚟到見兩片薄片嘅牛肉，肉質粉紅係咪慢煮過？？我加咗入啲湯希望浸熟啲佢，肉味濃帶有油香，側邊重放咗啲有汁嘅牛筋，然後碗沾麵湯⋯⋯我真係唔識欣賞:(食過香港好幾間沾麵包括：座x、周x、麵屋x、海老x、富士xx等等，佢哋嘅沾麵湯熱就梗架啦，味道會偏咸，湯質會比較濃稠，麵就會好掛湯，而呢間呢？佢個湯唔係濃，係傑，似一大碗生粉芡，只食到少少辣同洋蔥味，完全冇骨湯/魚介/醬油味，似係搵粉就咁溝出嚟，係真係要用難食去形容，食沾麵最後會加湯落沾麵汁，溝淡然後飲埋啲湯，我將呢個程序推到最前，即刻舉手要加湯，咦⋯⋯唔係直接加落個碗，係另外畀兜湯我嘅⋯⋯碗湯（唔記得影）顏色係純奶白色，以為係豬骨濃湯之類，就咁放少少入口，點知又係冇味嘅，冇骨湯嘅味，亦都冇咸味，好啦好啦，可能沾麵汁加埋佢會有magic呢！點知都係冇嘅⋯⋯完全係生粉芡加生粉芡咁，沾麵湯紅色，碗湯白色，溝埋一齊（其實係撈唔勻的），出嚟好似螢光色洋蔥豬扒汁溝白汁肉粒飯啲汁咁⋯⋯唉⋯⋯冇食過一碗沾麵係咁樣樣嘅，想試新嘢即管嚟挑戰下，真係震驚味蕾加顛覆想像…查看更多

這碗麻辣粟米芯豬拉麵，外表吸引：紅湯、金黃玉米芯、琥珀色豬肉。入口麻辣感先衝擊，但過於表面，欠缺層次深度。豬肉質感普通，未能嚐出鮮香；粟米芯爽脆，卻被濃湯掩蓋本味。最令人失望是湯底，濃烈卻空洞，味精感極重，鮮味不自然。幾口後喉嚨明顯乾澀，下午持續口渴。整體味道平平，過度依賴調味料，食後負擔大，難以回味。…查看更多

好耐無食辣拉麵喇，今日扚起心肝去食吓，我嘅舊記憶食辣嘅拉麵係以前嘅別府（地獄拉麵）😅細個好鐘意食，但中式辣確係稍為勝一籌，今次叫咗碗特製麻辣味噌拉麵（高辣，高麻），賣相唔錯，地內環境跟哩碗麵，係感到地獄麵的氛圍，湯低不過不失，濃郁，但唔算辣，唔知點解有啲中式嘅味道感，麵質稍為腍一點，蛋入味，係哩個湯低仍然食到蛋嘅滷味，唔錯，腩肉就真係比較韌，亦食唔夠嘅香口，食咗兩啖就無食了😑，雖然係咁，我亦想下次試吓佢嘅鬼增辣🥳希望下次會有更好體驗👍🏻…查看更多

作為一個芫荽控一定要嚟鬼金棒食芫荽麻辣拉麵！今次我仲嗌咗加多啲芫荽！芫荽味濃郁又唔會遮咗就麻辣味！個人覺得非常夾！拉麵嘅口感都啱啱好，想食晏啲嘅話可以同侍應廚師講聲，服務很好…查看更多

做野做到好晏完左搵野食，諗住食拉麵但同行人士唔想坐自閉位所以無揀一蘭，提議食呢間。去之前已經有啲卻步話啲服務唔好，去到即刻見真章。有位較年輕女侍應一野掉低兩對筷子，轉個頭飛埋個QR code黎，一句野都無講。另一位較年長嘅女侍應就話可以擺啲袋喺隔離無人坐嘅位，坐得舒服啲。落完單極速上菜，啱喇好肚餓。一食，嘩！好似港式雲吞麵嘅麵質？份量之少亦只多一碗雲吞麵少少，本人屬正常食量，未試過食完拉麵咁空虛...味道不至於難食，叫左芫茜小麻小辣但唔辣嘅，收我$120真係完全不值。同行人叫左碗增量級，上菜時個碗邊烏糟到一個點，加左小食牛筋亦難食到佢食唔晒。先唔講佢自稱過江龍，服務仲衰過香港餐廳，麵亦唔好食，又貴，永久blacklist實至名歸。…查看更多

「鬼金棒」位於銅鑼灣謝斐道，環境簡潔，員工態度一般，食物質素普普通通。🐷 芫荽辣麻味噌拉麵芫荽香味濃郁，辣麻味噌湯底味道唔錯，但整體感覺比較普通，冇太大驚喜。🐷 增量叉燒辣麻味噌拉麵叉燒份量足，肉質嫩滑，辣麻味噌湯底味道濃郁，但整體表現中規中矩。整體嚟講，「鬼金棒」食物質素一般，🥲🥲員工態度亦都一般，未算係一個特別推薦嘅選擇，但係有機會嘅話小編會再俾多次機會佢，或者去其他分店試吓🤣🤣🤣🤣鬼金棒📍 銅鑼灣謝斐道530號地舖#吃貨日常 #銅鑼灣美食 #拉麵 #hkfoodie #foodiehk #鬼金棒…查看更多

味道還可以，無功無過。價格偏高。但是態度很差，剛好附近工作完，帶著專業相機去吃飯，根本沒有開機，就被店員警告，而且從頭到尾在你身後盯著你。今時今日咁嘅服務態度和歧視真係唔得。…查看更多

自從上次試過之後，小人一直計劃再訪，是次聯同友人一起到臨。我們柯打了芫茜麻辣味噌拉麵：一碗小辣中麻加芽菜加溏心蛋、一碗配鬼增辣鬼增麻加叉燒。小辣中麻的味噌湯底，沒有過份的嗆喉，還有芫茜增添香氣，香醇順喉，多飲也不覺油。芽菜甚多，爽嫩鮮甜；而溏心蛋蛋香極濃，軟嫩細滑，相信是手工麵條軟硬適中，掛湯能力不差。至於挑戰極限的鬼增麻辣，一端上枱時看見海量的辣椒粉撒在其上，已經很衝擊！喝口湯，吃口麵，已確確實實感受到辣的級數直衝天花板，越食越過癮！叉燒沾了辣湯，又是另一番風味！勇者們可以一試鬼增麻辣！…查看更多

久聞鬼金棒的麻辣拉麵，一直恨試，週末終有機會一嚐，樂哉！日式拉麵居然有麻辣味，使人興奮！小人衝著此麵而來，當然挑戰大麻大辣！兼且更有大量芫荽滿足本芫荽控，多到完全掩蓋著下面的湯麵和食材，單看賣相已不禁垂涎三尺！呷一口麻辣湯，還釋放出味噌的味道，精神為之一振！拉麵屬中粗，煙靭而有嚼勁，加上芫荽的香氣，極之不凡！叉燒更加厲害，是三層肉，中間的脂位無窮地甘香，又腍又入味，入口即化！而跟拉麵上的原條叉燒更上一層樓，比起追加的長了一倍，即代表著雙倍的滋味！煎餃一客六隻，皮脆餡嫩已不用多言，而最美妙的是有山椒粉，頓時令香味激增！樣樣都滿分，超級滿意！…查看更多

今日收工同朋友去銅鑼灣食咗一間日本過江龍拉麵 - 鬼金棒牛骨辣麻拉麵～～ 位置好就腳，喺銅鑼灣嘅熱門地帶謝斐道。坐低之後，我哋 Order 咗招牌牛骨拉麵（原味）＋芫荽辣麻牛骨拉麵（無辣，小麻）＋煎餃（六隻）+ 牛筋。因為我同朋友都好怕辣，唔食得太辣，於是就叫咗原味。首先講吓呢個招牌牛骨拉麵，佢嘅湯底好濃郁，就咁飲都已經覺得好正，叉燒又腍又入味唔錯唔錯，拉麵有輕微鹼水味，整體嚟講我覺得唔錯。而我個人最鍾意嘅，就係呢個芫荽牛骨拉麵，湯底都係好濃郁，而且成個碗面都放滿晒芫荽，完全係開正我嗰飯！我哋兩個食完啲拉麵之後都有飲晒啲湯，就咁飲已經好正～至於牛筋十分之爽口，彈牙，係我喜歡嘅嗰一種口感，不過要快啲食晒佢，因為凍咗佢就會黐埋一舊。煎餃🥟個底煎得唔錯，一啖一隻，講真我搵唔到有咩缺點。總結嚟講，我哋兩個人晚餐食咗$300，有兩個拉麵同埋兩款小食，以味道同埋食物質素嚟講我覺得性價比幾高幾抵食，我下次都一定會再嚟食返呢個芫荽拉麵。…查看更多

#銅鑼灣美食 #麻辣拉麵呢排好多人派手信 仲要都係去東京🇯🇵我哋都好掛住日本呀🥲！嗰日特別想食拉麵🍜但女小Tum又好想食辣🌶️於是諗起呢間之前食過嘅鬼金棒👹.日本食辣拉麵店好似都會用地獄&鬼怪做主題🤣呢度門面、擺設完美還原返嗰個feel~🔥.🍜1️⃣增量叉燒辣麻味噌拉麵呢碗嘅叉燒係特別厚😉肉質鮮嫩多汁👅啱晒啲食肉獸🤣男小Tum叫咗唔辣中麻湯底嘅味噌味會突出啲👀呢度係比較粗嘅麵 好掛湯🤤.🍜2️⃣味玉辣麻味噌拉麵呢碗女小Tum叫咗中辣中麻👺覺得下次食可以叫高級辣參考我平時係食3小辣所以食開譚仔小/中辣 真係可以挑戰下鬼增辣🌶️呢碗當然味玉係最正🫶🏻流心半熟蛋黃 香濃蛋香中仲有啲醬漬味 同啲辣湯一齊食 中和返！😌仲好鍾意佢啲芽菜 玉米荀 清爽口感🌽店家一定有考慮到湯底係比較重口味 麵嘅份量啱啱好 ～👍🏻.🥟煎餃煎到個皮係金黃餃子皮薄 夾住蔬菜肉餡仲保留到入面嘅肉汁🤓.鬼金棒 (銅鑼灣)📍銅鑼灣謝斐道530號地舖🔍仲有旺角、尖沙咀都有分店.#鬼金棒 #辣麻味噌拉麵 #麻辣 #拉麵 #叉燒 #半熟蛋 #銅鑼灣 #日本菜 #japanese #香港美食 #hkfoodie #tumtumfoodie…查看更多

＜鬼金棒＞喺香港都好多年😎 今日經過開銅鑼灣，見到個廚房火光紅紅咁😆 好似好正，即刻吸引咗我入去食😆餐廳同其他傳統拉麵店格局差唔多，但隔調比較暗， 冇他嘅，佢叫＜鬼金棒＞嘛🤣 🌟芫茜麻辣味噌拉麵滿滿既芫茜，鍾意食嘅一定覺得好正😍 個麵質係我最鍾意嗰種粗麵，夠曬掛汁，我覺得個湯真係好有層次同埋超級惹味，辣味好香😌 隻蛋處理得好，好入味，唔算勁流心但係溏心，蛋本身有夠香，好好食🤤🌟玉米筍麻辣味噌拉麵原來玉米筍配麻辣係咁正，唔知啲玉米筍係咪炒過， 真係好好食🤤 兩碗拉麵嘅配料其實差唔多， 舊叉燒又厚又淋，好有油香味，成個拉麵嘅配搭一流😍叫咗支日版烏龍茶解渴，食日本辣嘢飲烏龍茶真係一絕😊＜鬼金棒＞真係一間近期食過好滿意既拉麵，可能每一樣嘅配料都唔算超級矜貴，但係本身拉麵就係想食個湯底同埋麵質，呢兩樣嘢做得好好👍 上枱非常之熱，令人一啖接一啖食唔停口😌 …查看更多

唔知有幾多人同我一樣行嗰時候被吸引到係因為佢嘅日本風格鬼怪公仔🤪仔細睇先知原來係食拉麵😍拉麵辣度由唔辣去到鬼增辣5個level。「鬼增」級是最極級的地獄挑戰🥵仲有5 級麻度，即係有25個程度自由配搭。我想食清清地，叫左✨叉燒牛骨湯拉麵配上的洋蔥、香蔥、玉米筍、牛筋、叉燒等。叉燒大大舊而且好腍！拉麵就粗身彈牙, 每一條麵條都索晒啲湯汁！牛骨湯頭如牛奶般奶白絲滑，好正！我就好鍾意啲配料好獨特！✨ 味玉麻辣味噌拉麵呢碗拉麵結合了味噌湯底和麻辣，湯底又濃郁又辣。味玉蛋有少少流心，蛋黃融入了辣麻湯底口感好滑✨秘制醬汁慢煮牛筋必食！必食！必食！牛筋好腍，超好食！港式炆牛腩會有五香料，呢度牛筋就充滿着秘制醬汁味😚✨煎餃 煎餃那餃子皮很脆，入面勁多肉汁兩個人食到飽飽不用$300~性價比好高！…查看更多

🍜🥟想食好耐既鬼金棒拉麵😊😊朋友成日大推食芫荽拉麵既地方🤣但初試當然要揀佢最出名既麻辣味噌拉麵，今次試完覺得各方面都恰到好處！🌶️麻同辣可以有五級自行選擇（無、小、中、大量、鬼增）🍜其實呢次係我第一次食鬼金棒🤣，揀左小麻小辣試下先，係完全接受到既辣度，下次可以放心試中辣！🌶️🌶️佢既麻辣味噌拉麵就算加左辣味同樣有好香麻油味，麻辣程度溫和，湯底超濃郁，唔會只有死辣味🤪今次選擇增量既日式叉燒好大份，本身以為多一塊薄叉燒，但睇下圖二～點知叉燒又厚又大舊，係重量級叉燒!好似東坡肉咁厚，口感超級軟腍～入口即溶唔使點咬～份量女仔絕對會夠飽🤣 $135拉麵必須追加味玉，幾鍾意佢流心既程度，想encore加多隻添😙😙呢款拉麵比較粗身，無得揀粗幼因為係佢地特別配搭，為左鎖住麻辣湯汁，好夠彈牙!!加上先辣後麻嘅味道好惹味😝😝😝😝🥟最後再食埋日式餃子，煎得香脆，個皮幾薄，入面係生菜豬肉餡，下次會揀麻辣度加一級再配餃子中和下味道，就好完滿了😍😍$45…查看更多