鬥雞

營業中

休息中

好肚餓，叫咗2個set，有小食又有嘢飲。食個帶子意粉好有驚喜，一擺上枱，就來咗句好靚喎！帶子外脆脆地，但食落，好鮮好嫩，個意粉軟硬適中，反正啱我食。個炸雞，唔記得影相，急急腳拎起就食，外皮都好脆，最西利既係有汁好嫩！仲有個薯角，新鮮炸起，真係又脆又香，識食一定想像到個味，反正，有下次！

聽聞龍門居有好多好嘢食，不過好多都係外賣店。經過呢間炸雞小店見有位坐就入去試下。店舖唔算好大，得幾張枱。不過我地去嘅時間比較早，所以得一枱有人。我哋揀咗一碟意粉，半隻炸雞，轉埋套餐有湯有飲品，仲有兩款小食添。價錢望落都唔貴，係街坊價😊芝士煙肉帶子忌廉意粉 $58（轉餐+$20）而家五十幾蚊嘅價錢食一碟意粉我真係冇乜太大期望，點知碟意粉一上枱：嘩，好靚😍 睇見個擺盤都覺得好高質，好用心。兩粒帶子煎得金黃，又唔燶，外皮脆脆地，好好食。而且意粉嘅軟硬度適中，個忌廉調配得啱啱好一啲都唔漏。非常驚喜👍香蔥炸雞半隻 $88（轉餐+20）平時多數揀甜辣、芝士或蜜糖呢啲口味，今次就想試下一啲特別啲嘅味，所以揀咗香蔥。炸雞嘅份量都唔少，面頭鋪上滿滿嘅蔥，仲有少少甜酸醬汁。外皮炸得好脆但入面嘅肉仲係好juicy，好滑🤤火腿忌廉湯 （跟餐）有少少洋蔥同火腿，味道正正常常👌辣味薯角係大size版嘅薯角，即叫即炸熱辣辣，又脆又香口😊炸什菌餃子呢款餃子又係炸得好脆，不過炸嘅什菌餃子真係第一次食，個人覺得個配搭一般，什菌可能都係配湯餃會好食啲😂埋單$200，我地2人都差啲食唔哂，性價比超高，絕對可以再encore👍

又嚟啦，上次辣到阿媽都唔認得，今次試另一款，超人炸雞小店一間，味道好吸引，係我再嚟嘅原因兩個人挑戰一隻炸雞$168，超人炸雞其實係鹹蛋黃雞，鹹蛋黃鋪得相當平均，鹹度剛剛好，雞肉好Juicy，一啲都唔乾身唉，認真大食，仲要食埋黑松露菌意大利飯，我鍾意呢度好Creamy好黏口嘅製作方法，而且意大利飯嘅份量好足，黑松露菌又好香，令人食慾大增又一次成功體驗了😊

一早就想食呢間，但係冇伴，今日竟然有兩個同事都話去，咁就三人行啦人多就可食多幾款野，於是叫咗黑松露菌意大利飯，蟹籽墨魚汁帶子意粉，同埋辣味炸雞呢個飯我哋三個都一致讚好，好香，汁夠濃，特別係意大利飯，有啲舖頭煮得太生，呢度就好有咬口，但係唔係淋晒我個人好鍾意食墨魚汁意粉，呢個都好好味，但我覺得偏甜咗少少老闆都好搞嘢，話應該要試辣嘅炸雞，但係有預警話俾我哋聽好辣，佢好好咁樣將雞同埋汁分開上，否則真係辣到肚都痛！三個食有兩個投降，我就一句唔該食晒🤣🤣挑戰味蕾就應該要嚟試吓，真係正，食到出晒汗

晚餐唔想食飯、又唔想食熱狗漢堡…見有炸雞同意粉,就入去一試。叫了煙三文魚白汁意粉同半隻甜辣炸雞,即叫即整,熱辣辣,好味。煙三文魚份量多,有三大長片,汁夠,配料又多,好味。半隻甜辣炸雞都有七件,有槌、有翼、有雞胸,熱辣辣夠哂脆,$88好抵食。+$5仲有汽水飲,不過唔夠凍😅見+$20有小食同汽水,下次試埋佢啲小食。小店食物係有質素,不過態度就…可能男人講嘢係咁！

屋村小店，幾個後生仔，每一碟都用心去做，配料好多，口感豐富，每樣都係即煮，即炒，即煎，不是整好之後求其淋個汁就算，食得出係好有心機去為客人做好每一樣食物的，而且賣相好，又有擺盤，平民既價錢，高質素的食物，雖然地點有點遠，而且又不是鄰近地鐵站附近，但我每次路經這裏，都會先去幫襯，食番一碟意粉，才轉車去開工，很難得在這些地方，可以吃到這麼高質素的食物，價錢相對實在便宜，所以我去開就一定會幫襯，而且門口可泊車。

響FB見有人講開,龍門居有間炸雞好抵食~所以就定左屯門美食之旅鋪頭地址唔算難搵;鋪頭唔大入到去睇餐牌,見到選擇都幾多,但因為要去好多場食野,所以是但叫左一個龍蝦汁意粉 同一份炸雞意粉味道足,唔會太淋 個龍蝦味都幾濃 ~好食炸雞都炸得好好,但個調味唔均勻 有位係無味.但炸得好干身 肉汁都算多 整體係好味GE~如果去開龍門居掃場街前 當正餐食 佢係理想選擇~順帶一題,職員服務態度屬於小店質素 唔好祈望太高

仔仔啱啱病好，今朝早學完野之後，因為天氣溫暖，所以慢慢散步到龍門居搵食。期間揀選咗呢間小店，店舖唔算大，大約只有兩三張枱。因為我哋二人食量唔大，最後我哋點了芝士煙肉帶子忌廉意粉 （$58 ）上枱後，發現有驚喜！ 意粉份量唔細，而且賣相十分好，最緊要係熱辣辣上枱，新鮮即煮。味道creamy, 帶子爽口。放心，一定有下次！ 下次要試炸雞區！

屯門區隱世美食😍，68既意大利飯可以媲美出面100幾既意大利飯！物超所值，絕對可以帶比你驚喜。D小食亦都一流，好jeng✨🌹，炸魷魚鬚又新鮮又好食，炸雞又脆卜卜又多肉。希望大家真係去試吓，唔好比黑色墨魚🦑飯嚇親😂，真係勁好食🤩🌹✨

今日中午過了這小店食晏，想不到食物水準及質素這麼好，尤其炸雞真的一絕，皮脆肉嫩多汁，意粉煮得剛剛好，味道不錯，套餐這價錢，有小食汽水及新鮮熱辣的主菜，真值回票價，會再幫襯。

因為星期四 雲吞麵沒有開,所以亂入結果真係好開心,幾樣嘢都好好食，出人意表, 而且價錢不貴味道不錯, 不太鹹, 剛剛好,黑松露意大利飯  味道濃郁,帶子意粉，也很出色, 炸雞外脆內滑蒜蓉包新鮮熱辣脆卜卜下一次一定會再來幫襯

今日第一次光臨，叫左白汁蜆肉長通粉，每一粒通粉都充滿汁，好夠味，蜆肉又多，價錢先$55。另外，叫左芝味泡泡炸雞，麵包大大個裝住芝士，雞又新鮮，價錢又不貴，麵包蓋上仲塗滿蒜蓉醬，食完雞又可以食埋包，飽到食唔晒要拎走，值得推薦❤️蜜糖蒜蓉炸雞多汁又嫩滑，雞亦都大大隻店鋪位置寬敞，極度推薦🤤🤤營業時間到晚上十一時，十分適合收工買外賣返屋企享受，難得係屯門搵到唔hea又好食又有heart既炸雞店，誠意推薦大家食🤤

今日外賣半隻原味炸雞， 皮脆肉嫩，很好食。昨天試了市中心新開嘅韓國餐廳，有食炸雞，阿仔話今日呢間好食啲，我都認同阿仔。我會再幫襯。同事午餐試過意粉都讚話好食，下次再試。

大家不防去試下佢哋嘅意粉同炸雞全部即叫即整好好味嫁個日試左蕃茄海鮮意粉有蝦有帶子有魷魚有蜆肉...幾款唔同嘅海鮮，我估蕃茄汁應該加左小小芝士調味所以唔落芝士粉或其他調味料都好夠味，意粉岩岩好，唔會太“林”食落口一團漿咁，連小朋友都超鐘意食👍個芝士雞有驚喜唔係就咁淋汁係面或者是但比碟汁你而係整個好好味嘅包裝住食雞之餘仲可以食埋芝士包😋成碟黎到賣相仲好靚岩晒打卡😁仲有個柚子味嘅炸雞都好好味嫁個汁唔係好水個種所以就算放左一陣先再食都唔會影響到d雞“林”左依然係脆卜卜嫁，雞亦唔會炸到乾淨淨咁依然保存住肉汁小店黎講質素相當高價錢亦算親民，個日都見有唔小學生黎買嫁。#屯門美食 #炸雞 #龍門居 #推薦

食左三樣野。炸魷魚，蜜糖蒜香炸雞同黑松露野菌意大利飯。炸魷魚正常水準，不過都大大份。😃蜜蒜炸雞高水準之作，口感滑。熟度拿捏得岩岩好，唔好炸到老皮咁。亦唔會翻炸。😁😁至於最滿意係個飯，真係用黑松露醬。絕非「油」或者「粉」。醬嘅份量唔會太少太多，吊味岩岩好。一流推介之選。😍😍😍價錢方面亦非常平民化🤑🤑🤑🤑半隻雞八十八。炸魷魚五十八。黑松露飯五十八。唯一不足係地點……😔地址係屯門龍門居。巴士59x，富健邨行5至10分鐘。