鬍鬚仔 (已結業)

鬍鬚仔 地址: 灣仔軒尼詩道302-308號集成中心地下G4號舖電話: 660931796點後有照開，whatsapp 落單到整好先去拎，就唔洗等啦$51 至尊burger , 佢好多料架，bacon,onion,tomato , fried egg !當然唔少得返牛似漢堡啦，大大個好實在，同堆抵食過好多手工burger +$23 upgrade , soft drink and snack , deep fried cheese strick ,因為拎返屋企食，就無左熱辣辣可以溶化拉絲架效果啦！upgrade 做set 斬抵食過附近架漢堡joys.漢堡room ,質素又唔差…查看更多

年半前第一次幫襯鬍鬚仔，當時間店隱身喺青衣某屋邨街市，毫不起眼，不過正所謂有麝自然香，雖然青衣店已不在，鬍鬚仔已經喺港九新界開咗三間分店。早排去咗灣仔店，食咗個至尊牛堡，除咗牛肉漢堡，芝士同生菜蕃茄之外，仲有煙肉，蛋同洋蔥圈，配合蜜糖芥末醬，好味又豐富。我好鍾意個包，甜甜哋，同漢堡牛肉好夾；較為失色嘅係洋蔥圈，炸得好乾，有啲硬。套餐包埋薯條同汽水，都係六十蚊多啲，以呢個質素嚟講，性價比算好高👍。…查看更多

鬍鬚仔係灣仔區數一數二性價比極高嘅burger店，單叫 burger$50有找，仲要勁大個，塊牛扒有好夠厚，好有口感又多汁，中佩有兩大塊蕃茄，雞蛋，洋蔥圈，口感好豐富。外賣返到屋企過咗10分鐘都仲熱辣辣，完全感覺到個burger係即叫即做。我加咗$19叫咗個餐，有粗薯條同埋湯，個湯都唔算hea, 相比起配可樂，感覺更健康。再另外叫咗五隻雞翼，勁新鮮，又熱又脆。十分之推介這間burger店，已經係第四次幫襯。…查看更多

位於集成中心地下，地點方便，因為在大廈裡，要特地走進去才會見到，店員非常非常客氣有禮，這樣的平價沒想到漢堡居然很有料！作為套餐附的薯條也很大包，值得推薦的高CP值小店…查看更多

呢度係食漢堡包既小店今次試呢款叫做雙層牛芝堡配薯條 落單後等10分鐘,因為即點即做,新鮮!呢度主打外賣為主,大家都係外賣單,所以都幾多人一齊等包雙牛芝,成座山咁大 麵包底面都有烘,加上牛油同生菜,牛肉漢堡每日新鮮打食起黎係肉質細緻有彈性個種,唔係美式鬆軟多肉汁個種,但另一種口感一樣咁正牛肉厚身打到起膠好有彈性不失肉味濃香 半溶芝士夾埋麵包食味豐富!薯條即炸夠脆口,粗薯味香又脆口平均消費$100評分8/10灣仔軒尼詩道302-308號集成中心地下G4號舖…查看更多

今日食晏晝好想好想食漢堡包然後就嗌咗外賣平台見到鬍鬚仔買滿$150有七折好似有幾抵喎就同同事夾份一齊買啦.同事嗌軟殼蟹漢堡我就嗌咗魚柳漢堡兩個都係跟餐要薯餅然後嘢飲就來來去去都係嗰啲.嚟到之後因為工作嘅關係所以遲咗食飯我嘅同事就食先佢話係唔錯嘅同埋七折完之後都抵番個薯餅都好OK雖然黎到林左d但都係預料之中ge 事始終外賣炸野ma.都我食飯嘅時候個漢堡包仲係暖ge我覺得可以加上佢嘅魚柳非常之肥美而且又有兩大片蕃茄仲有生菜同埋沙律醬感覺都幾足料加上個包嘅外皮有埋芝麻食落更加香口唔錯唔錯.薯餅方面我開頭以為係1件only點知原來係兩件食完都有啲濟完全唔怕會唔夠飽嘢飲大家都係可樂啊忌廉之類就唔特別講啦成餐我自己折咗只係50幾蚊對於一個漢堡包來講我覺得都相當有誠意啦…查看更多

之前叫過一次Deliveroo, 雖然burger先係主菜, 但叫左幾隻咸蛋黃雞翼, 既邪惡又好毒, 咸香味好好味 😋。今日終於再叫,  雖然行過去10分鐘左右但都係懶懶的叫左Deliveoo! 哈哈~ 送到黎都仲係熱辣辣好正! 再次食咸蛋黃雞翼都仲係好好食, 今次加多左個芝士雞翼, 都好好味, 最正係佢雞翼好肥美, 好多肉, 岩晒鍾意食雞翼既我。另外仲叫左個四式芝士漢堡, 食完飽到上心口! 另外一樣抵讚既係佢地會用個靚靚紙袋典用釘書機釘埋口, 安心放心! …查看更多

近排好鍾意食漢堡包，成日都想搵啲好食嘅漢堡包店試下香港地食個漢堡包都幾貴，閑閑哋都差唔多成舊水去灣仔返工嘅朋友就介紹咗一間地道漢堡包店，講緊一個餐都係六十零蚊左右，好抵食<墨西哥脆辣雞堡$61>因為想食辣辣地嘅嘢，所以叫咗一個脆辣雞堡雖然係叫外賣，不過拎上手都仲係熱辣辣，個size好似麥當勞嘅巨無霸咁大，一定夠飽舊雞就唔算好Juicy，中間夾咗蕃茄、生菜同埋辣醬，餡料嘅味道唔算好特別，不過幾鍾意個包甜甜地另外配左粗薯條，薯條似係知㗎用薯仔整嘅，淡淡都係薯仔肉，如果堂食熱辣辣食應該仲好食…查看更多

好好味！至尊牛堡，肉汁正，旦汁正，芝士正！ 價錢抵！ 舖頭位置易搵！好飽肚！仲加少少錢可以配飲品同薯條/洋蔥圈等等！仲有咸旦黃雞翼！店員又好親切！絕對值得再去！推介！…查看更多

今次介紹既呢間💛漢堡包店，如果大家活躍係青衣一帶可能會聽過佢，因為佢既漢堡包🍔出名抵食同高質🌟，就連我呢個絕少去青衣既都曾經有考慮過特登去青衣試佢🙈雖然青衣店係大半年前已經結束，不過佢地係屯門亦有分店，而係剛剛既6月中佢地更加進駐港島區係灣仔開左分店，作為灣仔友既我終於可以唔洗山長水遠先試到佢地既漢堡啦😆九龍區既朋友亦唔需要失望，事關小店黎緊8月會係九龍灣開設第三間店，到時大家就可以去懲罰呢間咁抵食又高質既漢堡包店啦🤗.事前係小店IG得知灣仔店既店面唔係好大，只有3張餐檯容納到12人👭🏻，所以決定去幫襯時都已經打算堂食無位就外賣返公司食🥡 而當日我地大約1點鐘去到門口企左5-6人等緊外賣，係門口睇緊menu時好彩遇到有食客離座先可以堂食食到新鮮熱辣既漢堡包♨️ 不過由於當日星期五實在太多客人，我地等左20分鐘先有得食住個漢堡包等埋d小食送到，期間男店員(店主??)都有好落力咁幫我地跟單🏃🏻另外都特別想講下當日我地見到店員好有禮貌同誠意咁多謝每一個客人，抱歉要佢地久等又為佢地加油打氣💪🏻，有客人甚至帶唔夠錢佢都俾對方賒數，呢種人情味真係唔係度度都有💛.講左咁大堆當然要介紹下個menu，小店總共供應13款漢堡，有齊牛肉🐮、雞肉🐔、海鮮🐟🦀同素食🥬，另外仲有一款係同德國熱狗🌭聯合發行；大部分漢堡既價錢都係40蚊左右，最平個款更加只係39蚊，絕對係平絕灣仔區‼️另外每款漢堡亦可加19/23蚊追加做套餐，包一份小食(粗薯條🍟/洋蔥圈🧅/田園沙律🥗/脆香雞翼🦴/炸芝士條🧀/薯餅) + 是日餐湯🥣/汽水🥤/紙包飲品🧃******************************✨ 經典牛堡🐮🍔 ($39)細食同事點左呢款由4安士紐西蘭漢堡扒、車打芝士🧀同蜜糖芥末醬🍯組成既漢堡，佢表示漢堡扒夠厚同埋夠juicy💦，唔會乾爭爭😆-✨ 至尊牛堡🥚🥓🧅🐮🍔($49)我同另一位同事就點左呢款至尊牛堡，佢係經典牛堡既升級版，多左煙肉🥓、蛋🥚同洋蔥圈🧅正如同事所言，漢堡扒真係幾厚身，肉質夠腍唔會死實或者偏乾，雖然牛味唔太明顯亦食唔到油脂味，不過咁既價錢黎講真係物超所值👍🏻由於漢堡加左蜜糖芥末醬🍯，食落好夠惹味🤤個人最鍾意既係隻煎蛋🍳仲係溏心唔會好dry；就算有咁多樣食材加埋醬汁，包底都依然香脆，口感算係幾特別😋初時以為呢款漢堡都唔會好大份，食落先知佢係幾咁重量級，勁到同事放棄左1/3個，就連我都幾乎招架唔住呀😂 所以如果唔係大胃人士🤰🏻/好似我咁鍾意漢堡加煎蛋🍳，經典個款已經好夠食架啦🙈-🍴炸粗薯條🍟 (套餐)我同同事們都一致認為呢度既薯條係粗版既金拱門薯條，口感比較粉同腍，無乜特別😕不過當日我地聽到隔離檯有位女士大讚好食，所以口味呢樣野真係因人而異🤣-🍴洋蔥圈🧅 (套餐)洋蔥圈炸得夠乾身同無油溢味，雖然脆口但亦都偏硬，食唔到洋蔥既juicy同甜味，同樣令人覺得幾失望既😕-🍴黑松露雜菌忌廉湯🍄🥣 (套餐)臨離開前店員有向我地了解對於食物有咩意見，我地都反映左未知忌廉湯係咪加左麵粉烹調，湯入面明顯起左好多一舊舊膏狀物體杰撻撻，口感令人覺得好似食緊黑松露粥咁🤢 希望小店可以盡快改善呢個問題啦😣******************************👧🏻人均消費：$68😋味道指數：3.8/5💰抵食指數：4/5🪑環境指數：3.5/5💁🏻‍♀️服務指數：4/5👍🏻再訪指數：4/5-📍鬍鬚仔地址：灣仔軒尼詩道302-308號集成中心地下G4號舖⏰營業時間：11:30–21:00 (Mon–Sun)(📍屯門亦有分店，營業時間有所不同)…查看更多

推薦程度：平平哋嘅漢堡唔係得老金嘅，其實呢啲小店嘅驚喜重大啦，大家鍾意漢堡嘅話，儘管去幫襯啦，屯門同灣仔都有分店！啲炸物全部即叫即炸，脆卜卜，熱辣辣！抵食程度：🍔🍔🍔🍔(4/5) 手工漢堡嚟講呢個價錢抵到爛，質素都係對得起個價！墨西哥脆辣雞堡🇲🇽🌶🐓🍔辣醬加埋墨西哥辣椒，有雙重刺激。加上新鮮熱辣炸起嘅雞扒（小心係熱到一啖咬落去啲雞油可以辣親嗰種），食起上嚟個醒神感係100% 。不過如果自問唔太食得辣嘅可能就未必享受到箇中滋味喇。四式芝士牛堡🧀🧀🧀🧀🐂🍔鍾意芝士嘅朋友真係行過唔好錯過！身為芝士愛好者，我不得不講，佢係令我為之滿意！有芝士有芝士醬，係滿足嘅感覺！黑松露蘑菇湯🍄🍲呢個係成餐飯嘅敗筆之處，雖然應該有嘅味都有，但成個湯好水，重要好細碗，就不禁有少少唔抵飲，要汽水好過嘅感覺咁。咸蛋黃雞翼🥚🕊蛋黃量好足，同埋佢係即叫即裹即炸。略略差啲咸味，不過唔會特別影響。薯條🍟、薯餅就唔特別寫，同雞翼一樣即炸起，調味適中。總括嚟講值得再幫襯，會想試吓其他包，湯就應該不了。去幫襯嘅手足記得帶濕紙巾抹手。…查看更多

想去左好耐，有日去開個邊就去左試。企收銀個女店員超熱情同超有禮貌，仲好體貼。去到叫完野食之後坐低左，唔洗幾耐就有得食。個經典牛堡升級左做安格斯牛，同一般既漢堡冇咩分別。不過份量好足，女仔來講食左大半個已經好飽。個粗薯條先係重點，超超超超超好食！！！攞一條上手已經覺得重重地，一啖啖咁咬落去，感覺好似係用新鮮薯仔整出來既味道，有少少鹽味但係又唔會令人覺得太咸。如果唔係食左個包太飽，會想自己一個食曬佢。好體貼既女店員見我食唔曬想攞走，特登比左個膠袋我袋住，紙袋出面有油嘛。建議大家多啲去食！…查看更多

疫情下開店真係勇氣可加，一間小店即時為集成中心增添生氣，外賣生意不絕，主要原因係價錢親民、高質食物與服務，我下次都會再幫襯，不論堂食(只得12個位)或外賣。🍔至尊牛堡 $48 (另加試業價 $5轉安格斯) ⭐️⭐️⭐️⭐️呢個漢堡真係無得輸，包熱辣辣又軟熟，漢堡juicy牛味重，生菜番茄超新鮮，雞蛋煎香內裡又creamy，仲有惹味煙肉加香脆洋蔥圈，一大啖咬落去超好味口感又豐富，呢個包厚度剛好我咬得晒，最唔鍾意要分幾層食果啲漢堡店呀！🍔牛油果軟殻蟹堡 $52 ⭐️⭐️⭐️⭐️呢個係阿SIR order嘅，軟殼蟹份量多到佈滿成個包，蟹有肉兼有少少膏，而牛油果醬又香又重牛油果味，仲多到滿瀉，喜歡牛油果嘅人可以一試。🍔咸蛋王雞翼(5隻) $40 ⭐️⭐️⭐️人⭐️咸蛋王雞翼夠晒特別，坊間少有，每隻每啖都好juicy，又食到香濃咸蛋王，但食完又唔會覺得油膩，好好味必試呀！🍔黑松露芝士薯條 $35 ⭐️⭐️⭐️⭐️店方非常慷慨，松露醬芝士粉足以應付成兜薯條，粗薯條上枱熱辣香脆，呢個價錢非常抵！二人共消費：$180…查看更多