高麗韓國餐廳 (已結業)

幾年前食過一次午餐，今次去完年宵，見天后好多餐廳都排曬隊，就行入少少比較少人的街道，在大排檔和韓國餐廳之間選了後者，畢竟是情人節！入到去已經滿座，記得上次lunch嚟冇咩人。侍應叫我哋等等，話好快有位，同時有另一對情侶都在等，但通道有點窄，侍應推著車收拾餐碟都沒位置企住等，去外面又凍，好彩好快有位。坐低後越來越多人，擠在通道等，唔知點解冇派籌，就靠侍應自己認邊個嚟先，有啲先到但被逼在後面的顧客被忽略，有些訂了位的因為未有檯空出來，都要等……就覺得安排入座有待改善，尤其大時大節咁多客人。不過侍應的態度都很友善，情人節只有套餐叫，冇石頭窩飯，叫了1個情人節套餐和單叫套餐。前菜是生牛肉沙律，我們不太敢直接生吃，只試了一點點生的，剩下的就全部烤熟~哈哈哈之後不斷上菜，烤肉，好香好吃，還有甜品，吃得超飽的回家💕

呢日打算下午去工展會，咁就0係附近搵食，之前行過幾次呢頭，見到呢間韓國餐廳都幾有歷史，都幾多人食，就試下啦我一點幾差不多2點去到，都仲係坐滿，我入到去張檯都未執，有D聖誕裝飾lunch set 餐牌就只得2版，主要分燒烤同熟食既飯，見到都幾多人食燒烤，但係我唔想整太油煙，所以都只係叫左飯類落完單就送上4碟前菜，都幾好味，每人一碗湯，湯入面有白蘿蔔，好甜好淋,好味韓國雜錦飯 (可選擇牛肉，豬肉或者雞肉) $59- 揀左豬肉，有幾隻配菜，紫菜，加D辣醬，都幾好，仲有隻蛋，夠晒飽韓國石頭鍋飯  (可選擇牛肉，豬肉或者雞肉) $68 - 揀左牛肉，個石鍋燒到剛好，D飯焦真係very good 呀!!!加埋辣醬，配菜，食到尾都仲熱辣辣飲品係送左凍既菊花茶最後有點品送

以前係附近返工，間中都會黎幫襯下高麗韓國餐廳嘅午餐。一路覺得佢抵食又好食。但依家先寫食評。佢嘅午餐基本上係分燒烤或熟食，唔鐘意自己燒攪到週身油煙可以選熟食。佢熟食都有雞牛豬嘅烤肉選，不過就由廚房烤埋比你。其他就由石窩拌飯或雜錦飯選擇。我自己最鐘意食雜錦飯，都係有牛豬雞選擇，就再加隻煎蛋。好豐富，食完好滿足。佢嘅飯通常煮得比較林。如果唔鐘意林飯最好選石窩拌飯。仲可以有飯焦。前菜佢有好多款式，不過都係睇幾多個set , 每個set 有兩款前菜，想試多d 就要多d 人一齊去。 佢餐會跟一杯凍菊花茶，啫喱做甜品。cp值好高

----------------這是 裏面，其中一句膾炙人口的金句。 大笨蛋福福郎 覺得這句說話。。。套在[ 為食仔 ] 身上也適合 。如果沒有某些緣分， 又怎可在全港恆河沙數的餐廳名單上 ， 碰巧點上你的燈呢！這裏的 韓式午市套餐。。。 真的很抵食、又好味 。我想價錢只是晚上的三分之一。 天后雖然就真的距離銅鑼灣遠了點 ，但是可以為荷包著想，行多兩步又何樂而不為呢！前菜有泡菜、芽菜、蘿蔔和白菜仔，有辣有唔辣，任君選擇，但有一個共通點。。。就是都是Home-made，都很美味。主菜我點了牛肉。。。有師傅烤埋線上枱， 唔會食到成身油煙味! 食完韓國菜返office都冇人知。正。牛肉醃得很入味， 肉質煙韌有致， 很有咬口之餘又很有肉味， 吃得我津津有味， 連汁也舔 乾。福福郎精明眼 沒有什麼長處， 倒是擅長發掘 又抵、又好味、又性價比高嘅食飯好地方。 不為什麼， 只為可以同大家分享。 呃個like。

今日自己team有同事生日,差唔多到午膳時間，又要諗食乜，有同事建議去韓國餐廳食燒烤， 於是就去呢一間位於北角的高麗韓國燒烤餐廳到度食lunch,呢間舖距離天后地鐵站好近 ，都叫做幾方便，呢度仲有個好處就係唔太多人，預先打電話去訂位就會就可以留張枱畀你，非常方便。入到去之後，店員就會攞杯五花茶俾我地，原來呢杯五花茶係送嘅。由於我哋人比較多，總共有6個人，就叫咗一個四人套餐，然後再加啲呀韓國嘅煎餅，呢個四人套餐都幾抵，佢有好多種唔同種類嘅燒烤食材啦， 未上燒烤食材之前呢佢會畀一啲冷盤小吃畀你，例如泡菜，芽菜，菜，鹹魚仔，等前菜，之後嗰啲燒烤食材就會逐樣咁黎， 我哋就可以自己慢慢感燒嚟食。呢個四人套餐呀仲有人頭仲有白飯同人蔘雞湯，非常抵食，六個人叫一個四人套餐再加其他小食就夠飽㗎啦 除此之外呢個套餐仲有甜品送非常抵食。

同d同事lunch諗唔到食乜好，跟住就見到呢間，就入黎試下。真係好少lunch去烤肉，就入去try 下。一行四人，嗌左5個肉，佢包飯碗，包湯，包小食。嗌左雞翼，牛舌，豬，魷魚，牛肉。都幾大碟，樣樣都好入味好正，特別係牛舌，好夾口。d肉都好新鮮，烤完勁香。D小食都係好好味，佢個d小菜例如豆卜，真係好味，睇得岀唔hea。仲要包飯包湯，真係勁飽，同埋計落真係好平好抵食，lunch time無咩人烤，四人坐六人台，好正。

I've walked pass this place almost like a million times over the years but have never been there. My friend from Singapore who was in town was stayed in the hotel across reminded me of this place so I went back to try it last weekend. While the service was good, cant say the same for the food unfortunately. We were a party of two so we ordered a kimchee jjigae (kimchee soup with pork and tofu) and kimchee jeon (pancake). Good thing we didnt order more coz the jeon was quite big and filling. Food

天后北角一帶實在太多美食，所以要試晒所有並不容易。 今日突然想食韓烤，所以就在天后附近不停搵， 最終我哋選擇咗一間比較傳統嘅韓國餐廳。他們有很多不同的套餐，包括二人套餐、四人套餐、同六人套餐！ 而我哋兩個人，當然選擇二人套餐啦！二人套餐嘅選擇都有幾款，總有一款啱自己！人蔘燉雞套餐海鮮石頭鍋飯套餐最簡單嘅二人燒烤套餐由於我哋食咗下午茶，所以揀選擇一個最簡單嘅燒烤套餐！當晚人客不是太多，因差不多晚上九點。韓國餐廳當然後提供很多不同的前菜仲有熱湯這就是二人分量，大食的我也怕食唔晒。 套餐內包含多春魚但本人十分怕魚腥味， 所以嘗試要求老闆把它轉成豬肉，他竟然說絕對冇問題！ 因曾經在外很多餐廳要求把套餐內的東西轉換，但都遭到拒絕！一枱也是食物蛋包魚瑰，－點也不腥！他們的調味恰都好處不會太鹹，還保留原有的肉味有口感。老闆飯也非常熱情款客，送我們飯後水果！

＜懷孕 24週＞今天早上去了做產前檢查，然後就在港島區流連，車子經過天后的內街，發現有一間門面不太起眼的韓國餐廳。午市時間入黎，見到好多枱面好有reserved 的牌子，原來好多人都會book黎食午餐嫁，幸好我地一入到黎都仲有位剩。一坐低，侍應遞上一杯凍的紅棗茶。午餐有雞肉，牛肉或豬肉石頭窩飯，或者可以選燒烤，但要叫2set以上先會開爐。我同老公都選左自助燒烤，選牛肉和豬肉，有5碟前菜，泡菜，波菜，芽菜，甜薯和辣豆卜，前菜的質素好好，唔會求其整，碟碟都新鮮好好味，我最鍾意個泡菜，因為唔會好辣，又唔會好酸，剛剛好，食完仲叫老闆打包一碟外賣返屋企，可能係懷孕關係，有時都會好很想食辣野。甜薯都唔錯，不會太稔，又不會太硬。最後飲埋個韓式魷魚海帶湯，非常完滿的午餐！！價錢大約每人＄80，非常超值！

放工二人行到天后搵食, 之前食過北角那間高麗, 質素不錯, 原來天后都有一間分店, 但不是韓燒放題, 而是SET的, 於是都試一下。我倆點了一個$338二人燒烤餐, 計返$169/人, 同北角食的$168差不多, 但北角食的是放題, 這裡是SET好了的, 好像不太抵...二人餐包括：蛋包魚：唯一的熟食, 外面是煎得香脆的蛋漿, 裡面是魚柳, 是夠香口的, 但蛋漿略為淡味, 食落是有點不夠味...前菜六小碟：質素跟北角那間差不多, 都是中上水準的, 最好味是薯仔, 好入味, 泡菜個人認為辣咗少少, 其他的都不過不失。每人一碗人蔘雞湯：胡椒味重, 有少許甘甘地的蔘味, 對我而言是易入口的, 味道亦不錯。燒烤肉：共3碟, 分別有牛+雞, 魷魚+多春魚, 豬柳+豬排, 全部都好入味, 燒完之後不用點醬直接食都夠味, 阿嬸嬸仲好細心咁提我倆要先燒肉, 後燒魚才不會黏燒板!這裡無論食品和氣氛都好似北角的高麗, 侍應都好像是一家人, 氣氛不錯, 但論抵食, 我還是會選擇北角那間的放題。

中午同同事吃lunch，本來打算吃隔離果間一鍋，經過呢間嘅時候有人提議不如吃呢間啦～環境都唔錯，坐得都幾舒服～本來捻住點個set lunch，然後點菜嘅啊姐推薦我地叫套餐，價錢差不多仲多個湯飲～肉都算大份，味道又唔錯，不過湯就鹹左d，吃完飯仲有甜品，人均80，算係甘啦

同事今日請食開年飯, 去食韓燒之前都食過幾次, 平! 靚! 正!點完餐, 每個餐都有跟個湯, 平時就好好飲, 今日有少少咸之後會上好多既小食, 樣樣都好好味我地5個人, 叫左兩個牛, 兩個雞, 同牛舌 (因為有同事唔食豬, 其實豬頸肉好好食) 我比較鐘意個牛舌, 比較香口, 但牛同雞都唔錯食完仲有甜品 (啫哩) , 我就覺得好勁藥水味除返開每人都係$65,可以LUCNH食到韓燒, 仲想點

來這裡吃了幾次， 次次都要BOOK位，好FULL！今次即興來到吃晚餐，竟然有位，非常滿意。呢度肉類都算齊全，牛肉居多，醃製算夠味道。一坐下只加甜醬油俾你，好似唔見有其他醬料可以添加咁。。。不過都OK！可以吃食物原有的味道多D。燒豬扒好味道，牛仔肉比較肥膩，很容易就感覺很飽。燒鲭魚很容易，不易焦。相反多春魚就好難燒烤。慢慢燒，雖然個半鐘，只可以換一次爐，但都好足夠，因為好易飽肚。無人等位都無會叫人走，所以服務幾好。酸梅湯HKD38一瓶，我覺得甜左D。一定要吃泡菜和蘿蔔，唔辣，好開胃，可以吃好多。特別系醃製蘿蔔。白雲鳳爪純屬一般。其他醃製的前菜有豆芽，白菜仔，魚仔，四季豆，豆腐啵燒好的牛肉用生菜包住吃好適合。但是生菜有D水太多的感覺，如果可以乾身D就好。甜品有涼粉，紫米紅豆沙很好吃，很特別。即使飽都可以吃兩碗。人參雞湯，有很甘的人參味，算好飲。

這是一間差的韓國餐廳, 但同韓食家相比性價比卻稍勝兩籌. 五十幾蚊都食到一個燒肉午餐, 算不錯.前菜是這裡的最大敗筆, 根本就是沒有用心隨便做的嘔心小菜, 沒有味道的低質豆芽與菜, 倒不如減三四蚊算數.肉類用呢個價錢當然不會好, 很一般很難形容味道, 就是一般的普通的味道. 不過不失. 牛肉因為貴所以很少都有牛肉味, 豬肉過得去合格味道, 雞肉有點放太久的味道, 你懂的.烤肉鐵盤很快就報廢, 應該是廉價的A貨吧, 烤得很難均勻火力不均, 肉再好也發揮不到應有的味道.店面不倫不類, 到底是日本菜韓國菜定台灣菜呀? 很奇怪的裝修. 待應真心嘛嘛, 趕客趕到出面.甜品係魚膠類的物體, 只有白糖味難食, 倒不如減兩三蚊算數. 飲品就算了, 一般的淡吧.

講多無謂，食評最實際烤雞肉,, 肉質軟腍可口。雞肉經烤過之後, 加上調味醃過, 不錯，又不會太嗆。餃子都好油，但燒一燒都可以。菜和牛肋骨都出乎意外地好吃，有下次。係咁，報告鉛筆