原本今晚 book 左七點三食晚飯，收工一返到大埔就落大雨搞到行都行唔到，迫住又要買新遮喇，黎到已經七點半。可能天雨關係，所以到依家八點都只有小貓三四雙食客，返而覺得坐得舒服、食得開心，哈哈。隔離坐左一家八口，無意中聽到對對韓燒食物一曉不通，原來好多人係好少出街用膳架喎。年年都預早做節，免得人又多、又貴又唔好食麻。今年阿媽又係揀韓燒，仲諗會都係酒樓中菜添。好耐無黎幫襯，轉左新 menu 喎，原來只係舊酒新瓶，不過整齊乾淨好多。有兩個四人套餐，決定今晚食 A5 仲有人蔘雞湯飲。先黎韓式前菜 12 小碟，每款份量太少喎，點夠我食呀。韓式前菜 12 小碟，豆腐卜、魚仔乾、酸蘿蔔、芽菜、豆角、粉絲、泡菜、薯仔、大豆芽，款款美味仲要撈飯一流添呀 ﹗我已經好肚餓，食住先。忍住口唔食都係咁兒送左半碗飯喇，我仲要食燒肉架 ﹗A5 燒肉海鮮套餐應有盡有，雞牛豬一定有，雞中翼、豬扒、牛扒、雞柳、牛肉骨、土魷、帶子、海蝦、等等，我再另外散叫持別食材。帶子併大蝦，賣相出眾，擺得好靚喎 ﹗記得上次食至尊二人套餐，成盤生料掉到亂七八糟，求其成盤隊出黎又唔新鮮，勁可怕呢 ﹗不過今次非常細心，天淵之別。當然由淡食到濃啦，先黎海鮮。依家用洋蔥墊住帶子黎燒真係方便又快熟好多，一來燒既時候唔會黐底、唔會燶，可以保存肉汁又更加易熟，Good ﹗大蝦雖然未話新鮮到爽口彈牙，不過都鮮甜有蝦味，滿意達標。牛肉併雞柳，加工過既牛肉及雞柳滿意，醃味不太濃不過份，質感嫩滑，好味。牛仔骨併雞中翼，牛仔骨特別易掌握又快熟，醃得甜甜的，又不失牛味，軟棉棉。雞中翼以前專登劏開，雖然較易熟，但肉汁會全部流失，變得又乾又鞋呢。不過今次無劏開喎，非常好。雞中翼，我覺得最難燒得好既食材，要燒得皮脆肉嫩，不能濃又不能乾，真係好需要高超技巧及耐性。唯有放旁邊慢烤，烤得肥美飽滿脹卜卜，皮滑肉嫩，好好味呀 ﹗雖然有部份燶左一點點。斑片併豬扒，斑片係我其中一款喜愛既食材，魚味濃又結實，燒得面表香脆勁好味。豬扒，醃味濃厚帶甜，一向都偏肥，咬走肥膏便可以啦，肉質有點硬有點鞋呢，不過豬味濃又滲著肉汁。原盅高麗蔘燉雞湯，今晚所有出品都非常有質數啊，中場飲個靚湯回回氣先再搏殺。依個湯真係超水準，火喉十足，雞味濃、蔘味足，清甜可口，要飲多幾碗。上次比人蔘水我飲，諗起都好驚呀 ﹗紅炆牛尾煲，都唔知算唔算係韓國菜呢？咁多年都保持水準，炆得軟腍又入味，質地膠而嫩，仲有蘿蔔做底，索晒汁液牛尾既精華，正呀 ﹗鹽燒西冷扒，最緊要依味喇 ﹗我一向食牛都唔鍾意食醃過架，加少少鹽少少黑椒已經夠晒，要原汁原味，3 成熟最正。壓軸到西冷出場 ﹗我梗係食三到五成熟啦，屋企人係都要食八九十成熟，太熟會又乾又韌，浪費 ﹗硬係唔聽人地講既。我食左幾舊勁甜勁香勁 juicy，非常美味 ﹗A5 四人套餐，好飽好滿足啊 ﹗我梗係覺得依度食客少一點、悠閒一點、食物質數會高一點、味道會好一點、賣相會靚一點 ﹗而且服務都好好多呢 ﹗…查看更多
點解貴左咁多嫁????(原來正價係一碟肉, 門口牌個D, 係半碟肉...)因為人數多, 見佢4/6人餐價格差唔多,但多個抄年糕 + 牛尾, 所以5人選了6人餐↑門口水牌價格, 在店內找不到任何該套餐收費....:(↑
先來12小碟
......好豐富
平時中午唔想煮, 都係個唔錯選擇~~:)
夜晚晚餐好貴，沒有自助任食，每碟食送要$ 85 ！超貴！建議出尖沙嘴、旺角食韓燒自助任食！
