33
15
7
所有分店 (3)
電話號碼
92931899
附加資料
為方便大家,我們已經有電話預訂外買自取服務!😄😄
營業時間
今日營業
12:00 - 20:00
星期一至日
12:00 - 20:00
付款方式
AlipayHK 支付寶 現金 八達通
其他資料
當面支付
食評 (77)
等級4 2021-04-12
342 瀏覽
傳說中的 「髀魔」自從在西貢揚名立萬之後,先後在荃灣和太子建立地盤,我本想到太子「髀魔」挑機,但一直未有成行,想不到,這天因事來到西貢,竟然因緣際會,初會這魔頭。話說這天約了友伴到西貢吃海鮮,我先行一步來到西貢,閒逛了個多小時後,見百無聊賴,便在這兒的「髀魔」,買來普通大小的「自家製椒鹽經典髀」($32/隻),就在附近的公園一試它的功力。這「自家製椒鹽經典髀」雖非店中以巨取勝的超巨型「自家製椒鹽招牌巨魔髀」($40),其實都非常大隻,新鮮炸起的雞髀,又十分熱燙,椒鹽味不算太濃,可也因此而不會讓整隻雞髀都變得太鹹。我坐在附近公園的椅子上,戴起「髀魔」附送的膠手套,大口大口的把雞髀吃下去,覺得十分美味,不枉我要在「髀魔」門外等了十分鐘才能吃到它。這天還有意外驚喜,本來要在店子購買兩款食物才會奉送的「自家製羅漢果茶」,這天我只是買了一隻雞髀,竟然也有得送,清熱潤喉的羅漢果茶與上火的炸雞髀,正好成為合襯的一對。我的雞髀放在厚身透氣瓦通紙盒內,與羅漢果茶一起放在紙袋內,服務挺貼心。看網上對這店子雞髀的評價,似乎好壞參半,這天我吃的雞髀,又大隻,又夠熱,皮脆,肉也嫩和有肉汁,作為小食,還想怎樣?其實「髀魔」還有以火功取勝的「麻辣火焰髀」和十分邪惡的「鹹蛋黃醬黃金魔髀」,這次初會髀魔,未能一試其功夫,要等下次再會,才能一較高下了。 繼續閱讀
(以上食評乃用戶個人意見 , 並不代表OpenRice之觀點。)
等級2 2021-03-19
221 瀏覽
原來西貢既橫街小巷都幾多野食,👀見到呢間髀魔都幾多人排隊👫👭。好奇之下,睇下店舖既menus📋,見到係主打各式各樣既炸物。但店舖只做外賣🥡,沒有堂食的🙅🏻‍♀️諗住方便係街邊食,所以今次就點左火焰雞粒☺️由於係即叫即整,所以等候時間比較長,要等10分鐘左右⏱1️⃣ 火焰雞粒(麻辣)($32)👍🏻味道評分: 7/10🥡外賣會有紙袋比客人拎住,內裏係用紙盒裝住雞粒,附帶叉子🍴,所以拎住係街食都好方便。一打開盒子,就嗅到好香既炸雞味🤤新鮮炸起既雞粒好熱辣辣🔥,一共有10大粒。食落幾香口,外脆肉嫩,無骨,唔會覺得個雞粒好乾身,而且唔油膩,雞粒既大小岩岩好👅,可以一口食哂。🧂味道方面似椒鹽味多d,唔覺有麻辣味。如果加重麻辣味就好了,但總體上都係幾好味既😋 繼續閱讀
(以上食評乃用戶個人意見 , 並不代表OpenRice之觀點。)
等級1 2021-03-13
176 瀏覽
之前聽人講好少地方有得食黃金雞髀所以專登去試下,佢既價值講真唔算太貴,但質素真心麻麻。成隻雞髀都係油膱同雪藏味,咬口都叫脆,不過個人覺得太鹹。好似夾硬加左鹹蛋黃上去,好似有叫啲gimmick 咁,感覺唔到用心做。雞髀質素真心要改善。加上西貢真心多好西、小食,再咁經營法遲早會俾人比下去。再講店舖既質素都係好影響人地食慾,未係太差但可以再好啲,油煙太重,因為了解始終係速食店,所以未叫好worse。賣晒廣告做晒膳稿但有少少言過其實,又或者因為咁令人地對佢要求大左?試過就知,自行判斷。唔推薦。完。 繼續閱讀
(以上食評乃用戶個人意見 , 並不代表OpenRice之觀點。)
等級3 2021-02-02
503 瀏覽
唔講你唔知,西貢有一條食街😏位於小巴站對面,認住「zeugma」呢間鋪頭,隔離入去就係🥳入面有唔同類型既餐廳、小食店,魔髀就係其中一間🤩。魔髀係一間主打炸物既外賣小食店,有各式各樣唔同口味既炸物,其中黃金魔髀就係招牌!🤩1.黃金魔髀 ($45) 🌟2.5/5分原本我地係想叫黃金雞髀,諗住試下味先~ 😆但好可惜,當日2點左右去到就賣哂了,想食既朋友就要注意返🥺~ 於是就唯有要黃金魔髀啦!黃金魔髀即係巨大版既鹹蛋黃醬雞髀,即叫即炸👍🏻當日亦挺多人幫襯,所以等左20分鐘左右。所以大家可以落左單先,再去附近行下~☺️魔髀Size超級巨型,絕對係比塊面還要大…😱等於平時2.3雞髀既size,所以呢個定價尚算合理。雞髀表面佈有鹹蛋黃碎😍唔算好多,集中係中間位置,食落咸香。只可惜鹹蛋黃既味道只係停留係外層😔唔知係雞髀醃得唔夠耐,還是本來就無醃鹹蛋黃味係雞肉內面,食完雞皮之後其實就無鹹蛋黃味。雞肉只有少少咸味,唔夠入味,肉質偏鞋🥺雖然盒裡有放吸油紙,但雞髀整體仍是比較重油益味,食到好溜😖值得讚賞係,店家有提供一個手套包😚入面除左有一雙即棄手套之外,仲有紙巾同牙簽,非常細心~😝💕總括黎講,雖然雞髀加鹹蛋黃既組合非常誘人,但整體味道仍有進步空間~🤪或者大家可以試下其他鹹蛋黃既配搭,再分享比我地知好無食啦! 繼續閱讀
(以上食評乃用戶個人意見 , 並不代表OpenRice之觀點。)
等級3 2021-01-20
273 瀏覽
喺西貢食小食越來越多選擇想食炸嘢食第一時間諗起呢一度見到好多人喺度排隊等緊!!細細間舖頭淨係外賣take away 我落咗一個 炸魷魚鬚 鹹蛋黃醬~~等咗大概8分鐘 返到屋企開嚟食 好趣卜卜 好香 魷魚容易咬 老人家食都冇問題 唔需要牙力又香口 送beer一流~~ 繼續閱讀
(以上食評乃用戶個人意見 , 並不代表OpenRice之觀點。)