52
10
8
港鐵銅鑼灣站 B 出口, 步行約5分鐘
繼續閱讀
電話號碼
28388998
開飯介紹
灣仔區少見的大排檔，街頭風味十足，提供各式粵式小炒，相當有鑊氣，以蠔餅、豉椒炒蜆等較受歡迎。餐廳營業至凌晨，適合與三五知己暢聚。
繼續閱讀
營業時間
今日營業
17:00 - 03:00
星期一至日
17:00 - 03:00
有關獎賞計劃
優惠
招牌菜
食家推介
食評 (87)
估唔到foodpanda都有大排檔叫，從未食過駒記，但見外賣自取非常抵就叫咗4樣嘢食，基本上樣樣都好味，仲要份量夠大，兩個人食唔晒有人又可以留第二日lunch。🥢南乳齋煲 $108⭐️⭐️⭐️⭐️好大盒好足料仲好有南乳味，粉絲仲好爽口彈牙，菜仲好翠綠，下次要再叫🥢紅燒乳鴿皇(1隻) $98⭐️⭐️⭐️⭐️雖然乳鴿凍咗皮韌咗啲啲，但味道仍然好香好惹味，仲完全唔駛蘸鹽，如果堂食應該超級正🥢芝士焗海蝦(伊麵底) $178⭐️⭐️⭐️⭐️大約有7-8隻蝦，其中有幾隻比較大，蝦有蝦味兼彈牙，伊麵仍然爽口，芝士汁非常濃郁兼多到可以掛起成盒伊麵🥢豉椒炒大蜆 $108⭐️⭐️⭐️⭐️蜆肉粒粒飽滿，好少殼係無肉，炒得有鑊氣兼好惹味，呢啲基本上係大排檔先做到二人共消費：$270.60 (foodpanda外賣自取)
繼續閱讀
趁限聚令放寬咗，同屋企人出黎食飯。之前試過佢哋嘅海鮮，瀬尿蝦同蟹都好新鮮生猛，今次就試下小菜😃啫啫通菜煲炒得好有鑊氣，但又唔係好油，份量都好多~魚香茄子煲亦好香，微微嘅鹹魚味滲透煮到軟晒嘅茄子，淋汁送飯一流，推薦！👍菠蘿生炒骨酸酸甜甜，一啖一舊啱啱好。對比起坊間嘅菠蘿生炒骨，駒記嘅炸粉冇咁厚，食到啖啖肉嘅感覺好滿足😍豉椒炒蜆就炒得好夠味，我就略嫌有點鹹，但屋企人就話味道啱啱好。蜆都係好新鮮，肉質鮮甜👍最後係我個人嘅最愛椒鹽鮮魷，彈牙的鮮魷外層香脆，炸得會唔好油膩，成碟都比我哋清晒😜總括黎講，駒記嘅小菜都頗唔錯，好多選擇，價錢亦唔貴，係家庭聚餐好地方👍
繼續閱讀
所有嘢食都異常好食！物超所值！尤其係火候方面拿捏得非常好！清一色overcooked！海鮮簡直係極品！必試！返㗳再返嗒！正！食品加工666，环境佳，服务好，技术依然，857857🥰🥰🥰連阿叔都讚好！好人一世平安！
繼續閱讀
食生日飯朋友想食呢間，份量夠，價錢仲好合理。入到店內見到多數人都會叫海鮮食，D海鮮望落都煮得好新鮮。叫左一條蒸斑，好鮮味，夠嫩滑，魚汁入味。 金銀蛋浸莧菜，湯好飲，皮蛋好大隻，蔬菜夠綠。椒鹽鮮魷，大大舊肉，味道香口，口感又脆，椒鹽味恰當，呢款最啱飲住啤酒食。菜膽雞(半隻)，雞肉滑，啖啖肉，雞油恰到好處。滷水鵝肝，滷水汁微甜，每件鵝肝入晒滷水味，仲必到厚厚大大件，滷水汁加入白飯胃口大開。呢間食品係一流!!! 物超所值。幾日後，晚上收工無時間煮飯，再到此店叫了豉油皇炒麵和福建炒飯外賣回家食，好足料夠份量，兩款也夠1家3口食。
繼續閱讀
同事想一齊食番餐在無堂食前的晚餐😋，係住港島區又中意食海鮮，可以係灣仔搵到呢間食海鮮，見到門外有多款海鮮擺出嚟，好吸引，大家就決定入去食🙃薑蔥炒蟹，雖然係簡單煮法，但媽媽係做唔到嘅，蟹肉鮮甜，食海鮮都要有D肉落肚，哪左個黑椒牛仔粒，牛肉入晒味，粒粒仲大大粒，有咬口 蒜蓉開邊蒸蝦，蝦非常新鮮，唔會因為多蒜無蝦味，粉絲入晒味，粉絲簡直係個精華。象拔蚌刺身，呢款海鮮看似最易做，但其實係難做到片片咁薄，好考刀功架！象拔蚌好爽口，加入檸檬汁食可以帶出鮮味，完全無腥味。
繼續閱讀