影片
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
同朋友去餐廳食夜晚飯，叫左兩個麵（一個龍蝦、一個白汁鵝肝）。餐牌外表幾吸引，而且當時我地聽講佢新開，所以去左試一次，原來得個樣。警世！前菜麵包算不過不失，餐湯明顯太咸，已經覺得一般般，不過我自己果分正餐真係難食到XX，從來都無見過白汁整得咁差，好濃但係又食唔到味道。簡單比喻，好似有落鹽、芝士粉既粥，但係又一patpat咁，食到一半想🤮。最後半個麵都無食，浪費曬。餐飲冬OT公道講算大杯，不過都係太甜，坐又坐得唔舒服，最後盛惠$300+，肉痛！
繼續閱讀
馬德里呢間餐廳，第一間應該係以前深水埗美而廉嗰個位，即刻recall唔少回憶入到去裝修環境非常之好，座位寬闊而且樓底高，招呼都唔錯，可能因為荃灣少新餐廳，去到都好多人排隊，唔緊要啦，佢仲派支水驚我哋顧客覺得熱，都好細心叫咗個鐵板雜扒餐，同埋卡邦尼意粉，豬扒雞扒好大塊，份量比之前分店大好多，絕對抵食夾大件，味道中上嘅，價錢都合理，由於掛住食，唔記得咗影相，總體來講都值得推介最後都要講，可能冷氣夠勁，鐵板餐冷卻速度都比較快，呢間食肆都應該要注意吓（不過我冇乜好建議提供,純粹齋噏)
繼續閱讀
最近開咗間新餐廳去試吓，喺深水埗同公司嘅，質素都係一般冇大期望。裝修環境舒適美觀，價錢比一般茶餐廳貴，賣相一流，吸引，但質素真是和茶餐廳不遑多讓，牛角包係脆，但沒有鬆軟，奶茶只有甜沒有茶香和奶茶滑，全程阿姐行嚟行去等住收我嘅食具，凍飲要加$4 ，茄汁豆份量多也沒有變壞，一試無妨。
繼續閱讀
與友人係樓上睇完戲大約9點左右先到店進食叫左兩個套餐1.T骨扒2.西冷牛扒首先 套餐兩個湯係完全無期望一碗比粥更稀既忌廉湯紅湯就正常茶餐廳水平（好飲過銀龍）到沙律🥗 可能係成餐飯最好食既野（但都只係芝麻醬撈菜）跟住到扒喇 兩個都係叫左五成跟薯菜但黎到兩個都變左全熟咁兩塊扒入邊都見唔到有任何紅色仲要個T骨扒 勁大浸銀龍茶餐廳嘅鬆肉粉味下面啲薯條又咸到有腎病極度難食！！！！我嗰日應該新開張咗一個禮拜希望佢快啲執笠唔好禍害人間
繼續閱讀
今日突然想食牛扒，喺荃新天地見到呢間餐廳，門外都多人排隊，即管試試。落單時，我話要5成熟，職員話冇得指定，一般都有7成熟，咁冇辦法啦！都入咗嚟坐低，冇理由呢刻走咁怪，唯有接受。到個扒上枱，越食越唔對路。竟然嚟咗5成，但唔係我食開嘅5成，係一半生，一半熟。睇相你就知，有啲位置熟到嚡口實的的，有啲位就生到根本冇煮過咁，好恐怖。呢度環境ok嘅！但就成日要執枱趕人走咁款，見隔離枱果pair公公婆婆係咁俾侍應執走枱面啲嘢就知。我食剩咗好多，應該冇下次喇！大x樂都應該整得好過佢，起碼全熟先丫！失望的一餐。
繼續閱讀