馬來咖哩大王 (已結業)

雖然呢間叫馬來咖喱，但見食既學生就真係唔多，而多數人都係食其他野，睇睇寫滿字既餐牌，種類都算唔少，而且真係幾平下。薑蔥霸王雞飯連湯及飲品，例湯是菜乾豬骨湯，無乜料自然無乜味，不過雞件斬得雜亂無章，薑蔥油同菜放埋一堆，都唔知邊樣打邊樣，加上蔥油都滲入白飯之內，令到D飯好油，有少許監獄風雲feel ，仲有杯無乜茶味凍檸檬茶，求其扒兩啖就算啦。…查看更多

是日北上, 通常去到上水會落車慳幾蚊, 食D野先.當日係午餐時間, 附近D廣場/商場/領匯等等都係見慣食慣的, 加上FULL OF國內同胞, 價位至PUSH UP, 行行下見到有市政大廈即上去睇睇.一出LIFT右手邊見到呢檔, 食物同價錢就坐即低.友人食蔥油雞飯, 雪藏雞正常味道, 份量多, 唔鞋唔難趙, 薑蔥豉油夠味, 送的例水就係一般例水.我至愛的咖哩都只係一般茶仔用的咖哩膽開出黎, 都尚算好手工唔係溝晒味精水去開浠, 豬扒都係一般茶仔貨式.30蚊呢個價錢仲有野飲又夠食都算係上水高性價比之選.…查看更多

今朝早要陪媽咪去拜山，媽咪話入一入上水買d野~買完都差唔多13：00，所以都係食埋飯先去lu媽咪話上水石湖墟街市上面嘅熟食中心有好多野食，咁我地就去試吓:)~上到去又真係幾多人wo，我地求其揀左一間坐底，望一望個餐牌，e...都幾經濟bo，廿幾蚊一個午餐:)"例湯"...菜乾豬骨湯，味道可以...應該有小小味精，但係唔太多!!"干炒牛柳絲意粉"...顏色幾靚，意粉唔太稔...軟硬適中，味道都唔錯:)牛柳絲都幾多，但係一食就知落左梳打粉去醃...無哂牛肉味:("黑椒豬扒腸仔火腿飯"...本身我係話要意粉，但係可能落錯單，所以黎左碟飯，anyway...是單啦d飯口感唔太好...好稔:(豬扒都幾大塊，雖然味道ok...但係一樣係落左梳打粉醃，但係梳打粉味無牛柳絲咁濃!!個汁就最好，好重黑椒味...有辣味，但係唔太辣:)碟飯好大碟，剩係食哂d餸都已經飽左lu$24一個午餐...有例湯...包飲品...凍飲+＄1，都算幾抵:)都可以一試:)…查看更多

訓醒通常已經係中午2點 , 都要出街醫肚 ,美好的一天又開始喇 , 訓醒第一餐 對食物當然會有點要求 , 不能馬虎 ~可惜上水無咩好野食 , 有時寧願買餸返屋企自己熟 ~這間馬來咖哩大王新開時幫襯過幾次 , 印象唔錯 , 未婚妻知道我鍾意食海南雞 , 叫我可以泥試下 , 所以重回舊地 ~:(環境由於近笠口 , 所以好多人行泥行去 , 又會撞下撞下所以要坐近燒味鋪果邊 , 如果近鋪頭 , 人地埋單同傳菜又會比人撞這間餐廳簡位好重要 , 以前就係比人撞得多所以唔去 ~全上水最抵食 ($24)[/雖然全街市都係20幾蚊 , 但抵要包括埋好食 ~咖哩汁一向唔錯 , 每日都有一個咖哩快餐但係要看下跟咩餸 ~咖哩牛腩 <- 推介牛腩 , 大件 , 多 , 夠淋有幾舊牛腩中間有筋位 , 特別香口 , 好耐未食過咁好味的牛腩 , 仲好食過中環出名食牛腩果間下次無跟餐都要食 ~未婚妻泥左上水搵我 , 就帶佢試下馬來咖哩大王 ~不過要拖實呀 , 小心地滑 , 好彩冷氣都夠 ~其實得3樣野可以簡 , 1係咖哩 , 2係焗類 , 3係海南雞 :(咖哩班腩一般喇 , 班腩太多醬小肉 , 唔會再試 ~:)芝士肉醬朱扒焗意係上水食焗類算係好好味 , 上水NO.1~她試過都覺得唔錯呀 , 這裡可以做我的飯堂 ~海南雞記得好耐以前試過海南雞好唔得 , 但遲D會再試多次再比食評海南雞 ~…查看更多

:)在上水石湖墟市政大廈街市熟食中心內其實有不少又便宜又好食的浪食店，上次來幫襯時見鄰座客人吃的海南鷄飯賣相不錯，今天便叫來一客試試是否表裹一致，首次來的朋友都叫了招牌上的㗎喱斑腩飯。㗎喱斑腩飯㗎喱汁夠濃，表面加上些鮮紅色的辣油，碗中有很多薯仔，雖然這裹的咖喱水準只是合格水平，巳經比勝利道華富要收四十蚊一客的水㗎喱强多了，不過馬來咖哩大王的最平只是廿三元，已包餐湯及飲品，可能是全港最抵食的！海南鷄飯[/b我那碟海南鷄是脾位，皮下脂肪很薄的鷄肉很滑身、有雞肉鮮味，鷄肉又不黐骨，並有些醒胃的酸菜伴碟，那碗油飯帶着淡淡的椰香味，但入口又不覺太油膩，隨海南雞附上的醬料有甜酸汁及姜葱蓉，也是缺少了星州的黑豉油，不過在本港連勝利小厨、泰國人海南鷄等海南鷄名店也沒有供應，好像在香港好像巳很罕見，不知在那裹可以吃到有黑豉油的海南鷄飯呢? 請各位網友大大告知！想不到在熟食中心內也能吃到這般有水準的海南鷄飯，除了碗湯較平凡外，我非常滿意這客海南鷄飯，絕對食得過，馬來咖哩大王是一間可以食回頭草的食店。…查看更多