36
5
6
開飯介紹
香辣屋雖然以泰菜為主，但亦提供其他東南亞的菜式，到此不可不試的有：辣椒蒜茸扒大頭蝦、炭燒豬頸肉和糯米釀雞翼。
繼續閱讀
附加資料
無肉餐單詳情：每天供應多款素食菜式
以上資料只供參考, 請與餐廳確認詳情
相關文章
由於我係King Parrot Group member(有85折)，所以我成日會食沙田香辣屋。前排我同mum & 細佬3人去食，發覺已經加價，平均加$5 - $20。當晚，我叫：金柚沙律(免費，用會員coupon) - 好開胃，如果好似我唔係好食得辣，可以叫佢少辣汁。馬拉盞炒通菜($42) - 一貫水準泰式拼盤(大) ($88) - 有豬頸肉、春卷、炸雲吞、雞翼、炸蝦餅，我覺得好抵食，而且好味！香芧原隻春雞配糯米飯($75) - 真係好唔得！唔係好明解春雞要配糯米飯？雞淋pat pat，唔掂！我只係食3件就收手。最後mum唔想浪費，打包返屋企切絲炒飯，oh my god!干炒海鮮河- 一般啦！冇咩海鮮講真，如果要食好味泰國菜，一定要去九龍城，度太多選擇喇！
繼續閱讀
今日第二次嚟呢度食...都keep 到喎！兩個人dinner 叫咗：炭燒豬頸肉、青木瓜沙律同南瓜紅咖喱海鮮( 雖然通通清晒，但食到後期其實我覺得兩個人嚟講係叫多咗囉！even 我們未至於飽到要去嘔...)個豬頸肉ok 啦！朋友其實對東南亞的飲食方式係冇咩考究，而我本來亦都係咁，但我錯在自從某年某月某日由某君帶咗我去九龍城食某間泰式餐館後~ 我開始知道炭燒豬頸肉好味起上嚟可以點樣！嗰次雖然係我同某君拍拖後冇耐的約會, 但我當日都很”真我”咁話佢知個豬頸肉係得架！仲表現埋個為食樣添！( 哈~ 當日個餸值95 分架！)但講返香辣屋呢度...因我有經驗比較, 所以呢度我只俾合格( 合格在係熱辣辣同係脆邊，但炭燒味就欠奉, 個點的醬汁仲要係主要得個辣同鹹字, 一d 開胃同惹味的感覺都冇)至於個青木瓜沙律, 料其實都幾多, 雖然切晒絲, 但見到有芽菜、花生、青木瓜等等...因我唔係咁鍾意魚露, 但朋友話好味！講真, 我真係好怕食呢類酸酸縮縮的食物, 可能飲食口味係個人化的，所以我都唔想以偏概全了。至於個南瓜紅咖喱，兩個字：抵食！內裡海鮮就有青口( 一隻), 帶子( 兩隻), 小龍蝦(一隻), 龍利柳( 成人女仔手板長度一塊)...話抵食係因為個菜式係用南瓜嚟做南瓜盅！食海鮮食到咁上下已可以刮d南瓜肉嚟食, 所以飯我們都冇叫！但講汁底係上次去1968食好味d, 因為今次我覺得椰汁味同薄荷葉的味道好強勁！哈~總括講，今次食到飽飽, 反而平過我上次去7樓的1968 食！1968 我叫咗兩碟( 一個串燒同羊架已超過兩舊水)...而我嗰次飽都係因自己個lunch 未消化晒！但今次我冇食lunch 一開始嚟 dinner 都咁飽~ so...不但覺得又抵, 而且坐得又舒服呢！最抵讚一坐低佢已提供熱水俾我！多數出面的餐廳都係凍或冰水~ 但食肥膩野冇咁好囉而員工態度都很勤快~ good！唯一係環境嘈少少, 一來繁忙時間dinner time, 二來耐唔耐會有職員推手推車入廚房會嘈d...二人前共$197
繼續閱讀
因為我考試考得好，bf和我來這裡慶祝^^點了bea的二人餐，份量十足。豬頸肉拼蝦餅:最好味!!青咖哩雞:一般，是4個中最不受歡迎的炒雜菜:多油了一些牛肉粒:都不錯餐飲:柑桔青檸甜品:糕點其實食物水準是不錯的，可是服務欠佳。這就是欲笑還顰的原因吧!!題外話:thx for ur treat!
繼續閱讀
午飯時間在新城市廣場找吃的，心水那幾家都要等位，見這店卻大把吉位，無奈時間緊迫，明知山有虎，也要向虎山行。點了幾款午市套餐share，分別有青咖哩雞、黃咖哩牛肉及甜酸豬柳。無論是哪一種肉類，質地都很粗鞋，最要命的是那陣雪藏味，三款肉類都一樣，無一倖免。兩款咖哩汁都水汪汪的，不算難吃，但也是水準之下。不幸中之大幸，是那幾味菜的汁都是濃重的口味，大家用汁來撈飯，都吃得飽的。每個餐連例湯一碗，大約$50，質素不會比連鎖快餐店好。
繼續閱讀
一行三人去食，6點半去到既時候冇乜人，不過好彩7點我再去過，已經開始有人係門口等位，拿拿臨攞位，等左7、8分鐘到就入得﹗(之後開始多人)叫左：1) 沙嗲串燒(雞肉、牛肉、豬肉各2串)2) 糯米釀雞翼3) 干炒金邊粉(唔sure個名)4) 炸粟米南瓜餅1) 串燒—好味，唔韌，d醬好惹味2) 糯米雞翼—兩隻雞全翼，切開做六舊﹗炸得好脆，但係好快飽、糯米好滯，想試多幾款餸既千祈唔好叫呢碟﹗3) 干炒金邊粉—好好味，有少少甜甜酸酸，炒得又夠乾身，正﹗4) 粟米南瓜餅—呢個係意料之外既好味﹗話係餅，其實係粟米粒同一d幼幼既南瓜絲，有dd黏埋一齊咁既野，點埋d加左肉鬆既泰色辣醬嚟食，好好味﹗就算坐左好耐，出面好多人都冇人黎催，幾好﹗但係比飛嗰女待應d態度真係麻麻，好彩入面個d唔係咁咋﹗
繼續閱讀