香記餐廳 (已結業)

已經第4次黎呢間，每次黎到我都好驚佢會執，真心呢個位餐廳好似無一間好似佢做到咁耐，都唔知係因為死約無得唔做定真係收支平衡好啦講返野食，佢啲食物質素真心呢個價對得住有餘😂😂就咁炸豬扒都好好，半份25蚊已經比左成塊黎雞球飯，香同個汁一流勁好送飯女朋友食滑蛋蝦仁飯，都係無得輸不過食肉獸既話扒類真心好正要試❤️❤️❤️❤️❤️❤️❤️❤️❤️❤️❤️❤️❤️香記真心係可以做食堂食好野係要等下❤️❤️呢間野我比95分❤️

已經多到數唔到第幾次黎依間香記食飯 每次出到旺角基本上都會幫襯依間貌似兩兄弟經營既飯堂👍🏼佢既豬頸肉 外面香脆但入面仲好多肉汁一d都唔乾。環境雖然一般較細 但係服務態度非常好，間唔時廚房位肥叔叔都會出埋黎傾下計非常風趣！

今次係第二次嚟香記食飯。第一次食既烏冬喺彈牙，每啖都食到個汁。今次試咗個意粉，黑椒汁好香。堂食又好外賣又好個個人都叫咖哩牛腩，香飯。可惜今次嚟食係夜晚都賣曬lu⋯⋯下次試試佢先😤。🍝聽店員講意粉原本有用蕃茄🍅燴咗一晚，然後再炒再加汁煮。好用心啊～重點係佢哋個雞翼，即叫即炸超邪惡又鎖到啲汁喺入面。完全唔會好dry😋不過係小店所以得兩個員工。所以要等一少陣，唔耐。每一個order都係即叫即整架👍

是一間平民化地道餐館，入店門口有兩位人兄應該係兩兄弟,我眼見只有百幾呎地方個個都係搭檯，看餐牌都有好多嘢想食，香辣雞球飯.慢煮咖哩牛腩飯.滑蛋蝦仁飯.小食就想叫豬頸肉同雞翼，點知淨係叫咗個慢煮咖哩牛腩香飯份量好大好足料又飽肚，好在沒叫其他吃，因為一碗以經好飽😂😂香港已經好少有人情味同好味嘅餐廳， 而家週街都係大集團再唔係就係有錢人 富二代嘅舖頭，所以有呢份美味同人情味我都想盡量可以享受耐啲，最起碼我食得出佢哋係有心做

今晚係第二次泥呢間香記第一次只係求其入無太大期望，唔難食就得但食完發覺比預期好食今次叫左咖哩牛腩+蛋仲叫左份雞翼，雞翼唔會好乾…外面脆裏面多汁牛腩夠淋…咖哩辣左d

有一晚懶煮飯，㩒開Openrice見附近有間香記開咗一段時間，諗住試吓。見啲食村普通，一家三口就一人叫咗一個，分別係：豉油汁雞翼飯、肉燥撈雞翼米線、咖哩雞扒飯。落去攞外賣時，店員好有禮貌，值得一讚。之後攞到返屋企，打開後賣相亦屬一般，不過雞翼就唔似其他餐廳嗰啲「春雞雞翼」，而係大大隻，飯就跟5隻、撈米線有4隻。呢個份量，又得一讚！正式開餐，雞翼竟然外脆內嫩⋯⋯咁當然唔係脆到薯片咁，但肯定唔似其他餐廳咁又淋、油膱味又勁，而個飯就真係冇乜特別，只係白飯一兜，加埋個豉油汁，雖然佢唔係普通甜豉油，而係似海南雞飯嗰啲，但味道唔突出，略略失色（係指味道而唔係講顏色；至於個肉燥米線唔錯，味道香帶微辣，量亦唔少，再得一讚！不過最為驚喜係個咖哩雞扒飯：雞扒本身唔會太難食，只係視乎調味，而呢個雞扒除咗好似雞翼咁外脆內嫩，佢味道鹹中帶甜，會令我想一舊接一舊咁食！而個飯就+$5要咗個「香飯」，但佢聞落就冇乜香味，食落原來係一兜美味嘅「有味飯」，另上嘅咖哩汁雖然味道都唔錯，但我就咁已經KO咗大半兜有味飯，只剩少少撈咖哩！整體而言，香記嘅嘢食有驚喜，下次可以再試吓其他食物。（因為當時太餓，而且諗住係普通食材，所以

豉油街轉換食肆速度太快，經常都有新餐廳開幕。今日路過豉油街，現在就見＂雲端廚房ＦＲＥＳＨＬＡＮＥ正在裝修中，此位置前身為俊皇海鮮酒家，開業不久原來已經執笠了，相信很快就有更多小店可以做外賣速遞及外賣自取了。本人就最鍾意用某２個ＡＰＰＳ外賣自取，貪其價錢有些比餐廳更平價呢！今日就用某ＡＰＰＳ賣香記餐廳外賣自取，比餐廳每個餐平＄２呢，餐廳的意粉會用茄醬炒過的，味道很好食呢，雞扒及豬頸肉份量都很多，豬頸肉煎到有燶邊，更加香脆可口。下次會再幫趁的，支持小店。

Walked past the small restaurant and was greeted by the friendly owner and his son. Didn’t expect a lot at first and ordered a pork jowl fried spaghetti with garlic sauce. I was surprised at the quality of the pork jowl - very tender and chewy at the same time. The garlic sauce wasn’t too strong and had a sweet oniony flavour to it, it was very nice! It came with a free tea drink.Overall a very relaxing experience with nice food (cooked-to-order) and good service! Would come again 😊

收工行過見到新開餐廳，鋪頭細細主打外賣，但都有枱可以堂食。睇下個餐牌，價錢合理，香辣雞飯caught my attention，所以就決定試下汁唔多但好好味撈飯最啱買飯送盒裝野飲鋪頭係兩個男人打理，態度好好，待客友善仲好貼心會問我加芫茜葱O唔Ok支持小店，會再嚟幫襯

餐廳舖面細細，環境乾淨，位置雖然偏僻少少，但旺角火車站落嚟都好快，揸車嘅泊門口，可以坐門口bar台位👀睇住就唔怕抄牌。天氣好熱🔥☀️叫咗一個泰式豬頸肉沙律🥗🥗，勁有驚喜，豬頸肉邊邊香脆配埋🧅同🥒勁正～個汁唔太酸，🌶🌶辣辣哋好嘢未，店員仲會預先問定要唔要芫荽，鍾意食芫荽嘅必試❤️另外朋友叫咗蒜蓉汁雞扒意粉🍝，汁另上嘅，就咁食意粉未加汁都已經好夠味，加埋汁又係另一種味道雞翼外脆內juicy 😍唔會乾爭爭🤤🤤🤤

有一日同狗仔行過，經過呢間小小店，食物款式雖然唔算多，但係拎宣傳單張既時候感覺到店員好真誠既感覺，就一於試一試佢味道本身對呢個菜式無咩期待，朋友想食就叫啦🤣🤣本身唔係好鐘意食雞既我，出奇地覺得佢好好食，好滑，無雪味（食過好多地方都唔多唔少有雪味，所以好怕食雞），汁方面唔會覺得好「杰」身，好似怪獸口水咁，我又係好怕🙈🙈，所以總括嚟講真係唔錯🥰香辣雞球香飯，店員好提議我先食一啖飯先再食雞，睇住碗平平無奇既飯，心諗有咩特別🤣咪好似油飯🙈點知一食落去，一d油都無，好香既香茅味，其實唔洗加其他已經覺得佢好好食🥰呢個飯真係要一試 香辣雞球就好似一份小小雞煲一樣，好夠味🤣🤣份量剛剛好，撈飯一流👍🏻最後環境雖然唔係好靚，但勝在乾淨整齊，店員非常親切有禮，好希望呢間小店越做越好🎉

有日做完野好餓見到旺角新開左間小店 朋友話有興趣就入左去試下😝 餐廳主要係做主食 而且性價比都唔錯 食物大份價錢合理 仲幾好味🤗香脆雞翼配甜辣醬 ($40)雞翼有成8隻咁多真係好抵食🤩🤩 而且每隻都幾大隻 熱辣辣 皮又脆😋 仲有我最愛嘅甜辣醬配埋好夾🥰 原塊豬頸肉 ($70)好小食呢個煮法嘅豬頸肉 好有驚喜🤩 豬頸肉嘅皮竟然可以keep到脆架😲😲 涼拌醬汁酸酸辣辣非常開胃 而且份量都幾大!香辣雞球飯 ($58)香辣雞球就好似雞煲嘅味道 醬汁好惹味送飯啱哂!! 而且雞球都幾嫩滑 唔會又乾又鞋🤤🤤 仲要配好大個飯 上面仲舖左大大隻蛋 又香又滑呀😋😋 呢個價錢幾抵食! 蒜蓉汁雞排香炒意粉 ($64)我特登request左少意粉(少一半)😛 炒意粉炒得幾乾身 唔算油👍🏼 蒜蓉汁好香 配雞排都好夾🤩