影片
營業時間
今日營業
06:30 - 22:00
星期一至日
06:30 - 22:00
以上資料只供參考, 請與餐廳確認詳情
食家推介
利申：如果你想挑戰難食既嘢，或者鐘意比人串，呢到係好值得一試先講態度問題，特別係個帶眼鏡既呀叔，落單個陣我只係問左句套餐係未包餐湯同飲品，佢一句字都無答，只係用眼神啤住你，好似叫你快啲落餐飲啦。未開飯，淨食氣都飽左一半。隔離枱仲慘，人地叫B1 餐咖哩牛腩飯，佢就聽錯左係D1 馬來炒貴叼。 人地話要番咖哩牛腩飯，個呀叔就問候人媽媽，之後發曬脾氣咁拎入廚房換😹 見人哋著校服就恰人恰到出曬面，呀叔係有料到既👍🏼食飯期間不斷聽到彭彭聲，以為又閃電落雨，仔細一望原來係呀叔執碗勁有heart，下下高位掟餐具同碗落盤到，如果你係I人，唔想同同行者講多幾句嘢，香葉灣一定幫到你👍🏼再黎就係講食物質素，我地點左一個冬蔭功豬頸肉金邊粉，一個海鮮炒河。 冬蔭功湯得個死酸味，好明顯食得出係個湯係溝過水既。 豬頸肉就柴過瘦肉，仲有一陣雪味，真係食舊瘦叉都好過佢。餐湯點左羅宋湯，咸過飲公仔麵湯，自認腎功能好既朋友可以一試。海鮮炒河好大碟，但料就係凍肉鋪入面買到既海鮮雜感包，細隻既蝦仁都有幾粒，麵粉重既蟹柳就一堆。 河粉淨睇顔色就知無味，再試一啖就確認無錯，同重口味既羅宋湯相映成趣，係呢個moment 我終於知道點解炒河可以包湯同飲品了👍🏼凍檸茶就正常發揮，叫左少甜真係飲得出好重既茶味，個茶包絕對足料，亦都難怪差唔多食飽個下，個飲品先上到比你。香港出名地少人多，個呀叔當然都好關心呢個問題，基本上你放低餐具個下，佢就衝過黎問唔要啦？ 但留意番，佢只係象徵式問下，當你準備答個下，或者思考多過一秒，佢已經大大力掟左落執餐盤到了。 就係係呢個moment，我都發現左原來佢個口都識講嘢既。餐飯由落單連食飽，前後25分鐘已經可以完成。如果你係趕時間或者係大胃王，成日驚唔夠飽既話，相信你食氣都食飽左👍🏼如果係鐘意比錢買難受既人，香葉灣絕對適合你👍🏼👍🏼👍🏼 我自己就無下次了😹0/5 at all
繼續閱讀
岩岩搬去太和就梗係搵吓附近有乜食，一search個OpenRice就見到呢間咁多劣評，咪諗住去試吓伏囉。一入到去就feel到係舊式餐廳風格，唔係講個裝潢，而係啲夥計同食客🤣坐低睇餐牌，的確唔貴，叫咗個炒金邊粉有湯有嘢飲，60幾蚊算係咁。講真，侍應都係叔叔嬸嬸，態度未去到話好差會鬧人，但的確俾人感覺唔太友善。不過其實佢哋只係冇乜笑容同唔會懶親切，我叫特飲要加錢會提我，唔記得叫湯又會提我，我講唔該又會話唔使客氣。我未感受到其他人所講嘅服務態度惡劣。講返嘢食：羅宋湯係普通茶餐廳質素，又酸又鹹又辣，但我就係鍾意呢d😁金邊粉唔係我鍾意嘅甜口，有辣味，同埋唔係大量茄汁炒金邊粉⋯⋯其實幾有鑊氣🤣我覺得唔叫得上好食，但絕對未去到難食。珍多冰係正常一般椰奶，我覺得OK👍🏻總括：肚餓醫肚絕對冇問題，有下次，但唔會特別推介嚟太和行街嘅朋友（其實都唔會有人無端端入嚟行街🙈），因為的確唔係乜嘢特別嘢。
繼續閱讀
太和街坊有福，食物份量味道可觀，但我就不再回頭幫襯了。食物：啲扒餐又抵又好味，汁足肉質可以，湯也中上。有湯有side dish 有drink 有餐包，想點呀太和渣。服務：劣利申第一次黎，就見個老闆鬧客，嗰女食客已經好有禮貌離開位去問下老闆，想知嗰餐轉呢樣可以嗎。老闆不用開鬧吧，話做咩改我啲餐！大大聲喎。其實做茶餐廳都可以斯文回覆啫，又無講要咬文嚼字。我怕到看清楚整個餐牌，個扒餐要選咩。一舉手order又係老闆見到，我怕大鑊啦，結果佢叫男侍應跟，我都照被鬧。兩個字傳承。小食客我講曬餐號,、餐湯白湯、餐飲，都未講埋要咩汁，個侍應就串我，眼神厲我，我問做咩事，佢就話要咩汁。（明顯因為唔係跟佢習慣落單選項，要先講汁後講湯最後飲品）我哋啲香港可憐食客，只能低聲下氣說而家講架啦。之後仲反問要咩湯，伏曬，一早講白湯，（明顯因為唔係跟佢習慣落單選項，要先講汁後講湯最後飲品）。明白openrice 機制未必同意，但服務要反映否則劉德華同古天樂都不用出黎廣告一番。衛生：連枱底都有蒼蠅，可見衛生一般般。對事不對人，服務是全餐廳的，老店客外勁排隊，我都吃150蚊架，老店服務質素要改善，難難難......會否因我篇文不久變太和澳牛，出名左呢！
繼續閱讀
朋友話午餐居然食到德國咸豬手，都係六十幾蚊，起初不太相信，睇埋相之後，真係好吸引，想約會了好幾次，終於夾到時間，可以品嚐一下…這家食店名稱都幾特別，詩情畫意，裝修都雅致，雖然有分店，但我都係第一次見到。餐牌寫明係豬手係半隻份量，作為午餐應該好足夠了；落單時還可以選擇配撘薯菜、白飯、意粉，安排相當貼心。A8餐終於上枱了，外皮香脆丶肉質黏口嫩滑，調味不會太鹹，切咗十幾刀都仲未食完，果然值得一試再試。記得揀黑椒汁，配搭應該夾味，入口不算太辣，茶記來說已經係超好味！
繼續閱讀
想去呢間餐廳食飯嘅人 盡量唔好晒錢，時間去呢到好日唔會到太和 今日因為單車活動而去太和食晚餐 叫咗三個小菜套餐 炒菜同豬頸肉勉強叫正常 最經典莫過於西檸雞 第一啖食落去 真係不得了 個汁完全係冇檸檬嘅味道 又唔酸又唔甜 仲要係橙黃色嘅 雞肉明顯係用嚟做早餐或者黑椒雞扒飯嘅雞扒 淨係得鹹味 最經典莫過於 我問職員係咪嚟錯嘢 因為呢個西寧雞冇檸檬亦冇檸檬味 佢居然同我講佢哋嘅西寧雞係冇檸檬味嘅 實在係驚為天人 我食咗幾十年西檸雞都係今日先知原來西檸雞係可以冇檸檬汁同檸檬味嘅 最後個職員重好鄙視我嘅問題
繼續閱讀
您可能會有興趣的...