香葉泰國菜館 (已結業)

早前去呢間食冬蔭公海鮮金邊粉，冬蔭公係泰國必選的食品，粉有3-4粒細細魷魚，魷魚都ok，有2粒超細青口，2隻虾，虾超難食，非常霉，差啲嘔！我本身都唔食得太辣野，呢個冬蔭公完全無辣味，只有酸味，酸味太重，因為好肚餓，就繼續食，食左差唔多一半，頂唔順了，真係太酸了！這張照片是吃了一半的，皆因太難食，所以才拍照。檸檬水既其中2片檸檬係頭搭尾，都算了！唔會再光顧！…查看更多

在沙田搵泰菜選擇唔多，因為平日夜晚關係就大家第二天返工返學就揀左大圍香葉，食物質素都可以，一行10人叫到擺滿一張長枱都唔夠放，我們叫左個8人餐再加了數個菜式，家都食到好飽，埋單價錢都實惠。碟星洲咖喱炒蝦，啲蝦好大隻呀！用那些咖喱汁點蒜茸包真係一流。但今次隻燒雞比起上次冇咁好味個泰式小食拼盤賣相幾出色芝麻炸蝦多士有點失望，同相片出入太大最後來的甜品，棷汁大菜糕比預期好味，食得出係有誠意的，唔係其他店比啲贈送行貨你食。…查看更多

大圍開餐，泰國🇹🇭菜平時來開食午餐，午餐$50左右有套餐。 豬手豬手皮和肉分離肉太散味道還好！滿滿的菠蘿🍍炒飯不過不失的生菜包味道ok酸辣度剛剛好但豬肉比較濕如果亁身d會重好食…查看更多

大圍眾多食店，大大少少都有，而較易搵位，食物質素同價錢都合理既話，呢度真係不錯既選擇，今日叫左個豬手飯，豬手夠淋，豬手肉同皮既比例非常好，唔會太多肥，但又有少少，飯既份量夠多，岩哂男士，上菜速度又快，係一間很好的泰式茶記…查看更多

星期日lunch hour嘅大圍可以人山人海黎形容, 無論茶樓到cafe門口都企滿等枱嘅人, 原本我地都等架, 不過有人係咁嗌肚餓... 最終去左對面馬路食泰菜. •冬蔭公海鮮湯粉 (HKD43)目測唔似好辣, 仲勁多料, 大粒蝦肉, 菇, 魷魚, 芽菜... 金邊粉份量勁多, 食唒真心飽, 冬蔭公睇落較平時食開嘅泰菜稀左d, 但辣度係有夠強勁的, 海鮮一食就明顯雪藏無味.•泰式蝦球炒金邊粉 (HKD48)Pad Thai一定唔會失手喇呱, 見到pantry一出就係幾碟就知多人食. 的確炒得好味又均匀, 嗜辣可以撈入辣椒粉. •泰式醎魚炒芥蘭 (HKD45)食唔慣有渣嘅芥蘭, 早知炒個通菜算, 好在夠醎香.•菠蘿沙冰 (HKD35)菠蘿味直到杯底, 打得好細, 係食冬蔭公嘅配搭.…查看更多