香港餐室 (已結業)

今日有時間可以食到個早餐 冇乜諗法 見到香港餐室有早餐就入咗去餐牌都係預計會有既早餐元素 嗌咗自選百搭粉面早餐($33) 如果包可以揀香脆奶油豬仔飽唔係迷你菠蘿包就好喇 事關本人真係好鐘意奶油豬黎到個菠蘿包都唔迷你架 但就唔多夠熱 一放落口打咗個突呀 除咗個包底有俾隻煎蛋座熱咗少少之外 成個包都凍既 食完仲有啲乾添 我指我個喉嚨其他餸都好食 有流心蛋黃既煎蛋 微微煎過既煙肉 通粉份量適中 仲有2條菜添 係同預期差唔多既港式早餐 西冷牛扒幫你砌埋放埋係通粉上面 刀都唔洗用呀…查看更多

今日經過見到呢間小店，有種似曾相識嘅感覺，再望望門外餐牌，原來就係之前成日喺深水埗幫襯嘅小店，而家搬左黎佐敦，仲方便左。於是乎晚上就試左呢度嘅晚餐，入到店內，座位間格都適中，有唔少嘅卡位供選擇，而且店員姐姐都好細心，幫我揀選無甘大風嘅位置，以防我凍親，值得加分。打開餐牌，晚餐有好多選擇，有焗飯意粉喇沙同扒餐，價錢約4x~9x，非常經濟實惠，適合慳家嘅小情侶。今晚我地叫左2個扒餐，一份係魚柳併牛柳配天使面，另一份係牛肩扒配天使面，上枱時份量十足。有餐湯，墨西哥薄餅，又有沙律菜伴碟，男士都唔會餓親。特別要讚賞下，牛肩扒牛味濃，而且廚師煎扒外脆內軟，保持到肉汁， 而且天使面唔係煮到爛晒，入口時仲有彈性。下次經過一定要試埋呢度嘅焗飯水準如何。:)…查看更多

餐廳在裕華國貨轉入就會見到 平時成日經過都無機會食到今晚終於試左 值得一讚 天氣咁熱 最緊要冷氣夠 前日去左間餐廳好熱 食食下出汗 即刻唔會再去 好似想趕客走咁呢間餐室好多選擇 今次選擇左2人餐 有餐湯 薄餅 2個主菜 沙津 2杯野飲非常抵食食物份量又多👍🏻小薄餅都非常唔錯 好小地方會有小薄餅跟埋沙津都唔錯 有煙肉碎比較特別主菜我地叫左厚豬排同牛肩扒豬排又厚又大件 好好味呀 比為你做足100分個個豬排厚好多啖啖肉好正牛肩扒唔會過熟 都唔錯可以跟飯/意粉/薯條如果跟埋飯真係食唔哂 所以我地簡左薯條薯條係粗薯條 都好夠飽呀😍總體呢個餐好似$198 有咁多野食 真係CP值好高呀 店內環境都唔錯 侍應都好有禮貌下次去開佐敦都會再黎見到佢餐牌海南雞都好似好吸引咁🥰…查看更多

「香港餐室」是典型港式茶記，裝潢有點舊，衛生情況及舒適感一般。早餐選擇和價錢和其他茶記差不多。平日吃公仔麵餐多為兩餸，像這客「豬柳蛋餐肉煎蛋出前一丁」內含三餸比較少有。豬柳選用比較肥軟的素材，餐肉煎蛋無乜特別。建議多加麻油及生菜，口味更佳。整體評價中等。…查看更多

係附近伊利沙伯醫院覆完診，肚餓到已經冇乜要求諗住求其入間茶餐廳食個下午茶醫肚，行到佐敦見到呢間香港餐廳就入去坐低，下午茶的餐牌都有幾多選擇，有炒粉麵飯有炸物沙律等⋯我叫左個海鮮炒烏冬加凍檸茶少甜少冰下午茶時段餐廳吾多人，上菜都好快捷，睇起黎好有色澤仲出曬煙甘，下午茶的份量真係比較細份，感覺得半個烏冬甘，至於個海鮮炒烏冬用料有咩海鮮呢？答案係有蟹柳丶蜆肉丶魷魚。烏冬面鋪左啲紫菜，營造日本風味。但食落既味道就吾係太理想，除咗行路之外，蜆肉同魷魚雖則預計左一定唔係新鮮嫁啦，但係雪藏嘅海鮮可能處理得唔好，食左一口就覺得有啲過分既腥味。烏冬既麵質反而幾好，彈牙不帶有酸味…查看更多

嗰日着行過呢間野，又係未夠時間江湖規矩下午茶就叫個豬扒包連凍檸茶啦講真我已經係豬扒包專家呢個餐好處在佢薯條鬚生我幾鍾意食豬扒包個包方面又係粗粉類，這種包質地最夾豬扒不過好神奇插兩支牙籤，可能預咗人開半啊真係冇乜嘢寫，30幾蚊食得過，你話佢係咪最好食佢絕對唔係最好食，但絕對沒有「揸流攤」。我可以評論佢絕對唔係搵食嗰啲，但行過經過呢間絕對冇「復位」。講真30幾蚊我絕對收貨，但如果薯條下次再炸深少少。咁樣就一百分…查看更多

其實這間位於九龍油尖旺區「佐敦」裡面的茶餐廳「香港餐室」，無論是內部環境，抑或是食品的質素，都跟我個人期望的質素有一段很大的距離，但是因為四月時我需要去「伊利沙伯醫院」覆診，所以才跟它扯上了關係。話說四月的時候，我又到了每年需要到「伊利沙伯醫院」覆診的關係，所以老豆陪我在早上前往佐敦。完成「伊利沙伯醫院」覆診之後，我在佐敦裡面尋找食午飯的港式茶餐廳，結果我發現到當時的「香港餐室」。可惜我上手的手提電話不爭氣，支撐不到「香港餐室」食評完成就已經報銷，所以我在大約兩個月之後，再次重臨佐敦「南京街」，再光顧一次「香港餐室」。「香港餐室」裡面的環境，始終都不是我遇過環境最好的茶餐廳，因為「香港餐室」裡面有電視機播放「新聞臺」以及新聞報道，而且新聞報道的聲浪，原來都頗為刺耳，刺耳得讓我無法接受。而且「香港餐室」的電視機，剛剛好裝置在餐廳的廚房門口上方，換言之大部分光顧「香港餐室」人包括我在內，面對「香港餐室」的電視機幾乎都避無可避。而且電視機聲浪很大，大得叫我想放棄用餐。但是眼見上次光顧「香港餐室」的照片，隨着上手手機報銷，已經再沒有重見天日的機會，所以我惟有硬着頭皮，食多一次「香港餐室」的即食麵下午茶才算數。「香港餐室」裡面的套餐，感覺都是我在西貢都經常會食的同款食品，例如「海南雞飯」。但是我卻忽然發現到，原來「香港餐室」還另外推出了一個，以韓國「辛辣麵」作為賣點的「韓國辛辣麵餐」。而且「韓國辛辣麵餐」的價錢，比「海南雞飯」餐都便宜不少，看來「韓國辛辣麵餐」好像比「海南雞飯」，更適合我作為下午茶食品去享用多一點。結果我選擇了配搭肥牛牛肉的「韓國辛辣麵餐」，作為我今次在「香港餐室」裡面的下午茶選擇，至於餐飲我就選擇了飲茶餐廳最愛「凍奶茶」。結果「香港餐室」的「韓國辛辣麵餐」加「凍奶茶」都在正常時間內製作完成，侍應率先端着「凍奶茶」送到我的餐檯上面。「凍奶茶」裡面的淡奶份量非常之多，多得幾乎把紅茶的茶味凌駕掩蓋住。而且「香港餐室」淡奶較多的「凍奶茶」，變成了只有淡奶甜味，甜味多到讓我無法好好感覺港式紅茶香味的「凍奶茶」，但是「凍奶茶」味道還未算是最差的一環。因為「香港餐室」有食品，味道比「凍奶茶」出現了更大問題，那食品正正就是「韓國辛辣麵」配肥牛。雖然我以前都不是食過很多次韓國的「辛辣麵」，所以無從比較「香港餐室」的「辛辣麵」，跟韓國傳統的「辛辣麵」，究竟韓國銷售版本「辛辣麵」的辣度，跟「香港餐室」「辛辣麵」是否都一樣。「香港餐室」以常餐形象現身的「韓國辛辣麵餐」，「韓國辛辣麵」裡面的辣味，比我最初預計之中變得更厲害，「香港餐室」的「韓國辛辣麵」裡面的辛辣麵辣味，已經變成了「麻辣」。即使「香港餐室」已經嘗試，在，「韓國辛辣麵」裡面，加入了例如「蕃茄」等的新鮮蔬菜配料，希望透過「蕃茄」等的配料去中和「韓國辛辣麵」裡面的辣味，可惜實際效果卻是事與願違。「香港餐室」的「韓國辛辣麵餐」還有另一個地方讓我感到有點失望的地方，就是「香港餐室」竟然選擇了以半隻完成烚熟的雞蛋，去作為「韓國辛辣麵餐」的雞蛋食品。結果「香港餐室」廚房選擇了，把那半隻被完全烚熟的水煮雞蛋直接放在辛辣麵裡面，雞蛋黃都已經直接脫離了蛋白，飄到「韓國辛辣麵」的辣味湯底上方。另一方面，「香港餐室」又把大量的芝士碎，直接灑到「韓國辛辣麵」的身上，芝士碎本身的存在，其實對於提升「韓國辛辣麵」整體味道，或者對於抒緩「韓國辛辣麵」的麻辣，都是一點效果都沒有。「香港餐室」把所有的蔬菜配料，都幾乎直接放置在「韓國辛辣麵」裡面，結果還是無法中和「香港餐室」「韓國辛辣麵」裡面又强烈，又過猶不及的辣味。至於「韓國辛辣麵」裡面的肥牛牛肉，肥牛亦都已經被味道超辣的麻辣湯底所完全烚熟了，肥牛牛肉的色澤，都已經由鮮紅色烚到變成熟透的灰白色。結果「香港餐室」本來應該還有少許牛肉原味的肥牛肉，都因為被湯底裡面的過火麻辣味道浸淫，肥牛肉最後的味道還是變成非常之麻辣。「香港餐室」整碗「韓國辛辣麵」配大量雜亂無章的配料，本來份量還不算非常差，可惜就被味道極度麻辣的「韓國辛辣麵」湯底，味道浸到完全變成麻辣，連我的嘴唇也被麻辣湯底弄到當場發麻。結果「香港餐室」即使還加入了切片蕃茄跟芝士，蕃茄跟芝士還是無力，無法改變「韓國辛辣麵餐」裡面的麻辣狀態，味道辣到叫我也支撐不到下去，食完肥牛肉、芝士、粟米跟辛辣麵，湯底也不敢再飲了。「香港餐室」給我感到失望的地方，其實不止有味道感覺非常麻非常辣的「韓國辛辣麵」湯底，還有「香港餐室」裡面的電視新聞臺嘈吵的聲浪，還有「香港餐室」不太有禮貌的服務態度。「香港餐室」裡面的電視新聞臺跟強大噪音聲浪，其實我還可以選擇去迴避，背向電視機不看電視新聞臺的畫面就可以解決問題，奈何電視機的聲浪實在太過響亮了，無論我怎樣做乸避免不了。可惜我現在記憶力已經大不如前，否則單憑想起上次跟老豆在「香港餐室」遇到的環境，上手手機又不是報銷的話，其實我已經可以選擇只光顧「香港餐室」一次就足夠了。…查看更多

我同老公 2人啱到餐室 , 原本啱有4人卡位走 , 店員示意我地入坐 , 咁啱想坐時後面既客人係3位 , 老板要調2張2人卡位既單人搭枱坐 , 然後請我地轉坐2人卡位 , 望落好似麻煩左食客 , 但老闆好有禮貌咁表示歉意 , 所以我地轉枱都OK既 , 落單我老公叫既餐有括住辛辣問係米一定辣, 店員都禮貌表示可以走辣 , 有電視播放 , 用餐過程唔錯啦 !…查看更多

一人的午餐想吃隨意一點, 就隨便進了一間茶餐廳, 點了他家最有名焗飯, 話明招牌菜應該唔會有錯啦掛..?咖喱牛肉焗飯, 咖喱沒有咖喱味, 牛肉沒有一口可以咬開, 全都帶着根, 連最基本的洋蔥也是用了洋蔥的外皮去做, 洋蔥的外皮是用了最梗的那一塊, 入口有楂的, 這究竟是什麼回事?!焗飯的飯底也是只是普通的白飯, 並沒有用蛋炒過或者是加入調味倒是薯仔比較正常, 整體來說, 貌像尚算正常, 可惜味道不是太合適我的口味, 吃了幾啖便草草了事, 像是頹飯一餐算是…查看更多

店名：香港餐室 Hong KongCafe地點：佐敦南京街5號地舖 G/F, 5Nanking Street, Jordan，電話: (1)     羅宋湯；(2) 焗鮮茄牛脷長通粉； (3) 熱檸檬茶共一人享用本套餐，合共五十二元。食物的色香味如何：羅宋湯很濃郁雜菜味，而且湯料多:紅蘿蔔、椰菜；鮮茄由於切得大塊，所以充滿茄汁；長通粉和牛脷焗得稔，而且有香濃的芝士味，檸檬茶可口，欣賞它的茶味。環境：整潔舒適，以卡位為主。服 務：很有水準，態度良好。衛生：良好。抵食：價錢可以。…查看更多

每次去佐敦睇醫生，我都喜歡去香港餐廳吃東西，因為食物好，服務不錯，地方很大。今次複診時間好長，過咗午飯時間，又要趕返公司，所以唯有快快手食個下午茶餐，下午茶餐都好多選擇。我就揀了粟米肉醬意粉配熱華田。餐廳面積算大，坐位及卡位都多，雖然是平民食肆，但依然很多食客幫襯。由於要焗所以已預留時間，大約15分鐘就了，由於是下午茶所以知道是較迷你。熱辣辣的食物真係無得輸，肉醬咸淡適中，意粉煮完再焗都唔會過淋。整體實在不俗。對於大食的食客，建議食返午餐先會夠飽。…查看更多

好日都唔會入黎呢間野食野。因為佢係內街啲啲，唔算易搵到。坐到尚算舒舒服服食個晏咁啦～叫左個實冇死既常餐~野飲先黎，淡左啲既朱古力唔記左有奄列，又叫左個蛋，不過要讚下呢個蛋係流心既，比個讚佢個包太多牛油。。。…查看更多

這間餐廳，在近兩年來，路途行經都走入去幫襯，雖然次數不多，但印象中，服務水準在這兩年間，真的進步了，食品都仍然保持著好味道，起碼會開胃口食晒成碟，每次食飯都會食晒，不想浪費食物，除非真係太難食，味道有偏差就冇得好講！今次，看到餐牌，好多選擇，最終揀了四寶飯，包括火腿，雞肉腸，剪蛋，餐肉，味道好，新鮮熱辣，配照燒汁，但嫌配汁不夠份量，白飯夠熱夠軟熟，亦有香飯味，整體而言是有水準，印象中，食物水準亦在進步中，座位闊落，兩旁各有掛牆電視，音量適中，聽得清楚，增加了環境內的氣氛，四方枱四座位，啱約幾位朋友，小家庭漫談，兩座對坐卡位啱晒情侶，夫妻檔啦。…查看更多

今日黎到依間餐室即使繁忙時段店員都非常有禮貌午餐時間份量比較大碟芝士焗魚柳芝士味濃郁，稠身魚柳無腥味多汁坐位非常寬躺，可以慢慢談心服務質素高，上餐快很好的微笑服務…查看更多

陪老友去做正電腦掃描檢查，她檢查雖時2小時左右，一個人便行下街和要搵午餐食，由於不太熟這地方找食，又不想去得太遠呢？因為姑娘隨時來電我接朋友走，遠遠就望見"香港餐室"招牌，望落去環境很好和有很多坐位都不太影響別人，你知啦！食飯咁係唔想人答抬嘅，就算一個都係咁講，呢度D坐位就可以比一個人坐都有幾張抬，坐下個士應又好有禮貌介紹有乜午餐食，一張又一張牌介紹，未食已經好想食呢種食呢種，哈！如果有多幾個朋友就可以試下多款呢！ 忌廉湯很特別架有一種好似花生衣咁 又唔覺好鞋口感 味道好滑口焗芋頭豬排飯豬排好淋好味芋頭雖然細細塊不過好淋又夠粉…查看更多