香港醫學會李樹培醫生專業教育中心宴會廳 (已結業)

餐廳未裝修之前有醫生朋友帶過我來食飯， 同職員傾開先知原來醫學會clubhouse個餐廳都可以俾一般人join個免費會籍去食飯呀!!當時填左D簡單既聯絡資料，好快就入左會。4月尾醫學會會所餐廳裝修後重開，又換左新大廚同管理，即刻去試一試佢晚市質素如何。一入到去個場明顯光猛同靚左好多，多左好多中式元素同擺設。會所座位唔多，但勝在可能唔係好多人知道，環境清靜。新餐廳換上全套新既餐具，我自己非常鐘意。一來就試一試佢地個premium tea “瑰麗堂皇”，荔枝香氣足，又解膩，順口舒服。之後講下當晚食左咩菜色~椒脆黃金豆腐，香口脆身，碟底無油，抵讚。潮式凍馬友，馬友賣相精緻，搭配不同醬料(有魚子醬)，一魚三食，有打卡位又好味。松露鵝肝花枝球，大大粒，點埋黑松露醬，香口惹味，仲識流心!!椰皇焗海鮮 - 椰皇味道清香，用新鮮原個椰皇整成，一打開已經香氣扑鼻，忍唔住食左少少椰肉，但怕食唔落後面既菜色，試左兩啖忍痛pass。爵士湯味道清甜，頗有驚喜，湯料(花膠)質量不錯，前面菜色偏香口濃味，飲完個湯refresh一下個味蕾，又可以繼續作戰。三色煎肉餅(日月星.琢) – 三款味道入面我自己最鐘意墨魚味，

香港醫學會中環會所，跟其他私人會所不同，位於中環商業大廈，其實只是食飯的地方，也歡迎任何人去食飯。位於中環華商會所大廈二樓全層，光線充裕，中環晚上的人流比較少，餐廳通常都有位，會所私隱度較高。他們說最近換了個好廚師，所以我專程去試下菜。彩椒炒鮮鮑片，鮑片爽口，又有點鮮味，彩椒亦夠爽脆。砵酒生蠔煲，最重要是什麼？把蠔洗淨，煎蠔至呈金黃色，這個做到色香味俱全。千葉豆腐，沒有煎、炸、炒、鹵，我估計師傅想表現刀功，豆腐薄切，入口很滑，豆香亦濃。原條清蒸海斑，雖然我平時不太好食海鮮，但是這條魚太好吃，多肉少骨，清蒸火喉剛好。記得要預訂，才會有新鮮魚食。蛋白花雕蒸花蟹，師傅細心地把花蟹的殼拑開，花蟹啖啖肉，我喜歡。花雕很香，配上蛋白很吸引，花雕蛋白可以撈飯食。招牌炒飯，名字平凡，內容不簡單，炒飯香口而不油膩，飯粒軟綿有嚼口，我吃了兩碗，想添第三碗時，已經被朋友掃清。 除此之外，午市套餐有28道小菜選擇，兩位兩個小菜$256，三位三個小菜$384，菜式定期更換。另有六款套餐可選，會所推出不同系列秋冬菜式。也有增值選項，例如沙巴龍躉、燸米炸雞、八寶鴨，要提早預訂。https://www.thkma.o

香港有好多唔同嘅私人會所，位於中環嘅商業大廈入面，美其名說係會所啦，其實只係食飯嘅地方，娛樂設施都未必有，裝修亦都只係普普通通，但通常呢種嘅會所嘢食質素都好有保證。香港醫學會就係其中一個地方。4位既晚飯套餐每位唔使$200就已經有八道菜。燕窩鷓鴣羹又滑又香口，面頭嘅火腿蓉味道好突出，肉類用鷓鴣，嗰種野味嘅香味並非豬肉或者雞肉可以代替。可能我食過太好食嘅蝦多士，呢度嘅蝦多士顯得平平無奇，而且油份過多，面頭嘅炸粉太多白雪雪咁，賣相就唔係幾靚啦。西蘭花炒帶子唔係一樣好特別嘅菜式，但呢度做得相對唔錯，帶子保持到鮮味，西蘭花亦夠爽脆。子薑菠蘿咕嚕肉用黑毛豬來做，呢樣都唔係特別嘅地方，呢道菜最好食嘅係子薑。子薑一年都有，而且都係佢哋自家醃製，周年我唔係太喜好醃菜嘅人都覺得好好食。子薑冇渣，甜酸辣嘅比例亦都做得好好。粟米魚柳係一道我由細到大都鍾意食嘅菜式，外面好多酒樓嘅炸魚菜式會用品質唔好嘅魚，但呢度用嘅魚柳都相當唔錯，而且炸得好香口。呢度用嘅瑤柱都好大條，味道亦都做得好。我係一個唔太食炒食飯嘅人，但佢嘅松子欖菜叉燒粒炒飯真係做得好好，Uncle Roger is not going to put

友人離港在即。我地一行12位女士。想搵個地方靜靜地又可以一班朋友食飯傾計。其中友人係會員一早就寫咗菜單。呢度招乎不錯。份量大。而且即煮。熱騰騰好好味。私隠度高。極力推薦。

好朋友最近去咗中環干諾道中附近工作，佢有一日打電話四圍查詢附近的會所怎樣入會和收費幾多錢，突然發現這兒今年之內免費入會，所以我來趁個熱鬧！點知每次每一台客人只可以攞一張申請表申請一個人入會，我今日趁着星期六有空約了兩位同業好友一起來午餐，每人花了$106，點了以下三個菜式：1. 鮮蝦荷葉飯 : 唔係最好味，但係都OK，有四碗飯咁多，好多雞丁。2. 翠塘豆腐：正！好滑！好好味！3. 涼瓜炒牛肉：ok！啲牛肉稍嫌硬左少少。糖水送半碗麥米粥，非常好味！並不太甜！環境幽靜，因為唔准搭枱，今日星期六小人啲，所以招呼都好。中環搵地方食午餐特別困難，呢間會所是中式的，以粵菜為主，菜式款式並不太多，但是勝在全部都是熱門的。打電話來訂枱的時候記住訂一張入會申請表了！

今晚飯聚不方便拍照恕未能提供相片一行十數人在醫學會會所聚會食物當然不能馬虎一開場先上老火湯材料有生魚豬肉蜜棗等超清甜連湯渣都好味道白灼海生蝦考功夫如果用養殖蝦就無意思了蒸煮時間也要控制得宜豬肉釀花菇是傳統菜簡單家常但不是經常吃到這裡招牌是炸子雞炸子雞配上炸蝦片是經典配搭雞肉非常嫩口外皮香脆連雞胸肉也滑嫩無比蒸大青斑大得有點誇張二斤半到三斤左右大小火喉控制得剛剛好肉質超嫩滑腩位魚油香良久沒吃過那麼高質的蒸魚其他小菜也在水準之上最後以一碗甜甜的喳喳作結服務生都是傳統派十分專業期待下次飯聚於此會所感謝

星期日一家人食飯， 來到裝修好的醫學會， 菜單就任廚師決定。呢d 就係今晚會食的幾道菜。人未齊， 先飲湯。西洋菜生魚湯 - omg 鹹過鹽水， 真係入唔到口， 侍應自己來試味，亦都非常同意， 而家人就話湯料的生魚就唔係好鹹，仲好食添。湯就收返入廚房了。燻蛋，有淡淡的煙燻味，味道剛好。薑蔥雞- 味道怪怪的，不懂怎去形容，不似是薑蔥味。京蔥牛肉， 又係好好鹹，沒有其他味道了。鎮江一字骨，普普通通，終於可以入口。竹笙扒雙疏，味道又是怪怪的， 竹笙有油益味, 醬汁好像漿糊的杰。荷葉飯，這個就缺乏味道， 加京蔥牛肉一起吃就差不多。因為大部份菜都麻麻，是否這晚的菜試太特別呢？？ 我們決定試d 平時lunch 有供應的咕嚕肉， 果然這咕嚕肉比較正常餐廳送的腐竹糖水， 水還水，腐竹還腐竹，不期望什麼了。

今日相約幾位舊同事吃午餐，雖然大家都不是醫生，但其中一位竟然建議來這裏吃午餐，說這裏坐得舒適，而價錢亦在合理的範圍。我們一行四人，點了4人份量的午市套餐A。下單不久，侍應就端上了老火湯。湯很清，味道也偏淡，侍應沒有說，我也嘗不出到底這是什麼熬的湯我們一共有四個小菜，先來的是這道菜螃蟹。這道菜味道清淡，然而卻泛著油光，我不是太欣賞這道菜。再來是蝦仁炒蛋，蛋炒得滑溜，蝦仁也爽口彈牙，加上少許蔥花吊味，味道不錯然後是粟米斑塊，份量比我想像中要多！粟米汁夠杰身，魚塊的炸漿不會過厚，是大家都很喜歡的一道菜壓軸出場的是蒸肉排，這個等的時間比較長，侍應解釋說這道菜比較花時間蒸。這肉排味道濃郁，送飯一流吃罷飯餸，侍應端上了紅豆沙，這個味道就比較普通了，如果經已吃飽可以省掉埋單每人$125，雖然不算超級便宜，但在中環區來說，可以訂位，而且環境寧靜，座位又不會很狹窄，食物質素也算中上，性價比不錯

今晚相約了一眾兄弟姊妹食慶功宴, 答謝佢地係我地個婚禮咁幫手, 咁就緊係要帶佢地食D好野啦! 今晚我地一行15人, 餐廳比左間廂房我地, 都算唔話得, 我地叫左廚師推介席淮山杞子豬脊骨燉生魚，極鮮甜, 又足料, 一定冇味精, 拍得住阿媽靚湯!彩椒雜菌炒包螺片，整道菜呢色彩斑斕而且都炒得很香夠晒鑊氣, 可惜螺片比較鞋口紅燒一字骨, 肉質超級腍身, 炆到好入味, 初頭諗住咁大碟一定食唔晒估, 唔到呢個餸亦都好快被沽清菜膽上湯雞雞肉, 好滑, 夠晒鮮味, 再加少醬汁已經無敵啦本身係白灼海中蝦, 我將呢個餸轉咗做鳯梨片炒蝦球, 因為我嘅至愛就係咕嚕肉, 因為今晚冇咕嚕肉所以就轉左做咕嚕蝦啦, 蝦非常之大隻兼肉質爽口，菠蘿有夠多, 正啊!黑毛豬肉釀北菇, 聽個名就知道菜矜貴啦, 而且賣相亦都好得喎, 每一個肉球排列得非常之齊整, 咬落仲夠晒多汁, 盡顯豬肉鮮味清蒸大海斑, 我就最鍾意食石斑架喇, 呢個石斑肉質都唔錯, 不過略嫌有點鞋口, 而蒸魚豉油極鮮美, 得到全枱人嘅讚賞上湯小棠菜, 呢個係我最唔鍾意食的一道菜, 可能以前大學嘅頹飯成日都用小棠菜, 令到我對呢一種菜生厭, 不過呢度都整得唔差嘅

好友宴客，選址香港醫學會李樹培醫生專業教育中心宴會廳。餐廳因手持會所牌，所以只招待會員。餐廳地方不大，但全晚每組客均獲廳房接待，私隱度高。是晚餐單如下：- 淮山杞子豬脊骨燉生魚- 彩椒雜菌炒鮑螺片- 紅燒一字骨- 黑毛豬肉釀北菇- 菠蘿咕嚕蝦球- 清蒸大海斑- 菜膽上湯雞- 上湯小棠菜- 楊州炒飯- 乾燒伊麵- 合時糖水筆者較喜歡的菜式有紅燒一字骨、黑毛豬肉釀北菇及菠蘿咕嚕蝦球。紅燒一字骨炆得腍身入味；黑毛豬肉釀北菇有筆者至愛的濃香豬肉餅；菠蘿咕嚕蝦球酸甜醒胃，外脆內爽。有改進空間的菜式有清蒸大海斑、上湯小棠菜及乾燒伊麵。清蒸大海斑肉質略鞋；上湯小棠菜賣相味道單調，難登大雅之堂；乾燒伊麵略膩口，麵條之間容易黏著一起。整體來說，各菜式份量足，製作見傳統，質素上普遍有一定水準。人均消費二三百元起已有廳房供應，都 OK 喇！

由家中長輩約好的新春飯局, 由他們的醫生朋友代為訂位, 因這個醫學會會所是行會員制, 只接受他們的會員訂位, 亦必須由會員埋單, 醫生長輩極力推介說這裡的菜做得很出色, 價錢不貴等等....菜單是長輩們負責的, 我們就只好等著吃首先上枱的豉油王蝦碌...蝦很大隻, 新鮮彈口, 很好味! 接著的炆鴨掌亦很入味, 鵝掌很香軟, 各人讚不絕口!魚蒸得剛剛熟, 所以肉質很滑! 炸子雞就沒有怎麼驚喜! 最後上的荷葉飯吸收了荷葉的味道, 打開時真的很有荷葉香味, 飯亦蒸得剛好, 材料十足, 不會像外面有些店的荷葉飯總是放太多水, 飯蒸出來太稔!整整的一桌菜, 10個人吃得飽飽的, 會員價才是1,500大元, 實在是超值! 聽說是因為以會員的會費作些許補貼, 才可以那裡平宜呢!只可惜這裡以會所形式營運, 必須要會員才可以訂位, 又必須要會員埋單..否則以他們的水準及價錢, 必定旺場

同事請食飯，選了來這裡吃午飯。五個人，叫了一個四人餐，另加一客小菜。不過四人餐的沙律卷和其中一客小菜都沒有，於是轉了其他菜式。青紅蘿白豬骨湯：很鮮甜。沒太多油，也不太鹹。脆玉瓜炒斑塊：脆玉瓜很多件，爽焾適中。斑塊粉漿皮不厚，魚肉很多而且有魚肉的口感，不會很焾很爛。蝦仁炒蛋：蝦仁大隻，但欠鮮味。蛋炒得太老，不滑。鮑菇扒小棠菜：鮑菇很多也很焾。小棠菜鮮嫩，汁料不太鹹。陳皮蒸肉餅：肉餅十分焾，肥瘦適中，陳皮味很香。炸子雞：外皮炸得很脆而不肥膩，肉很嫩滑。紅豆沙：紅豆十分少，淡而無味。埋單連茶芥及加一，共五百多元，以中環區來說，價錢合理。已來此店好幾次，小菜都好吃，但糖水始終欠佳。環境寧靜，地方及餐具整潔，吃得十分舒適。

適逢好友醫生請客，介紹來此，據說此店菜式很好，大廚亦是從一間著名食府聘來，特來此一試。餐廳在中環旺地的華商會所，交通方便。我們八人，主人已點菜，從三個定菜牌中選其精者，靜觀其變。菜式如下：人蔘豬展燉雞湯鳳尾蝦多士原隻鮑魚扣鵝掌翡翠骨香倉魚球鴿蛋竹笙燴上素當紅炸子雞生炒臘味糯米飯蝦子金菇炆伊麵紅豆沙湯丸先來一個濃湯「人蔘豬展燉雞湯」，話明無味精，最合日日在外吃飯的寫字樓人士。湯非常溶，夠熱味佳，餡料多，的確無味精。第二度「鳳尾蝦多士」，精緻而多士香脆，味道一流。再上一客炸子雞，懷舊式，竟配上粉紅色蝦片，很久未試過了。蝦片很脆，不油不燥。雞皮亦奇脆，咬之有聲。雞肉則嫩滑，使人吃之不忍停筷。原隻鮑魚扣鵝掌，也是出刀叉，鮑魚還可以，鵝掌則扣得入味，佳。翡翠骨香倉魚球，以前未試過，想不到能做出倉魚球，味極好。鴿蛋竹笙燴上素，人人都怕吃蛋，這裡用白鴿蛋就健康，做法是用麵粉包住炸，故此吃下白鴿蛋有香味，配合素菜，綠色芥蘭，白色竹笙，色味健康俱全。跟尾的生炒臘味糯米飯，糯米飯炒得不太濕，饀料臘肉、臘腸、潤腸都多。蝦子金菇炆伊麵，最好是不油，食完也不口渴。甜品之紅豆沙湯丸，稍覺水多，不夠磨沙。今日最好味

老臣子總管榮休, 謝絕一切食完背脊骨落既俾面派對, 於是我地小圈子同佢食返餐飯, 聊表心意。晌呢頭返工搵地方食飯永遠令人頭痛, 可以選擇既地方唔多, 既要岩胃口又要顧荷包。晌舊office時周不時去灣仔醫學會聚餐, 今次終於有機會試下佢地晌中環既會所喇!呢度既套餐選擇比較多, 我地13人叫左個$838既8-10人餐, 有一湯六菜一炒飯:一口牛柳粒荷香蒸滑雞滑蛋炒蝦仁濃湯魚腐津菜菠蘿咕嚕肉鮮百合雲耳蜜豆幸福炒飯額外叫加多左一樣三鮮炒玉帶 (例$80, 我地人多要加大, 約$120)一口牛柳粒: 西芹炒黑椒牛柳。其實每件牛柳size比一口略大, 黑椒味濃, 牛柳嫩滑。荷香蒸滑雞: 即係紅棗雲耳蒸雞。夠大碟, 唔係好覺荷香, 不過雞件夠juicy。滑蛋炒蝦仁: 平時滑蛋蝦仁既蛋汁比較黃白, 而呢度既滑蛋望落去顏色比較深，食落蛋味好濃。蛋本身炒得唔滑, 反而有種"厚燒"既感覺, 食落就好有0趙頭。濃湯魚腐津菜: 魚腐扁扁碎碎, 個樣唔靚仔但好有手打既感覺。唔知點解一見到濃湯就"形"住係魚湯, 今次就估錯左喇(我都唔知算係乜湯). anyway湯唔算特別濃, 我亦無畢黎飲。菠蘿咕嚕肉: 呢個菜