香港達人 (愛定商場(H.A.N.D.S) S區) (已結業)

一入門口冇人會問你幾多位畀我哋啲客人嘅第一印象已經係好差喇，環境同裝修都一般般啦又唔係好似工業嘅工業風格囉爛木板加啲藍色咁，跟住就係佢哋啲服務態度真係差到爆，個個都黑口黑面唔會笑唔知道我以為我入嚟食嘢係得罪咗佢哋呀原來戴口罩係唔想畀人見到呀，好啦自己搵位坐低咗一陣睇完餐牌準備嗌嘢啲服務員永遠都係背對住你舉手點餐舉左成兩三分鐘都冇人理，只係見佢哋攞個電話出嚟一路睇一路傾計，好啦幾經辛苦點完餐啲嘢食都算上得快嘅，而且還算大碟，不過啲碗同餐具全部摸落去都黐立立都唔敢食，總之同大家講貼錢買難受真係唔好去依間度食。…查看更多

衛生情況超級惡劣 隻碟污糟到嚇死人 油漬加污漬冇食 走人 嬲爆 服務態度又差 完全冇理會客人感受 做食肆最緊要衛生 最基本也沒有 以後唔咁去呢間店舖 心理對餐廳食物也有陰影 管理層不知所謂 完全唔緊管衛生情況 會向食環進一步投訴…查看更多

晚飯唔知食咩好，行黎行去最終都係入左呢間食。焗芝士蘑菇海鮮飯 $68叫即焗既焗飯，所以要等得耐少少，食物都算唔錯，等一陣都值得嘅。面頭鋪滿芝士，雞蛋炒飯底，熱辣辣撈埋一齊食幾好食。海鮮都應該係啲急凍海鮮，唔會話有咩鮮味，不過一般茶餐廳都係咁。大澳生炒牛肉飯 $60牛肉飯炒到粒粒分明，鹹度適中，不過都係有飯多餸少嘅通病，就咁望都唔覺得有啲咩配菜，不過味道就算係唔錯嘅。飲品都係一般茶餐廳飲品，凍飲要加三蚊，冇加一服務費。…查看更多

雖然午市餐牌望落豐富好多可惜晚市選擇不多餐具烏糟 放餐具既櫃桶都建議定期清潔———————————————————————瑤柱蛋白炒飯⭐️見到個瑤柱蛋白炒飯想試吓，結果上菜之後發覺與其話係瑤柱蛋白炒飯，不如話係肉鬆蛋白炒飯比想像中偏鹹 米飯乾硬———————————————————————焗葡國雞餐⭐️葡汁偏稀 雞肉係用同海南雞一樣既雞肉，多皮多油多骨少肉吾係重點，但真係極多碎骨，每件雞都要吐好多次骨當想放棄雞肉用汁撈飯(吾得 吾可以浪費食物)但汁撈飯都係避吾開極多既碎骨希望吾係因為晚市/遲去先係咁🤦🏻…查看更多

肉排多肥肉，超級鹹，西蘭花就無味，凍檸茶非常酸，只有羅宋湯ok好飲，同經理反映，佢一句唔好意思都唔識，永遠blacklist！！！差未試過食d咁差嘅食物，嬲到一肚氣，唔食都飽，真係唔明點解做到咁差，希望大家不會踩雷，金睛火眼睇清楚，祝大家好運！！…查看更多

下午茶時間買兩個炒粉，操大陸口音阿姐已經好唔老皮，畀完錢見張單收外賣費6蚊，問佢話：一個「核」咪三蚊囉！吓？係我落單前冇問清楚，一定係客人唔啱！原來一個盒已經要收3蚊！超市送貨一個袋都係2蚊返到去開嚟食，點知得一對筷子？另一盒叫我用手食咩？收我3蚊外賣仲要冇餐具？？？真係迫我問候緊你外賣已經唔使你服務我，又冇禮貌，多謝都冇聲永不幫襯呢間連鎖垃圾店！何況唔好食，油多到一個點！熱飲打開得七成滿，係咪咁做生意？唔想蝕就唔好有下午茶啦…查看更多

精選全餐 $39叫咗個歐陸式嘅精選全餐，有漢堡扒、煙肉、腸仔、牛油粟米、炒蛋 配牛角包。擺滿咗成隻碟感覺上好多嘢食，其實食哂落肚都係唔夠飽🤣不過其實味道上冇咩問題 ，係塊煙肉油膩咗少少。 牛角包好酥脆，咬一啖都會有好多小脆片跌曬落隻碟度😆，證明夠哂脆。沙爹牛肉麵餐 $38沙嗲牛麵就感覺飽啲，配埋煎蛋、腸仔同多士，基本茶餐廳或者快餐店早餐配搭。牛肉本身夠濃味👍不過本身個湯比較大碗，食麵嘅時候反而吸唔到啲沙嗲味，比較可惜🤔不過整體嚟講算中規中矩，可以接受。…查看更多

頭先去安定香港達人吃Lunch.1. Lunch set無比餐湯及包 (駁顧客不發現)2. 我自備外賣餐盒，無端端收我$2 外賣盒$。還屈我😤取了。開頭還堅持話我取了餐盒，叫我拿出來(不相信自己有錯)，還問了多個員工。好唔老實，餐湯，餐包，$ 2 盒也扼人。…查看更多

得閒要搵下啲Auntie 食吓下午茶，關心吓佢哋。為左方便就腳，就去愛定商場。-咖喱牛腩意粉 $46牛腩都幾嫩，咖喱香而不辣，意粉彈牙，如果多少少薯仔就好喇。-乾炒牛河 $44抵讚嘅係牛河炒得乾身，完全冇油膩感，牛肉都唔少。-蔥花鰻魚炒飯 $45呢個價錢都唔會Expect 有幾多鰻魚，炒得乾身，亦都好香，唔會太鹹，飯粒粒分明。-黑椒牛仔柳意粉 $46牛仔柳算大塊，肉質唔韌，意粉唔會好漿。熱檸水熱杏霜凍奶茶少甜 +$3…查看更多

終於都有晴天，拉爸媽去食個靚早餐，搵間靚餐廳，就搵左達人，叫左3個餐1/ 豬扒通心粉豬扒好好食，有好香香矛嘅味，湯底吾係普通味精湯，好清好好飲2/ 牛角包全餐 （煙肉火腿）牛角包好新鮮，而且熱辣辣，抵讚，好好食，夾埋個炒蛋， very good，加8蚊要左個細火腿通，夠晒飽3/ 吉列魚柳炒蛋新鮮炸起嘅魚柳，屋企吾會煮炸嘢，都係出街食抵啲，炒蛋好嫩滑，加上千島醬，好夾，吐司亦都烘得好香最後一定要讚既磨齋啡，一飲就知係即磨，吾係沖粉———有好嘅早餐先係GOOD MORNING ，讚…查看更多

屋邨平民餐廳，趕趕地見唔洗等位就入嚟食啦。同之前食過幾次既經驗一樣，正正常常啦，唔會期望有咩驚天動地咁特別。芝士撈丁叫做濃味啲，另外份豬扒包真心覺得有啲淡。脆脆豬扒包唔係配沙律醬而係跟青瓜醬，我就唔係幾識欣賞。唯一開心既係，總算所有嘢都係熱嘅。…查看更多

不知所謂午市無侍應咁濟，自己坐低，上手d碗碟隔左一陣先有人收。 落單又無人，黎到又側側地背住客人落單無禮貌。 叫左set 海南雞。 佢一黎就上左海南雞，等左好耐都未有餐包同餐湯。 又係要自己提。上到黎個羅宋湯勁淡溝左水咁。 海南雞入面勁生，紅色的。叫佢侍應換佢地似見慣不怪，換左一碟勁無禮貌擺低。食落去個雞平平無奇，個酸醬太酸，最擺得落口係鼓油醬。 招牌菜都做到咁，勁失望。奶茶，一般。 …查看更多

早餐不嬲都唔會食得太飽好多時一個full set份量真係比較多見到香港達人有呢個唔健康嘅輕盈餐沙嗲牛肉公仔麵同埋飲品其實都很足夠了$29來講真係算比較抵啦地方好坐好服務還可以吧…查看更多

外賣有九折優惠叫咗個經典茶餐廳早餐沙嗲牛肉公仔麵腸蛋方包跟咖啡食物唔錯都整齊企理嘅但忘了叫他分湯，搞到公仔麵太淋 爭少少另外咖啡係即磨咖啡，飲得出唔錯如果堂食嘅話地方都同樣乾淨…查看更多

午餐係屋企附近香港達人，早餐就食得多，午餐第一次揀咗海南雞飯，油飯夠乾身，而且醬汁分開好靚呀整齊企理，即刻食慾大增啦加$5轉雞髀有少少骨嘅大可以接受雖然價錢唔算平加埋凍飲要$67但係質素算唔錯…查看更多