影片
食家推介
端午節正日咁岩撞正跑馬又撞正馬會有優惠 就預先係網上預訂沙田馬場百勝廳 同一大大細體驗下係馬場食午餐網上預訂既話我地6人最低消費係$1725 但係其實當人做緊優惠 套餐只係200$/位所以最後係會有剩錢，逼埋你去食甜品/下午茶套餐200$一位 包1份燒味雙拼, 6個小菜(1人可揀1款),有湯, 飲品, 白飯, 同埋茶位, 每位剩係收番10$服務費 1. 燒味雙拼 我哋揀咗叉燒同埋乳豬 嚟之前做過research 馬場中菜廳嘅叉燒出名 所以就點咗叉燒 食落去叉燒係半肥瘦 好腍完全唔乾 乳豬都唔肥 皮燒得好脆 值得一試2. 是日湯 五指毛桃海底椰煲豬展湯 好足料主菜1. 麵醬豆卜斑腩煲味道足夠 但可惜骨多過肉，一煲我諗只有3-4舊斑腩, 一人都食唔到一舊2.清湯蘿蔔燉牛筋 是日驚喜! 估唔到佢燉到D牛好腍 牛味濃郁 清湯突出牛肉的原汁原味 好鮮甜! 3.黑醋小排骨呢個都係比較失望既一道菜 排骨比較硬, 醋味亦都唔太夠4. 金沙蝦球好香咸蛋黃味 蝦球亦夠大隻，鹹蛋黃份量足5.鹹魚雞粒豆腐煲老人家送飯一流既菜式 鹹魚味岩岩好，唔會太咸，豆腐都好滑。熱辣辣黎到! 味道很不錯6. 菠蘿咕嚕肉 呢個菠蘿咕嚕肉估唔到都幾高質，炸得脆之餘又做到完全唔硬，外脆內嫩幾正！是日甜品(海帶綠豆沙, 喳咋, 楊枝甘露, 白糖糕)每人可以點一款, 但要注意楊枝甘露好快會賣曬，記得要早D叫! 比較推薦既都係 楊枝甘露, 好好味 西柚又唔苦! 其餘都係一般水準啦最後由於我地仲有余額，所以就叫埋下午茶餐($92/Set 連野飲) + 蝦多士($68)其實都係一般既炸物，冇咩特別，更唔稱得上係好食。如果有余額，建議大家可以叫多個小菜/飯打包會更好總結: 呢個價錢可以同屋企人邊睇馬邊食中菜，不失為假日節目既好選擇。可以比你由12:30坐到完場，大家都食到飽飽先走!
繼續閱讀
如題，睇馬用餐食飯，得呢間百勝廳的地理位置以及觀感不錯。性價比的話因為每張臺需要使用500元最低消費。book臺已經比了錢。所以真正到場時候會發現，690元的燒味套餐。有雙拼燒味以及兩款餸。當然可以單點，但單點無湯，無飲品。陳村粉。單點，唔加汁都偏咸，屬於主菜一款。櫻花蟹肉炒飯，單點主食，不算太鹹。幹身炒飯。夠大兜。不過不失。🤣食物的東西偏鹹，感覺不能靠食物取勝的餐廳。但為了觀景的位置還是會推薦選擇靠窗的二人座位。對於父母來說，這是帶他們離開賽馬會去真正面對跑馬的體驗。對比跑馬地的馬場以及餐廳來說，這邊的位置又寬很大。視野拍照都很漂亮。這是從餐廳角度拍下去。因為始終屬於日場，外面還沒有什麼人。
繼續閱讀
今晚是馬季煞科日。上網登記咗免費入場及可以食四人餐。地點係百姓廳。因我得一個人。只好點二人餐。個環境是落地玻璃窗。觀眾可以看到整個馬場賽道。四週有大銀幕電視機。馬迷可以一邊嘆美食，一邊看賽果。原本我可以點$860餐單。但得我一個人，只點了$430二人餐。個餐包括燒味雙拼 ( 乳豬，叉燒 )。鮑魚燉雞湯、椒鹽鮮魷、菠蘿咕嚕肉、紅棗燉桃膠、柑桔蜂蜜凍糕。燒味雙拼 ( 乳豬，叉燒 )混入白飯，好味。乳豬鮮嫩。叉燒半肥瘦。鮑魚燉雞湯，足料。火喉充足。湯味好濃。好飲。椒鹽鮮魷，肉質結實。鹽比例恰到好處。菠蘿咕嚕肉，微酸帶甜。好味。紅棗燉桃膠。飲得出係用冰糖燉。好飲。柑桔蜂蜜凍糕，入口清新。好美味。紅酒好大杯。好飲。因椒鹽鮮魷及菠蘿咕嚕肉食唔哂。可以打包回家。
繼續閱讀
提前大約2～3星期左右，在網上預約於2023馬季開鑼日在沙田馬場百勝廳食中菜午膳。餐廳內有4排梯級式看台座位，透過落地玻璃飽覽賽道，能全天候的一邊用膳，一邊觀看賽事。由於座位有限，必須早早預約才有機會預訂到看台座位。而且看台座位最多容納4人，多於4人的話只能預訂到一般的圓桌座位。看台座位除了享開揚的賽道景觀外，桌上更設私人電視，不用帶望遠鏡都能緊貼賽果。惟4人坐看台座位是幾擠逼，侍應在我們背後僅能容納一人的窄窄通道經過，即使身形不算龐大，有時都要將座椅往前挪，好讓他們能通過。當日適逢馬季開鑼日主要賽事，4人枱的價錢為HK$1,720，一般普通賽事的賽馬日，4人桌是HK$720，價錢相差一倍有多！今次這個價錢包含白飯及粥品任食，汽水、啤酒及紅白酒均是任飲。套餐內容則包括頭盤小食、一款湯、每位可選一款主菜 (例牌)及甜品。頭盤小食分別為椒鹽魷魚鬚配沙薑豬手及燒味雙拼，我們選了後者的乳豬拼燒鵝。燒味賣相不錯，乳豬皮脆肉嫩，肉又不會太肥。燒鵝是鵝髀位，同樣皮夠脆！肉質幼嫩，富有肉汁，不會太油膩。墊底的蜜味蠔油豆很好吃，鹹中帶點，口感煙煙韌韌！蠔油豆是昔日傳統小食，這也是我第一次嚐啊！是日供應的湯品是羅漢果南北杏日月魚響螺片燉雞湯，日月魚並非魚，而是貝類海味。湯的味道很清甜，響螺片入口軟嫩。這是我第一次吃到又香又新鮮的南北杏，從沒想過南北杏也會如此鮮嫩！可說是比起吃到響螺片更為驚喜！主菜有4道，第一道上的是砂窩無錫鴨。鴨肉微微羶香，啖啖肉，肉質不會太乾柴，味道微甜，適合配飯吃。柚子蜜脆蝦球，脆漿略厚，柚子蜜只得面層那丁點，味道一般。瑤柱扒芙蓉，蒸水蛋的面層加上瑤柱芡汁，蒸水蛋夠滑溜，瑤柱份量充足，用來拌飯吃一流！陳皮蒸沙巴龍躉球，份量不多，大概每人分到兩片。魚已起骨，蒸的熟度恰好，魚肉仍夠嫩！甜品每人三選一，如不吃甜品的話，就全枱都是水果盤。我們這次沒人試芝麻糊，試了另外兩款甜品。蘆薈菊花蜜凍糕，甜度恰好，能嚐到菊花蜜的香甜，內裡的蘆薈清甜爽脆。凍糕口感彈牙，不會太軟身。蓮子百合紅豆沙，紅豆起沙之餘又不失粒粒紅豆口感，味道夠香又不會太甜膩。主菜的質素屬中規中矩，但燒味、湯品以及甜品均令我們滿意啊！人均4百多元，能舒舒服服地於室內慢慢用餐，一邊觀看賽馬賽事，都值得一試的！
繼續閱讀
食物質素正常，不過最特別嘅係景觀同埋可以邊食邊現場睇賽馬嘅體驗。餐廳樓底好高，景觀開揚，配埋落地玻璃同每枱一個私家直播電視，睇馬簡直一流！令人驚艷嘅係佢斜落去嘅看台式座位，令有四排座位都有可以有坐窗邊嘅感覺！仲可以由有馬跑前2小時開始入座到夜晚10點，真係由朝坐到晚！晚市二人餐 $315/每位包二份燒味、老火湯、飯、主菜、糖水、茶芥、飲品（ 汽水/橙汁/指定啤酒）明爐老火湯 👌🏻唔好預好濃味，係清清地嘅味道，但又有啲菜味。感覺冇乜味精，似乎幾健康，都不錯！燒味雙拼 - 叉燒 / 海蜇 👌🏻海蜇冇乜特別，唔太建議叫但亦唔難食嘅。叉燒就幾淋身，都幾好食。翡翠炒沙巴龍躉球 👌🏻係西蘭花炒龍躉魚塊，冇話特別香口，都係酒樓水準但冇話令人驚豔，只係普普通通咁。雪梨扣牛肋條 👌🏻就係雪梨牛腩煲，牛腩都炆得幾冧幾入味。煲中冇雪梨，得菠蘿粒。而牛腩中嘅雪梨味都不太覺得有，只有甜甜地嘅味道，可能係來自菠蘿。但撇開有冇離題嘅概念黎講，個牛腩煲都還好嘅。甜品 - 乳酸凍糕 / 蓮子百合紅豆沙 👍🏻 / 👌🏻乳酪糕味道有啲似韓國忌廉鮮奶Milkis 嘅味道，都幾得意，味道不錯。紅豆沙都係冇乜特別，就係平時酒樓甜品嘅味道，不過都香口嘅~朋友就直情覺得有啲苦，但本人係中意苦味嘅所以唔太覺。飲品 - 啤酒 / 橙汁 👎🏻 / 👌🏻橙汁係冇果肉嘅普通橙汁，正常能想像嘅味道。至於啤酒，送上黎完全冇冰凍感覺，有啲扣分。下次可能要提早係落單時要求。------------------------------下午茶（套餐價 $75）以下套餐配咖啡或茶套餐A : 咖哩豬皮魚蛋、炸雲吞、碎蛋三文治👌🏻/👎🏻咖哩有驚喜，幾濃椰汁味幾香！不過其餘兩樣就麻麻。炸雲吞個雲吞出奇地細粒，得個炸皮大大塊。而三文治個麵包都幾乾下，不太新鮮。套餐B : 生菜鯪魚肉、炸雞髀、炸薯角 👍🏻生菜鯪魚肉係隨湯附上嘅，味道都不錯順便可以飲埋湯！感覺鯪魚肉有混入臘肉，有臘肉香，幾精緻特別！至於雞髀係酥炸雞髀，外皮都幾鬆脆，雞髀肉又嫩滑，幾好食！薯角就係普通想像到嘅味道，正正常常啦！
繼續閱讀